Humildade

10 प्रभु कै स्याम्ही नरम बणो तो वो थमनै आदर मान देवैगा।

6 इस करकै परमेसवर के स्याम्ही दीन बणो, जो थमनै बचा सकै, ताके वो थमनै सही बखत आण पै बढ़ा सकै।

14 फेर जै मेरी प्रजा के माणस जो मेरे कुहवावै सैं, दीन होकै प्रार्थना करैं अर मेरे दर्शन के खोजी होकै अपणी बुरी चाल तै फिरै, तो मै सुर्ग म्ह तै सुणकै उनका पाप माफ करुँगा अर उनके देश नै ज्यों का त्यों कर दियुँगा।

8 यहोवा भला अर सीध्धा सै;

इस करकै वो पापियाँ नै अपणी राह दिखावैगा।

9 वो नम्र माणसां नै न्याय की शिक्षा देवैगा,

हाँ, वो नम्र माणसां नै अपणी राह दिखावैगा।

23 माणस नै घमण्ड कै कारण नीच्‍चा देखणा पड़ै सै,

पर नम्र आत्मा आळा महिमा का हकदार हो सै।

12 नाश होण तै पैहला माणस कै मन म्ह घमण्ड,

अर महिमा पाण तै पैहल्या नम्रता होवै सै।

3 मतलबीपण या झूठ्ठी बड़ाई कै खात्तर कुछ ना करो, पर दीनता तै एक-दुसरे नै अपणे तै घणा आदर मान द्यो।

20 म्हारै परमेसवर अर पिता की बड़ाई युगानुयुग होंदी रहवै। आमीन।

मसीही जीवन

12 क्यूँके परमेसवर नै थारे ताहीं पवित्र माणस बणण खात्तर चुण्या सै, अर वो थारे ताहीं प्यार करै सै, इस करकै बड़ी करुणा, भलाई, दीनता, नम्रता, अर सहनशीलता नै धारण करो।

2 यानी सारी दीनता अर नम्रता गैल, धीरज धरकै प्यार तै एक-दुसरे नै सह ल्यो।

13 हे बिश्वासी भाईयो, थम आजाद होण कै खात्तर परमेसवर के जरिये बुलाए गये सों, इस खात्तर थमनै मूसा नबी के नियम-कायदा ताहीं मानण की जरूरत कोनी, पर इसा ना होवै के थम इसनै बुरी लालसा पूरी करण का जरिया बणा ल्यो, पर हरेक कै गैल प्यार करो अर सेवा करो।

आशीष के वारिस होण की बुलाहट

8 आखरी म्ह मै कहणा चाहूँ सूं, के थम एक मन हो जाओ, एक-दुसरे तै भाई-भाण की तरियां प्यार करो, एक-दुसरे के बाबत दयालु रहो, अर नरम बणो।

3 बाहरली की खूबसूरती के बारें म्ह चिन्ता ना करै, जिस तरियां खूबसूरती तै बाळ गूँथणा, महँगे गहणे, या सुथरे लत्तें पैहरणा। 4 पर थारा भीतरी माणसपण, नम्रता अर दीनता जिसे अविनाशी गुणा तै सजा हो, क्यूँके परमेसवर की निगांह म्ह इसका मोल बड्ड़ा सै।

29 मेरा जूआ अपणे उप्पर ठा ल्यो, अर मेरै तै सीखो, क्यूँके मै नरम अर मन का दीन सूं: अर थम अपणे मन म्ह सुख-चैन पाओगे। 30 क्यूँके मेरा जूआ सोखा अर मेरा बोझ हळका सै"

2 "इस करकै जिब तू दान करै, तो अपणे आग्गै ढिंढोरा ना पिटवाईये, जिसा कपटी, आराधनालयाँ अर गळियाँ म्ह करै सै, ताके माणस उनकी बड़ाई करै। मै थारे ताहीं साच्‍ची कहूँ सूं के उननै अपणा ईनाम माणसां की बड़ाई के रूप म्ह पा लिया।

35 फेर यीशु नै बैठकै बारहा चेल्यां ताहीं बुलाया अर उनतै कह्या, "जै कोए बड्ड़ा होणा चाहवै, तो सारया तै छोट्टा अर सारया का सेवक बणै।"

48 अर उनतै कह्या, "जो कोए मेरै नाम तै इस बाळक नै अपणावै सै, वो मन्‍नै अपणावै सै, अर जो कोए मन्‍नै अपणावै सै, वो मेरै भेजण आळे नै भी अपणावै सै, क्यूँके जो थारे म्ह सारया म्ह छोट्टे तै छोट्टा सै, वोए बड्ड़ा सै।"

4 नम्रता अर यहोवा का भय मानण का फळ धन,

आदर अर जीवन होवै सै।

33 यहोवा का भय मानण तै बुद्धि की शिक्षा मिलै सै,

अर बड़ाई तै पैहल्या नरमाई आवै सै।

2 जिब घमण्ड होवै सै, तो बेजती भी होवै सै,

पर नम्र माणसां म्ह बुद्धि होवै सै।

8 हे माणस, वो तेरे ताहीं बता चुक्या सै के आच्छा के सै; अर यहोवा तेरै तै इस्से नै छोड़ और के चाहवै सै, के तू न्याय तै काम करै, अर कृपा तै प्यार राक्खै, अर अपणे परमेसवर कै गैल नम्रता तै चाल्‍लै?

नये जीवन के पारिवारिक नियम

18 हे पत्नियों, जिसा प्रभु म्ह सही सै, उसाए अपणे-अपणे धणी कै अधीन रहो। 19 हे पतियों, अपणी-अपणी घरआळी तै प्यार राक्खो, अर उनकै गैल नरमाई तै पेश आओ।

16 जिस तरियां थम अपणी परवाह करो सों, उस्से तरियां दुसरयां की परवाह करो, खुद पै घमण्ड ना करो, पर दीन-दुखियाँ कै गेल्या संगति राक्खो, अपणी नजर म्ह अकलमंद ना होवो।

28 अर परमेसवर नै उन माणसां ताहीं चुण्या, जो दुनिया की निगांह म्ह नीच अर तुच्छ सै। इनकै जरिये परमेसवर नै, जो घणे खास समझे जावै सै, उन ताहीं बेकार ठैहरा दिया। 29 परमेसवर नै यो इस करकै करया, ताके कोए प्राणी उसकै स्याम्ही घमण्ड न्ही करण पावै।

सुर्गीय ज्ञान

13 जै थम समझदार अर परमेसवर की बात्तां नै समझण आळे माणस सों, तो इस बात नै नरमाई अर समझदारी तै एक आच्छा जीवन जी के, साबित करो।