12 Kǝthlǝm ndaˈan, kǝɗ ǝnɗi yimndǝ ɓǝɓifata kǝ hur heshi tǝmɗi nef arta, ɓǝɓifat paɗ ɓechan tǝmɗi mǝrta. Nakanya nat nafcha chǝndǝ ɓǝɓifata, kǝthlǝm ndaˈan, mǝrta chokkan kǝ ˈYi chika wuni.

45 Kǝɗu natǝn kǝ yaraɗan, "Farta tǝntǝ Adamu thla fǝrandǝ fee shishingnda tǝrkwathl kanan." Chapatǝ Adamu paɗ, mǝ thlan nech kǝ Shemeta thla thlǝ fǝranchǝ nafchǝ shishingnda. 46 Ngga fata yi Shemeta nech kǝ tǝrkwathl kanan wa, paɗ fata yi nafkǝta lech natsi, kǝn yi Shemeta. 47 Tǝrkwathl kan nefa tǝ taptǝ haaha chǝt fee ndi. Chapatǝ nef paɗ thlaˈtǝ hulafǝrta ɓatǝn. 48 Kǝɗ ǝnɗi naa nafɗa kǝ taptǝ haaha, kǝɗu nafchiɗi nech kǝ yi tapta, nechandǝ kǝɗ mǝthlan. Keɗ ǝnɗi naa nafɗa kǝ yi hulafǝrta, kǝɗu naa nafchiɗi nech kǝ yi hulafǝrta nechandǝ choktǝ kǝɗ mǝthlan. 49 Kǝɗ ǝnɗi tǝr tǝmǝn fata yi nafɗi tǝndǝ fee tǝ tapta, kǝɗu paɗ natmǝn tǝr fati nef ini thla nech hulafǝrta.

22 Ənɗi chaˈowundǝfee har ndat wa, mǝkaman ɗohtǝ ǝna chitˈyowun kaɗi paɗ kǝ parowun chit fata wa ndu lǝmndǝ paɗ wa.✝ 23 Tǝ kǝɗu, malaman Shemeti Farta kǝn parata tǝ wunchi tǝmɗi mbǝɗa ndǝ kaɗechˈyowun ha tǝ ǝna chitˈyowun. 24 Mǝkkowun yuwa chita, thla nech kǝ yi thla tahǝs tǝ Farta, thla nech ɗǝt tǝ wunchǝ kǝ kaakǝta tǝ chiɗ chiɗ kǝta.

15 Chichan ǝnɗa tǝmɗi tǝrandǝ kusiˈ i Musa kaɗi tǝ ɓuˈchiyan paɗ tǝ ndikchiyan tǝmɗi fǝr fatˈyan. Chichan kǝɗu kǝthlǝm kǝ tǝntǝ yuwa kwathla thlaˈtǝ ǝ kwathlchiɗi chap ya. Tǝ kǝɗu paɗ ɓatǝn tǝ kǝɓi kaɗi pǝthlǝr nanda.

11 Fartǝɗi nati kǝ waa, thlǝ ndikchi kǝɗ waa, thlǝ kaɗǝchi kǝɗ waa, thlǝ nechi icha tǝ wenitǝ wankǝta. Kǝ manki kaɗ paɗ, malanki tar wankǝta.