Homem de Deus

Ang mga Pahimangno

11 Apan ikaw, isip alagad sa Dios, likayi kanang mga butanga. Paningkamoti ang pagkinabuhi nga matarong ug diosnon. Tun-i ang husto nga pagtuo ug paghigugma. Magmainantuson ka ug magmalumo ngadto sa imong isigka-tawo.

12 Ayaw pasagdi nga tamayon ka tungod sa imong pagkabatan-on, hinuon paningkamoti nga mahimo kang panig-ingnan sa mga tumutuo: sa pagsulti, sa pamatasan, sa paghigugma, sa pagtuo, ug sa hinlo nga pagkinabuhi.

13 Pagbantay kamo kanunay ug barogi ang inyong pagtuo. Pagmaisogon ug pagmalig-on, 14 ug bisan unsa ang inyong buhaton, buhata ninyo kini nga adunay paghigugma.

8 Gitudloan na kita sa Ginoo kon unsa ang maayo.

Ug mao kini ang iyang gusto nga ipatuman kanato:

Himuon nato kon unsa ang matarong,

palabihon nato ang pagkamaluloy-on ngadto sa uban,

ug mapainubsanon kitang mosunod sa Dios.Ginoo

Si Noe ug ang Lunop

9 Mao kini ang sugilanon mahitungod sa pamilya ni Noe.

Si Noe diosnon nga tawo. Siya lang ang nagkinabuhi nga matarong ug walay sala sa iyang henerasyon, ug suod ang iyang relasyon sa Dios.

Ang Matarong nga Kinabuhi ni Job

1 Adunay usa ka tawo nga ginganlag Job, nga nagpuyo sa yuta sa Uz. Matarong ug walay ikasaway sa iyang kinabuhi. Nagtahod siya sa Dios ug naglikay sa paghimo ug daotan.

6 Karon, adunay tawo nga gipadala sa Dios. Ang iyang ngalan mao si Juan. 7 Gipadala siya aron sa pagpamatuod kon kinsa ang suga, aron pinaagi sa iyang pagsugilon makatuo ang tanang katawhan.

24 Ang tawo nga adunay panabot naningkamot kanunay

nga madugangan ang kaalam,

apan ang tawong buang-buang wala kahibalo

kon unsay iyang buhaton.

12 Apan si bisan kinsa nga midawat kaniya, nga mituo kaniya, gihatagan niya ug katungod nga mahimong anak sa Dios. 13 Nahimo silang anak sa Dios dili pinaagi sa lawasnon nga pagkatawo o kaha sa kabubut-on sa tawo, kondili pinaagi sa kabubut-on sa Dios.

31 Nahibalo kita nga dili tubagon sa Dios ang mga makasasala. Apan tubagon niya ang mga tawo nga nagtahod kaniya ug nagtuman sa iyang kabubut-on.

9 Unsay buhaton sa usa ka batan-on

aron mahimong putli ang iyang kinabuhi?

Ang iyang himuon mao ang pagsunod sa imong pulong.

10 Modangop ako kanimo sa tibuok kong kasing-kasing,

busa ayaw itugot nga talikdan ko ang imong mga sugo.

11 Tipigan ko ang imong mga pulong sulod sa akong kasing-kasing

aron dili ako makasala kanimo.

12 Dalaygon ikaw, Ginoo!

Tudloi ako sa imong mga tulomanon.

13 Balik-balikon ko paglitok ang tanang mga sugo nga imong gihatag.

14 Kalipay ko ang pagsunod sa imong mga sugo,

labaw pa kaysa pag-angkon ug bahandi.

15 Namalandong ako sa imong mga tulomanon

ug tun-an ko pag-ayo ang imong mga katudloanan.

16 Nalipay ako sa imong mga tulomanon

ug dili ko kalimtan ang imong pulong.

ג Gimel

1 Bulahan ang tawo nga wala nagkinabuhi

sumala sa tambag sa mga daotang tawo,

wala nagsunod sa ginabuhat sa mga makasasala,

ug wala nakig-uban sa mga bugal-bugalon.

2 Kondili, nalipay siya sa pagsunod

sa mga katudloanan nga gikan sa Ginoo,

ug nagpamalandong siya niini adlaw ug gabii.

3 Sama siya sa kahoy nga gitanom sa daplin sa sapa,

nga mamunga sa panahon sa tingbunga,

ug dili malaya ang mga dahon.

Ug ang tanan niyang buhaton magmalampuson.

4 Apan dili ingon niana ang mga tawong daotan;

sama sila sa tahop nga paliron lang sa hangin.

5 Busa sa adlaw sa paghukom, silotan sila sa Dios,

ug dili sila iipon sa mga matarong.

6 Kay ginagiyahan sa Ginoo ang pagkinabuhi

sa mga matarong,

apan ang pagkinabuhi sa mga daotan maghatod kanila

ngadto sa kalaglagan.

22 Busa biyai na ninyo ang inyong daan nga kinaiya kay kini iya sa daan ninyo nga kinabuhi. Kining daan nga kinaiya mao ang galaglag kaninyo pinaagi sa daotan nga mga tinguha nga naglimbong kaninyo. 23 Bag-oha ninyo ang inyong kasing-kasing ug huna-huna. 24 Ipakita ninyo nga gibag-o na kamo sa Dios ug gihatagan sa kinabuhi nga sama kaniya, ang tinuod nga kinabuhi nga matarong ug balaan.