Humildade
A humildade é o caminho da honra verdadeira. Deus resiste aos soberbos, mas dá graça aos humildes. Jesus lavou os pés dos discípulos e nos ensinou que o maior é aquele que serve.
Humilhar-se diante de Deus
Humilhai-vos diante do Senhor e Ele vos exaltará. Quem se humilha será exaltado, e quem se exalta será humilhado.
Ǘnabuguagüda humá hungua ligibugiñe Bungiu, ábame líchugunün lidan aban ubaraü lánina uéiriguni.
Rugua humá lubeiti hungua ǘnabugu lábugiñe lúhabu Bungiu le gabafubei, lun gayara lan líchuguni uéiriguni hun danme le lachülürün dan ligía.
ánhaña ǘnabudaguagüda numutuniña houngua, lun hafurieidun nun, lun háluahanina, lun hígiruni luriban hóuserun, naganbubaña siélugiñe, feruduna nubéi hafigoun, ábame náguyugüdüni awanseruni lun hageira.
Buidu liña Aburemei, richá ligia;
Arufudahati houn gafigountiña luagu lémeri,
adundeha laña ha ǘnabubei hanaagun houngua lidan lémeri;
arufudahati houn lidan irichaü!
Ha íñugubaña anaagun ungua rarigüdawatiña,
ha ǘnabugubaña ibihatiña uéiriguni.
Lárigi anaaguni unguaü liabin féridi;
lárigi ǘnabuguni liabin awanseruni.
Humildade como virtude
Considerai os outros como superiores a vós mesmos. Revesti-vos de humildade, mansidão e paciência no trato uns com os outros.
Madüga humá ni kata huouguarügü lun hanügǘniwa weiri, ni lau pantaü; lubaragiñe lira lau lan ǘnabuguni, ani buidulá hanügüniña amu gürigia huéi guánarügü.
Uéiriguni lun Wáguchi Bungiu lun sun dan! Ítarala.
Hínsiñetün lun Bungiu; ani anúadaha laadün lun lánigume. Ítara liña lubeiti, abagarida humá keisi lánigu, lau gudemehabu, areiduni, ǘnabuguni, gaganbadi, luma gaguraasuni.
Ǘnabugu humá, hínsiñehabu, gaguraasun humá, areida huguyame houn híbirigu.
Ánheinti huguya, niduheñu, agúahati Bungiu hun lun líbürebadün lan; manüga humeirügü liñati líbürei lun lébuname gayara lan hasigiruni ugundani burí le lánina ubóu le. Lubaragiñe lira, seriwigua humá húniwagua lau ínsiñehabuni;
Abagarida humá sun huguya lidan úarani luma lau gudemehabu hídangua, hínsiñegua huguyame hungua keisi iduheñu luéigiñe Hesukrístu. Areida humá, ǘnabugu ligíame hanaagun hungua.
Mamalá lau burí katei bóuguditi hibiti hewendeda, kei burí lanarime arouraguni, arigeilaü luma burí bángüli le golu, daüguaü wéndegutu; tídanla hanigi hewendeda, le ábanbei ubuiduni le meferidirawadibei. Aban sífiri gálumati, darangila, ligía katei gebegibei saragu ligibugiñe Bungiu.
O exemplo de Jesus
Aprendei de mim, que sou manso e humilde de coração. O maior entre vós seja o que serve — esse é o caminho do Reino.
Resibi huméi narufudahan, furendei huguyame númagiñe; lau gaguraasun nan, ñulú tuguya nanigi, ábame hadarirun emeraaguni tun huani. Ménrengunti lun heseriwidun nun, huáliti giñe anügüni le níchugubei hun lun hanügüni».
Ligía, danme lubéi híderagun aban gudemeti, masubudiragüda huméi lun sun ubóu kei hadüga ha biánguabaña igibu ligilisirugu luma ǘmadarugu. Hagía, hadügüni lira lúnrügü hadimurehan gürigia buidu hawagu. Ninarün hau luagu lau lan hadügüni lira, ibiha hamaali hafayeiruáha.
Ábati lañuurun Hesusu, aba lagúarun houn dúusugubei disipulugu lubadun, aba lariñagun houn:
—Le abusenruti ligía lan furumiñeti, lunti agumuhóuni lan hadan súngubei, lun giñe leseriwidun houn súngubei.
aba lariñagun houn:
—Le eresibiruti aban irahü keisi irahü le lidan niri, resibi lumutina; le eresibirutina, resibi lumuti giñe le óunahabalina. Le lubeiti ǘnabugutimabei hidan, ligía wéirigutimabei.
Barüti ǘnabuguni luma inebehabu lun Bungiu,
irisini, uéiriguni luma ibagari kei afayeiruahaü.
Arufudahati lichugún inebesei lun Bungiu,
lichú aau houn gürigia;
lun heresibirun gürigia inebesei,
gasu ǘnabugu lan hanaagun houngua furumiñe.
Barüti anaaguni unguaü busiganu;
hámañein ǘnabugubutiña lichú aau.
Humildade verdadeira
O que se exige de ti? Praticar a justiça, amar a misericórdia e andar humildemente com teu Deus.
Arufuda laali Bungiu le buídubei bun,
luma ka lan lamuriahabei búmagiñe:
Lun badügün irichaü, lun gudemehabu ban
luma lun manaagun ban bungua ligibugiñe Bungiu.
Würiña, gaganbadi humá houn húmarigu; ligía katei buiti le lunbei hadügüni keisi afiñetiña luagu Wabureme Kristu. Wügüriña, hínsiñe hamá húmarigu hun, móusera humaña wuriba.
Abagarida humá lidan ubuiduni húmawagua. Manaagua humá hungua; gamadagua humá hama ha gudemebaña. Maritagua humá huougua keisi chu tau.
Anúadira laaña Bungiu ha ǘnabugubaña ubouagu, ha áubaña meberesenwa lan, ha ni kátabaña lun lagünrinchaguniña ha súdinibaña según ubóu. Úati lubeiti ni aban gayaraati lanaagun lungua ligibugiñe Bungiu.
Anhein anihein lubéi aban chu tau hidan, gunfuranda ligía, arufudaléi lau lubuidun lóuserun, lau ǘnabugubuni le líchugubei lichú lau lun.