Jesus me ama
Jesus me ama — essa certeza transforma vidas. O amor de Cristo não depende do nosso merecimento, mas da sua natureza. Ele nos amou primeiro, e nada pode nos separar desse amor.
Ele me amou primeiro
Nós amamos porque Ele nos amou primeiro. O amor de Deus se manifestou em nos enviar seu Filho como propiciação pelos nossos pecados.
Ana God komono kana dem muduo norukwa pre nono yoba pere deno muduno tenamga kuno erukwa.
Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Neno Kade dem muduo podo kaima norumedi prio! Na gagrama meglmiwe dugo, nono ka kaima ye gagiglma munga. Ba makandigle yoba Neno Kade pre kan erekrikwa pre nono ye gagiglma munga i ama pre kan erekrikwa.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
Amor inseparável
Nem a morte, nem a vida, nem qualquer outra criatura poderá nos separar do amor de Deus em Cristo Jesus nosso Senhor.
Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa. Nono ka kaima yubun tau yegl mere inamga i pre God kamo mina okna ibo yegl beglkwa,
God yo, no ene yobanma munga pre yoba ege ege no si goramnedi erikwa.
Ye no kanigwa i, ye sipsip ta si goraiglkwa mere yegl meglmedi no kanimiwe
di, God kamo yegl dugwa. Taragl kane kane yegl plau dinabuka ba Jisas yene dem muduo podo norsre, yobuglo bogl norukwa pre taragl i nono ta si atne edekrabuka. Ka kaima ta manabuka. Nono ege ege yobuglo eramga.
Ene God yobama, provins Esia suna, taun kade 7-pela yomara suna meglkwa i, Na Jon, pepa magigl i, ene bogl teiga. Na prika i, God ya Jisas Krais yebr, te, God Murubuglo ye yobuglomo 7-pela paugwa moglkwa i, ye pra pra ene yoko kaima ere wakai ere tedre, deno muduno wida di padigl tenaiglmedi prika. God moglkwa i, ye okna ibo aimadi kamun moglsre, erme ama mogl pai moglsre, okuo yene ama unabuka. God Murubuglomo ye yobuglo 7-pela paugwa molkwa i, ye God siamo king yomara gumamugl moglkwa. Te, Jisas Krais moglkwa i, ye God kamo pamere di norukwa yagle moglkwa. Ye komnaye kana goglsre, adigl u kor ogwa te, erme king makandigle meglkwa i mudu i swara ede, Yaglno Kade moglkwa.
Ana nono aimadi kamin Jisas kagie kade tenamga paugwa. Nono tadaglme erumga pre kane pamgo, ye dem muduo norsre, ye bormaimo suru edumara i mina nono i meda edugwa. Te, ye nono kingno mogl, suglno moglmara nono i suna edidre, tawa teigwa yoba kogon erimere mere yegl, Jisas Nem God moglkwa i, nono ye kogonmo ere tenaiglmedi norukwa. Yegl pre ye kagie kade aimadi kamun tedre, ye nono Yaglno Kade moglmedi debie si pai moramga.
Abuglage mina mogl pai eramga
Ana ene God gagiglma mogl kodigo, God dem muduo podo ene togwa. Ene God gagiglma meglkwa pre God ebrie mabuno erumere yegl ene erio. God Kere Yugwa Yagl Jisas ye nono dem muduo podo norumara i, ye nono ere inagledi goglsre, tawano God te kodugo, God kandre, dem muduo aragan erukwa. Ana Jisas dem muduo podo norumere yegl, ene ama yoba deno muduno te wan molo.
Celebrar o amor de Jesus
O amor de Jesus é motivo de cântico e louvor. De manhã cantarei teu amor e à noite proclamarei tua misericórdia.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
I siragl pre nono Yaglno Kade Jisas Krais ene siragl mere mitno goglsre, ere wakai ere togwa i, enene prikwa. Ye moglkwa i, taragl wakai wakai ye moglmara kau sugwa ba ye ene ake ple di tenagledi taragl i kide kodidre, u goduglme yoba mere yegl ogwa. Ye u goduglme yoba mere yegl ogwa i, ene taragl wakai wakai inaiglkwa pre erukwa. Yegl pre ene ye erumere mere yegl eraiglkwa paugwa.