26 ತೆಳಾಮಾ ಕ್ಹುದಾ, ಅಪ್ನಾ ಸ್ವರುಪಮಾ ತ್ಯುನಾ ಹೊಲಿಕೆ ಥಯಲ ಮನಕ್ಹೊನೆ ಕರಿಯೆ ಕೈಲಿನ. ತ್ಯುನೆ ಸಮುಂದರಮ್ಮಾ ರ‍್ಹಯಲ ಮಚ಼ಲಿಯೊಪರ ಹಬಾಳಮ್ಮಾ ಉಡಾನಾ ಪಕ್ಷಿಯೊಪರ ಜಾನವರೊಪರ ಜಿಮಿನಪರ ಚ಼ಾಲಾನಾ ಜಿವಜ಼ಂತುಪರ ಕ್ಹಾರಾ ಜಿಮಿನಪರ ಅದಿಕಾರ ಕರಾದೆ".

27 ಅಮ್ಮ ಕ್ಹುದಾ ಮನಕ್ಹನೆ ತಿನಾ ಸ್ವರುಪಮಾ ಸೃಷ್ಟಿ ಕರ‍್ಯೊ; ವರಿ ತಿನಾ ಸ್ವರುಪಮಾ ತ್ಯುನೊನೆ ದಾಣಗೊ ಬಾಕಡಿ ಕೈನ ಸೃಷ್ಟಿ ಕರ‍್ಯೊ.

8 ತೆ ದಿನ್ನೆ ಯಹೊವಾ ಕ್ಹುದಾ ಕ್ಹಾಂಜ಼ನಿ ತಂಪ ವಾರಾಮಾ, ಮಳಾಮಾ ಪ್ಹರ್ತಾಮಾ ತೆ ದಾಣಗೊ ವರಿ ಬಾಕ್ಡಿ ತಿನೊ ಅವಾಜ಼ ಐಕಿನ ತಿನೆ ದಿಕ್ಹು ನೈ ಕೈನ ಮಳಾಮಾ ರ‍್ಹಯಲ ಝಾಡೊನಾ ವಚ್ಮಾ ದಡಿ ರ‍್ಹಯಾ.

12 ಯಕ್ಕ ಮನಕ್ಹ ಆದಾಮ ಕರಲ ಕಾಮೊಕ್ಹು ಪಾಪ ಕ್ಹಾರಿ ಜಗತ್ನೆಜ಼ ಐಯು. ತಿನಾಹುತಿ ತೆ ಪಾಪಜ಼ ಮರಣ ಕವಾನು ಐಯು. ತಿನಾಹುತಿ ಕ್ಹಾರಾ ಮನಕ್ಹೊ ಮರುಜ಼; ಕಾಕದ್ಯಾಮ ಕ್ಹಾರಾ ಮನಕ್ಹೊ ಪಾಪ ಕರ‍್ಯಾಸ.

45 "ಪಸ್ಟ ಮನಕ್ಹ ಥಯಲ ಆದಾಮ ಜ಼ಲಮ ಲಿದಲ ಮನಕ್ಹ ವ್ಹೈ "ಕವಾನು ಪವಿತ್ರ ಗ್ರಂಥಮಾ ಬರ್ದಲ ಛೆತೊ. ಲಾಸ್ಟನೊ ಆದಾಮ ತುಬಿ ಜ಼ಲಮ ದಿವಾಲೊ ಆತ್ಮಾ ಥಯೊ. 46 ಆತ್ಮಿಕ ರ‍್ಹಯಲ ಪೈಲಾ ಆಯಲ ನ್ಹವ್ಹೈ, ಪ್ರಾಕೃತ ರ‍್ಹಯಲ ಪೈಲಾ ವ್ಹೈ; ಪಾಚಾ಼ತು ಆತ್ಮಿಕ ರ‍್ಹಯಲ ವ್ಹೈ. 47 ಪೈಲಾ ಮನಕ್ಹ ಮಾತಿಕ್ಹು ಕರಲ ವ್ಹೈ; ಜಿಮಿನನೆ ಮಳಲವಾಲೊ ವ್ಹೈ, ಬೆವಾ ಮನಕ್ಹ ಸ್ವರ್ಗತೊ ಆಯಲವಾಲೊ ವ್ಹೈ. 48 ಮಾತಿಕ್ಹು ಹುಟ್ಟಲವಾಲೊ ಕ್ಯವೊ ಛೆ ಮಾತಿನೆ ಸಂಬಂಧ ರ‍್ಹಯಲವಾಲಾ ತ್ಯವಾಜ಼ ಥಾವಸ; ಸ್ವರ್ಗತೊ ಆಯಲವಾಲೊ ಕ್ಯವೊ ಛೆ ಸ್ವರ್ಗನಾ ವ್ಹೈ. 49 ಅಪೆ ಮಾತಿಕ್ಹು ಹುಟ್ಟಲವಾಲಾನಾ ರುಪ ಲಿದಲ ಪ್ರಕಾರ ಸ್ವರ್ಗತೊ ಆಯಲವಾಲಾನಾ ರುಪ ಲ್ಯು.

6 ಎ ಪವಿತ್ರ ಗ್ರಂಥನಾ ಯಕ್ಕ ಭಾಗಮಾ - ಕ್ಹುದಾ,

ತು ಮನಕ್ಹೊನೆ ಕಾ ಶೆಂ ಕರು?

ತು ಮನಕ್ಹೊನಾ ಹುತಿ ಕಾ ಚಿಂತಾ ಕರು? ತೆ ತೆಕ್ಲು ಖಾಸ ವ್ಹೈ ಸು?

22 ತುಮೆ ತುಮಾರಾ ಪಾಚ಼ಲ್ಯಾ ಕೆಟ್ಟ ಕಾಮೊ ಛೊಡು ಕವಾನು ಕದ್ಯಾಮ ತುಮಾರಿ ಜು಼ನ್ನಿ ಚಾಳಿಯೊ ಛೊಡಿ ಪಾಡು ಕೈನ ಶಿಕ್ಯಾ. ಮನಕ್ಹೊ ತ್ಯುನೆ ಕರು ಕೈನ ಆಸ ಕರಾನಾ ಕೆಟ್ಟ ಕಾಮೊಕ್ಹು ಜುಡಿನ ರ‍್ಹಯಲಕ್ಹು ತೆ ಜು಼ನ್ನಿ ಚಾಳಿಯೊ ದಿನ್ನತಾ ದಿನ್ನೆ ಹಜು಼ನ ಕೆಟ್ಟ ಥಾವಸ. 23 ತೆನೈಸೊ ಅಂತರಂಗಮಾ ನವಾ ಥೈನ ನವಾ ಚಾಳಿಯೊ ವ್ಹಂದಿಲಿವಾ ನಿಂಗತ ತುಮೆ ಶಿಕ್ಯಾಸ. 24 ತೆ ಚಾಳಿಯೊ ಕ್ಹುದಾನಿ ಹೊಲಿಕೆನಾ ಪ್ರಕಾರ ಕ್ಹರಿನಿ ನಿತಿ ರ‍್ಹಯಲ ಪರಿಶುದ್ಧ ರ‍್ಹೈನ ಭಾಂದಲ ಛೆ.

15 ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.

11 ತೆನೈಸೊ ತು ಕ್ಹುದಾನೊ ಮನಕ್ಹ ವ್ಹೈ. ತಿನಾಹುತಿ ಎ ಕ್ಹಾರಾ ಸಂಗತಿಯೊಕ್ಹು ದುರ ರ‍್ಹೆ. ತೆನೈಸೊ ನಿತಿವಂತ, ಭಕ್ತಿನಿ ಸೆವಾ ಬರೊಕ್ಹೊ ಸಮಾಧಾನ ಧೈರ್ಯ ಮಯಾ, ತಾಳ್ಮೆ, ಉದಾರ ಮನಸನೊ ಥೈನ ರ‍್ಹೆ.

11 ಮಿ ನ್ಹಾನೊ ರ‍್ಹತಾಮಾ ನ್ಹಾನಾವೊ ನಿಂಗತ ಬೊಲ್ಯೊ, ವಿಚಾರ ಕರ‍್ಯೊ, ಯೊಜನೆ ಕರ‍್ಯೊ. ತೆನೈಸೊ ಮಿ ಜಾಂಜಿಮಾನ ಥಯಲ ಪರ ನ್ಹಾನಾವೊನಾ ನಿಂಗತ ರ‍್ಹವಾನು ಛೊಡಿ ಪಾಡ್ಯೊ.

7 ಅಮ್ಮ ಸಂಶೊ ಕರಾಲೊ ತೆ ಕರ್ತಾಕನ ಮಾಂಗಿಲಿದಲ ಮಳಸ ಕೈನ ವಿಚಾರ ಕರ‍್ಯಾ ಬಗರ ರ‍್ಹವಾದೆ. 8 ಕಾಕದ್ಯಾಮ ತೆ ಬೆ ಮನಸವಾಲೊ ವ್ಹೈ, ಯಕ್ಕ ಜ಼ಗಾ ಹುಬ್ರಾವಾಲೊ ನ್ಹವೈ.

1 ವೈಸ ಥಯಲ ಮನಕ್ಹೊನೆ ಸಿಟ್ಟೆ ಬೊಲ್ಯಾವಾಚಿ ತ್ಯುನೊನೆ ಬಾಪ ವ್ಹೈನ ತಿಳ್ದಿಲಿನ ತ್ಯುನಾ ಕ್ಹಾತೆ ಬೊಲ. ತಿನೆ ಮರ್ಯಾದಿ ದ್ಯು. ಕಾಕದ್ಯಾಮ ತ್ಯುನೆ ಯಕ್ಲಾಜ ಛೆ.