Incentivo

Ik’i shuno

31 Eshe keewan jangosh eege noeteti? Ik’o noonton b́wotitka wotiyal kone noon k’efo faliti?

13 Ang taash imetuwo Krstosn jam keewo k’alo falituwe.

7 Ik’o noosh b́ imiye angonat shunikon, b́ took keewi shayira bako shati shayiraliye.

3 Hanmec’ron b́woterawo gond bek’o k’amo noosh b́daatsitwok’o nodantsotse noo gond bek’on it’iruwone. 4 K’amotsnowere fadeyar kup’o, kup’otsnowere jangiyetso daatsetwe. 5 Noosh imets S’ayin shayri weeron Ik’i shuno nonibotse b́ s’eentstsotse b́ jangitso noon jitsiratse.

35 Eshe een shilmatiyo bín itdaatsitwo bíyats it amantsman juuk’ayere.

10 shino maants niyats bodet gondbek’osh shatk’aye, eshe it fadetwok’o ititsere ik ikuwotsi Diyablos tipi moots gedetwe, tats aawosh gond bek’o daatsitute, n k’irfetsosh amanetso wotowe, kash akliliyo neesh imetwe.

33 Han itsh tkeewir tiats deshar jeeno it datsitwok’owa etaatniye, datsanatse it befetsosh gondbek’o itaatse’faee, ernmó shatk’ayere, taa datsani da’adek’re.»

Imnetiyon beyo

16 Mansh no maac’o k’ut’ratsone, úratsi noaro b́ t’afiyaloru gitsitsi no atso aawu aawon handr wotituwe 17 Keet wotts gond bek' andish nodek’irwan s’uu deshaw ayidek’t een wotts dúre dúri mango noosh daatsituwe. 18 Noo nokotirwo be’eraw keewoni bako be’eyirwoniyaliye, be’eyirwo andkee, be’erawonmó dúre dúrikoniye.

23 Iyesuswere, «N faliyala etfi? Amanit ashosh jam keewo faletwe!» bí bí eti.

26 Iyesus bo maants s’iilt, «Keew han ashosh faletkaliyee, Ik’oshomó jamo faletwe» bí et.

9 ✝Wotowa eree mas’aafo,

«Ash ááw be’awo,

Ash waaz shiyawo,

Ash nib gawawo,

Ik’o b́ shúntswotssh k’anire» etfe.