26 फेर भगवान कथै, मै मनसे के अपन जसना बनाहुं, अउ ऊ समुन्दर के मछडी, अउ आकास कर चिरइया, अउ रखै बाले पसु, अउ सगलू भुंइ हे अउ सगलू रेंगै बाले जीव हे जउन भुंइ हे रेंगथै, उनखर उप्पर हक होय✝ 27 तब भगवान मनसे के अपन जसना रचिस। अउ ऊ उनही अपन जसना डउका डउकी करके बनाइस।✝

8 तब आदम अउ हब्बा सांझ के टेम हे भगवान के चलै के आरो सुनथै, ऊ बगिया के रुखवन के बीच हे लुक गइन।

12 अक्ठी मनसे के कारन हइ दुनिया हे पाप परबेस करिस अउ पाप के दवारा मिरतू अउ मिरतू सगलू मनसेन हे समाय गइस, काखे सगलू मनसे पाप करिन।

45 पवितर किताब हे लिखवरे हबै, कि "पहिले मनसे आदम अक्ठी जिन्दा मनसे हुइस।" आखरी हे आदम तो अक्ठी जीवन देय बाले आतमा बन गइस। 46 जउन पहिले हबै, ऊ आतमिक नेहको, बलुक सरीरिक हबै। एखर बाद आतमिक आथै। 47 पहिले मनसे माटी लग बने हबै अउ भुंइ के हबै, दूसर मनसे स्वरग के हबै। 48 माटी के बने हर मनसे जसना रथै, उहैमेर माटी के बने हर मनसे हबै अउ स्वरगी मनसे जसना हबै, ओसनेन उहो हबै जउन स्वरग के हबै। 49 जउन मेर हम माटी के बने हर मनसे के छाप हबै, उहैमेर हम स्वरगी मनसे के सकल धारन करब।

6 मूसा कर किताब हे कउ हइ गवाही देथै,

"मनसे काहिन हबै, जउन तै ओखर सुधि लेथस?

या मनसे कर टोरवा काहिन हबै कि तय ओखर चिन्ता करथस?

22 अपन पुरान चाल चलन के जीवन के छांड दा जउन भरमामै बाले अउ अभिलासा धोखा के चाहत लग बिगडत हबै। 23 अउ अपन मन के आतमा के आदत हे नबा बनत जा, 24 अउ नबा जीवन के पहिन लेया जउन भगवान के रूप हे सही के नियाइपन अउ पवितरता हे बनाय गय हबा✝।

15 जउन यहूदी किताब के नियम गैर यहूदी के यहूदी लग अलगे करके रखे रथै, ओही यीसु अपन मिरतू लग खतम के दइस, हइ दोनोन के बीच हे मिलाप करके अपन हे अक्ठी नबा मनसे बनाइस।

11 पय हे भगवान के मनसे, तै इन बातन ले भाग अउ धरमी, भक्ति, बिस्वास, माया, धीरज अउ नम्रता के पाछू के।

11 जब मै लरका रहों, ता लरकन मेर बोलत रहों, लरकन के मेर सोचत बिचारत रहों, लरकन के मेर समझत रहों, पय जब सियान हुइ गयों ता बचपनी बात के छांड दयों।

7 असना मनसे हइ झइ समझै कि मोके परभु लग कुछु मिलही, 8 असना मनसे सक्की मन के बजय लग अपन सगलू आदत हे स्थिर नेहको हबै।

1 कउनो डोकरा के झइ गधार, पय उके दादा जानके समझाय दे, अउ जबानन के भाई जानके✝,