23 అన్నిటికి మించి, నీ హృదయాన్ని కాపాడుకో,

ఎందుకంటే నీ హృదయంలోనుండి జీవన వనరులు ప్రవహిస్తాయి.

26 నా కుమారుడా, నీ హృదయాన్ని నాకివ్వు

నీ కళ్లు నా మార్గాలను అనుసరించుట యందు ఆనందించును గాక,

1 నా కుమారుడా, నా ఉపదేశాన్ని మరచిపోవద్దు,

నా ఆజ్ఞలను నీ హృదయంలో భద్రపరచుకో,

2 అవి నీ జీవితకాలాన్ని అనేక సంవత్సరాలు పొడిగిస్తాయి,

నీకు సమాధానాన్ని వృద్ధిని కలిగిస్తాయి.

45 మంచివారు తమ మంచి హృదయ ధననిధిలో నుండి మంచివాటినే బయటకు తీస్తారు, అలాగే చెడ్డవారు తమ హృదయ నిధిలో నుండి చెడ్డవాటినే బయటకు తీస్తారు. ఎందుకంటే, హృదయం దేనితో నిండి ఉందో దానినే నోరు మాట్లాడుతుంది.

10 ఓ దేవా, నాలో శుద్ధహృదయాన్ని సృష్టించండి,

నాలో స్థిరమైన ఆత్మను నూతనంగా పుట్టించండి.

8 హృదయశుధ్ధి కలవారు ధన్యులు,

వారు దేవుని చూస్తారు.

23 దేవా, నన్ను పరిశోధించి నా హృదయాన్ని తెలుసుకోండి;

నన్ను పరీక్షించి నా ఆలోచనలను తెలుసుకోండి.

24 చెడుమార్గమేదైనా నాలో ఉన్నదేమో చూడండి,

నిత్యమైన మార్గంలో నన్ను నడిపించండి.* ఫుట్‌నోట్ చూడండి

2 యెహోవా, నన్ను పరిశీలించండి, నన్ను పరీక్షించండి,

నా హృదయాన్ని నా మనస్సును పరీక్షించండి;

3 నేను నిరంతరం మీ మారని ప్రేమను జ్ఞాపకముంచుకుంటాను

మీ సత్యానికి అనుగుణంగా నడుచుకుంటాను.

3 మీరు నా హృదయాన్ని పరిశీలించినప్పటికి,

రాత్రివేళ మీరు నన్ను పరిశీలించి పరీక్షించినప్పటికీ,

నాలో ఏ చెడు ఉద్దేశం మీకు కనబడలేదు;

నా నోరు అతిక్రమించి మాట్లాడలేదు.

4 మనుష్యులు నాకు లంచం ఇవ్వాలని ప్రయత్నించినా,

మీ పెదవులు ఆజ్ఞాపించిన దానిని బట్టి

నేను హింసాత్మక మార్గాలకు దూరంగా ఉన్నాను.

5 నా అడుగులు మీ మార్గాల్లో నిలిచి ఉన్నాయి;

నా పాదాలు తడబడలేదు.

7 ఓ దేవా, నా హృదయం స్థిరంగా ఉంది,

నా హృదయం స్థిరంగా ఉంది;

నేను పాడతాను సంగీతం వాయిస్తాను,

2 ఈ లోకపు తీరును అనుసరించవద్దు కాని మీ మనస్సును నూతనపరచుకోవడం ద్వారా మార్పు చెందండి. అప్పుడు మీరు మంచిదైన, సంతోషకరమైన పరిపూర్ణమైన దేవుని చిత్తమేదో పరీక్షించి తెలుసుకోగలరు.

8 ఈ ధర్మశాస్త్ర గ్రంథం ఎప్పుడు నీ పెదాల మీద ఉండాలి; పగలు రాత్రి దానిని ధ్యానించాలి, తద్వార నీవు దానిలో వ్రాయబడి ఉన్న ప్రతిదీ శ్రద్ధగా చేయగలవు. అప్పుడు నీవు విజయవంతంగా వర్ధిల్లుతావు.

10 నేను నా హృదయమంతటితో మిమ్మల్ని వెదకుతున్నాను;

మీ ఆజ్ఞల నుండి నన్ను తొలగిపోనివ్వకండి.

11 నేను మీకు విరోధంగా పాపం చేయకూడదని

మీ వాక్యాన్ని నా హృదయంలో దాచుకున్నాను.

5 మీ పూర్ణహృదయంతో, మీ పూర్ణాత్మతో, మీ పూర్ణబలంతో మీ దేవుడైన యెహోవాను ప్రేమించాలి. 6 ఈ రోజు నేను మీకు ఇస్తున్న ఈ ఆజ్ఞలు మీ హృదయాల్లో నిలిచి ఉండాలి.

46 వారితో, "ఈ ధర్మశాస్త్రంలోని మాటలన్నిటిని జాగ్రత్తగా పాటించమని మీ పిల్లలకు ఆజ్ఞాపించేలా, ఈ రోజు నేను మీకు హెచ్చరికగా ప్రకటించిన మాటలన్నిటిని జ్ఞాపకముంచుకోండి.

6 దేన్ని గురించి వేదన పడకండి, కాని ప్రతి విషయంలో ప్రార్థనావిజ్ఞాపనల చేత కృతజ్ఞతా పూర్వకంగా మీ విన్నపాలను దేవునికి తెలియజేయండి. 7 అప్పుడు సమస్త జ్ఞానానికి మించిన దేవుని సమాధానం యేసు క్రీస్తు వలన మీ హృదయాలను మీ తలంపులను కాపాడుతుంది.

8 దేవునికి దగ్గరగా రండి అప్పుడు ఆయన మీకు దగ్గరగా వస్తారు. పాపులారా, మీ చేతులను కడుక్కోండి. రెండు మనస్సులు కలవారలారా, మీ హృదయాలను శుద్ధి చేసుకోండి.

8 మీరు కూడా ఓపిక కలిగి ఉండండి. ప్రభువు రాకడ దగ్గరలో ఉన్నది కాబట్టి మీ హృదయాలను బలపరచుకోండి.

1 మీరు క్రీస్తుతో కూడా లేపబడిన వారు కాబట్టి, పైనున్న వాటిపై మీ హృదయాలను ఉంచండి, అక్కడ క్రీస్తు దేవుని కుడి వైపున కూర్చుని ఉన్నారు.