Intimidade com Deus

A intimidade com Deus é o maior privilégio do cristão. Ele nos convida a nos aproximar, a conhecê-lo profundamente e a desfrutar de comunhão diária com o Criador do universo.

Aproximar-se de Deus

Chegai-vos a Deus e Ele se chegará a vós. Deus deseja intimidade, não religiosidade. Ele busca os que o buscam de todo coração.

8 À maaɓuɠa GALA ba, toɠa maaɓuɠa wo ʋa. À wo-yeeiti gaagba, kotoba nuiti, wo wo-yiimaʋɛti ɲade, ɠi fele nuiti!

Tiago 4:8

Kizogi veeʋɛ ɛsɛ pɛ bɛ geya vaa la ba

1 «Ee, wɔiti pɛgi kpɔɔle wɔin wo ma,

à ʋa ziɛi ʋɔ bɛ,

anɛɛ zɔi wali la zea ɲɛgɛlɛin!

À ʋa, wo geya, wo mi!

À ʋa, wo dɔɔi ɠeya, ta nɔnɔi!

Wali vaa la ba, sala vaa la ba!

2 Leeni vaa zu wo walii lɔɔzu daamianigi ʋolu,

é la nu ɠɔnɔkulaa?

Leeni vaa zu wo ɓɔɠɔ ɓɔlɔzu anii ʋolu,

é la faa ʋaa nu ma?

À woilo, ungo, à woilo gòoi ma,

naazu wa naa mi, nii pagai,

wa yiimaɠɛ daamiani nɛɛnɛgi zu.

3 À woilo ga pagɔ, wo ʋa pɔ̀,

à woilo gòoi ma, wa zɛnvui wo.

Mazɔlɔɔ nà minazeɠe bo wo ʋɛ,

a yɛ ma eyɛsu ɠɔ,

nii nà-nuɓɔɠɔlai zu ta nà-wooɠɛɠiladai zu,

gè minazeɠeni la Davide ʋɛ.

4 Wɛlɛ, gè tɔun kɛɛni nuɓusɛiti bɛ ga zeelei,

é ɠɛ ga totuɠɔi, é ɗa nuɓusɛiti deve.

5 Ungo, ɗa zii ɠiligi loli, nii è la kwɛɛ,

ta wɛɛin niiti ti la è ɠwɛɛ,

naati ta zuvilɛ ga ʋaa è ʋɔ bɛ

nɔ̀un maaʋele ma, nà, Ɠɔoɠɔ GALAGI, ɗa-ƓALAGI.

Nà, Izilayɛle ná-GALA Ɲadegai ɠa é niima lɛbiyai veezu è ʋɛ.»

Minazeɠegi é la zeɠea ma pɛ

6 À Ɠɔoɠɔ GALAGI ɠaiziɛ,

siɛgi zu é ɠaazu la,

à wooɠula ma,

siɛgi zu maaɓuɠaai la.

Isaías 55:1-6

24 Aisa ti ʋa wooɠula mà,

gè ɓega ga ti wooɠaaʋote,

aisa ti ʋa ɓe ga ɓɔɛ,

gè ɓega ga ti wooɠaaʋote.

Isaías 65:24

3 ‹Wooɠula mà, nà è wooɠaaʋote, gè dɔɔɠuzu vaa wolaiti dɛɛ ga ɗe, fai niiti è la ti ɠwɛɛ.›

Jeremias 33:3

11 Nɔ̀un gè kwɛni faazeikpasui nii gè kɛai wo ma vaa ma,› Ɠɔoɠɔ GALAGI wooi ɠana. ‹Dituɠɔma zeikpasui ʋe, é la ga maanɔɠɔ vaa. Nà wo-luɠɔ ɓɛtɛzu, daavegai ga kitogi.

Jeremias 29:11

Sede de Deus

Como a corça deseja as correntes de água, assim a minha alma suspira por ti, ó Deus. A intimidade nasce do desejo profundo.

Eɠɛ dopai nii kpɔɔle wɔin ma

1 Guye loo ɠundiɠii nɔnɔi ʋe. Kolé mavofodaiti ta-ɠidafaawui.

2 Ʋelei kpɔɔle wɔin a ɠɛna dopai ma, a ɗa ziɛi ɠaiziɛ la, nii é yeizu,

ʋele ɠana zìi è magalasu da, ee, GALA!

Salmos 42:1,2

Ɗa-nuɓɔɠɔlai vizɔgɛ zɛnvui ʋa

1 Davide ná-guyei. Siɛgi zu é ɠɛni la Zuda yooi zu teʋebai zu.

2 Ee, GALA, ɗa ga nà-GALAGI!

Nà è ɠaiziɛzu,

è wɔin ɠa zìi ma eɠɛ kpɔɔle wɔin,

kpùsɛi ɠa ɓalasu ga ɗa-vaa,

eɠɛ zou vɔɔi, ná vɔai, ziɛ la ná.

3 Zekana gè è ɠaazu la è-zeizu ɲadegai,

gè ɗa wɛlɛ è-zɛbɛi ta ɗa-lɛbiyai ʋa.

4 Mazɔlɔɔ ɗa-wooɠɛɠiladai vizɔgɛ zɛnvui ʋa,

dàkɔlɔgiti ta è maamusɛ.

5 Naa ɠa é ba, nà è mama sìi ma voloi pɛ su,

gè zèeiti tɛ geezu è-laaseigi zu.

6 Nà anii pɛ sɔlɔɔ é kula ɠɛ, eɠɛ ma wulɔi ta ma ɓɔlɔgi,

nà wooɠula ga koozunɛɛi, gè guyeiti too, gè è maamusɛ la.

7 Siɛgi zu kìgi loozu la è zu, dàazuʋɛ,

nà ɗa ɠigaiziɛ è zu kpidii ma yeeɠɛɠalai kpein su.

8 Mazɔlɔɔ ɗa ga nà-kpɔba nui,

nà guyei loozu ga koozunɛɛi, è-ɠoʋegiti ma niinigi wu.

9 Gìliʋɛ è ʋa ga zìimaʋɛ pɛ,

è-yeezai ɠa é ɓaazu màazu.

10 Kɛlɛ niiti wɔin ti ma ga ti zɛ̀nvui ɠoloɠolo,

naati ta yei zooi ma yeɠezaɠai ɓomaʋɛ.

11 Ta ti ʋaa ga boɠa zɔkpɔi,

ti ɠɛ ga koʋeiti daamianigi,

Salmos 63:1-11

Unidade com o Pai

Jesus orou pela unidade dos seus com o Pai. A intimidade com Deus inclui confissão, perdão e alegria na comunhão.

22 Lɛbiyai nii è feai zèa, gè naa vea ti ya, naa ɠa a kɛ ti ɠɛ ga ani ɠila, eɠɛʋelei de la ga ani ɠila, de felegɔ. 23 Nɔ̀un gè ɠili ti ʋa, ɗa ɓalaagi è ɠili bà, naa ɠa a kɛ ti ɓɔsu, ti ɠɛ ga ani ɠila kpe nii gaavɔnigai, eteai zoo é kwɛɛ naa maaʋele ma ga ɗa ɠa è tèʋegai, naa ʋoluma è niiti nɛɛʋɛ ʋɛ, eɠɛʋelei è nɛ̀ai la ʋɛ.