Guardar o coração

23 પૂર્ણ ખંતથી તારા હૃદયની સંભાળ રાખ,

કારણ કે તેમાંથી જ જીવનનો ઉદ્દભવ છે.

26 મારા દીકરા, મને તારું હૃદય આપ

અને તારી આંખો મારા માર્ગોને લક્ષમાં રાખે.

જ્ઞાનપ્રાપ્તિની સાધના

1 મારા દીકરા, મારી આજ્ઞાઓ ભૂલી ન જા

અને તારા હૃદયમાં મારા શિક્ષણને સંઘરી રાખજે;

2 કેમ કે તે તને દીર્ઘાયુષ્ય, આવરદાના વર્ષો

અને શાંતિની વૃદ્ધિ આપશે.

45 સારો માણસ પોતાના મનના ભંડારમાંથી સારુ કાઢે છે; ખરાબ માણસ પોતાના મનના ખરાબ ભંડારમાંથી ખરાબ કાઢે છે; કારણ કે મનમાં જે ભરપૂર ભરેલું હોય તે જ મુખથી બોલાય છે.

10 હે ઈશ્વર, મારામાં શુદ્ધ હૃદય ઉત્પન્ન કરો

અને મારા આત્માને નવો અને દ્રઢ કરો.

8 મનમાં જેઓ શુદ્ધ છે તેઓ આશીર્વાદિત છે;

કેમ કે તેઓ ઈશ્વરને જોશે.

23 હે ઈશ્વર, મારી કસોટી કરો અને મારું અંતઃકરણ ઓળખો;

મને પારખો અને મારા વિચારો જાણી લો.

24 જો મારામાં કંઈ દુષ્ટતા હોય, તો તે તમે જોજો

અને મને સનાતન માર્ગમાં ચલાવજો.

2 હે યહોવાહ, મારી કસોટી કરીને મારી પરીક્ષા કરો;

મારા અંત:કરણની તથા મારા હૃદયની શુદ્ધતાની કસોટી કરો!

3 કારણ કે તમારી કૃપા હું નજરે નિહાળું છું

અને હું તમારા સત્ય માર્ગે ચાલતો આવ્યો છું.

3 જો તમે મારા હૃદયને પારખ્યું છે, જો તમે મારી તપાસ રાત્રે રાખી છે,

તમે મને પવિત્ર કરશો અને મારામાં તમને કંઈ દોષ માલૂમ પડશે નહિ; કેમ કે હું નિશ્ચિત છું કે હું મારા મુખે અપરાધ કરીશ નહિ.

4 માણસનાં કૃત્યો વિષે હું બોલું તો તમારાં વચનોની સહાયથી હું જુલમીઓના માર્ગમાંથી દૂર રહ્યો છું.

5 મારાં પગલાં તમારા માર્ગોમાં સ્થિર રહ્યાં છે; મારો પગ લપસી ગયો નથી.

7 હે ઈશ્વર, મારું હૃદય સ્થિર છે, મારું હૃદય સ્થિર છે;

હું ગાયન કરીશ, હા, હું સ્તોત્રો ગાઈશ.

2 આ જગતનું રૂપ તમે ન ધરો; પણ તમારાં મનથી નવીનતાને યોગે તમે પૂર્ણ રીતે પરિવર્તન પામો, જેથી ઈશ્વરની સારી, માન્ય તથા સંપૂર્ણ ઇચ્છા શી છે, તે તમે જાણી શકો.

8 આ નિયમશાસ્ત્ર તારા મુખમાં રાખ. તું રાતદિવસ તેનું મનન કર કે જેથી તેમાં જે બધું લખેલું છે તે તું કાળજીથી પાળી શકે. કારણ કે તો જ તું સમૃદ્ધ અને સફળ થઈશ.

10 મેં મારા ખરા હૃદયથી તમને શોધ્યા છે;

તમારી આજ્ઞાઓથી ચૂકીને મને ભટકવા ન દો.

11 મેં તમારાં વચન કાળજીપૂર્વક મારા હૃદયમાં રાખી મૂક્યાં છે

કે જેથી તમારી વિરુદ્ધ હું ફરી પાપ ન કરું.

5 અને યહોવાહ તારા ઈશ્વર પર તું તારા પૂર્ણ મનથી તથા પૂર્ણ જીવથી તથા પૂર્ણ બળથી પ્રેમ રાખ.

6 આ વચનો જે હું તમને ફરમાવું છું તેને તારા અંત:કરણમાં રાખ.

મૂસાની આખરી સૂચનાઓ

46 ત્યારે તેણે કહ્યું કે, જે સર્વ વચનોની આજે હું તમારી સમક્ષ સાક્ષી પૂરું છું તે પર તમારું ચિત્ત લગાડો; અને તે વિષે તમારાં સંતાનોને આજ્ઞા કરજો કે, આ નિયમનાં સર્વ વચનો તેઓ પાળે તથા અમલમાં મૂકે.

6 કશાની ચિંતા કરો નહિ; પણ સર્વ વિષે પ્રાર્થના તથા વિનંતીઓ વડે આભારરસ્તુતિ સહિત, તમારી અરજો ઈશ્વરને જણાવો. 7 ઈશ્વરની શાંતિ જે સર્વ સમજશક્તિની બહાર છે, તે ખ્રિસ્ત ઈસુમાં તમારાં હૃદયોની તથા મનોની સંભાળ રાખશે.

8 તમે ઈશ્વરની પાસે જાઓ, એટલે તે તમારી પાસે આવશે; ઓ પાપીઓ, તમારાં હાથ શુદ્ધ કરો અને ઓ બે મનવાળાઓ તમે તમારા હૃદય પવિત્ર કરો.

8 તમે પણ, ધીરજ રાખો અને મન દ્રઢ રાખો, કેમ કે પ્રભુનું આગમન હાથવેંતમાં છે.

1 એ માટે જો તમને, ખ્રિસ્તની સાથે સજીવન કરવામાં આવ્યા છે, તો જ્યાં ખ્રિસ્ત, ઈશ્વરને જમણે હાથે બિરાજમાન છે ત્યાંની, એટલે કે ઉપરની બાબતોની શોધ કરો.