Intimidade com Deus

8 Beno kwiza pene-pene na Nzambi, mpe yandi ke kwiza pene-pene na beno. Beno misumuki, beno sukula maboko ya beno, mpe beno bantu ya bantima zole, beno vedisa bantima ya beno.

Beno kwiza, beno nyonso yina kele na mpwila

1 Beno nyonso yina kele na mpwila,

beno kwiza na kisika yina kele na maza,

ya vwanda muntu yina kele ve na mbongo.

Beno kwiza, beno sumba mpe beno kudya!

Beno kwiza sumba malafu mpe miliki!

Kondwa kupesa mbongo, kondwa kusumba!

2 Samu na yinki beno ke na kubasisa mbongo ya beno na yina kele ve madya?

Samu na yinki beno ke salaka samu na madya yina ke yukutisaka ve?

Beno kuwa munu mbote, mpe beno ke kudya madya ya mbote,

beno ke vwanda na kilengi ya kudya madya ya kitoko.

3 Beno kuwa munu mpe beno kwiza na sika ya munu,

beno kuwa munu mpe beno ke zinga.

Mu ke sala na beno, ngwisani ya bantangu nyonso,

samu na kulungisa bansilulu yina mu tubaka na Davidi.

4 Tala, mu tulaka yandi mutindu mbangi ya makanda ya bantu,

mpe mutindu mfumu samu na kuyala makanda ya bantu.

5 Ya tsyelika, nge ke bokila bantu ya bayinsi yina nge vwandaka zaba ve,

mpe bantu ya bayinsi yina zabaka nge ve ke kwiza mbangu na sika ya nge,

samu na munu, Yave Nzambi ya nge,

Nzambi ya longo ya Isayeli,

yina me pesa nge nkembo.

6 Beno sosa Yave na ntangu beno lenda kutala yandi,

beno bokila yandi, ntangu yandi kele pene-pene!

24 Ntete ti bawu kubokila munu,

munu, mu ke pesa bawu mvutu,

ntangu bawu ke ntete na kuzonza,

munu, mu ke lungisa bandombolo ya bawu.

3 Bokila munu mpe mu ke ndima. Mu ke lwengisa nge mambu ya nene, mambu ya kubumbama yina nge zaba ve.

11 Munu, mu zaba mambu yina mu kubikaka na kusala samu na beno. Ya ke mambu ya ntomosono kasi ya kyadi ve. Mu ke pesa beno luzingu ya mbote mpe kivuvu. Ni Yave me tuba yawu.

Mutindu nkabi ke vwandaka na mpwila

1 Mukunga ya bana ya Kole. Mukunga yina ba twadisaka na mfumu ya miyimbidi.

2 Mutindu nkabi yina ke na mpwila ke sosaka maza na mwila,

munu mpe mu ke na mpwila ya nge, Nzambi ya munu!

Bumbote ya nge me lutila luzingu

1 Mukunga ya Davidi ntangu yandi vwandaka na yinsi ya kuyuma ya Yuda

2 Nzambi, nge kele Nzambi ya munu,

mu ke na kusosa nge,

mu ke na mpwila ya nge,

mu ke na nsatu ya nge na ntoto yayi, yina ata kima ke menaka,

mutindu ntoto ya kuyuma, kisika maza kele ve.

3 Mu ke yangalalaka na kutalaka nge na kati ya Yinzo ya nge ya longo,

samu na kutala lulendo mpe nkembo ya nge.

4 Ya tsyelika bumbote ya nge me lutila luzingu,

yinwa ya munu ke na kembila nge.

5 Mu ke tonda nge bilumbu nyonso ya luzingu ya munu,

mu ke nanguna maboko ya munu na zulu na kubokilaka Nkumbu ya nge.

6 Mu ke vwanda ya kufuluka,

mutindu muntu me yukuta madya ya kitoko mpe ya mingi.

Mu ke lakisa nsayi ya munu,

mu ke sala milolo ya nsayi samu na nge.

7 Ntangu mu ke vwandaka na mfulu ya munu,

mu ke bambukaka moyo na nge,

na mpimpa, mu ke banzaka na nge.

8 Nge kele lusalusu ya munu,

mu ke na kuyangalala na mpewo ya mapapu ya nge.

9 Mu kele ya kukangama na nge,

diboko ya nge ya lubakala me simba munu.

10 Bayina ke na kusosa na kubebisa luzingu ya munu,

bawu ke kota na kati-kati ya yisi ya ntoto.

11 Bawu ke kufwa na mbele ya mvita,

bawu ke kuma madya ya mibaku.

22 Mu me pesa bawu nkembo yina nge pesaka munu, samu ti bawu kuma muntu mosi, mutindu beto kele muntu mosi na nge, 23 munu na bawu, mpe nge na munu. Bika ti bawu vwanda ya tsyelika muntu mosi, samu ti bantu ya yinza kuzaba ti ni nge fidisaka munu, mpe ti nge ke zolaka bawu mutindu nge ke zolaka munu.

17 Yave, Nzambi ya nge kele na nge:

Yandi ke na ngolo mpe yandi ke nungisa nge,

yandi kele ya kufuluka na nsayi samu na nge,

luzolo ya yandi samu na nge ke na kupesa nge luzingu ya malu-malu,

yandi ke na kuyangalala mpe ke na kusala milolo ya nsayi samu na nge,

9 Nzambi ke lungisaka mambu yina yandi pesaka nsilulu, mpe yandi kele ya kudedama. Na yina, kana beto fungula masumu ya beto, yandi ke lemvokila beto masumu mpe ke vedisa beto na yimbi nyonso.