Incentivo

परमेसवर का अनन्त प्यार

31 तो इन बात्तां तै हम यो नतिज्जां लिकाड़ा सां, जै परमेसवर म्हारी कान्ही सै, हमनै कौण हरा सकै सै?

10 मत डरै, क्यूँके मै तेरै गैल सूं, आस्सै-पास्सै ना देक्खै, क्यूँके मै तेरा परमेसवर सूं; मै तेरे ताहीं मजबूत करुँगा अर तेरी मदद करुँगा, अपणे धर्ममय सोळे हाथ तै मै तेरे ताहीं सम्भाळे रहूँगा।

31 पर जो यहोवा की मदद खात्तर बाट देक्खै सै, वे नया बल पान्दे जावैंगे, वे उकाबां की तरियां उड़ैंगे, वे दौड़ैंगे अर उननै आराम की जरूरत न्ही होवैगी, वे चाल्‍लैगें अर थकैंगे न्ही।

13 मसीह मन्‍नै सामर्थ देवै सै उस म्ह मै सब कुछ कर सकूँ सूं।

6 तू हिम्मत बाँध अर मजबूत हो, उनतै ना डरै अर ना भय मान्‍नै; क्यूँके तेरै गैल चाल्‍लण आळा तेरा परमेसवर यहोवा सै; वो तन्‍नै धोक्खा न्ही देगा अर ना छोड़ैगा।"

7 क्यूँके परमेसवर नै म्हारै ताहीं डरपोक न्ही बणाया, बल्के उसका आत्मा म्हारे मन मजबूत बणावै सै, जो म्हारे ताहीं दुसरयां तै प्यार करण म्ह मदद करै सै, अर म्हारे ताहीं अपणे-आप पै काब्बू राखणा सिखावै सै।

3 सिर्फ योए न्ही, बल्के हम मुसीबतां म्ह भी खुश रहवां, न्यू जाणकै के मुसीबतां तै धीरज, 4 धीरज तै खरयां लिकड़णा, अर खरे लिकड़ण तै आस होवै सै। 5 अर आस तै निराशा न्ही होन्दी, क्यूँके पवित्र आत्मा जो परमेसवर नै म्हारै ताहीं दिया सै, उसकै जरिये परमेसवर का प्यार म्हारै मन म्ह भरया गया सै।

35 ज्यांतै अपणे दुख म्ह भी बिश्वास म्ह बणे रहों क्यूँके उसका ईनाम बड्ड़ा सै।

10 जो दुख तन्‍नै झेलणे होंगे, उनतै मत घबरा, क्यूँके देक्खो, शैतान अपणे माणसां के जरिये थारे म्ह तै कितन्याँ ताहीं जेळखान्‍ने म्ह गेरैगा, ताके थम परखे जाओ, अर थारे ताहीं दस दिन तक क्ळेश ठाणा पड़ैगा। जान देण तक बिश्वासी रह, तो मै थारी जीत के कारण ईनाम के तौर पै थमनै अनन्त जिन्दगी देऊँगा।

33 "मन्‍नै ये बात थारैतै ज्यांतै कही सै, के थम मेरै म्ह शान्ति पाओ। दुनिया म्ह थारे पै क्ळेश होवै सै, पर हिम्मत राखियो, मन्‍नै दुनिया ताहीं जीत लिया सै।"

16 ज्यांतै हम हिम्मत न्ही हारते; हालाके म्हारी देह नाश होन्दी जावै सै, तोभी म्हारी अन्तरात्मा हर रोज नई होन्दी जावै सै। 17 क्यूँके म्हारी मौजूदा परेशानियाँ भोत छोट्टी सै, अर वो लम्बे बखत ताहीं कोनी रहवैगी। क्यूँके ये अनन्त महिमा का कारण बणैगी, जो म्हारे सोचण तै भी बड़ी सै। 18 अर हम तो देक्खी होई चिज्जां ताहीं न्ही पर अनदेक्खी चिज्जां नै देखदे रहवां सां; क्यूँके देक्खी होई चीज माड़े-से दिन की सै, पर अनदेक्खी चीज सारी हाण बणी रहवैं सै।

23 यीशु नै उसतै कह्या, "या के बात होई! जै तू कर सकै सै? बिश्वास करण आळा खात्तर सारा कुछ हो सकै सै।"

5 अपणे राह की चिंता यहोवा पै छोड़ दे;

अर उसपै भरोस्सा राख,

वोए पूरा करैगा।

23 इन्सान की चाल यहोवा की

ओड़ तै मजबूत होवै सै,

अर उसके चाल्‍लण तै वो खुश रहवै सै;

24 चाहे वो पड़ै तोभी पड्या न्ही रहवैगा,

क्यूँके यहोवा उसका हाथ थाम्मे रहवै सै।

22 अपणा बोझ यहोवा पर गेर दे, वो तेरे ताहीं सम्भालैगा;

वो धर्मी ताहीं कदे टळण न्ही देवैगा।

परमेसवर तै मदद खात्तर प्रार्थना

1 मुसीबत कै बखत म्ह मन्‍नै यहोवा ताहीं पुकारया,

अर उसनै मेरी सुण ली।

6 मै उस भीड़ तै न्ही डरदा,

जो मेरै बिरुध्द च्यांरु ओड़ पाँति बाँधे खड़े सै।

11 क्यूँके यहोवा की या वाणी सै, के जो कल्पना मै थारै बारै म्ह करुँ सूं उन ताहीं मै जाणु सूं, वे नुकसान की न्ही, बलके सलामती ए की सैं, अर अन्त म्ह थारी उम्मीद पूरी करुँगा।

17 तेरा परमेसवर यहोवा तेरे बीच म्ह सै, वो उद्धार करण म्ह पराक्रमी सै; वो तेरै कारण आनन्द तै मगन होवैगा, वो अपणे प्यार के मारे चुप रहवैगा; फेर ऊँच्‍ची आवाज तै गान्दा होया तेरै कारण मगन होगा।"

26 यीशु नै उनकी ओड़ लखाकै कह्या, "माणसां तै तो यो कोनी हो सकदा, पर परमेसवर तै सारा कुछ हो सकै सै।"

9 जिसा पवित्र ग्रन्थ म्ह लिख्या सै, "जो कदे आँखां तै देख्या कोनी गया, अर कान तै सुण्या कोन्या गया, अर जो बात माणसां के चित्त म्ह कोनी चढ़ी, वे सारी बात परमेसवर नै उन खात्तर तैयार करी जो उसतै प्यार करै सै।"

12 फेर उसनै खेत कै बीच म्ह खड़े होकै खेत ताहीं बचाया, अर पलिश्तियाँ ताहीं मारया; अर यहोवा नै बड़ी जीत दिलाई।