Irrepreensível

30 Kuidi Nzambi, nzilꞌandi yidi yi fuana,

mambu ma Yave madi ma kiedika.

Niandi nkaku wu batu boso bobo

bansuaminanga mu niandi.

Mina mi Yave midi mifuana

1 Lusakumunu kuidi bobo bandiatilanga mu zinzila ziawu zikambulu tsembolo,

bobo bandiatilanga boso buididi mina mi Yave.

2 Woso mutu wundiatanga mu kambu tsembolo,

wumvanganga mambu ma busonga

ayi wuntubanga mambu ma kiedika

mantotukanga mu ntimꞌandi.

3 Katubidilanga ko batu mu ludimi luandi ;

Kavangilanga ndiandi mambimbi ko

ayi kabivisanga nzitusu wu ndiandi ko.

2 Bila beto boso tueti vanga zinzimbala mu zinzila zi phila mu phila. Woso mutu wukakavanganga nzimbala ko mu mambu keti tuba, buna widimutu wufuana ; mutu wulenda yadila nituꞌandi yimvimba.

27 Kinzambi kikiedika ayi kikambulu bila va meso ma Nzambi, dise ; kuawu kuaku : sadisa bana basana ayi mafuola mu ziphasi ziawu ayi kukikeba wuvedila mu mambu ma ntoto.

17 bila kadika dikaba* dimboti ayi kadika dikaba difuanadintotukilanga ku yilu kuidi dise dimvananga kiezila. Mu niandi muisiko kadi luviakunu ayi kadi kitsuisula ki luviakunu.

9 Bu kamana kitulu mutu wufuana, wuyika tho yi phulusu yi kayimani kuidi bobo beti kuntumukina.

21 Yesu wumvutudila :

—Enati tidi ba mutu wufuana ; yenda mana sumbisa bima biobi bidi yaku bosi vana kuidi minsukami, buna ma wubaka kimvuama ku Diyilu, bosi yiza wundandakana !

11 Ndilukembi mambu mama muingi khini ama yiba mu beno ayi khini eno yiba yiduka.

24 Nate buabu kadi diambu dimosi lulombidi ko mu dizina diama, vayi bikalulomba ayi malu tambula muingi khini eno yiba yiduka.

2 Lubika vukumukina mambu ma thangu yayi, vayi bika lukituka bamona mu mayindu meno muingi lubaka bu sudikila luzolo lu Nzambi : mu zaba mambu mamboti, momo meti kummonisa khini ayi mambu mafuana.

Zikhabunu ku Kolinto

10 Bakhomba baama, minu ndikululeba, mu dizina di Pfumu eto Yesu Klisto, luzingilanga mu nguizani yimboti mu beno na beno ayi zikhabunu zibika ba mu beno. Vayi luba mu kithuadi mu mabanza mamosi ayi mu mayindu mamosi.

14 Vayi va mbata mambu moso momo luvuata luzolo ; bila luzolo luawunsinga wufuana.

Tusokudila kukikulula ku Klisto

1 Enati vadi mbombolo mu Klisto, enati vadi khuludulu yi ntima mu luzolo, enati vadi kithuadi mu Pheve, enati vadi luzolo ayi mbonokono yi kiadi 2 buna ludukisa khini ama : luba mayindu mamosi ; luba luzolo lumosi, Pheve yimosi ayi mayindu meno mabanga kaka mu diambu dimosi kaka. 3 Kadi diambu dimosi lulendi vangila mu ziphaka ko voti mu diambu di tomba nkembo wuphamba ko vayi mu kukikulula, bika kadika mutu kayindula ti niandi kasi mfunu ko ; wunkaka wunlutidi. 4 Kadika mutu kabika tomba mamboti mandi veka vayi kabanzila mamboti ma batu bankaka. 5 Bika luba mayindu mamosi, momo maba mu Klisto Yesu.

6 Niandi bu kaba lunitu lu kinzambi

vayi kasia tomba kukidekisa ayi Nzambi ko.

7 Vayi wukikulula niandi veka,

wukikinina kituka mvika.

Wukituka phila yimosi ayi batu ;

ayi khadulu andi yimonika banga yi batu.

8 Wukikulula niandi veka bu katumamana nate ku lufua,

lufua va dikulusi.

9 Diawu Nzambi kannangikila

ayi kamvanina dizina diodi diviokidi mazina moso.

10 Mu diambu di dizina di Yesu

makuma, ma bivangu bioso, mafukama,

biobi bidi ku Diyilu, va mbata ntoto

ayi ku tsi ntoto ;

11 Ayi bitambudila ti Yesu Klisto niandi Pfumu,

mu diambu di nkembo wu Nzambi Tata.

Mambu mafueti sadila bankua Klisto

12 Diawu, bakiluzolo biama, sumbu luidi tumamana mu zithangu zioso, bika lusala ayi luvanga mambu mafueni mu diambu di phulusu enomu tsisi ayi mu lukhuku. Bika sia ti bu ndidi yeno vayi luluta bu vanga bu khambulu yeno. 13 Bila Nzambi niandi weti vanga mu beno luzolo lu sadila ayi lu vangila boso buididi lukanu luandi lumboti.

14 Bika luvangila mambu moso mu kambu maniunguta ayi ziphaka 15 muingi luba batu bakambulu tsembolo ayi luba batu bavedila, luba bana ba Nzambi bakambulu nzimbala va khatitsika tsungi yi batubaluvunu ayi yi batu bambimbi. Mu bawu lueti lezama banga minda, va nza ; 16 mu monisa mambu ma luzingu mu diambu di nkembo ama mu lumbu ki Klisto muingi ndibika ba monika ti mu phamba ndizawudila voti mu phambandisadila. 17 Vayi enati menga mama malenda dukulu banga dikaba va yilu dikaba ditambuku ayi va yilu kisalu ki minu kieno buna khini ndieti monaayi ndieti yangalala va kimosi ayi beno boso. 18 Buawu bobo beno mamveno, monanu khini ayi yangalalanu va kimosi ayiminu.

Timote ayi Epafolodite

19 Tsidi diana mu Pfumu yesu, ti ndielai kulufidisila Timote mu nsualumuingi mamvama ndikindusu mu thangu ndiela wa zitsangu zieno.

20 Bila kuisi ko mutu wunkaka kuaku, botula kaka niandi, widi mayindu banga mama ayi wukulubelanga mayindu mu diambu di mambu meno. 21 Bila bawu boso bantombanga mamboti mawu veka vayi bika mamboti ma Yesu Klisto. 22 Muaki luzebi beno veka buevi kamonisina kisalu kiandi bu kasala yama mu samuna Nsamu Wumboti banga muana ayi dise diandi. 23 Minu mana zaba bu nkuendila mambu mama, buna ndiela kulufidisila niandi nsualu.

24 Muaki tsidi diana mu Pfumu ti minu veka ndieka nduka kuiza ku lutala. 25 Vayi mbueni buabu ti bulutidi mboti mu kulufidisila Epafolodite, khombꞌama, kisadi yama ayi kinuani yama, vayi mvualꞌeno ayi kisadi kienomu diambu di zitsatu ziama. 26 Bila mayindu mawombo maba yandi mu diambu dieno ayi mu kiadi kaba bu luwa ti bela kaba mbela. 27 Kimbevo kingolo kiba yandi, fioti fisiala nganu wufua ; vayi Nzambi wummona kiadi. Bika sia ti niandi kuandi kaka Nzambi kamonina kiadi vayi ayi minu mamvama muingi ndibika banga mu kiadi mu zithangu zioso.

28 Diawu ndilufidisidi niandi mu nsualu muingi bu luela kummona ; lumona khini ayi kiadi kiama kidekuka. 29 Luntambula mu Pfumu mu khini yingolo. Lukinzikanga batu baphila yoyi. 30 Bila wedi kafuidi mu diambu di kisalu ki Klisto. Wuyekula luzinguluandi mu diambu di kuphana lusadusu lolo beno lusia kuphana ko.

15 Lukeba mboti muingi mutu kabika vutudila ndiandi mbimbi mu mbimbivayi lutombanga vanga mambote mu beno na beno ayi kuidi batu boso.