19 Gidaadou e aloho, idimaa, God ne daamada ne aloho i gidaadou.

10 Deenei di hai o di aloho: hagalee go gidaadou ne daamada ne aloho i God, go Mee ne daamada ne aloho i gidaadou, ne hagau mai dana Dama belee hai ai tigidaumaha e hui tadau huaidu.

1 Goodou mmada gi tamanaiee o di aloho o Tamana i gidaadou. Dono aloho e damanaiee huoloo, gaa hidi ai gidaadou ga haga ingoo bolo nia dama ni God, deenei le e donu! Dela di mee ne hidi ai digau henuailala e de iloo ginaadou gidaadou, idimaa, digaula e de iloo a God.✝

16 Deenei di mee ga iloo gidaadou be di aloho la di aha: Christ gu dugu anga dono mouli i gidaadou, gei gidaadou gi dugu anga labelaa tadau mouli gi tadau duaahina daumaha!

16 Idimaa God ne aloho huoloo i henuailala dela ne hagau mai dana Dama daane hua e dahi, bolo digau huogodoo ala e hagadonu a Mee, la hagalee mmade, ga hai mee gi di mouli e dee odi.

8 Gei God gu haga modongoohia dono aloho damanaiee i gidaadou, idimaa, i di madagoaa gidaadou nogo noho i lodo di huaidu, gei Christ guu made i tadau lohongo!

38 Au e hagadagadagagee bolo ma deai di mee e mee di wwae gidaadou gi daha mo di aloho o God ai: Hagalee go di made be go di mouli, hagalee go digau di langi be go nia dagi o di langi be go nia mogobuna o di langi, hagalee go di madagoaa dolomeenei be go di madagoaa maalia, 39 hagalee go bahi i nua henuailala be go bahi i lala o henuailala. Deai di mee i lodo ana mee ala ne hai e mee di wwae gidaadou gi daha mo di aloho o God ai, go di aloho dela ne hai mee ginai gidaadou mai tadau Dagi go Jesus Christ.

35 Gei di maa koai dela e mee di wwae gidaadou gi daha mo di aloho o Christ? Hagalee go di hagamada, di haingadaa, tadaaligi, di hiigai, di hagaloale, di mee haga lliga, be go di made! 36 Idimaa, di Beebaa Dabu e helekai,

"Idimaa Kooe, dela gaa noho ai gimaadou

i lodo di haingadaa o di made

i lodo nia madagoaa huogodoo.

Gimaadou e hai gadoo be nia siibi

ala ga daaligi gii mmade."✝

37 Gei deeai, i lodo nia mee huogodoo aanei, gidaadou guu dohu i di aali, mai dono aloho i gidaadou!

5 mo mai baahi o Jesus Christ, go Tangada hagi aga mee manawa dahi ge donu, go taamada o di mouli aga i di made, ge dela hogi go Tagi o nia king o henuailala.

Mee e aloho i gidaadou, gei Mee guu wwede tadau ihala gi daha mai i ono dodo,✝ 6 guu hai gidaadou gii hai di golohenua hai mee dabu, belee hai nnegau o dono God mo dono Damana. Di madamada mo di mogobuna la gii noho i baahi o Jesus Christ gaa hana hua beelaa! Amen.✝

1 Idimaa goodou guu hai nia dama hagalabagau ni God, goodou hagamahi gii hai be Mee. 2 Godou mouli gi dagia go di aloho, gii hai be Christ dela ne aloho i gidaadou, ga gaamai dono mouli be tigidaumaha kala mo di wanga dehuia dela e haga tenetene a God.✝

17 Au ga hagaamu Goe, go dogu Dangada Daa, dagu gowaa e bala ginai au

la go God, di God dela e aloho i di au.

8 Dimaadua le e dumaalia ge e aloho, ge hagalee hagawelewele ngoohia

ge e honu i di aloho dee odi.✝

9 Mee hagalee helekai hai baahi gi nia daangada i nia madagoaa huogodoo.

Mee hagalee hagawelewele gaa hana hua beelaa.

10 Mee hagalee hagaduadua gidaadou gii tau gi tadau mee hala ala ne hai,

be e hui gidaadou e hagatau gi tadau ihala mo tadau huaidu ala ne hai.

11 Tamanaiee o dono aloho i digau ala e hagalabagau Ia,

le e hai gadoo be di mogowaa gi nua o di langi mai i henuailala.

12 Dana hai dela ne haga mogowaa tadau huaidu gi daha mo gidaadou,

le e hai gadoo be di mogowaa i mehanga o dua mo dai.

13 Di aloho kaedahi damanaiee dela e mee di hai go tangada, le e wanga dono mouli gi ono ehoo.

9 Goodou e iloo tumaalia o tadau Dagi go Jesus Christ: i dono maluagina huoloo, ge Ia guu hai Ia gii hai be tangada hagaloale i goodou, bolo gi maluagina goodou mai dono hagaloale.