8 ጾሳኮ ሺቂቴ፤ ኢዚካ ኢንቴኮ ሺቃና፤ ኢንቴኖ ናጋራንቻቶ! ኢንቴ ኢንቴ ኩሼ ጌሺቴ፤ ኢንቴኖ ናምኡ ቆፋን ቃጺዛይቶ! ኢንቴ ኢንቴ ዎዚና ጌሺቴ።

1 ጎዳይ፥ «ኢንቴኖ ሳሜቲዳይቶ

ኡባይካ ሃ ዪቴ!

ሃኮ ሃ ዪቴ፤

ኢንቴኖ ሚሺ ባይንዳይቶ

ሻሚቴ፤ ሚቴ።

ሃ ዪቴ፤ ሚሺ ባይንዳኔ

ቃንጾንታ ዎይኔ ኡሺኔ

ማ ሻሚቴ።✝

2 ጎኦንታ ካስ

ኣይስ ኢንቴ ሚሽ ይሴቲ?

ኢንቴና ካልሶንታ ሚሻስ

ኣይ ኤካናስ

ኢንቴ ዎልቃ ዉርሴቲ?

ሲዪቴ፤ ታ ጊዳዝ ሲዪቴ፤

ሎኦ ጊዲዳዝ ሚቴ፤

ሎኦ ቁማን ኢንቴና ኡፋይሲቴ።

3 ኢንቴ ሃይ ዶይዲ

ሃ ታኮ ሺቂቴ፤

ኢንቴ ሼምፖራ ፓጻ ዳና ማላ

ታ ጊዛ ኤዝጊ ሲዪቴ፤

ካሴ ታ ዳዊቴራ ጫቂዳ

ሚኖ ሲቆን ኢንቴናራካ

ሜርና ጫቆ ጫቄታና።✝

4 ቤኢቴ፥ ታኒ ኢዛ ዴራስ ማርካ፥

ካሌዛዴኔ

ኦላ ጋዳዋ ኦዲስ።

5 ቤኣ፥ ኔኒ ኤሮንታ

ካዎቴታ ጼይጋና፤

ኔና ኤሮንታ ካዎቴቲ

ኔኮ ኤሶን ያና።

ጋሶይካ ጎዳ ኔ ጾሳይ

ኢስራኤሌ ጌሻይ ባ ቦንቾን

ኔና ቁ ቁ

ሂስቲዴስ» ጌስ።

6 ጎዳይ ቤቲዛ ዎዴ

ኢዛ ኮዪቴ፤

ማታን ዲዛ ዎዴ

ኢዛ ጼይጊቴ።

24 ኢስቲ ቡሮ ታና ጼይጋናፔ

ካሴታ ታኒ ኮያና፤

ኢስቲ ታስ ዮቲ ዉርሶንታ

ታ ሲያና።

3 «ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና።

11 ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

1 ዉሻይ ፑልቶ ሃ ላሞቲዛ ማላ፥

ኣቤት ጾሳዉ፥

ታኒካ ኔና ላሞታይስ።

2 «ታ ሼምፖያ

ታኒ ባዳ ጾሳ ሲን

ቤያናይ ኣዉዴሻ?» ጋዳ

ጾሳ፥ ዴኦ ጾሳ ሳሜታዱስ።

1 ኣቤት ጾሳዉ!

ኔኒ ታ ጾሳ፤

ታ ኔና ዎዚናፔ ኮያይስ፤

ታ ኣሾይካ ኔና ኣሞቴስ።

ሃ ባይንዳ ሜላ ቢታይ

ሃ ኮይዛ ማላ ታ ኣሳቴይ

ኔና ሳሜቴስ።

2 ታኒ ኔና ጌሻሶሆን ጼላዲስ፤

ኔ ዎልቃኔ ኔ ቦንቾ

ታኒ ቤኣዲስ።

3 ኔ ሜርና ሲቆይ ዴኦፔ ሎኤስ፤

ታ ኢንጻርሳይ ኔና ጋላቴስ።

4 ታ ዴኦ ላይንካ

ታኒ ኔና ጋላታና፤

ኔ ሱንን ታ ኩሼ

ፑዴ ኔኮ ዴንና።

5 ኣሲ ሎኦ ካ ሚ ካሊዲ

ኡፋዬቲዛ ማላ

ታ ሼምፖያ ኔናን ኡፋዬታና፤

ታኒ ታ ኢንጻርሳን ኡፋይሳ ዬን

ኔና ጋላታና።

6 ታኒ ታ ሂጻን ዳሼ

ኔና ሃሳኣይስ፤

ኦማርስ ኩሜ

ኔ ኦሶ ዩሻ ቆፓይስ፤

7 ኔኒ ታና ማዲዛ ጊሻስ

ታኒ ኔ ቄፌ ኩዋን ኡታዳ

ኡፋይሳን ዬጻይስ።

8 ታ ሼምፖያ ሺጵ ጋ ካላዱስ፤

ኔ ኡሻቻ ኩሼይካ

ታና ሚን ኦይኪዴስ።

9 ጊዶ ኣቲን ታና ዎና ኮይዛይቲ

ቢታ ጋርሳን ጪማ ኦላን

ሞጌታና።

10 ኢስቲ ማሻስ ኣ ኢሜታና፤

ኢስቲ ጎዳሬ ካዎ ጊዳና።

11 ጊዶ ኣቲን ካዎይ

ጾሳን ኡፋዬታና፤

ጾሳ ሱንን ጫቂዛ ኡባይ

ኢዛ ጋላታና፤

ዎርዶ ሃሳይዛይታ

ዶናይ ጊዲኮ ጎርዴታና።✝

22 ኑኒ ኑ ጊዶን ኢሲኖ ጊዲዳ ማላ ኢስቲካ ባ ጊዶን ኢሲኖ ጊዳና ማላ ኔ ታስ ኢሚዳ ቦንቾዛ ታኒካ ኢስታስ ኢማዲስ። 23 ታ ኔና ዎሲዛይ ታ ኢስታን፤ ኔካ ታናን ጊዲዳ ማላ ኢስቲካ ኩሜ ኢሲኖ ጊዳና ማላሳ። ቃሴካ ኔኒ ታና ኪቲዳ ማላኔ ታና ኔ ሲቂዳ ማላ ኢስታካ ኔ ሲቂዳይሳ ኣላሜ ኣሳይ ኤራናሳ።

17 ጎዳ ኔ ጾሳይ ኔናራ ዴስ፤

ኢዚ ኣሺዛ ሚኖ ኦላንቻ።

ኢዚ ኔናን ዳሮ ኡፋዬቴስ፤

ኢዚ ባ ሲቆን ኔና ዎፒሳና፤

ኔ ዬን ኢዚ ቦንቼቲዲ

ኡፋዬታና› ጋና።

9 ኑኒ ኑ ናጋራ ፓጺኮ ኢዚ ኑ ናጋራ ኣቶ ጋናሲኔ ኑ ቆሆፔ ኑና ዉርሲ ጌሻናስ ኢዚ ኣማኔቲዳዴኔ ጺሎ።