31 Mangale mo-moini ga’a Ma Jou’ongu Madutu 'a si’a’a gena-ge, ngene wo kanau 'oru?! Mode-mode’e Ma Jou’ongu Madutu ra ngene ino! Na’o so’o gena-ge 'a guna nga’unu 'o lawana ngene?! Tantu ḏua, matengo i’a mai ua!

13 Kristus 'o pula’a kuasa ra ngoi, dadi ngoi rari de-de’e to talaḏi 'oru ḇato.

6 Site’e ninga 'akala re sinyingara re ni nau’u. Awa ni mojongo re awa ni sawana ananga, sababu Ma JOU, Ma Jou’ongu Madutu ga’a ngini ni silamo’o re siḏubuso, Unanga gena-ge ḏuanga i’a 'o tagi mamete’e ra ngini. Unanga 'o sieanga i’a ngini ua mada’a 'O marimoi ra ngini ua.>>

7 Mojongo awa na pake cocatu gena-ge. I’a sa’olo Ma Jou’ongu Madutu 'o pula’a Ma Ngagara 'Ofi-'Ofi ra ngene?! Dadi ngene wo mojongo?! So’o gena-ge ua! Unanga 'o pula’a Ma Ngagara 'Ofi-'Ofi gena-ge, la ngene wo dadi te’e tananga munara di’a Ma Jou’ongu Madutu re nanga 'akala re sinyingara 'i romanga reo dadalara re nga’unu wo manahana nanga nyafusu ma jira.

3 So’o gena-ge ḏi’i, ngene wo maroanga na’o wo sanga susa re sangisara, sababu ngene wa waro mangale susa re sangisara gena-ge 'i riono ngene di’a wo tahana renanga 'akala ḇanyo. 4 Re na’o ngene wo tahana ma tero gena-ge Ma Jou’ongu Madutu 'o 'akoru ngene nanga de’oso re ḏegoro. Sidogo ḏi’i, ngene nanga ngo-nganono ganapu te’e ra Unanga, sababu ngene wo waro Unanga na 'akoru. 5 Reo ngo-nganono ma duhu so’o gena-ge, ḏuanga i’a nanga 'akala re sinyingara 'i rapo’o ua, sababu Ma Jou’ongu Madutu 'o sitotomo 'Ai jaji ra ngene. Ngene rewo waro gena-ge sababu Ma Ngagara 'Ofi-'Ofi ga’a Unanga ro pula’a ra ngene, Enanga 'i siromanga nanga 'akala re sinyingara Rai dadalara.

35 Sababu gena-ge, awa ninga 'akala re sinyingara 'i rapo’o. Sababu na’o ngini ni macako’o namo-namoto taninga ngo-ngaku tau-taunu ma tero sa’olo ma mulaingi, ḏuanga i’a ngini ni dawongo ngogele ga’a 'i lamo’o masala.

10 Ni mojongo awa, na’o ti’ara riwara ni sanga susa re sangisara. Ngoi to siajele ra ngini, mamuni’a ḏuanga i’a 'Iblisi singosama ngini toma bui di’a ni sanga tai’i. Re ngini gena-ge ḏuanga i’a sanga sikisa ma di’ara wangere nyagi moi. Mada’a ngini balasu ni macako’o namo-namoto ra Ngoi singadolo ni sengene, kara Ngoi to pula’a 'ahu kasingado-ngadolo i’a ra ngini sa’olo ngogele rimoi.

33 Mo-moini gena-ge Ngoi to siajele ra ngini, la ngini ni basono tala dame taninga 'akala re sinyingara ma dara, sababu ni marimoi ra Ngoi. Toma dungia nena-ne ngini sanga sangisara. Mada’a ni site’e ninga 'akala re sinyingara: Ngoi reta singiranga dungia nena-ne ma kuasa!"

16 Kalaha minga lese 'i dadi cira wange moi-wange moi, minga 'akala re sinyingara ma dara 'i dadi su-sungi wange moi-wange moi. Sababu gena-ge, ngomi minga 'akala re sinyingara 'i rapo’o ua. 17 Nange-ne ngomi basono sangisara mada’a gena-ge 'i ti’ara ua re ḏubuso woḏi ua. Ḏuanga i’a ngomi mi sanga ngogele lai lamo’o. Re na’o site-tero ngogele gena-ge reo sangisara ga’a mi basono, ngogele gena-ge ma pari cua re kama ḏo-ḏogumu ua. 18 Dadi ngomi ma tailako ua 'ori i’a ga’a ngomi ma oḏi’i, siḏibo ḏi’i ngomi ma tailako 'ori i’a ga’a ngomi ma oḏi’i ua. Sababu 'oru ḇato ga’a ma oḏi’i, enanga ma dahana ti’ara ua. Mada’a 'oru ḇato ga’a ma oḏi’i ua, enanga ma dahana kasingado-ngadolo i’a.

23 Yesus 'o sangoro, "I’a sa’olo no aje, ‘Na’o Jou no nga’unu?’ Mo-moini nyengara 'i dadi ra guna ḇato na’o ni ngaku Ngoi!"

26 Yesus 'o tatamo ananga re 'o kanau, "Toma manusia 'i osama 'akala ua, mada’a ra Ma Jou’ongu Madutu mo-moini 'i osama 'akala."

9 Siḏibo ḏi’i, gena-ge 'i dadi ma tero sa’olo silefo toma Boku 'Ofi-'Ofi ma dara:

" 'Oru ga’a manusia 'aḏi oḏi’i re ya 'isene nyangu

re 'i osama toma manusia manga 'akala nyangu,

gena-ge Ma Jou’ongu Madutu ra sidodahe di’a ngowa’a ga’a 'aḏi dadalara Unanga."✝