Irmãos
A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.
Amor fraternal
Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.
Ngoi to pula’a ra ngini parenta ma su-sungi: Ni ma’u dadalara matengo re matengo. Ngini balasu ni ma’u dadalara matengo re matengo, ma tero sa’olo Ngoi tini dadalara ngini ḏua. Na’o ngini matengo re matengo ni ma’u dadalara, ngowa’a mo-moini ḏuanga i’a ya waro mangale ngini Ngoi 'ari me-mete’e."
Ma Jou’ongu Madutu dadalara ma cimi
Ngini, ioronongoḏu ngo-ngaku rimoi ga’a ngoi tunu dadalara! Ino ngene wo ma’u dadalara matengo re matengo, sababu dadalara gena-ge ma 'asala ra Ma Jou’ongu Madutu tala. Dadi na’o 'a guna ḇato 'o dadalara 'ai ioronongoḏu ngo-ngaku rimoi, unanga gena-ge Ma Jou’ongu Madutu 'ai ngowa’a re 'o nana’o Ma Jou’ongu Madutu.
Dadi na’o matengo i’a 'o kanau, "Ngoi to dadalara Ma Jou’ongu Madutu." Mada’a unanga 'o dadalara ua 'ai ioronongoḏu ngo-ngaku rimoi, ngowa’a gena-ge ngowa’a sa-sakala. Sababu osama 'akala ua unanga gena-ge 'a dadalara ua 'ai ioronongoḏu ngo-ngaku rimoi ga’a 'a oḏi-oḏi’i, kara nyengara 'o dadalara Ma Jou’ongu Madutu ga’a unanga 'o oḏi’i ua!
Ngowa’a ga’a 'aḏi dadalara manga ioronongoḏu ngo-ngaku rimoi, ananga 'aḏi 'ahu toma tarangi ma dara singadolo manga ga’a 'i sigasa ua ananga toma ḏosa.
'Utungu talaḏi dungia
'A guna ḇato 'aḏi ngaku mangale Yesus gena-ge 'O Kristus ga’a Ma Jou’ongu Madutu 'o sijaji pasala ḏua, ananga gena-ge Ma Jou’ongu Madutu 'ai ngowa-ngowa’a. 'A guna ḇato 'aḏi dadalara Ma Jou’ongu Madutu manga Ḇaḇa, 'aḏi dadalara ḏi’i 'Ai ngowa-ngowa’a.
Dadi nange-ne ngini ninga 'akala re sinyingara 'i dadi 'ofi-'ofi, sababu ngini ni mete’e Ma Jou’ongu Madutu 'ai do-doto’o banari singadolo mode-mode’e ngini ma’u dadalara ninga ioronongoḏu ngo-ngaku rimoi. Kalaha so’o gena, ngoi to pula’a duga re domolo moju, ngini balasu ni ma’u dadalara reo 'akala re sinyingara mode-mode’e,
Comunhão e edificação
Não abandoneis a congregação. Encorajem-se mutuamente, cantem juntos e instruam-se na Palavra de Cristo.
Ino ngene wo malomu tau-taunu. Awa ngene ma tero sa’olo ngowa’a lelegu ga’a 'aḏi malomu riwara. Siḏibo ḏi’i, ngene balasu lebe cufala ma’u babata matengo re matengo di’a malomu, sababu ngene wo waro mangale ti’ara riwara Ma Jou ḏuanga i’a 'o sapolo moju.
Ngini balasu ni 'elingi tau-taunu Kristus 'ai do-doto’o, la 'i parenta taninga de’oso re ḏegoro, demo re ganau. Dadi ngini ni mete’e ma duhu so’o ne: Ni ma’u doto’o, ni ma’u si’elingi di’a mete’e 'Ai do-doto’o reninga 'akala soro’unu. Re ni mete’e ma duhu so’o ne ḏi’i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou’ongu Madutu.
Ni pake mazmur, nyanyi Rohani re puji-pujiana di’a ni puji re silamo’o Ma Jou’ongu Madutu, la ni site’e matengo re matengo ninga ngo-ngaku. Ni manyanyi reninga 'akala re sinyingara mode-mode’e ra Ma Jou’ongu Madutu.
Ḇesi 'i simangono reo ḇesi,
manusia madoto’o toma manusia.
Ḏagilomu 'aḏi dadalara tau-taunu,
re ioro re nongoḏu 'aḏi ma’u riono toma 'orasa kangela.
Rema ḏagilomu ga’a 'aḏi sigasa toma bodito,
mada’a 'age ḏi’i rema ḏagilomu ga’a lebe cori reo gia nongoḏu.
Sisoi’i tala awa 'ani ḏagilomu bolo 'ani ḇaḇa 'ai ḏagilomu.
awa golo’o ri-riono tani ioro nongoḏu toma 'orasa bodito
Lebe rousu ngowa’a toma wala sebanga ga’a co-cori
reo ioronongoḏu toma giḏanga.
Perdão e reconciliação
Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.
Na’o 'ani ioronongoḏu matengo 'o madaga’a ḏosa ra ngana
"Na’o 'ani ioronongoḏu matengo 'o madaga’a ḏosa ra ngana, ngana no tagi ra unanga re no siajele mangale 'ai sala 'oru, pa’i la’o ngai rata ḇato. Na’o unanga 'a mete’e 'ani demo-demo, ngini nga muḏiḏi dadunu ni marimoi moju. Mada’a na’o unanga 'o dawongo 'ani demo-demo ua, ngana dadunu no tagi ra unanga re no gasa ngowa’a matengo bolo nga muḏiḏi ḏi’i. Sababu toma Boku 'Ofi-'Ofi ri silefo so’o ne: ‘Ma kuranga ḏua nga muḏiḏi bolo nga ḏu’ange 'aḏi dadi sakisi di’a sibanari ngowa’a gena-ge 'ai sala.’
Na’o 'ani ioronongoḏu matengo 'o madaga’a ḏosa ra ngana
"Na’o 'ani ioronongoḏu matengo 'o madaga’a ḏosa ra ngana, ngana no tagi ra unanga re no siajele mangale 'ai sala 'oru, pa’i la’o ngai rata ḇato. Na’o unanga 'a mete’e 'ani demo-demo, ngini nga muḏiḏi dadunu ni marimoi moju. Mada’a na’o unanga 'o dawongo 'ani demo-demo ua, ngana dadunu no tagi ra unanga re no gasa ngowa’a matengo bolo nga muḏiḏi ḏi’i. Sababu toma Boku 'Ofi-'Ofi ri silefo so’o ne: ‘Ma kuranga ḏua nga muḏiḏi bolo nga ḏu’ange 'aḏi dadi sakisi di’a sibanari ngowa’a gena-ge 'ai sala.’ Na’o unanga mai 'o dawongo ua ananga manga demo-demo, ngana no siajele hali gena-ge toma jama’ata. Ma ḏo-ḏogumu na’o unanga mai 'o dawongo jama’ata manga demo-demo ua, awa ngini ni ma’u supu re osama ra unanga gena-ge, ma tero sa’olo unanga ngowa’a golo-golo’o balastengi, bolo ngowa’a ga’a nana’o ua Ma Jou’ongu Madutu."
'Oru ga’a 'i yoḏu’u re 'oru ga’a 'i nyengara
"Ni ngaku mode-mode’e 'Ari demo-demo nena-ne: 'Oru ga’a ngini ni simaha ua toma dungia nena-ne, Ma Jou’ongu Madutu toma soroga mai Ra mete’e ḏi’i. Re 'oru ga’a ngini ni simaha toma dungia nena-ne, Ma Jou’ongu Madutu toma soroga mai Ra mete’e ḏi’i.
Ngoi to siajele ra ngini nena-ne ḏi’i: Na’o toma dungia 'age nga muḏiḏi taninga sigolona ga’a marimoi mangale 'oru ḇato ngini ni manyiata Tari Ḇaḇa toma soroga, Unanga ḏuanga i’a 'a sitotomo ninga go-golo’o. Sababu toma ngi’i le’a ḇato 'age nga muḏiḏi bolo nga ḏu’ange 'aḏi malomu sababu Ngoi, Ngoi 'age tamanga sigolona."
Yesus 'a siḏo-ḏogumu 'ai 'aḏe-'aḏe gena-ge so’o ne: "So’o gena ḏi’i, 'Ari Ḇaḇa da’u toma soroga ḏuanga i’a nu 'a’a ngini matengo re matengo, na’o ngini ni si’apongo ua taninga 'akala re sinyingara ninga ioronongoḏu ga’a 'a’a ḏosa ra ngini."
Re Ngoi, 'Olana gena-ge 'o sangoro, ‘Ni ngaku mode-mode’e Ngoi 'Ari demo nena-ne: 'Oru ḇato ngini reni 'a’a di’a riono 'Ari ioronongoḏu nena-ne ga’a ngowa’a mapake ua, Ngoi ta 'oro ino ma tero ḇato sa’olo ngini na riono Ngoi!’
'A guna ḇato 'o 'a’a re 'o mete’e Ma Jou’ongu Madutu 'ai 'akala ma mau, ananga gena-ge Ngoi 'ari ngina re 'Ari ioro re nongoḏu re 'Ari biḏanga."
Sigogono ruta awa tani 'akala re sinyingara ma dara tai ioronongoḏu. Mada’a ngini balasu ni siḇangata ngowa’a Israel ma lelegu, la awa ni 'a’a ḏosa sababu ngowa’a Israel gena-ge.
Ma duhu sa’olo sioḏi’i ngowa-ngowa’a ngaku Yesus matengo re matengo
Awa ngana no ḇangata ngowa’a 'aḏi ioro i’a rani demo lai te’e, mada’a na’u ajele ma ngale la-la ma tero sa’olo ngowa’a gena-ge 'ani ḇaḇa. Ngowa’a ra-ramasa ie na’u ajele ma ngale sa’olo 'ani nongoḏu. re we-were’a ioro i’a, na’u ajele ma ngale sa’olo 'ani ngina, re were’a mosolese na’u ajele ma ngale rani 'akala re sinyingara 'ofi-'ofi sa’olo ni biḏanga madutu.
Mada’a na’o 'age rema ngowa’a ga’a 'aḏi sioḏi’i ua manga ioro re nongoḏu, ma la-lamo’o i’a ananga manga ngitu re ngale masiretene; ngowa’a gena-ge ya soloto manga ngo-ngaku re lebe cira siupa’a reo ngowa’a ngaku Yesus ua!