8 तुम्ही परमेश्वराजवळ या म्हणजे ते तुम्हाजवळ येतील. अहो पाप्यांनो, आपले हात धुवा आणि दुहेरी मनाचे जे आहेत त्यांनी आपली अंतःकरणे शुद्ध करावीत.

1 "तुमच्यातील सर्व तान्हेल्यांनो,

पाण्याजवळ या;

आणि तुम्ही, ज्यांच्याकडे पैसे नाहीत,

या, घ्या व खा!

या, द्राक्षारस अथवा दूध घ्या

पैसे न देता, विनामूल्य घ्या.

2 जी भाकर नाही त्या अन्नपदार्थांवर व्यर्थ पैसे का खर्च करावे,

आणि ज्याने समाधान होत नाही त्यासाठी कष्ट का करावे?

ऐका, माझे ऐकून घ्या आणि जे चांगले आहे ते खा,

आणि हे उत्तम अन्नपदार्थ खाऊन तुम्ही अत्यंत आनंदित व्हाल.

3 माझे ऐका आणि मजकडे या;

लक्ष द्या, म्हणजे तुम्ही जिवंत राहाल.

मी तुमच्याबरोबर सर्वकाळचा करार करेन,

माझ्या विश्वासू प्रीतीचे वचन मी दावीदाला दिलेले आहे.

4 पाहा, मी त्याला लोकांसमोर साक्षीदार,

एक शासनकर्ता व लोकांचा अधिकारी बनविले.

5 निश्चितच ज्यांना तुम्ही ओळखत नाही अशा राष्ट्रांना बोलवाल,

आणि ज्यांना तुम्ही ओळखत नाही अशी राष्ट्रे तुमच्याकडे पळत येतील,

कारण याहवेह, तुमचे परमेश्वर,

इस्राएलचे पवित्र परमेश्वर आहेत,

त्यांनी तुम्हाला गौरवाने संपन्न केले आहे."

6 याहवेहच्या प्राप्तीचा काळ आहे, तेव्हा पर्यंतच त्यांचा शोध घ्या.

ते समीप आहेत, तेव्हा पर्यंतच त्यांचा धावा करा.

24 मला हाक मारण्यापूर्वीच मी त्यांना उत्तर देईन;

ते मला बोलून सांगताहेत तोच मी ऐकेन.

3 ‘मला हाक मार म्हणजे मी तुला उत्तर देईन, व तुला माहीत नसलेल्या महान आणि शोधता न येणाऱ्या गोष्टी तुला सांगेन.’

11 याहवेह असे जाहीर करतात, "कारण मी तुमच्यासाठी केलेल्या योजना मला माहीत आहेत, त्या योजना तुमच्या भल्यासाठी आहेत, वाईटासाठी नाहीत, तुम्हाला आशा व उज्वल भविष्यकाळ देण्याच्या त्या योजना आहेत.

1 हरणी जशी पाण्यासाठी उत्कट लालसा करते,

तसा हे परमेश्वरा, माझा जीव तुमच्यासाठी उत्कट लालसा करीत आहे.

2 माझा जीव परमेश्वराकरिता, जिवंत परमेश्वराकरिता तहानलेला आहे.

मी केव्हा परमेश्वरासमोर येऊन त्यांचे दर्शन करणार?

1 हे परमेश्वरा, तुम्ही माझे परमेश्वर आहात,

मी तुमचा कळकळीने शोध करतो;

या कोरड्या आणि वैराण भूमीत

माझा जीव तुमच्यासाठी तहानलेला झाला आहे;

माझे सर्वस्व तुमच्यासाठी किती

उत्कंठित झाले आहे.

2 तुमचे सामर्थ्य आणि गौरव

मी तुमच्या पवित्रस्थानी पाहिले आहे.

3 कारण तुमची प्रीती जीवनाहून उत्तम आहे,

माझे ओठ तुमचे गौरव करतील.

4 माझ्या जिवात जीव आहे तोपर्यंत मी तुम्हाला धन्यवाद देईन

आणि माझे हात तुमच्या नावाने उंच करेन.

5 उत्कृष्ट भोजनाने व्हावे तसा मी तृप्त होईल;

गीत गाणार्‍या ओठांनी मी तुमची स्तुती करेन.

6 माझ्या बिछान्यावर मी तुमचे स्मरण करतो;

रात्रीच्या प्रत्येक प्रहरी मी तुमचे मनन करतो.

7 कारण तुम्ही माझे साहाय्य आहात,

तुमच्या पंखांच्या सावलीत मी गीत गातो.

8 मी तुम्हाला बिलगून राहतो;

तुमचा उजवा हात मला सावरून धरतो.

9 जे मला मारू इच्छितात त्यांचा नाश होईल;

ते पृथ्वीच्या खोल रसातळी जातील.

10 तलवारीच्या धारेने ते पडतील;

कोल्ह्यांचे ते भक्ष्य होतील.

11 परंतु राजा परमेश्वरामध्ये उल्हास करेल;

जे लोक परमेश्वराची शपथ घेतात, ते सर्व त्याचे गौरव होईल;

परंतु लबाडांची तोंडे बंद होतील.

22 तुम्ही जे गौरव मला दिले ते मी त्यांना दिले, यासाठी की जसे आपण एक आहोत तसे त्यांनीही एक व्हावे, 23 मी त्यांच्यामध्ये व तुम्ही माझ्यामध्ये यासाठी आहोत की त्यांनी एक होऊन पूर्ण व्हावे आणि त्यावरून जगाने समजून घ्यावे की, तुम्ही मला पाठविले आहे आणि जशी तुम्ही मजवर प्रीती केली तशी त्यांच्यावरही प्रीती केली आहे.

17 महाप्रतापी योद्धा जे रक्षणकर्ता आहेत,

ते याहवेह तुझे परमेश्वर तुझ्यासह आहेत.

त्यांना तुझ्यामुळे अत्यंत आनंद होतो;

तुझ्यावरील प्रीतीमुळे ते तुजवर दोषारोपण करणार नाहीत.

त्याऐवजी तुझ्याबद्दल ते गीत गाऊन उल्हास व्यक्त करतील."

9 जर आपण आपली पापे त्यांच्याजवळ कबूल करतो, तर ते विश्वसनीय व न्यायी आहेत, म्हणून आपल्या पापांची क्षमा करतील आणि सर्व अनीतीपासून आपल्याला शुद्ध करतील.