Gratidão a Deus
A gratidão a Deus é atitude que transforma a vida. Reconhecer que toda boa dádiva vem de Deus nos leva a louvar, servir e viver com alegria e propósito.
Tudo vem de Deus
Toda boa dádiva vem do alto. Agradecer a Deus é reconhecer que Ele é a fonte de toda bênção e sustento.
Nia mee huogodoo a God ne hai, le e humalia, deai dahi mee e hudu gi daha ai, maa di maa ne kae i talodalo o tanggee.
Nia mee huogodoo a God ne hai, le e humalia, deai dahi mee e hudu gi daha ai, maa di maa ne kae i talodalo o tanggee. Idimaa, go nnelekai a God mo talodalo danggee, la ne hai nia maa gi humalia gi God.
Au e danggee ang gi Jesus Christ tadau Dagi, dela ne hagamaaloo au i lodo agu hegau. Au e danggee ang gi Mee dela ne hai bolo ma ko au dela e humalia gi di gowaa, gei ne hilihili au belee hai ana hegau.
I mua nia mee huogodoo, au e hagamaaloo adu gi di goe bolo nia hiihai, nia dalodalo, nia dangidangi mo nia danggee la gi wanga ina gi God i digau huogodoo,
Gimaadou e dangidangi bolo goodou gi hai mee gi nia hagadilinga maaloo huogodoo, ala e loomoi i ono mahi madamada, gii mee ai goodou di hai hegau hagamahi i lodo nia haingadaa huogodoo i di hagakono o di manawa mo di tenetene. Danggee gi Tamana i di manawa tene, i Mee dela ne haga honu goodou bolo gii mee di hai mee gi ana mee ala gu dugu anga gi ana dama i lodo tenua maalama.
Haga mau ina goodou gi Mee, gi tomo aga i di ala o dono mouli. Haga maaloo aga ina godou hagadonu, gii hai be di hai dela ne aago adu gi goodou. Gi haga honu ina goodou gi tanggee.
Di noho i di aumaalia mai Christ gi dagia godou hai maanadu, idimaa, God ne gahigahi goodou gi di noho i di aumaalia deenei, gii hai tuaidina e dahi. Gi danggee ang gi Mee.
Louvor e gratidão
Louvai ao Senhor e dai-lhe graças! Ele fez maravilhas e é digno de todo louvor e agradecimento.
Au e danggee gi Dimaadua dela e hai nia mee ala e donu.
Au e daahili e hagaamu Dimaadua, dela koia e Aamua Huoloo.
Heia dau tigidaumaha danggee ang gi God,
mo di wanga gi di Gowaa Aamua au mee huogodoo ala ne hagababa ang gi Mee.
Au ga hagaamu di ingoo o God gi taahili.
Au ga hagadele nia humalia o Maa gi dagu hai danggee gi Mee.
Heia digau huogodoo ala e lloomoi gi di Goe
la gi manawa lamalia mo di tenetene.
Heia digau ala e danggee adu gi di Goe i dau hagamouli,
la gi helehelekai i nia madagoaa huogodoo boloo, "God la koia e aamua!"
Meenei God, gimaadou e hai danggee adu gi di Goe,
gimaadou e danggee adu gi di Goe!
Gimaadou e hagadele di hai o do aamua
mo di hagadele au hegau haga goboina ala ne hai.
Gei gimaadou, ala go au daangada, ala go nia siibi o dau hagabuulinga siibi,
ga danggee adu gi di Goe, gaa hana hua beelaa,
mo di hagaamu Goe i nia madagoaa huogodoo i nia laangi ala gi maalia.
Ulu adu gi lodo di Hale Daumaha mo di daahili i nia daahili danggee.
Ulu adu gi lodo di gowaa di Hale Dabu mo di daahili hagaamu.
Heia godou danggee ang gi Mee mo di hagaamu a Mee.
Goe guu huli dogu manawa gee guu hai au gi gaalege tenetene.
Goe gu daa gi daha dogu manawa gee guu hii au gi di tenetene.
Malaa, au hagalee bolo ga noho hua deemuu,
au ga daahili e hagaamu Goe.
Meenei Dimaadua, Goe la di God ni oogu,
au ga danggee adu gi di Goe ga hana hua deeodi.
Heia nia danggee gi Dimaadua,
haga dele ina ono aamua.
Hagi aga ina gi nia henua nia mee a mee ala ne hai.
Goodou danggee gi Dimaadua,
i Mee e humalia, di aloho o Maa e waalooloo.
Expressões de gratidão
Dar graças com oração e súplica. A gratidão se expressa em palavras, atos e atitudes que glorificam a Deus.
Goodou hudee de nnoomaalia i dahi mee, tangi ang gi God i godou mee ala e hiihai ginai mo di danggee aga i lodo godou manawa,
Danggee i nia mee huogodoo gi God Tamana i di ingoo tadau Dagi go Jesus Christ i nia madagoaa huogodoo.
Gei e dee duudanga bolo goodou e hai hegau gi nia helekai huaidu, helekai dadaagala huaidu, be nia helekai dadaulia. Goodou belee danggee ang gi God.
Gei Mee gaa hai goodou gi maluagina huoloo i nia madagoaa huogodoo, bolo goodou gii mee di wanga gi daha i nia madagoaa huogodoo ga hidi mai digau dogologo ga danggee gi God i godou wanga dehuia ala gaa kae go digaula mai tadau baahi.
Nia mee huogodoo ala ne hai i mau baahi la ne hai i godou baahi, bolo tumaalia o God la gi damanaiee gii dae ang gi digau dogologo, e haga gila ai di hagaamu tumaalia e hai ai di madamada mo tanggee gi God.
Goodou gi danggee ang gi God i nia mee huogodoo, deenei di mee a God e haa manawa ai bolo goodou gi heia i lodo godou mouli buni anga gi Jesus Christ.
ga helekai,
"Dimaadua go di God Aamua Huoloo,
dela i golo, ge nogo i golo!
Gimaadou e danggee adu gi di Goe,
bolo Goe dela guu kae
do mogobuna maaloo,
gei gu daamada guu dagi!
Gei au ga daahili adu gi di Goe
i taahili hagaamu.
Au gaa hai dagu tigidaumaha adu gi di Goe,
ga haga gila aga dagu mee
dela ne hagababa adu gi di Goe.
Meenei Dimaadua,
di hagamouli le e hanimoi i doo baahi!"