Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
God siragl mere moglkwa i, Jisas i nogugl ede norukwa
Okna kaima ibo taragl ta plau dikrukwa igne, Ka mogl kodugwa. Ka i God bogl akie miurka te, Ka i yene God moglkwa.
God siragl mere moglkwa i, Jisas i nogugl ede norukwa
Okna kaima ibo taragl ta plau dikrukwa igne, Ka mogl kodugwa. Ka i God bogl akie miurka te, Ka i yene God moglkwa. Oknayene Ibo ye God bogl miurka. Te, Ka i taragl mudu ere yogwa. Taragl mudu yene ta plau dikrikwa. Ye taragl mudu ere yogwa keme paigwa.
Ka i u yoba pidre, ede makandigle ugo, no yoba bogl akie munga. Mungo, ye siragl mere wakai yene moglkwa i kamga. Wakai yene moglmedi kamga i, God Wam swara moglkwa i, wakai yene yegl morabuka. Te, ye moglkwa i, ye ege ege dem muduo yoko kaima norsre, ka kaima keme di norukwa.
Krais ogo nagie yugwa ba moglmara suna ibo ye God moglmere mere mudu kaima kau sugwa.
Krais ogo nagie yugwa ba moglmara suna ibo ye God moglmere mere mudu kaima kau sugwa. Te ene ye moglmara atne mogl kodigwa pre ene taragl mudu kaima i kodigwa. Te, yoba mo angelo ta mogl mitna edidre, taragl tau bitno meglkwa i, Krais swara mogl mitna kaima ede tedre, ye mudu bitno moglkwa.
Ene Krais Jisas nomanemo pamere yegl, nomane inaiglkwa paugwa. Ye nomanemo paugwa i, yegl paugwa, Krais moglkwa i, God bogl kuno kaima miurka, ba ye prukwa i, ye God moglmere moglsre, mogl mitna keme edenabuka i, i taragl podo pamedi pre i mitna edekrukwa. Krais ye yene ake atne kaima edidre, u yoba ogwa. Ye u yoba pidre, yoba mudu niglno kogono yoba mere yegl moglkwa.
Ene Krais Jisas nomanemo pamere yegl, nomane inaiglkwa paugwa. Ye nomanemo paugwa i, yegl paugwa,
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Yegl di kodigo, Jisas yegl dugwa, Ana ene we? Ene na ira moglme di prime? dugwa. Yegl dugo, Saimon Pita di ikne ede, yegl dugwa, Ene God Kere Yugwa Yagl moglsre, God kor aimadi moglkwa i, Wam motniwe dugwa.
Ana Pita ka yegl dugo, Jisas ye di ikne ede te, yegl dugwa, Saimon, ene Jona wam motnga i, ene gun yenatnga paugwa. I siragl pre na ira moglka i, yoba ta ene i nogugl ede tekrikwa ba na Nina heven ibo moglkwa i, ene i nogugl ede togwa.
Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe di, yegl dugwa. Ana kagie Emanuel i, mabuno ta paugwa, God nono munara moglkwa.
Te, soldia bitno yagl ta soldia tau bogl Jisas sugl kan meglkwa i, ye imem ta ugwa i prisre, taragl kane kane plau dugwa i kandre, kudugl podo gogl, yegl digwa, Yagl i, ye kaima God Wam moglmiwe digwa.
Dugwa ba Jisas ka swara ta di ikne edekrukwa. Di ikne edekruko, tawa teigwa yoba bitno moglkwa i Jisas yegl di togwa, Ene God Kere Yugwa Yagle moglsre, no God debie sumga i, Wam motno? dugwa. Yegl dugo, Jisas ye di te, yegl dugwa, Dinga i, na Moliwe dugwa. Na Yoba Wam moglka i, okuo God Yobuglomo Podo Paugwa i, ogo wo kra ame didre, kamun kua mina ibo wibo, ene kanaiglmiwe dugwa.
Kudugl geglko, yagl i yegl di togwa, Ene kudugl goglkrio! dugwa. Ene Jisas, dumo Nasaret nem, ye ede prak mina si geglkwa i dokigwa ba ye magigl i ta moglkrukwa. Ye adigl u kor ogwa. Ene u ye ogo nagie yeimara i, kanio! dugwa.
Jon Jisas ake nigl atne ede, nigl bugl togwa
Ana okna, Herot ye Jon si kane sikrukwa igne, Jon ye yoba tau mere kide nigl bugl tedre, Jisas ama nigl bugl togwa. Ana igne i Jisas nigl bugl kodidre, kamage ere moglko, kamun mitna ibo ede u koglo koglo ogo, Mudu Murubuglo u kua yumugl mere yegl pidre, pru di ede atne u Jisas moglmara ugwa. Ugo, God heven ibo ka ta di atne edidre, yegl dugwa, Ene na Wana motniwa. Na dena muduna ene tedre, ene wakai kaima kaniwe di, yegl dugwa.
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Yegl digo, Jisas aglke kor yegl dugwa, Na ene ka kaima di teiga, Abraham moglkrukwa igne, Na Moluwe dugwa.
Ana God yegl dugo, Moses aglke kor dugwa, Ene pro. Na Israel yoba meglmara pidre, ye di te, Nono kowano awano Godno na dedugo, wiwe di, yegl dinaglka. Na yegl dibo, ye ere mogl, God ira pre dine? didre, Kagie daglo! di, yegl ta dibi, na ye di te, siragl we dinagle? dugwa. Moses yegl dugo, God di ikne ede, Moses yegl di togwa, Na moglmere moluwa. Ene Israel yoba di te, God, ye kagie Na Moliwa we dumga i, na dedugo, na ene meglmara wiwe di, yegl dinatniwe dugwa.
Na Nina bogl swara kaima mugliwe di, Jisas yegl dugwa.
Di kide yei meglko, Jisas prisre, ye meglmara u ye yegl di togwa, Na Nina moglkwa i, ye kogon ege ege ersre, ede u erme pra, kogon ere moglkwa. Te, na moglka i, ama ege ege kogon ere moluwe di, Jisas yegl dugwa. Yegl dugwa pre Juda yoba kade ye kide kaima pre, Jisas si goramnedi prikwa. I siragl pre ye prikwa i, ye wakan kade ege yagl ta ere wakai ere togwa i, ye lo mane dumara kogon erumedi prisre, lo si biglke dumedi prikwa. Te, Jisas ye God kagie daglsre, Na Nina we dugwa i, ye God bogl kuno kaima muluwe dugwa pre Juda yoba kade ama kide pre, ye si goramnedi prikwa.
Yegl dugwa pre Juda yoba kade ye kide kaima pre, Jisas si goramnedi prikwa. I siragl pre ye prikwa i, ye wakan kade ege yagl ta ere wakai ere togwa i, ye lo mane dumara kogon erumedi prisre, lo si biglke dumedi prikwa. Te, Jisas ye God kagie daglsre, Na Nina we dugwa i, ye God bogl kuno kaima muluwe dugwa pre Juda yoba kade ama kide pre, ye si goramnedi prikwa.
Jisas yegl didre, ama yegl dugwa, Na Nina ye yoba geglkwa i, ere i kor edumere yegl, na ye Wam moglka i, nana primere yoba kor moraiglkwa i, teiga. Te, Na Nina moglkwa i, ye yoba kotno prisre, pre yubu si, yegl ta erekrukwa. I siragl pre na ye Wam moglka i, kogon yegl mere nare kodugwa pre nana yoba mudu kotno prisre, pre yubu sinaglka. Na Nina kogon yegl mere narukwa i, yoba ye kagie kade teimere yegl, na ama kagna kade naraiglmedi pre kogon yegl narukwa. Yoba ta na kagna kade narekran, ye God na dedugwa i ama kagie kade tekrumiwe di, Jisas yegl dugwa.
Ana Jisas ka yegl di kodidre, ama yegl dugwa, Na ene ka kaima di teiga, Ege okuo ta unan, Na God Wam moglka i, ka ta dibo, yoba geglkwa i prisre, adigl u kor enaiglkwa. Te, erme pra, yoba geglkwa tau ama na kana prisre, adigl u kor pi kodigwa.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.
Yegl dugo, Jisas ye yegl di togwa, Filip yo, na ene bogl tau kanana munga ba ene na pre kan erekitno? Yoba ta na kanugwa i, ye na Nina ama kan kodugwa. Yegl pre siragl eruko, ene na di narsre, Nen obuno di noro dine? dugwa.
Na Nina na moglmara suna moglko, na ye moglmara ama suna moglka i, ene pre mediglkitno? Na ka diga i, na nana primere ta dikrika. Na Nina yene na moglmara suna kogon eruko, na prisre, erika.
Yegl dugo, Jisas ye aglke kor yegl di togwa, Yoba na swara mina adigl u kor pidre, kor moraiglkwa. Yoba na ta pre mediglsre, goran, ta goglkrabuka. Kor mogl pai morabuka.
Yegl dugo, Jisas di ikne ede te, yegl dugwa, Na ene okna di teiga ikra, Ene pre medigln, God yobuglomo podo paugwa i kanatne digra we dugwa.
Ana yagl Jisas i, ye swara nono ere inabuka kuno kaima erukwa. God ye Jisas swara nono ere inabedi dedugwa pre uglo koglo koglo dumo aglo mere yogwa i, nono ere inabuka yoba pere ta moglkrikwa. Jisas swara kaima moglmiwe di, Pita yegl dugwa.
Ye karis mina konbauna pi miurko, Filip ye yagl i ka di togo, yagl i prisre, ye ere mogl, yegl dugwa, Nigl nubun ta moglkwa iro, kano! dugwa. Na nigl buragledi prika. Na nigl buglbo, kuno erabo? di, yegl kira pogl prukwa.
Ana Itiopia nem i ka yegl didre, ye karis guma akugwa yagl i di te, Ake paio! dugo, ake paugwa. Ake paugo, Filip ye yagl i bogl akie ede nigle ebriko, Filip ye yagl i ake nigl atne ede, nigl bugl togwa.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Ana God Wam moglkwa i, God abuglagemo podo sumere yegl ye abuglagemo podo sugwa te, God siragl mere moglkwa i, ye kuno ere i nogugl ede norukwa. Te, God Wam kamo yobuglomo podo paugwa pre ye ka dumara i mina taragl pra pra suglno moglkwa. Ama nono deno muduno tadaglme paikran, pe sinabedi konbauna yauro noro, okuo ye ede heven ibo pidre, God mogl mitna kaima edugwa i, ogo wo kra ame di moglkwa.
God Wam mogl mitna ede angelo togwa
Ana God ye Wam kagie podo kide togwa pre ye kagie pai mitna edugo, angelo mudu kagno pai atne edugo, erukwa. Yegl pre God Wam swara i, mogl mitna kaima edidre, angelo mudu egre togwa.
Tawa teigwa yoba mogl wimara i, Jisas ede okna pi, bitno moglkwa
Ana ene prio! Tawa teigwa yoba bitno ta moglmere yegl, nono tawano togwa yoba ta ama nono bitno moglkwa. Tawano togwa yoba ta nono bitno moglkwa i, Jisas, ye God Wam moglkwa i pre diga. Jisas ye ede kamun mitna pidre, ede heven ibo ogwa pre ye pre medunga i, ake gi di moramga paugwa. I siragl pre nono tawano togwa yoba bitno moglkwa i, nono konbo kane kane mina yage sumnara i, ye pre kan ersre, nono mitno podo kaima goglkwa. Satan konbo kane kane mina nono kinano sumere mere yegl, ye okna kuno yegl mere Jisas kina sugwa ba Jisas tadaglme ta erekrukwa. Yegl pre Jisas nono siragl mere nomane sumga i, pre kan ere kodidre, nono mitno podo goglkwa.
Te, nono kan Jisas moglmara swara iro edidre, muku dinamga paugwa. Nono pre medramga i, Jisas mabuno moglsre, ere kodinabuka ama moglkwa. Jisas okuo gun podo yenagledi prukwa pre ye agai podo goglsre, ede prak mina gorabuka i, siragl kebra yomedi pra we dugwa. Pra we didre, erme God ogo wo kra ame di moglkwa.
Yegl pre ye u yoba pidre, agiglema munere kuno yegl morabuka paugwa. Ye u yoba ogwa i, nono mitno goglsre, tawa teigwa yoba bitno mere yegl mogl, God kogonmo kuno kaima eragledi pre u yoba ogwa. Ye u yoba omara i, yoba tadaglmeno gugl ede, topono tenagledi u yoba ogwa.
Nono prumga i, God yene ere mogl, yubun tenagledi prisre, ye ere sumedi prumga. Yegl prumga ba i ta manugwa. Nono yubuno ya giuglno ye idre, giugl pre norukwa.
Te, yoba ye ere kide ere tedre, sigo, boglkwa i, nono tadaglmeno pre boglkwa. Te, ye nono kumapno idre, yubun yugwa i pre nono wakai munga. Ye sigo, boglkwa i pre nono u kor omniwa.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Yoba ta ere mogl, Jisas ye God Wam moglmiwe dinabuka yobamo i, God ye moglmara mogl togo, ye God bogl si dakagl miurka.
Yoba ta ere mogl, Jisas ye God Wam moglmiwe dinabuka yobamo i, God ye moglmara mogl togo, ye God bogl si dakagl miurka.
Te, God dem muduo norukwa ede nogugl ugwa kamga i, yegl paugwa, nono u kor enaiglmedi God ye Wam swara moglkwa i, di makadigle edumara i mina i nogugl edugwa. Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Te, God dem muduo norukwa ede nogugl ugwa kamga i, yegl paugwa, nono u kor enaiglmedi God ye Wam swara moglkwa i, di makadigle edumara i mina i nogugl edugwa.
Ba yoba tadaglme erikwa i, yagl kide moglmere kaima meglkwa. I siragl pre okna ibo ede u erme pra, yagl kide tadaglme keme erukwa. Ba God Wam ugwa i, yagl kide kogonmo ere kide ere tenagledi ugwa.
Jisas God Wam moglmedi pre mediglsre, makandigle yoba mabunono yobuglo ere teigwa pre diga.
God ye ka ta di nogugl ede norukwa i, yegl paugwa. God Wam swara i mina ye aimadi kamin kor moramga i norie dugwa. Yoba ta God Wam yugwa i, ye aimadi kamin kor morabuka i, i kodugwa ba yoba ta God Wam ikrukwa i, ye aimadi kamin kor morabuka i, ta ikrukwa.
Ana yoba ta ere mogl, Jisas ye Yagl Kade moglmiwe didre, nomane mina Jisas ye goglko, God ye ere i kor edumedi pre, pre medran, God yoba i ere inabuka.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
Ana na Godna ye abuglage sumara suna moglkwa i, taragl wakai kane kane ye moglmara kau kaima sugwa pre ye ene taragl mudu inaiglkwa panabere mere yegl, tenabuka. I siragl pre ene Krais Jisas bogl u swara pi kodigwa pre ye kaima yegl ere tenabuka paugwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
God yene swara ere mogl, ye Kere Yugwa Yagl Jisas kogon erumara swara i mina nono ere i kor edugo, yoba kor munga. Ye nono ere i kor edugwa i, nono kor moglsre, mabuno wakai boramga pre erukwa. Nono mabuno wakai siragl mere boramga i, God yene oknayene ibo nono eraiglmedi di paduglkwa i, nono eramga keme paugwa.
God Kere Yugwa Yagl Jisas ye nono dem muduo podo norumara i, ye nono ere inagledi goglsre, tawano God te kodugo, God kandre, dem muduo aragan erukwa. Ana Jisas dem muduo podo norumere yegl, ene ama yoba deno muduno te wan molo.
Nono Jisas yugobunomo mina munga i, yoba swara mogl, kuno keme munga. Nono ogono nagino kunga i, ene kanio! Yoba ogo nagie swara paugwa ba ogo nagie swara i mina gumuglo paugo, guma dra paugo, ogo kagle pere pere paigwa i, ye ama kogono pere pere paugwa. Kuno yegl mere nono mudu Krais yugobunomo mina munga i, kogono pere pere paugwa ba nono ye ogo nagie swara mere yegl munga pre nono swara kaima munga.
Yegl paugwa ba nono God di wakai yei tenamga paugwa. I siragl pre nono Yaglno Kade Jisas Krais kogon erumara i mina God ye nono aimadi kamin kor moraiglmedi norsre, geglkwa mabuno nono ta si atne edekrabedi ere noro kodugwa.
Ene nomano mina Krais no Yaglno Kade moglmedi prisre, ye pre i mitna edio. Te, yoba ta ene kira pogl prisre, Ene siragl pre taragl wakai inamnedi sugl meglme? dibi, ene ka ta di ikne edenaiglkwa panabere yegl, kuno ere di ikne edinamnedi ege ege ake kun ere molo.
God swara kaima moglko, yoba ta nono auro i pi God moglmara edenabuka i ama swara kaima moglkwa. Yoba swara kaima moglkwa i, Krais Jisas pre diga.
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Jisas ede ikne ugwa
Ana okuo na kaniga i, heven ibo ede u koglo koglo ogo, yagl ta hos kruo au si moglko, na kaniga. Yagl ta hos kruo au sugwa i, ye kagie suo ye teigwa. Kagie i, Ka Kaima Keme Dugwa te, Ka Dumara Adigl Moglkwa Yagle. Ye yoba ka tage tedre, kuda bogl togwa i, mabuno du keme ersre, ere togwa. Ye gumuglo i, doga bauglo abuglage sumere mere yegl abuglage sugo, ye bre mina king bitno gagl tau mere edugwa. Te, ye ogo nagie mina kagie ta beglkwa paugwa ba ye kagie i, yoba mudu ta pre pogl sikrikwa. Yene swara pre pogl sugwa. Ye gagl olto ta edugwa i, bormai mina was erikwa mere yegl edugwa, te ye kagie ta God Kamo we digwa.
Ana yagl i hos au si idre, ugo, na kandre, yoba heven ibo meglkwa i, ye ami mere yegl moglsre, hos kruo ama au si idre, ye mokomugl wigo, na kaniga. Yoba i, ye kugugl gagl kruo, pe kaima sugwa edigwa. Ana yagl ta ye eimara ede okna ogwa ikra bainet nogwa ta dra mina ede meda ugwa. I siragl pre ye bainet i mina yoba yugobuno pere pere meglkwa i, si atne edenabuka. Ye si atne edidre, ain buglo muglbo ta ake mogl, ye suglno morabuka. Te, God, ye yobuglomo pai kawa togwa moglkwa i dem podo kubrumara i mina yoba wain mogo egrimere mere yegl, yagl i God kudamo ikne yegl egre atne edenabuka. Ye bikie mina atne kagie ta boglsre, te tebe kugugl gagl olto edumara i bikie mina ama kagie beglkwa paugwa. Ye kagie i, king mudu Kingno ya yoba kade mudu Yaglno Kade we di, yegl beglkwa.
Nono Yaglno Kade Jisas ene yoko kaima ere wakai ere te pai morabedi prika. Kaima.
Jisas ye yegl didre, Tomas yegl di togwa, Ene u na ogona ake prisre, kano. Te, ene ogon yu dagra ama ake pro. Ene pre mediglkre, motnga i kide kodidre, na pre mediglo dugwa. Dugo, Tomas di ikne ede, yegl dugwa, Na Yaglna Kade ya Godna motniwe dugwa.
Jon ye buk i siragl pre boglkwa
Ana Jisas ye duglo beglkwa yagl gumuglno mina kimagl tau mere erukwa i, na mudu pepa magigl i mina ta boglkrika. Na ye kimagl mudu erukwa i ta boglkrika ba tau boglka i, ene prisre, Jisas ye God Kere Yugwa Yagl moglsre, God Wam moglmedi pre medraiglkwa pre boglka. Te, ene pre mediglbi, ye kagie mina aimadi kamun kor moraiglkwa pre boglka.
Na ene ka ta duglo boraiglme di teiga i, Na ene dena muduna teimere yegl, ene ama agrama abarama deno muduno teo diga.
Na ene ka kaima di teiga, Na yoba ta kogon dedibo, yoba ta ye di inabuka i, ye na ama di yugwa. Na di idre, Yoba ta na dedugwa i, ama di yumiwe di, Jisas yegl dugwa.
Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa. Na Nina bogl swara kaima mugliwe di, Jisas yegl dugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa. Na God Wam moglka i, God na di narsre, Yoba mudu uglo koglo koglo meglkwa i, ka tage tenatna, po! dugo, ta ukrika. Ta manugwa. Ye, Yoba mudu uglo koglo koglo meglkwa i, ere inatnedi dedugo, wiwe dugwa. Yoba ta na pre meduglkwa i, God ye ka tage ta tekrabuka. Ba yoba na pre mediglkrukwa i, ye ka tage tenagledi di padigl kodugwa. Na God Wam swara moglka i, pre mediglkrukwa pre di padigl kodume dugwa.
Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa.
Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.
Yegl digo, Jisas ye kandre, di ikne ede yegl dugwa, Yoba ye yene ere idre, ede suna enaiglkwa ta kuno erekrabuka. Ba God taragl mudu erabuka keme paugwa pre ye ere inabuka i, waragne ta paikrumiwe dugwa.
Yegl digo, Jisas di ikne ede, yegl dugwa, Yoba taragl tau eribi, kuno erekrabuka i, God erabuka keme pamiwe di, Jisas yegl dugwa.
Nono Yaglno Kade Jisas Krais ye ene mudu deno muduno mina ere wakai ere te pai morabedi prika.