Incentivo

ክርስቶሳር ዎንታ ማትንተንካ መያ ማቻንዳ ሳብታ ሶልማ

31 ይና ኮርንካንታ Ꮊሮንት ጋይዳ? ሳብ ዎንካ ክክን ማቼ Ꮊይ ዎም ግርዳ?

13 ዎልቀን እካንታ እምድባብ ክርስቶሰካ ሙዳ ሪን ይይካንታ ማድቴ።

7 ሳብ ዎም እምሳንዳ ዎልቀተኬ፥ ሶልመታ፥ ማተንም ይንታ ቆልድን አያን ዳት ጳስታ አያን ካዬ።

3 ኮካ Ꮊክ ማታክናና ማጠና ዳንዳእንም ዎካንታ Ꮊፍስዝድንደትም ዎ ኤዝድንካንታ ዎንታ ማጠንታ ዋረረ ጋይርዶቴ። 4 ኬዛር ማቼ ማጠናር ዳንዳእንም ዳንዳእናርከረ ጰጨንካ ዳቅንተን፥ ዳቅንተናርከረ Ꮊድን ጉርምና Ꮊፈርዴ። 5 ዎካንታ እምምሳን አያን ጭልንጎካ ሳብታ ሶልመና ዎንታ ቡዳር ጮጫንጎካ ጉርምና ዎም ኦስንሳዬ።

35 ይና፥ የካንታ እምምድን አንድር እመን Ꮊፍካንታ የንታ አሜንምን Ꮊይዛቀቴ።

10 የዘን የልድን ማጠንካንታ Ꮊይጳሴ፥ ይና የ ጰጭምድንግንዳ የንታ ዋርንካ ዋልቃ ዋልቀንከስም ዳብሎስ ዞክና ኤሀር የም አርችተረ፥ ታማ ሰጨረ ማጠንም ተይተረቴ፥ ደእ የለልተረ ኣመንምስባብ ማትካ፥ ዶቅንት ዛዉደንመረ የስካንታ እምትቴ።

33 ኮም የካንታ እስታ ኬዘና እንካ ማትሰቶ ሳራትችና የካንታ ዶቅድንግንዳ ጋይስቴ፥ ኮ ፍጫሙደንዘን የ ዶቅድንካ ማጣ የንዘን ዶቅዴ፥ ኬዛርካ ማቼ ዳእከቴ፥ እታ ኮፍጫ ሙደን ጋምትቴ" ኩን ከትካንታ ጋየሮ ማስሴ።

አሜንካ ዶቅንት

16 ኮካንታ ጉርምን ዎንታ ተቻዮቴ፥ Ꮊረነረ ዎራ ዎንታ ማልጎካ Ꮊፈርድን ዘነና ኮት ካይደረ ዎንታ ዋርጎክንዳ ዘነና ሰጨን ሰጨንካ ክላ ማዴ። 17 ኮነረ ቶክመኬ ሰጫካንታ ማቻንዳ ዎንታ ማጠና የክስ ካየንደትም አንድር ባካ ማቻን ስለንክንደታ ቦንቼን ዎካንታ Ꮊፍስዝዴ። 18 ዎ ካርዝድንዳ Ꮊፈርዳክ ርይን ዳት Ꮊፈርድንደትም ካዬ፥ Ꮊፈርድን ርና ሰጫ ካንቴ፥ Ꮊፈርዳክንዳ ማቼ ስለንክንደኔ።

23 የሱሰረ፥ "የዝደር ማደረ" የና ጋይተራ? "አሜንድን ኤድካንታ ሙዳ ሪና ማዴ!" ክትም ጋይሴ።

26 የሱሰረ ከደር ሰድሶ "ኮና ርና ኤድካንታ ማዳክንዴ፥ ሳብካንታ ማቼ ሙደና ክደር ማዴ" ጋይሴ።

9 ማታጋካ ዳት ማጻፍና፥

"ኤታ አፍይ ሰዳክንደትም፤

ኤታ ቃምይ ኤሰራክንደትም፤

ኤታ ቡዳ ገቀራክን፤

ሳብ ይ ሶልምድባብከስካንታ ግግስቴ" ጋይዴ።✝