1 Inphutna ah Chongkha aleiom; Chongkha Pathian le inleiom, halli Chongkha Pathian alei eii.

1 Inphutna ah Chongkha aleiom; Chongkha Pathian le inleiom, halli Chongkha Pathian alei eii. 2 Inphutna makheiya Chongkha Pathian le inleiom. 3 Ang rakip-hi ama diangnga inphut Pathian in ibool eii; Ma inchel lekleiya phur inkhat-um injirra kaleiom ommak.

14 Chongkha miring taksa-ah juo-injir, riangwai khat-um akadik in asip-ah einile aomsuom; Apa diangnga inphut Asa inkhatbit ena ama lurna kha eini’n nimujei.

9 Ajarchu Pathian sipnakha taksa-ah Christa diang om,

9 Ajarchu Pathian sipnakha taksa-ah Christa diang om, 10 halli nangni diang-um akasip ringna kha Christa diang napejei. Ama hi ranak khat-um waikaroon rakip lu kha-eii.

5 Nang malungroon khachu Christa Jisu’n iroon omchan esik eii.

6 Pathian omchanle in-angrip kha Jisu’n anei,

takkha ama’n Pathian le *in-angpuimak chakmak tia leithomak khat-um leingaidonmak.

7 Hiwa rathuulla, ama’n apum takkha iteii lei in-emak

halli ama’n suok omchankha alei.

Ama’n miring omchanna ajuo inchang

halli miring omchanna ajuo-inlar.

5 Nang malungroon khachu Christa Jisu’n iroon omchan esik eii.

15 Halli Jisu’n inmani diang aleirakel, "Nangni inle Keihi tu ka-eii ningtime?"”

16 Simon Peter in aleimasang, "Nangchu Messiah, akaring Pathian Sapa kha na-eii."” Jn 6:68,69

17 "Bar-Jonah sapa Simon, narawaan atha!"” tia Jisu’n aleimasang. "Ajarchu hiwa akatuun hi miring taksa ah inphut nangdiang akajuo emak, takkha marwaanna kaom Kapa diangnga inphut akajuo eii.

23 "Enru, inthiang nungaak inkhat in nai lawonta sapa inkhat aneisik eii, halli ama ramingkha Immanuel tia inkoi sik eii"” (hiwa tinachu, "Einile kaom suom Pathian tina eii"”). Isa 7:14

54 Raalmi rajakhat lamkakeipa le inruoiya, Jisu kangaak ngai’n rinook khat-um kasuok ngaikha inmu ah, inchitheiya inheiti, "Inthiangnga amahi Pathian Sapa kha eii!"”

61 Takkha Jisu’n iteii-um leimasangmak. Inlet-ah Thiampu Kalian khetpa in aleirakelnook, "Rawaan katha Sapa Messiah kha na-ebe?"”

62 "Ka eii,"” tia Jisu’n aleimasang, "Halli nangni rakip in Miring sapa kha karaat khetpa akut changtiang in-ong khat-um marwaan suumchungnga ijuokha ningmusik eii!"” Dan 7:13

6 "Inlai maru,"” Ama’n aleiti. "Kei’n kajet cross-ah inthat Nazareth Jisu kha eii nangni’n ning-entok, ama hin ommakjei ama aleiringjei! Enru, ama inreiina munkha hin eii.

21 Mi rakipkha Baptized inleithosuo phakhan, Jisu kha-um baptized aleitho. Ama’n Pathian aleini phakhan marwaan alei inlong,

22 Halli Ratha Inthiang kha taksa omchanna wathu angnga amadiang aleijuo. Halli marwaan makheiya rasa’n ajuoti, "Nanghi kei iminriang khet kasapa na eii, nangdiang kei kamalung atai."” Inphut 22:2; Minpkla 2:7; Isa 42:1; Matt 3:17; Mk 1:11; Luk 9:35

58 Jisu’n inmani diang aleiti, "Kei’n inthiangnga nangnidiang kati, Abraham matiang Kei kalei-omjei."”

30 Kapa li Kei inkhatbit kin eii."”

17 Takkha Jisu’n inmanidiang aleimasang, "Kapa khan tuunkatuung chuon thocheiya om, halli kei-um chuon kitho eii."”

18 Hiwa chong jarra Jihudi chuonkaroon ngai’n Jisu kha kheella thatna sik-ah inlei entok; ajarchu Sabbath imakoi khabit emak-ah, takkha Pathian kha apa eii tia ama’n aleiti, apum takkha Pathian le in-angpui.

18 Hiwa chong jarra Jihudi chuonkaroon ngai’n Jisu kha kheella thatna sik-ah inlei entok; ajarchu Sabbath imakoi khabit emak-ah, takkha Pathian kha apa eii tia ama’n aleiti, apum takkha Pathian le in-angpui.

21 Apa khan akathi ngai aminringnga ringkhuo ipenook angnga, Asapa innum ipezoot mi ngaidiang ringna apeii. 22 Apa khan tuteii diang-um chong tanmak, takkha Asapa diang chongtan nasik ranak rakip ama’n apejei, 23 Apa diang khoya intho angnga mi rakip in Asapa kha khoya inthosik eii. Asapa khoya kathomak ama khan Asapa kajuotir Apa kha-um khoya kathomak eii.

25 Kei’n nangnidiang inthiangnga kati: akathi ngai’n Pathian Sapa rasa kha injet nasik, halli akajet ngai’n inhongring nasik-ah aphakha aheiwasik eii, halli tuun aphakha ejei.

6 Jisu’n amadiang aleimasang, "Kei lam kha ka-eii, akadik kha ka-eii, khat-um ringna kha ka-eii; kei diangnga inphut elekleiya tuteii miring innum Kapa diang tungnunu.

9 Jisu’n aleimasang, "Kei’n apha kasoottak nangnile kaom; kha e-innum nangni’n kei nalajet makchube, Philip? Kei kanamu miring khan Apa Pathian kha-um imukha ejei. Angjarra, halle, nang in Pa Pathian nangnidiang naminmuro nitime? 10 Kei’n Kapa diang kaom halli Kapa in keidiang om tihi nang ngamna makchebe? Kei’n nangnidiang kiril chong ngaihi kei kapumtak thomatorna ranak-ah kiril kha emak; takkha kei kadiang kaom Pa Pathian in ama chuon ngaikha itho eii."”

25 Jisu’n Martha diang aleiti, "Kei hongkaringnook khat-um ringna kha ka eii; Kei kadiang ka-ngamna miring khan inleithi innum inhongring sik eii,

40 Jisu’n Martha diang aleiti, "Na-ngamna inchu Pathian lurna lianna kha namusik eii natimongbe?"”

12 Sanminringna hi amadiang bit nimusik-eii; ajarchu eini nakasan inringsik Pathian in ipe ramingngai karra raming leiilak nuoipil chungnga inkhat-um ommak."”

36 Halli inmani’n lamma insipha, tui-omna amun inkhat intungpha atak inboolpa khan ati, Enro, "Hin tui lekkhat omjei, angjarra kei baptize kalathomak sikme?"” 37 Philip in aleiti, "Nang in namalung pumpuiya na-ngamnajei inchu baptize thocha."” "Kei kangamna jei,"” tia ama’n aleimasang, "Jisu Christa hi Pathian Sapa eii tihi kei’n kangamnajei."”

38 Atak inboolpa khan Sakor-kari kha khaapnasik chong aleipeii, halli Philip le atak inboolpa in tui omna khan inchumma, ama kha Philip in baptize aleimintho.

3 Ama’n Pathian poina ra-ang kha ejei, halli Pathian tak omchan rathuul kha ama ejei, ama ranak neina chong khan manmasituol pumpui mahuumma aleida. Miring rakip manu ngai ngaidamna apesuoli, Ranak Kaneikhet Pathian changtiang marwaan khan ama in-ongjei.

4 Sapa kha marwaan tirton ngai neek-ah aminlok, halli Pathian in inmani ngai diangnga ipe raming neek-ah kalok kha amadiang apejei.

14 Khawajarra eini’n nirilsuok ngamna kha kacheet-ah ma-ourui. Ajarchu Thiampu Kaliankhet inkhat Pathian omna katung kasi Jisu, Pathian Sapa kha eini’n ninei. 15 Eini Thiampu Kaliankhet khan eini nisuolna ngaikha kanajetpimak kha emak. Khattiang nitili, eini angnga alam rakip-ah matheemna intongpui, takkha manu kathomak, Thiampu Kaliankhet inkhat kha eini’n ninei.

2 Eini ngamna Inphutna khat-um insuona ka-e Jisu diangkhan eini’n en chakrui, ama’n cross chungnga injaktheiya athisik kha iteiiya ngaidonmak! Khawa rathuulla, rokna khan ama i-ngaakchak kha angaidonna, Cross ah nathipiya, tuunchu Pathian reng in-ongna changtiang ama in-ongnga omjei.

17 Hiwa tinachu mi ngai manu ngaikha rangaimidam nasik, ama’n Pathian sepa thona-ah Thiampu kaliankhet minriang kasip le ngamna kaom enasik, alam rakip ah ama mi ngaile in-angnasik eii.

15 Eini’n Jisu hi Pathian Sapa eii tia nirillar inchu, Eini’n Pathian diang niom halli Pathian in einidiang om.

15 Eini’n Jisu hi Pathian Sapa eii tia nirillar inchu, Eini’n Pathian diang niom halli Pathian in einidiang om.

9 Pathian in hinthoa ama minriangna kha einidiang anaminmu: Ama’n Asapa inkhatbit kha manmasituolla ajuotir, khachu ama diangnga inphut eini’n ringna nimunasik eii. 10 Hiwa hi-eii minriang: eini’n Pathian kha niminriang emak takkha ama’n eini inaminriang eii halli ama’n Asapa kha apesuok ah eini manu ngaidamnasik ah ajuotir.

9 Pathian in hinthoa ama minriangna kha einidiang anaminmu: Ama’n Asapa inkhatbit kha manmasituolla ajuotir, khachu ama diangnga inphut eini’n ringna nimunasik eii.

8 Manu kathotit miring kha Seitan mi eii, ajarchu Seitan chu inphutna makheiya manu katho kha eii. Seitan chuontho kaminmang sikbit-ah Pathian Sapa hi juo-inlar kha eii.

5 Tume manmasituol kamator? Jisu hi Pathian Sapa eii tia kangamna miring khabit-in amatorsik eii.

11 Sakhi kha hi-eii: Pathian in einidiang hektik kaboi ringna kha anapeii, halli hiwa ringna kha Asapa diangnga inphut eii. Jn 3:36

12 Asapa kamu miring khan ringna amu; halli Pathian Sapa kamumak miring khan ringna mumak.

9 Khale inruoiya Jisu hi Pumi eii tia narilsuok khat-um Pathian in amahi kathi makheiya hongminringnook tia nangamna inchu, nang ringna namusik eii.

20 Khawa jarra kei ringmongjei, kasuungnga kaom Christa kha akaring ejei. Kei’n tuunna kiring hi kei emongjei, takkha kasuungnga kaom Christa khan iring eii, tuun kiring ringkhuo hi kei kanaminriang khat-um apumtak keisik bit-ah aringkhuo na-inphalpi Pathian Sapa kha kangamna khan eii.

19 Khawajarra kei Pathian in nangni insamna rakip ah Christa Jisu jarra ama kaphul kaliamma kaom karei kha anapesik eii.

15 Christa diangnga kahoi kadai khan ningmalung ngaikhan wai roonrase, pumkhatbit taksa ngai ning-eii jarra nangni hi kahoi kadai sik-ak inakoi kha ning-eii. Halli nangni’n rokru.

10 Ajarchu eini ngaihi ama kutbool ni eii, Pathian in eini thosik-ah ileibool suojei chuon katha kathosik-ah Christa Jisu diangnga inabool kha ni eii.

2 Christa in eini inaminriang khat-um eini sik-ah Pathian diang arim kahoi sik-ah apumtak inpesuok-ah nanphalpi angnga, inriang lamma siru. Suok 29:18; Minpkla 40:6

4 Eini rakip pumma saram angjet aom, halli hiwa saram rakip ngaihi inchuonthosik inteiwiak. 5 Hiwale in-angrip ah, eini katamtak ni-e-innum eini rakip Christa le ni-inchun jarra taksa khatbit ni-ejei, halli taksa khatbit-ah saram angjet inom-angnga eini rakip um khatli inkhat ninjomwiak eii.

57 Takkha eini Pumi Jisu Christa diangnga inphut matorna kanapeii Pathian kha minpaakrui.

15 Takkha nangni malungnga Christa kha china neiru halli ama kha Pumi eii tia kayaru. Khat-um apha rakip ah nangni inngamna jarra kanarakelsik mirakip diang kamasangsik-ah inringchak in omru,

5 Khale inruoiya Pathian inkhat bit aom, halli Pathian li miring ngai minchunna sik-ah mi inkhat aom, miringpa khachu Christa Jisu eii,

11 Hiwa thengli marwaan inlong kha kei’n kaleimu, khawa khan sakor kabang inkhat aleiom, sakor kaseppa raming kha Ngamna kaom khat-um Akadik inti; akatuun khan ama’n chong itanle inruoiya ama’n raal atho. Ezek 1:1; Minpkla 96:13; Isa 11:4

12 Ama mit kha meimachuon ang, halli reng lukhu katamtak alu khan alei-inkhu. Ama pumkhan raming inkhat injia, takkha tuteii innum ramingkha jetmu ama bit-eii akajet. Dan 10:6

13 Ama inluk puon inchuol kha thisen in asip. Ama raming kha "Pathian Chong inti."” 14 Marwaan raalmi ngai’n sakor kabang ngai inchuongnga khat-um inthiang linen puondiar kabang inluk-ah ama nukkha inleijui.

15 Amurra inphut chempui ka-ngei aheisuok, khawa chempui khan ama’n phungli zaat ngaikha amatorsik eii. Ama’n phungli zaat chungnga thirramol choita wai aroonsik eii, halli Akaraatkhet Pathian raangna khan thota theibomju kha theibomtui soomna khan akeiiya atousik eii. Minpkla 2:9; Isa 63:3; Jo 3:13; Chonglar 14:20

16 Ama puon inchuol khat-um ama ketor khan raming kha injia: "Reng rakip Reng, Pumi rakip Pumi."”

21 Pumi Jisu riangwai kha Pathian mi ngai chungnga omrase.* Amen.

27 Halli ama’n Thomas diang aleiti, "Nang nakutramol kha hin heisoonro, halli kakut ngaihi enro; nakutkhan hongkabaan inlang kei kadiapnei hin hongdaro. Inngamnamak kha ekhaimaro takkha ngamnataro."”

28 Thomas in amadiang aleimasang, "Kei Pumi khat-um Kei Pathian!"”

30 Hiwa larik hin injiamak, Jisu’n inlak chuon angjet ama siamruoi ngai maikuungnga aleitho; 31 Takkha nangni’n Jisu hi Messiah eii, Pathian Sapa eii, tia ningngamna sik-ah hiwa ngaisenghi inmajia kha eii, halli amadiang kangamna khan nangni ringna ningmusik eii.

12 Kei’n nangni kinaminriang angnga inkhatli inkhat inriangru kitihi kei chongpeii kha eii.

20 Kei’n inthiangnga nangnidiang kanati, Kei itir mi inkhattak karalaang miring khan Kei inaralaang eii; halli Kei kanaralaang miring khan kei kanajuotir ama kha aralaang."” Matt 10:40; Mk 9:37; Luk 9:48; 10:16

28 Kei’n hektik kaboi ringna kha inmani diang kapeii, halli inmani’n supthi thinanujei, halli tuteii inkhat innum kei kakut makheiya inmani ngaikha nakasut theinunu. 29 Inmani ngai keidiang kanapeii kei Kapa kha angrakip neek-ah alokwiai,* halli tuteii inkhat innum inmani ngaikha Kapa kut makheiya kasut theinunu. 30 Kapa li Kei inkhatbit kin eii."”

16 Ajarchu Pathian in manmasituol kha hituk aminriang khachu Asapa inkhatbit kha ama’n anapeii, amadiang kangamnatak miring khan thina mununi takkha kumsoot ringna kha amusik eii. 17 Pathian in Asapa kha manmasituol chong katansik ijuotir emak, takkha manmasituol kakatansik ijuotir kha eii.

18 Amadiang ngamna kanei mi ngaichu chongtan omnuni; takkha amadiang ngamna keneimak mi ngaichu chong atansuojei, ajarchu Pathian Sapa inkhatbit ramingkha ngamnamu.

38 Tuka-ang in inmani cross kadom leiya kei kanajui ngaikha kei siamruoi sik rahoi suokmu. Matt 16:24; Mk 8:34; Luk 9:23

20 Ajarchu kei karamingnga inni emakli inthum ning inchunna munkhan, kei inmani le khawakhan kaom."”

27 Jisu’n inmani diang encheiya aleimasang, "Miring ngaisik achu hiwahi etheinuni, takkha Pathian diangchu ethei, ang rakip Pathian diangchu ethei eii."”

27 Takkha ama’n ati, "Miring ngaisik-ah ka-ethei makkha, Pathian diangchu ethei eii."”

25 Pumi Jisu Christa riangwai kha nangni rakip chungnga kaom kha erase.