10 प्रभुएरे सामने नम्र बना, त तै तुसन इज़्ज़त देइतां उच्‍चे केरेलो।

6 एल्हेरेलेइ अपनो आप परमेशरे कां दीन बनाथ तै तुश्शी हिफाज़त केरनेरे लेई शेक्ति बालोए, ज़ैस सेइं तै तुसन ठीक वक्ते पुड़ आदर दे।

14 तैखन अगर मेरे लोक ज़ैन जो मेरे लोक ज़ोतन, मेरे दर्शनेरी तोपी मां रेइतां अपने बुरे चाली करां फिरन ते दीन भोइतां प्राथना केरन, त तैखन अवं सुर्गे मरां शुन्तां तैन केरो पाप माफ़ केरेलो ते तैन केरो मुल्ख ज़ेरो थियो तेरहो केरेलो।

8 यहोवा भलो ते सच़्च़ोए;

एल्हेरेलेइ तै पापी लोकन अपनि बत हिरालो।

9 तै हलीम लोकन न्यायेरी शिक्षा देलो,

हाँ, तै हलीम लोकन अपनि बत हिरालो।

23 मैन्हेरे घमण्डेरे वजाई सेइं घटिया भोनू पेते,

पन शरीफ आत्मा बालो आदरारो अधिकारी भोते।

12 नाश भोने करां पेइलू मैन्हेरे मने मां घमण्ड,

ते आदर मैल्हने करां पेइले नम्रता भोतीए।

3 खुदगरज़ या झूठी बड़यैयरे लेई किछ न केरा, पन नर्म भोइतां एक्‍की होरि एप्पू करां रोड़ो समझ़ा।

20 इश्शो परमेशर ते बाजी एरी महिमा हमेशा भोती राए। आमीन।

12 एल्हेरेलेइ परमेशरेरे च़ुनोरां केरे ज़ेरे ज़ैना पवित्र ते ट्लारेन, बड़ी करुणा, ते भलियाई, ते दीनता, ते नम्रता, ते बरदाशत धारण केरा।

2 मतलब सैरी दीनता ते नम्रता सेइं साथी, ते सबर केरतां प्यारे सेइं एक्‍की होरेरी झ़ैल्‍लां।

13 हे ढ्लाव ते बेइनव, तुस आज़ाद भोनेरे लेई कुजेवरेथ पन एरू न भोए, कि ई आज़ादी जिसमानी कम्मां केरे लेई मौको बने, बल्के प्यारे सेइं एक्‍की होरेरे सेवक बना।

8 आखरी मां अवं तुसन इन ज़ोताईं, तुसेईं सेभेइं अक मन भोवरू लोड़े ते एक्‍की होरि सेइं हमदरदी केरा ते एक्‍की होरि सेइं ढ्ला बेइनां केरो ज़ेरो प्यार केरा, ते एक्‍की होरि पुड़ दया केरा, एक्‍की होरेरे लेई नर्म बना।

3 ते तुश्शी सजावट दिखावेरी न भोए, मतलब अलग-अलग किसमे दोग बनानो, ते सोन्नेरे गेहने, या किसमां-किसमां केरां लिगड़ां लाना। 4 बल्के तुस अपने गुना केरे ज़िरिये अपनो आप खूबसूरत बनाथ ज़ै तुसन करां दूर न गाए, मतलब नेरमी ते शांत स्भावे सेइं ज़ै परमेशरेरे लेई बड़ो कीमतीए।

29 मेरे अधीन एन्च़रे भोथ ज़ेन्च़रे दांत जूंए हैठ भोते, ते ज़ैन किछ अवं तुसन शिखालताईं तैस शिख्खा, किजोकि अवं हलीम आईं ते दिलेरो नम्र आईं ते तुश्शी जानी आराम मैल्हेलो। 30 ज़ै भार अवं तुसन देइलो तै पोल्‍लोए, तुस तैस आरामे सेइं छ़ुई सकतथ।"

2 एल्हेरेलेइ ज़ैखन तू गरीब मैन्हु दान देस, त तू ढुंढूरो न बज़ेइयां, ज़ेन्च़रे पाखंडी लोक प्राथना घरन मां ते गेलन मां केरतन, ताके लोक तैन केरि तारीफ़ केरन। अवं तुसन सेइं सच़ ज़ोताईं कि ज़ैन इनाम तैन मैल्हनू थियूं, तैन सिर्फ इन्ने, कि लोकेईं तैन केरि तारीफ़ की (परमेशरे करां तैन्न कोई इनाम न मैल्हेलो)।

35 तैखन यीशुए तल्‍ले बिशतां अपने 12 चेले कुजाए ते तैन सेइं ज़ोवं, "अगर कोई परमेशरेरी नज़री मां बड्डो बन्नू चाते, त तै सेब्भन करां निकड़ो बने, ते कने सेब्भी मैन्हु केरो सेवक बने।"

48 ते अपने चेलन सेइं ज़ोवं, "ज़ै इस बच्‍चे मेरे नंव्वे सेइं कबूल केरते, तै मीं कबूल केरते, ते ज़ै मीं कबूल केरते, तै मेरे भेज़ने बाले कबूल केरते। किजोकि ज़ै तुसन मां निकड़े करां निकड़ोए तै सेब्भन करां बड्डोए।"

4 नम्रता ते यहोवारो डर मन्नेरो फल धन,

आदर ते लम्मी ज़िन्दगी भोतीए।

33 यहोवारो डर मन्ने सेइं अक्लरी शिक्षा हासिल भोतीए,

ते इज़्ज़ती करां पेइले नम्रता एइतीए।

2 ज़ैखन घमण्ड भोते, तैखन तुहीन भी भोतीए,

पन हलीम लोकन मां अक्ल भोतीए।

8 हे इन्सान, तैनी तीं सेइं ज़ोवरूए कि रोड़ू कुने; ते इसेरे अलावा यहोवा तीं करां होरू कुन चाते, कि तू न्याय सेइं कम केरस, ते दयाई सेइं प्यार रख्खस, ते अपने परमेशरे सेइं नम्रता सेइं च़लस?✝

18 हे कुआन्शव, ज़ेन्च़रे प्रभु मां जाइज़े, तेन्च़रे अपने-अपने मुन्शां केरे अधीन राथ। 19 हे मुन्शव, एपनी-एपनी कुआन्शन सेइं प्यार रखा, ते तैन सेइं सखत बर्ताव न केरा।

16 एप्पू मांमेइं मेल मलाप रखा; घमण्ड न केरा; गरीब लोकन सेइं साथी साथ रखा; इन न समझ़ा कि तुस बड़े अक्लमन्द आथ।

28 परमेशरे तैना च़ुने ज़ैना दुनियारी नज़री मां नीच़ ते घटिया आन, बल्के ज़ैना अथ्थी भी नईं तैना भी च़ुने, कि तैन ज़ैना आन, बेकार केरन। 29 परमेशरे एन केरू ताके कोई प्राणी परमेशरेरे सामने घमण्ड न केरि सके।

13 तुसन मरां ज्ञानी ते समझ़दार कौने? ज़ै एरो भोए तै अपने कम्मन रोड़े चाल चलने सेइं तैस नम्रता सेइं साथी बांदो केरे ज़ै ज्ञाने सेइं पैदा भोतीए।