Irmãos
A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.
Amor fraternal
Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.
Mi yii eɗ ɗu nakoh as : Waaɗtiɗohaat ŋ harmban ɗu. Findi ŋ waaɗoh ɗu, namaat waaɗtiɗoh ɗaa ŋ harmban ɗu. Ɗu waaɗtiɗoh ŋ harmban ɗu ɗah, ɓooɓi jen hey inhe ne ɗu taalubeeciŋ ngo. »
Ɓaah ciŋ ngo ŋ keeñkoh,
ɓoo waaɗtiɗohaat ŋ harmban ɓoo ;
laam waaɗoh puloh ŋ Kooh,
te ɓo' nu waaɗ morom ce ɗah,
a rimkoh ŋ Kooh
te a inhiɗ Kooh.
Ɓo' woo ne a waaɗiɗ Kooh, te a sang morom ce ɗah, a leyoh ; ɓo' nu waaɗɗi morom ce yi a na hote ɗah, a minɗi waaɗ Kooh yi a hotɗi.
Ɓi waaɗ ɓaah ciŋ ɓa kosiɗ ci, ɓa gen ŋ siñaari te ali in kafndanɗi ɓa.
Ɓo' nu kos ne a Yeesu, a yi Kiristaani ɗah, ɓoyeem, a kuɓu Kooh, te ɓo' nu waaɗ Baabi, yi na rime ɗah, a waaɗiɗ ɓi rimkoh nga ɗe.
Ɗu kerhiɗiɗ keeh ki po ɗu hoolɗiɗ haf ɗu ne ɗu waaɗoh waaɗohi hunɗi na naafeeha, ɗiski wa nik, waaɗtiɗohaat waaɗtiɗoh keeh-keeh na keeñ hooliɗ.
Comunhão e edificação
Não abandoneis a congregação. Encorajem-se mutuamente, cantem juntos e instruam-se na Palavra de Cristo.
Ɓoo kinaat faɗ coh ci ɓoo na cohe. Ɓinooɓi faɗiɗ ca po wa nikiɗ ini ɓa meeɗ. Ineem kinaat ɓoo rahas. Ɓoo joy joy ñaahtiɗoh. Te ɗu uupee hot ne mbehiŋ Heɗ ɓoo wii reɓeeɗa ɗah, uupaat nga ñaahtiɗoh.
Woo kiŋ Kiristaani genaat nga ɗu na raak-raakiŋ wa jen ; jangɗohaat ŋ harmban ɗu te ɗu ñaahtiɗohee na liiɓoha moɗiɗ nu nik, wa hun na ƴeek ciŋ Sabuur na ƴeek corkiɗoha Kooh, na ƴeek ci puloh ŋ Fuuɗsi Hoolohngaani jen ; ɗu ƴeek ca na keeñ ciŋ ɗu ne ɗu corkiɗ Kooh.
ɗu woyee ŋ harmban ɗu na ƴeek ciŋ Sabuur na ƴeek corkiɗoha Kooh, na ƴeek ci puloh ŋ Fuuɗsi Hoolohngaani jen ; ƴeekaat ɗu yakɗee Heɗi na keeñ ciŋ ɗu jen.
Perdão e reconciliação
Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.
Ɓaah fu bakaaɗ [nga ɗa] ɗah, kaɗa nga ɗe kiik fu, fu woo na ɗe. A kerhiɗ ɗa ɗah, fu raakiɗ keeñiŋ ɗe. A kerhiɗɗi ɗa ɗah, huna na ɓo' yino wala kanak, fu kaɗis nga ɗe. Laam, Fiis ci woo ne : " Seede kanak wala kaahay raak ɗah, in nu nik miniɗ tufkiɗu. "
Ɓaah fu bakaaɗ [nga ɗa] ɗah, kaɗa nga ɗe kiik fu, fu woo na ɗe. A kerhiɗ ɗa ɗah, fu raakiɗ keeñiŋ ɗe. A kerhiɗɗi ɗa ɗah, huna na ɓo' yino wala kanak, fu kaɗis nga ɗe. Laam, Fiis ci woo ne : " Seede kanak wala kaahay raak ɗah, in nu nik miniɗ tufkiɗu. " A sang ɓa kerhiɗ ɗah, woyaa ɓooɓiŋ Janguuni. A sang kerhiɗ Janguuni ɗah, ambaa ɗe findi kosaaɗi na juuti’oh.
Ñam na woyee ɗu wa te wa keeh : In nu ɗu sangoh ŋ kehƴi ɗah, wa hey nike ini Kooh sangoh ŋ Eel ci, te in nu ɗu teyɗuk ŋ kehƴi ɗah, wa hey nike ini Kooh teyɗuk ŋ Eel ci.
Ñam woyis ɗu wa [te wa keeh] : Ɓo' kanak kerhiɗoh nga ɗu ndii, ŋ kehƴi, ne ɓa kiim Kooh ŋ in nu wa min nik ɗah, Baabiŋ ngo yi nik ŋ Eel ci hey ɓa wa haɓɗiɗe. Laam ɗisik nu kanak mbaa kaahay coh ŋ tiikiŋ ngo ɗah, mi yii ŋ harmban ɓa. »
Yeesu degga nga ne : « Baabiŋ ngo yi ŋ Eel ci tumohan na ɓo' nu nga ɗu ɗaa ne ɗu ɗaasɗi morom ciŋ ɗu na keeñ soosiɗ ɗah. »
Ŋ ineem, buuri hey ɓa lofe ne : " Ñam na woyee ɗu wa te wa keeh, ali nik ne ɗu haɓɗiɗ in ceem yino ŋ taambɗoh ciŋ ngo uup heefu sah, ɗu haɓɗiɗ to wa. "
Ɓo' nu na haɓɗe ini Kooh waaɗ ɗah, ɓoyeem a taambɗoh ho ƴaar mbaa ɓitiɓ, wala yaay ɓoo. »
Fu dengee yaɓko ɗah, kina woo na ɗe woo ndengiɗ, waaye woya na ɗe woo moɗoɗ po haa a yi baab ɗu. Fu dengee fiir ci po haa ɓa taambɗoh ciŋ ɗa. Fu amb ɓitif ci findi yaay ciŋ ɗa, na cafaƴ ci findi taambɗoh ciŋ ɗa ɓitiɓ, wa hun na hool keeh-keeh.
Ɓo' taambkohɗi ɓaah ciŋ ɗe, ŋ woyisɗi ɗa ɓi kahan ce ɗah, a faɗiɗ kosiŋ ɗe te a yi uup baahaaɗi kosaaɗi.