Incentivo

దేవుని ప్రేమ నుండి ఏదీ మనలను వేరుచేయలేదు

31 అయితే ఈ విషయాల గురించి మనమేమి చెప్పాలి? ఒకవేళ దేవుడే మన వైపు ఉండగా, మనకు విరోధి ఎవడు?

10 కాబట్టి భయపడకు, నేను నీకు తోడుగా ఉన్నాను;

దిగులుపడకు, నేను నీ దేవుడను.

నేను నిన్ను బలపరచి నీకు సహాయం చేస్తాను;

నీతిగల నా కుడిచేతితో నిన్ను ఆదరిస్తాను.

31 కాని యెహోవా కోసం ఎదురు చూసేవారు,

నూతన బలాన్ని పొందుతారు.

వారు గ్రద్ద వలె రెక్కలు చాచి పైకి ఎగురుతారు;

అలసిపోకుండా పరుగెత్తుతారు.

సొమ్మసిల్లకుండా నడుస్తారు.

13 నన్ను బలపరిచే ఆయనలోనే నేను ఇవన్నీ చేయగలను.

6 నిబ్బరంగా, ధైర్యంగా ఉండండి. వారికి మీరు భయపడవద్దు దిగులుపడవద్దు, ఎందుకంటే మీ దేవుడైన యెహోవా మీతో వెళ్తారు; ఆయన మిమ్మల్ని ఎన్నడూ వదిలేయరు, మీ చేయి విడువరు."

7 దేవుడు మనకు పిరికితనాన్ని కలిగించే ఆత్మను ఇవ్వలేదు కాని శక్తి, ప్రేమ, ఇంద్రియ నిగ్రహం గల ఆత్మను అనుగ్రహించారు.

3 అంతేకాక, శ్రమలు ఓర్పును పుట్టిస్తాయని మనకు తెలుసు; కాబట్టి శ్రమలలో కూడా మనం ఆనందించగలము. 4 ఓర్పు వలన గుణము, గుణము వలన నిరీక్షణ కలుగుతుంది. 5 మనకు అనుగ్రహించబడిన పరిశుద్ధాత్మ ద్వారా దేవుని ప్రేమ మన హృదయాల్లో క్రుమ్మరింపబడుతుంది, కాబట్టి నిరీక్షణ వలన మనకు ఎన్నడూ నిరాశ కలుగదు.

35 కాబట్టి మీ ధైర్యాన్ని కోల్పోవద్దు; దానికి మీరు గొప్ప ఫలాన్ని పొందుతారు.

10 నీకు కలుగబోయే కష్టాలను గురించి భయపడవద్దు. నిన్ను శోధించడానికి అపవాది మీలో కొందరిని చెరసాలలో వేస్తాడు, కాబట్టి పది రోజులు హింస పొందుతారు అని తెలియజేస్తున్నాను. అయినా మరణం వరకు నమ్మకంగా ఉండండి. అప్పుడు నేను మీకు జీవాన్ని మీ విజయ కిరీటంగా బహూకరిస్తాను.

33 "ఈ లోకంలో మీకు శ్రమలు కలుగుతాయి. అయినా ధైర్యం తెచ్చుకోండి! ఎందుకంటే నేను లోకాన్ని జయించాను. నాలో మీకు సమాధానం ఉండాలని ఈ సంగతులను మీకు చెప్పాను" అన్నారు.

16 కాబట్టి మేము ఎప్పుడు ధైర్యాన్ని కోల్పోము. మేము బాహ్యంగా క్షీణిస్తున్నా, అంతరంగంలో దినదినం నూతనపరచబడుతున్నాము. 17 మేము అనుభవిస్తున్న ఈ క్షణికమైన తేలికైన కష్టాలు వాటికన్నా ఎంతో అధికమైన నిత్య మహిమను సంపాదిస్తున్నాయి. 18 కాబట్టి కనిపించే వాటిపై కాక కనిపించని వాటిపై మా దృష్టిని నిలిపాము. ఎందుకంటే కనిపించేవి తాత్కాలికమైనవి, కనిపించనివి శాశ్వతమైనవి.

23 అందుకు యేసు, " ‘నీ వలనైతే?’ అని అడిగి, ఒక వ్యక్తి నమ్మితే సమస్తం సాధ్యమే" అని అతనితో చెప్పారు.

5 నీ మార్గాన్ని యెహోవాకు అప్పగించండి;

ఆయనపై నమ్మకం ఉంచితే ఆయన నీకు సహాయం చేస్తారు.

23 తనను బట్టి ఆనందించేవారి అడుగులను

యెహోవా స్థిరపరుస్తారు;

24 యెహోవా వారి చేతిని పట్టుకుంటారు,

కాబట్టి వారు తొట్రిల్లినా పడిపోరు.

22 మీ భారాన్ని యెహోవాపై మోపండి

ఆయన మిమ్మల్ని సంరక్షిస్తారు;

నీతిమంతులను ఆయన ఎన్నడు కదలనివ్వరు.

1 నా బాధలో యెహోవాకు మొరపెడతాను,

ఆయన నాకు జవాబిస్తారు.

6 అన్ని వైపుల నుండి

పదివేలమంది నాపై పడినా నేను భయపడను.

11 ఎందుకంటే మీ కోసం నేను ఏర్పరచుకున్న ప్రణాళికలు నాకు తెలుసు" అని యెహోవా అంటున్నారు. "అవి మిమ్మల్ని అభివృద్ధి చేయడానికి, రాబోయే కాలంలో మీకు నిరీక్షణ కలిగించే సమాధానకరమైన ఉద్దేశాలే గాని మీకు హాని కలిగించడానికి కాదు.

17 నీ దేవుడైన యెహోవా,

రక్షించే పరాక్రమశాలి నీకు తోడుగా ఉన్నారు.

ఆయన నిన్ను చూసి చాలా సంతోషిస్తారు;

ఆయన తన ప్రేమను బట్టి ఆయన ఇకపై నిన్ను గద్దించరు,

పాడుతూ నిన్ను చూసి సంతోషిస్తారు."

26 యేసు వారివైపు చూసి, "ఇది మనుష్యులకు అసాధ్యమే కాని దేవునికి సమస్తం సాధ్యమే" అని చెప్పారు.

9 అయితే దీని గురించి:

"ఎవరూ చూడని

ఎవరూ వినని

ఏ మనుష్యుని మనస్సు ఊహించనివాటిని*

దేవుడు తనను ప్రేమించేవారి కోసం సిద్ధపరచారు"

అని వ్రాయబడి ఉంది.

12 కాని షమ్మా పొలం మధ్యలో నిలబడి దాన్ని కాపాడి ఫిలిష్తీయులను చంపాడు. యెహోవా వారికి గొప్ప విజయాన్ని ఇచ్చారు.