Guardar o coração
Guardar o coração é o mandamento mais urgente de Provérbios. Sobre tudo o que se deve guardar, guarda o teu coração, porque dele procedem as fontes da vida.
Sobre tudo, guarda o coração
O coração é a nascente de tudo — pensamentos, desejos, decisões. Guardá-lo é proteger toda a vida espiritual e emocional.
सबले जादा अपन मन के रखवारी कर,
काबरकि तोर हर काम तोर मन ले ही निकलके आथे।
हे मोर बेटा, अपन हिरदय मोला दे
अऊ तोर आंखी ह मोर बताय रसता म लगे रहय,
हे मोर बेटा, मोर सिकछा ला झन भुलाबे,
पर मोर हुकूममन ला अपन हिरदय म रखे रह,
काबरकि अइसने करे ले तोर उमर ह बढ़ही
अऊ तोर जिनगी म सांति आही अऊ तोर उन्नति होही।
बने मनखे ह अपन दिल के बने भंडार ले बने बातमन ला निकालथे, अऊ खराप मनखे ह अपन दिल के खराप भंडार ले खराप बात ला निकालथे। काबरकि जऊन बात ले दिल ह भरे रहिथे, ओहीच ह मुहूं ले निकलथे।
Coração puro e renovado
Cria em mim um coração puro, ó Deus. Os puros de coração verão a Deus — e o Espírito renova nosso interior.
हे परमेसर, मोर म एक सुध हिरदय बना,
अऊ मोर भीतर म नवां किसम ले एक अटल आतमा स्थापित कर।
धइन अंय ओमन, जऊन मन के हिरदय निरमल हवय,
काबरकि ओमन परमेसर के दरसन करहीं।
हे परमेसर, मोला जांचके मोर हिरदय ला जान ले;
मोला परखके मोर उत्सुक बिचारमन ला जान ले।
देख कि कहूं मोर म कोनो खराप चाल तो नइं ए,
अऊ अनंत के रसता म मोर अगुवई कर।
हे यहोवा, मोला परख अऊ मोला जांच,
मोर हिरदय अऊ मोर मन ला जांच ले;
काबरकि तोर अटूट मया के खियाल मोर मन म हमेसा रहिथे
अऊ मेंह तोर बिसवासयोग्यता के भरोसा म जीयत हंव।
हालाकि तेंह मोर मन ला जांचथस,
हालाकि रथिया तेंह मोला परखथस अऊ मोला जांचथस,
तभो ले तेंह पाबे कि मेंह कोनो दुस्टता के योजना नइं बनाय हंव;
मोर मुहूं ह कोनो पाप नइं करे हवय।
हालाकि मनखेमन मोला घूस देय के कोसिस करिन,
पर तोर दिये गय हुकूम के जरिये
मेंह अपनआप ला गलत काम ले दूरिहा रखे हंव।
मोर पांव ह तोर रसता ला धरे हवय;
मोर गोड़ ह नइं लड़खड़ाय हवय।
हे परमेसर, मोर मन ह अटल हवय,
मोर मन ह अटल हवय;
मेंह गाहूं अऊ बाजा बजाहूं।
Guardar com a Palavra
Não vos conformeis com este mundo. A Palavra de Deus guardada no coração nos protege do pecado e nos direciona.
तुमन ये संसार के मनखेमन सहीं झन बनव, पर तुमन के मन ह नवां हो जाय के कारन, तुम्हर चालचलन घलो बदल जावय। तब तुमन परमेसर के ओ ईछा ला परखके जान सकहू जऊन ह बने, मनभावन अऊ सिद्ध अय।
परमेसर के कानून के ये किताब ला अपन चित ले कभू झन उतरन देबे; ये किताब म दिन अऊ रथिया धियान करत रहिबे, ताकि तेंह ये किताब म लिखाय हर बात ला माने म सचेत रह। तब तेंह सम्पन्न अऊ सफल होबे।
मेंह अपन पूरा मन से तोर खोज म रहिथंव,
मोला तोर हुकूममन ले भटकन झन दे।
मेंह तोर बचन ला अपन हिरदय म रखे हंव
ताकि मेंह तोर बिरूध पाप झन करंव।
यहोवा अपन परमेसर ले अपन पूरा हिरदय अऊ अपन पूरा परान अऊ अपन पूरा सक्ति ले मया करव। ये हुकूम, जेमन ला आज मेंह तुमन ला देवत हंव, येमन तुम्हर हिरदय म रहंय।
त ओह ओमन ला कहिस, "जऊन बचन मेंह आज तुमन ला गंभीरता से सुनाय हंव, ओ जम्मो ला अपन मन म रख लव, ताकि तुमन अपन लइकामन ला हुकूम दे सकव कि ओमन धियान देके ये कानून के जम्मो बचन के पालन करंय।
Vigilância e paz
A paz de Deus guarda nossos corações em Cristo Jesus. Chegai-vos a Deus, purificai os corações — e Ele estará convosco.
कोनो बात के फिकर झन करव, पर हर एक बात म, पराथना अऊ निबेदन के दुवारा, धनबाद के संग तुमन अपन बिनती ला परमेसर के आघू म रखव। तब परमेसर के सांति, जऊन ह मनखे के समझ के बाहिर अय, तुम्हर हिरदय अऊ मन के रखवारी मसीह यीसू म करही।
परमेसर के लकठा म आवव, त ओह घलो तुम्हर लकठा म आही। हे पापी मनखेमन, अपन हांथ ला धोवव, अऊ हे ढोंगी मनखेमन, अपन हिरदय ला सुध करव।
तुमन घलो धीरज धरव, अऊ अपन हिरदय ला मजबूत करव, काबरकि परभू के अवई लकठा म हवय।
जब तुमन मसीह के संग जियाय गे हवव, त अपन मन ला ऊपर, स्वरगीय बातमन म लगावव, जिहां मसीह ह परमेसर के जेवनी हांथ कोति बईठे हवय।