Homem de Deus
O homem de Deus é aquele que busca a justiça, a piedade, a fé e o amor. A Bíblia apresenta modelos de homens íntegros que andaram com Deus e marcaram a história.
Características do homem de Deus
O homem de Deus foge das paixões e segue a justiça, a piedade, a fé, o amor, a perseverança e a mansidão.
Wuribu buiti le lani afiñeni
Ánheinti buguya, Timotéu, keisi aban luwügüriñe Bungiu, anurahabá luéi burí katei le. Barüba aban ibagari le suruti, le lánina gúnfuli luma Bungiu, afiñeni, ínsiñeni, gaguraasuni luma areiduni.
Mígiraba lun banügǘniwa kei ni kata luéigiñe nibureingidibu lan; lubaragiñe lira, lunti aban ban hénpulu buiti houn ha afiñebaña, lidan ligaburi badimurehan luma bóuserun, lidan ínsiñehabuni, lidan bafiñen, luma lidan laruman bibagari.
Lagumuhóun burí mábuigaü
Agagudúañumeme humá, deregüdagu lidan hafiñen. Agaburida humá kei wügüriña ha awanserubaña lidan inarüni; here hugíame. Sun katei le hadügübei, adüga huméi lau ínsiñehabuni.
Arufuda laali Bungiu le buídubei bun,
luma ka lan lamuriahabei búmagiñe:
Lun badügün irichaü, lun gudemehabu ban
luma lun manaagun ban bungua ligibugiñe Bungiu.
Exemplos bíblicos
Noé era justo e íntegro entre seus contemporâneos. Jó era homem reto que temia a Deus e se desviava do mal.
Ugunei to ladügüboun Noé
Anihán asusereduti luáguti Noé. Aban buga wügüri buiti Noé, súnwandan ladügüni le lubeibei Bungiu. Lidan buga lidaani, ligíarügüñein abagarida lau lugundan Bungiu.
Lígiruni Bungiu Hobu lun lábürühan lidoun gudemei
Ñeinñein meha aban wügüri aganóuti lóubawagu Usu, gíriti Hobu. Hobu ligía, suruti meha labagaridun ligibugiñe Bungiu, seriwiti lun Bungiu lau úarani ani hóuchati súnwandan lun madügün lan wuribani ni ka un.
Ñeinñein meha aban wügüri lóunahan Bungiu, gíriti Huan, le ñǘbuinbei lun líchugun fe luagu larugounga, lun gayaraabei lan hafiñerun sun gürigia lídangiñe.
Lichú aau, ligía háluahabei ha huálibaña ichügü,
ánhañati ha ibidiouguabaña aau,
úati aban katei buiti háluahan.
Viver como filho de Deus
Quem faz a vontade de Deus é eleito. Medite na Palavra e ande nos caminhos do Senhor como verdadeiro discípulo.
Ánheinti houn ha eresibirubalin, afiñe hagía luagu; ru lumuti ubafu houn lun lirahüñübaña lan Bungiu. Lirahüñü Bungiu hagía, mama luagu águrahoua hamá kei furumiñeguarügü gürigia o lau lan lugundan aban wügüri, lirahüñü habéi Bungiu ladüga ladügüniña lirahüñüme.
Subuditi woun luagu maganbun lániña Bungiu gafigountiña; hárügüñanu áhuduragubaña lun hama ha adügübalin lugundan, laganba.
Ida lubagia gayara lan labagaridun nibureinti
aban ibagari harumati?
Lau lagunfulirun lau bererun!
Áluaha numutibu tau sun nanigi,
mígiraba lun nadireirun luéi bugumadin.
Areida naali bererun tidan nanigi
lun mafigounhan nan bigibugiñe.
Alawahóuatibu Aburemei!
Arufudahabei bilurudun nun!
Abahüdagua numuti sun lúrudu le bíchugubei
lau umalali héreti.
Nagundaaruba lidan lémeri bugumadin,
sügǘ lau lidan sun irisini.
Nasaminaruba luagu bugumadin,
teni aume lun bémeri.
Nagundaaruba lau bilurudun,
mabulieidagunbadina luéi bererun.
Guímel
Ugundani le tímatimaati
Fuleseiwatiña gürigia ha mafalarunbalin hererun ha salufuribaña,
méibugun hagía lidan hémeri ha gafigounbaña,
múaradun hagía hama ha adügübaña bula lau Bungiu.
Lubaragiñe lira, lídanñein lilurudun Aburemei hínsiñehabu,
luagu lúrudu ligía hasaminara, áriebu wéyuagu.
Gürigia hagía ítara haña
kei tídibu wewe le abunúti laru duna,
le íchuguti lin lidan lidaani,
ani másaürati giñe lubana.
Buíduti lidin houn lidan sun le hadügübei!
Ánhaña wuribatiña, mítaranti lidin houn;
ítara haña kei sagadi sáühali le lanügübei garabali.
Ligía hábürühaba lubéi wuribatiña lidan laguseragüdün Bungiu;
mafanran hagíame lidan le lunbei habihini ha buídubaña.
Góunigi lumuti Bungiu hémeri buítiña;
ánhañati wuribatiña, lidoun féridi lanügaña hémeri.
Ánheinti luagu binadu ligaburi habagaridun, lunti hígiruni, le mabuidunhalibei ladüga hayumahan le geyeeraguadibei; iserigua humá lidan hani sífiri luma lidan hisaminan, daügua humá lau iseri igaburi, igaburi le ladügübei Bungiu kei ligaburi guánarügü, lidan irichaü le tímatimaati luma arumani.