Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Sang’hano za Imulungu zitelela,
imbuli ya Mndewa Imulungu ya kweli,
heyo ayo ngao kwa iwanhu wose omkimbilila.
Sang’hano za Imulungu zitelela,
imbuli ya Mndewa Imulungu ya kweli,
heyo ayo ngao kwa iwanhu wose omkimbilila.
Wamweda iwanhu okala bila kitala,
awo ogagoga malagizo ga Mndewa Imulungu.
Imunhu yokala bila vitala na yotenda ganogile,
na kolonga ukweli mmoyo wake,
imunhu hadetaga wayagwe,
hamtendela gehile miyage,
na hamulonga vihile mbwigake.
Kowekila ngama ya ubala waja osang’hana ganogile,
heyo ayo ngao kwa waja otenda kwa moyo kwatu.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Siye wose totenda vihile miyanza mingi. Kamba munhu hatenda vihile mna ukulonga, munhu ayo katelela na vivija kodaha kulutawala lukuli lwake lose.
Kutambika kunogile na hakufitile mgameso ga Imulungu Tata uko kuno, kuwataza wana iwakiwa na kuwataza wagane mmagayo gao na kuilolesa mwenyego sikuunangigwe na mbuli za mwiisi ino.
Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.
Nayo viyamambukize sang’hano iyatumigwe na Imulungu, kawa chanduso cha ukombola wa milele kwa waja wose omtegeleza heyo,
Yesu kamulongela, "Wahalonda udahe kutenda goyolonda Imulungu, genda kachuuze vinhu vose viuli navo na ukawagwelele wakiwa zisente, na gweye kokuwa na utajili kuulanga, abaho wize unikweleleze."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
"Niwalongela vino ili ndeng’ho jangu dikale mgati mmwenu na avo ndeng’ho jenu dileke kumala.
Mbaka sambi hamnapula kinhu chochose kwa twaga jangu. Puleni mogweleligwa ili deng’ho jenu dimeme."
Sikumukweleleze vowotenda wanhu wa mwiisi ino, lakini mulekeni Imulungu yaigaluse mizoyo yenu kwa kugalusa vija vimugesa. Baho modaha kugajuwa goyolonda Imulungu, gaja ganogile na gomnogela heyo na kija kitimilike.
Ndugu zangu, nowapula kwa twaga da Mndewa wetu Yesu Kilisito, muitogolele mbuli yoyose yumulonga, ili sikumuigole mweye kwa mweye. Muilumbe goya na mugese dimoja na mulonde kinhu kimoja.
Mna igano gose mwengeze unogelwa, kwavija unogelwa ovitenda vinhu vose vino kuilumba goya hamoja.
Kamba mwahailumba na Kilisito na kugangamala, kamba unogelwa wake owasamhusa, kamba moilumba na Loho Yang’alile na kamba mwahawa na mizoyo inogile na kuyonela bazi mweye kwa mweye, avo itendeni ndeng’helelo yangu yenele kwa kugesa kinhu kimoja na unogelwa umoja na moyo umoja na muwe na nzewele imoja. Sikumuwe na gahigahi hebu magoda gelibule kinhu, lakini kwa uhole muwagese wayagwe kuwa wanoga kubanza mweye. Kila munhu sikuyalole kiyolonda mwenyego kiiyeka, lakini vivija yalole kiwolonda wanhu wayagwe. Mugese kamba viyagesile Yesu Kilisito.
Kilisito viyali kakala kweli Imulungu,
lakini hagesile bule kamba kuigala na Imulungu kinhu cha kunanahila,
lakini kwa kulonda mwenyego,
kaleka vinhu avo vose kaitenda kamba viyali mtumwa,
kaleligwa kamba viwoleligwa wanhu,
kaoneka kwa kihanga cha wanhu.
Kaitenda mwenyego mdodo, munhu yotegeleza mbaka ifa yake,
ona ifa yake mumsalaba.
Lekaavo Imulungu kamwinula mbaka uchanha ng’hani,
kamgwaa twaga kulu kubanza matwaga gose.
Avo kwa ukulu wa twaga da Yesu,
vinhu vose viumbigwe, vili kuulanga na vili mwiisi na kuwochola wanhu wafile,
vose vimfugamile,
na kila lulimi lulonge kuwa Yesu Kilisito ayo Mndewa,
kwa ukulu wa Imulungu Tata.
Mbwiga zangu siku zose vinikalile na mweye munitegeleza, na hata sambi nakutali na mweye wambeni kunitegeleza. Kwa bwembwe na kugwaya sang’haneni ili ukombola wenu utelele, kwavija Imulungu ayo yosang’hana siku zose mgati mmwenu, kuwatenda musulukile kusang’hana kamba viyolonda mwenyego.
Tendeni kila kinhu bila kuiyalala hebu kuibamilila, ili munoge na mung’ale na muwe wana wanogile wa Imulungu, okala mwiisi ya wanhu wapotele na wene nzambi. Mweye mong’ala hagati yao kamba nhondo zili kuulanga, mugoge mbuli ya ugima ili mdisiku da Kilisito niigodele mweye kamba kugaya kwangu na sang’hano yangu havagile bule.
Hata kamba ugima wangu ogidigwa uwe nhambiko mna isang’hano yenu ya kutamaniligwa ili nhosa kwa Imulungu, yahawa avo, nodeng’helela ng’hani na mweye modeng’helela na niye. Avo na mweye vivija mudeng’helele na kusekelela hamoja na niye.
Mndewa Yesu yahalonda, nolopola kumtuma Timoseo kumwenu, ili nahahulika mbuli zenu nisamhuke. Kuduhu munhu yoyose iyagwe yowagesa ng’hani kamba heyo. Wanhu wayagwe hawamsang’hanila Yesu Kilisito, ila osang’hanila mbuli zao wenyego. Lakini mweye wenyego mumjuwa goya Timoseo viyofaya, heyo na niye, tusang’hana hamoja kamba munhu na mwanage kuwapetela wanhu Mbuli Inogile. Avo nogesa kumtuma kumwenu hima nahakona mbuli zangu vondaziwe. Avo, nomtamanila Mndewa kuwa niye mwenyego sikawa kwiza kumwenu.
Lakini nogesa kumbweza kumwenu ndugu yangu na msang’hanaji miyangu Epafuladito, yailumbile na niye kuigombela Mbuli Inogile na vivija msenga wenu mumtumile yanitaze. Kwavija kowagelegeza ng’hani na konyunyuwala ng’hani kwavija mweye muhulika heyo kakala mtamu. Ona, kakala mtamu, na kalonda kufa. Lakini Imulungu kamonela bazi, siyo heyo yaiyeka, vivija kanyonela bazi niye, ili sambi ninyunyuwale ng’hani. Avo nolonda ng’hani kumtuma kumwenu, ili vonda mumone kabili mudeng’helele na kunyunyuwala kwangu kumale. Mumbokele goya kamba miyenu kwa Mndewa. Na muwategeleze wanhu waigalile na heyo, kwavija kalonda kufa mbuli ya sang’hano ya Kilisito, na kauhonza ugima wake ili yanitaze kija kimulemelwe mweye kunhaza.
Loleni munhu yoyose sikuyamulihe miyage gehile kwa gehile, lakini kipindi chose muwambe kuitendela ganogile mweye kwa mweye na kwa wanhu wose.