Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Bwikyikyo Ela yaba, Ela mani yo kpo Owuso, kweyi Ela mani wo Owuso.
Bwikyikyo Ela yaba, Ela mani yo kpo Owuso, kweyi Ela mani wo Owuso. Oyo kpo Owuso bwikyikyo.
Bwebe nu ayojoji kpiri, bwebe nu lalo abiba yojije lo.
Ela mani wa wasuse kweyi yagye ipu kaha. Aha migyashi nu, igyashi koni anu fufunu wo Oyi ka Ada ni, oki nwonwu kponeshi kpokwokwoshi.
Ikweyi koni Owuso kpiri-kpiri yagye ipu ko Okristi, ipu kikpiye nu kasuse,
Ikweyi koni Owuso kpiri-kpiri yagye ipu ko Okristi, ipu kikpiye nu kasuse, kweyi adalo Okristi kpiri-kpiri, ni woteyi kawose kposhu kpiri ni.
Arinya wo na woye kponu kpa ko Okristi Oyesu:
Ni le byoni Owuso we ni,
oke zo gyogye nu kpo Owuso wojije lo.
Abishi koni, okyogwu sho ojoji kpiri ni ogbo ni bita,
kweyi ziyinu byo oshe.
Owa bya asuse,
kweyi bose wese byasuse.
Arinya wo na woye kponu kpa ko Okristi Oyesu:
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Ebeni oduwo oka mo, <<Ala ke mo nwwa anoho?>>
Obitrus kyogwu mo, <<Owo Okristi, Oyi ko Owuso ine ko gbo layi.>>
Oyesu ka danu mo, <<Otunehe yo kpa awo Osimo, oyi ko Oyunana! Koni ofoza mani bwe ebe ka asuse la lo, ke bwe ebe ka Ada hin ni yi iso ni.
Okamo, <<Ma! Isonya ya bipu! Oya moyi, aba daniye mi, Imanuwe.>> ase ki Imanuwe wo, <<Owuso yo kpaha.>>
Ishini oteyi ka adakare kpa awase ni ba gbeho ko Oyesu mo okpagye ja kpo oza ni gbodagye ni, oshi yuwa kwu, kweyi akamo, <<Ko okwokwoshi, anu mani wo Oyi ko Owuso la!>>
Oyesu ke ko ojije lo kweyi yagye nu kpo.
Awosapa nyakwu ki doka mo, <<Awo wo Okristi la, Oyi kase neshi?>>
Oyesu kamo, <<Ami la, kweyi ala ba mo Oyi ka Asuse yagye abore ka Ada nyakwu kweyi ya wa ipu ko okpowuso.
Oka dawa mo, <<Ala ka yoshi lo, ala ba labo ko Oyesu ko Onazaret, ni ayo poshi ni. Onyiso! Oyebeni lo. Ala wa mebe ni ayo nyi ni.
Ishini ase nwashika wa yobatisma ni, Oyesu ki wa yo obatisma. Ishini oya tinarigwu ni, okpowuso gwa, kweyi Omaku ko Owuso sa byo otitiribi ikpiye nu. Oko bwipu kiso ya kamo, <<Awo wo oyi hin ni nyya yimu ni; otu hin yasha kpawo.>>
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Oyesu kamo, <<Nyya ka dala okwokwoshi, ome ana mi Ibirayi nyya ba!>>
Ami kpa Ada hin woye kponu la.>>
Oyesu ka dawa mo, <<Ada hin yipu koko nu, kwikyikyeni, kweyi ami yipu koko ya ya mamani.>> Ikweyi koni Ase ko Oyahuda ba tikpo ko owe wonyonya ko yongmo, omani wi ikweyi koni odase ogege Eno ko Minyo kin lalo, ke wi ikweyi koni omo Owuso wa Ada nu ni, oziyinu gyogye kpo Owuso.
Ikweyi koni Ase ko Oyahuda ba tikpo ko owe wonyonya ko yongmo, omani wi ikweyi koni odase ogege Eno ko Minyo kin lalo, ke wi ikweyi koni omo Owuso wa Ada nu ni, oziyinu gyogye kpo Owuso.
Byoni Ada ya ya awase ni gekwu ni ba nyiso amiri ni kweyi ba gbo olayi ni, mamani Oyi ya da awase ni nyya yimu ni olayi. Ada abiyinu kwashishe epwo lo, oke yoshu ko kwepwo yi do Oyi nu, shini kpiri kase na mo gyiyi byoni aba ma Ada nu gyiyi ni. Ase ni mo Oyi gyiyi lo oya ma Ada ni toleho ni ya gyiyi lo.
Nyya ka dala okwokwoshi, ishi yawa ba kweyi okwobonu wa wa ni ase ni gekwu ba pwoko ko Oyi ko Owuso, kweyi awase ni pwoko nu aba pyo olayi.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Oyesu kyogwu mo, <<Ami wowe, nwwokwokwoshi, nwwo olayi. Ashishe ya gebe ka Ada lo, owotiri ko bwebe hin.
Oyesu kamo, <<Ogyun lo Ofilibus, koni nyyagye kpala gbeji mani? Kpiri kase ni mun, oma Ada hin. Oyamoji ya mo, <<Shiyaha Ada>>? Ala kyogwu mami yipu ka Ada, kweyi Ada yipu hin lo? Ela ni nyya kadala nyya ka kposhu kiyun lalo. Abishi koni, Ada hin, ni yipun ni, anu pini ya yoko nu la.
Oyesu ka danu mo, <<Ami wonyiso ikwu kpo olayi la. Ase ni kyogwu kpami, ko ogekwu, oya gbo olayi,
Ebeni Oyesu kamo, <<Nka dawo mo owoni okyogwu oya mo igyashi ko Owuso lo?>>
Bwebe nu fufunu pini aba ngmase la, koni ashishe yaba ipu kese mani ni aba ngmase bwebe kiye nu ni kelo lo.>>
Ni abipu kiyawu ba ga ni, awa febye ninyo yaba ni, ongo ni ayo bwu mani kamo, <<Inyo yoma. Oji ya wumobi ko yo obatisma?>> Ebeni Ofilibus ka danu mo, <<Owoni okyogwu kpotu wo oye kponu nyya yo.>> Ongo ni ayo bwu oni kamo, <<Nkyogwu mo Oyesu Okristi wo Oyi ko Owuso la.>> Kweyi ozoko mana kwoza obyiyo konya na hagye. Ebeni Ofilibus kpongo ni ayo bwu oni sa gipu kinyo, kweyi Ofilibus yo obatisma.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Anu pini wo oyoyu ki igyashi ko Owuso oki le byo Owuso ko okwokwoshi. Oyo gyogye kpo Owuso, oki le byo ojoji bwebe kela nu ni gbo oshu ni. Itikpi koni oyaha ngma shozalabi ka, kweyi oga yagye abore ko Owuso Ine ko Oshu kpiri.
Bwebe koni Owuso yo Oyi nu sha ayoleho kpiri byoni iye ni orogwu ni sha kakawa ni.
Byoni aha gbo Osapa Nyakwu neshi ni kwobonu giso ni, owo Oyesu Oyi ko Owuso, ahan yabo byotuse kaha ni aba koshu nu ni kposhu. Osapa Nyakwu wase ni ya tela ko miyinyinyi ka ishini oshu ka nye ni la lo, aha ke gbo oye ni amoma bwowe wonyonya, byoni amaha ma ni, anu ke yo ozalabi lo.
Ahan kpiyi kwo Oyesu ni wo okwotu kpo ongmeyi kotuse ka ni. Ikweyi ko otushosha ni ya gbeyi nu ni, ozotu ko owe ni oma ikweyi ko oshi ni, ozo owuru gbogbo mani wojije lo, oyagye abore ke ebe ko Owuso.
Ikweyi ko omani, oshu ko le bya ayinanu owe wonyonya, shini ona wo Osapa Nyakwu ni gbo okwokwoshi kpi iyinyinyi ipu koko nu do Owuso, shini ona yo ozalabi kasuse gbuwa.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Ase ni kyogwu mo Oyesu wo Oyi ko Owuso, Owuso yipu nu, kweyi anu yipu ko Owuso.
Ase ni kyogwu mo Oyesu wo Oyi ko Owuso, Owuso yipu nu, kweyi anu yipu ko Owuso.
Owuso sayi ki imu nu daha bwebe ko toleho kpo Oyi nu oye kpokponu wipu kese, shini ahan pyo Olayi bwebe nu. Ozani imu we ni oma: wako ni aha yimu ko Owuso lalo, anu ke yimu ka kweyi to Oyi nu oleho ko wa kore ko ozalabi ka.
Owuso sayi ki imu nu daha bwebe ko toleho kpo Oyi nu oye kpokponu wipu kese, shini ahan pyo Olayi bwebe nu.
Ase ni gohobu ko yozalabi owa ki Ibiri, ikweyi koni Ibiri ya yozalabi bwishi ni Owuso ye ese. Oyi ko Owuso bose ikweyi ko mani la, shini na yoko ki Ibiri yi yishi.
Anoho ya gege ya yese gwagye? Ase ni kyogwu mo Oyesu wo Oyi ko Owuso ni fufunu.
Olobene oni yoma: Owuso daha Olayi ko gbogbo, kweyi otu ko olayi mani wo Oyi nu. Ase ni gbo Oyi nu gbo olayi: ase ni gbo oyi ko Owuso lo, ogbo olayi lo.
Mo, <<Owoni oshagbotu, Oyesu wa Adole,>> kweyi gbo okwokwoshi otuwa mo, Owuso yo nyiso ikwu, aba ngmawa.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
mani oni ami pini yiyi ke lalo, Okristi pini yiyi ipu hin la. Oyiyi hin anani, nyyiyi bwebe ko totuso Oyi ko Owuso ni yimu hin kweyi gekwu ikweyi hin ni.
Owuso hin ya dala ojoji ni ala ba doka ni bwipu ko odu nu ni sheyi gagye ni bwebe ko Okristi Oyesu.
Ala yo omene ko Okristi na wo ose ipu kotu kala, byoni ala bipu kikpiye oye kponu ni ayalogwu gipu ko omene. Kweyi ala bi shotunehe.
Aha woko kabo ko Owuso la, oyaha ipu ko Okristi Oyesu ko yoko neshi, ni Owuso kwobonu kyanutu daha ko ya.
Imu na kpogwu ko oyagye kala, byoni Okristi yimu kaha kweyi zolayi nu ikweyi kaha weshi kpehe ni ayi peshi sho Owuso otu ni.
Byoni kpiri wa wikpiye oye kponu ni kpase shishini nwashika, kweyi awase shishini mani, oko wa woye kponu lalo, Ni olemani, ipu ko Okristi, awani nwashika bwikpiye oye kponu ni, kweyi ananoho kase mani wakawase shishini kpiri la.
Aha ke shotunehe do Owuso ni yaha rogwa bwebe ka Adole kaha Oyesu Okristi ni!
Ni olemani oni yo Okristi tipu kotu wo, kweyi geyagye danu bya Adole wo. Wiyoshu ishi kpiri ko kyogwu kpa ananoho ni wa doka ko kyogwu ikweyi ki iyitagye ni ogbo ni.
Owuso wo oye la, kweyi ashe hagye otutehe ko Owuso kpa asuse ipu ko omene. Anu oni pini wo Okristi Oyesu,
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Ebeni nmi iso gwa, kweyi nmo onya nehe. Inoso ayogwu mo otuse kpo okwokwoshi; oya kepwo nu kpo okwokwoshi kweyi oya kpefu nu. Iyi nu gola byi igbenu ko ola, kweyi olo otu nwashika ikweyi nu. Atiye ikpiye nu, ashishe gyikweyi kiye ni lo, anu fufunu pini gye la. Oshiye ni oshu ni gbo oyi nwashika. Aba yogwu mo, <<Ela ko Owuso.>> Awadakare ki iso ni sonya nehe kweyi gboso, asho oshiye nehe purututu. Ewakpa rore, ni oya yo oko kpa anu ko kpefu ro okpagye shishini bose okwunu nu. Oya kpuwogwu kpo otu obibi nu, kweyi oya pyinyi obutu ko Owuso, inyi ka anya Owuso ine koshu kpiri. Oshiye nu kpa atakwu nu otiye anu mo: <<Ose ka awose kpa Adole ka awa Adole.>>
Nyya beshi ka Adole Oyesu na yo kpase kpiri. Nalemani!
Ebeni oka do Otoma mo, <<Yayi kabo wo lebe ni; mabo hin. Nabo wo ta shini ogabo ashikwu hin. Ka kotu lo, totu sun.>>
Otoma ka danu mo, <<Adole hin kpo Owuso hin!>>
Oyesu yoza kigbashi nwashika obutu kawogboso ni ayita ipu ko okpa mani lo ni. Ake yomani ta shini ala totuse mo Oyesu wo Okristi, Oyi ko Owuso, kweyi owoni ala totuso ala ba pyo olayi ipu kiye nu.
Ono hin yoma: Ala yimu kiyikala byoni nyyimu kala ni.
Nyya kadala okwokwoshi, ase ni zase ni ntoleho ni ozun pi yoma, kweyi ase ni zun ozase ni tumoleho ni.>>
Ndawa olayi ko gbogbo-gbogbo, aba gekwu lo. Ashishe ya gege ya yuwa bize shun lo. Oza ni Ada hin dami ni shojoji, kweyi ashishe ya gege ya yuwa bize shabo ka Ada hin lo. Ami kpa Ada hin woye kponu la.>>
<<Koni Owuso yimu kese ni, otoleho kpo Oyi nu oye kpokponu, kpiri kase ni totuso Oyi nu oya gekwu lo, oke ya yiyi ko gbogbo-gbogbo. Owuso to Oyi nu oleho wese mani ko yese yishi la lo, pa shini ona ngmese bwebe nu la. Kpiri kase ni kyogwu kpanu aba kweepwo lo, ase ni ke kyogwu kpanu lo akwobonu kweepwo ikweyi koni okyogwu kpiye ko Owuso kpo Oyi nu fufunu lo.
Kpiri kase ni kyogwu ko zoshi nu kpo owe ni yawa tanu ikweyi hin lo, ogye ko gbosun lo.
Ebeni ase epa kwe eta gbayi ipu ki iyen, ami yo kpa awa.>>
Oyesu pyi iyi muwa kweyi kamo, <<Ebe ka asuse oya gbodagye lo, ebe ko Owuso ke kpiri ko oza oya gege ko ya.>>
Oyesu kyogwu mo, <<Ebe kasuse oya lemani lo, ebe ko Owuso ke kpiri ko oza oya gege ko ya.>>
Nyya beshi ka Adole Oyesu Okristi na yo kpa ala kpiri.