31 अळतेन आपणु एक वातेन बारामां काय कहंजे? कदी भगवान हामरे भीणी छे, ती हामरे वीरुद कुण रवसे?

13 जु मेसेक ताकत आपे, तेरी मदत सी मे आखो-काय कर सको।

7 ईनी वातेक घुण इसरु; भगवान आपणु काजे डरेन जीव-आत्‌मा ते नी आप्‌यु, बाकुन ताकुतेन, ने परम करनेन ने आपसा जीवेक मानाड़नेन जीव-आत्‌मा आप्‌लु छे।

3 अतरोत नी, आपणु दुख पर बी खुस हवजे, काहाकी आपणु जाणजे की दुखुत आपणुक गम खाण्‌या बणावे, 4 ने दम धरीन खरा नीकळनु, ने खरा नीकळने, सी आस उबजे। 5 ने आस सी लाज नी आवे, काहाकी भगवान आपणुक चुखली-आत्‌मा आपलु छे ने हेरेत वाटे भगवान परम आपणा मन मां भरलु छे।

35 हेरेसी तुहुंं हिम्‌मत घुण हारु। काहाकी तेरो काम बेसको मटो छे।

10 जे दुख तुसे झेलनु पड़से, तीनु सी मां बीहे काहाकी, भुतड़ु तुंद्‌रे मायन काहनाक काजे जेल मां नाखणेत वाळा छे काहाकी, तुहुंं पारखाय जावु; ने तुहुंं दस दाहड़ा लग दुख हाकलनु पड़से। जीव देणे लग भुरसा लायक रव; ती मे तुसेक जीवनेन मुड़ दीस।

33 "हय, ईनी कळी मां तुहुंंक वेला करनु पड़से तेबी काठु जीव करजु, मे ईनी कळीक जीत लेदलु छे। मे तुहुंं काजे जी आखी वात असु करीन कह्‌लु छे की, आवणे वाळा दाहड़ाम दुख झेलता जाय्‌न बी तुहुंं मारेम छे ची सांती हात कर लेय।"

16 हेरेसी हामु हिम्‌मत नी, हारजे कदी हामरा बाहरलो माणसेन सीकु खत्‌तम हय जासे तेबी हामरो माहींन माणसेन सीकु दाहड़ीन-दाहड़ीन नवलु हवतु जाय। 17 काहाकी हामरु थुड़ाक दाहड़ान हळकु दुख हामरे वाटे बेसका खास ने जलमेन सेक-सींगार देवाड़े। 18 ने हामु ते देखली चीज काजे नी बाकुन नी देखाय असली चीज काजे देखता रवजे काहाकी देखली चीज, थुड़ाक दाहड़ान छे, बाकुन नी देखली चीज जलम बणीन रवसे।

23 ने ईसु तीनाक कह्‌यु, "कदी तुसेक बणे जाय ती! असु मेसेक काय लेणे कहें? भुरसु करने वाळा वाटे आखो हय सके।"

26 ईसु तींद्‌रे भीणी एक हेट्‌यु भाळीन कह्‌यु, "माणसे सी ज नी बणे, बाकुन भगवान सी आखो काय कर सके।"

9 बाकुन जसों लिखलो छे,

"जी वात डुळा नी देख्‌या ने कान्‌टा नी सामळ्‌या,

ने जी वात माणसेन मन मां नी चड़ी,

चीत छे जु भगवान आपणा परम राखणेवाळा वाटे तीयार छे।"