Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Asini muna sa walaꞌ pa na Tyumanem imo-a ya kadakulaꞌ na banwa, awun da ya Tingeg. Aw ya Tingeg, dun da sakanan ni Tyumanem. Aw ya Tingeg, Tyumanem saba.
Asini muna sa walaꞌ pa na Tyumanem imo-a ya kadakulaꞌ na banwa, awun da ya Tingeg. Aw ya Tingeg, dun da sakanan ni Tyumanem. Aw ya Tingeg, Tyumanem saba. Awun sakanan gayed ni Tyumanem lekat pa asini muna. Magi kanan pig-imoꞌ na Tyumanem ya kadakulaꞌ. Walaꞌ saba ya nya-imoꞌ kun bekeꞌ na Tingeg ya mig-imoꞌ.
Aw ya Tingeg yeiy, nya-imoꞌ sakanan utaw aw nyeyaꞌ asini eped tadun. Nyatmuꞌ sakanan na grasya, aw alag matinaw ya piglong nan. Aw kyinitaꞌ nami ya kadyaw na Tyumanem dun ni kanan Iseꞌ na tamisa.
Kay awun ni lawas ni Kristu ya kadakulaꞌ na pagka Tyumanem.
Kay awun ni lawas ni Kristu ya kadakulaꞌ na pagka Tyumanem. Aw asuntu na nyakasambuk da kamu kanan, nyatagtun da mayu ya kadég na awun ni kanan. Kay si Kristu ya matas pa sa kadég na migdumala.
Tibagsegi mayu na kasilingan ya anenganeng ni Kristu Jisus. Pangkay tengteng Tyumanem sakanan, manang walaꞌ nan anenganenga ya kanan pagka Tyumanem. Pigpadalem nan baling ya kanan pagka-utawun aw pigsilingan nan ya bet na sugu-anen. Migka-utaw sakanan kasiling naten.
Tibagsegi mayu na kasilingan ya anenganeng ni Kristu Jisus.
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Pagkatigkas yan, nyusip si Jisus kanilan, "Manang adti kamayu, singalan aku?" Aw tyumubag si Simon Pédro, "Ikaw saba ya Misiyas! Ikaw ya tengteng Iseꞌ na Tyumanem na Gayed Awun!"
Aw miglong si Jisus kanan, "Madyaw ya kanmu, kay Simon na iseꞌ ni Jonas. Kay bekeꞌ na utaw ya migbukas kanmu seiy, manang ya kanak Ama na awun ni tas na langit yan ya migbukas adti kanmu.
"Pakanyegi! Awun sambuk na dalaga na mabdes pangkay walaꞌ pa ka-ilabeti, aw mag-iseꞌ sakanan sa iseꞌ na eseg aw pagtawagen nilan sakanan na Imanwél na ya kakawasan: Ya Tyumanem asini sayid tadun."
Na, migtungguꞌ dun kan Jisus ya sambuk na kapitan aw manga eped nan na sundalu. Aw sa pagbatiꞌ nilan sa linug aw sa pagkitaꞌ nilan sa kadég na nyangka-imoꞌ dun, to-o silan nyangkallek aw nyakapaglong silan, "Matinaw kadiꞌ! Ya utaw ini, tengteng saba Iseꞌ na Tyumanem!"
Manang walaꞌ si Jisus tubag kanan. Aw pig-usip da nan uman, "Unu, ikaw kaꞌ ya Misiyas, ya Iseꞌ na Tyumanem na To-o Pagdeyen?" Aw tyumubag si Jisus, "E-e, aku saba. Aw kita-en mayu aku na Iseꞌ na Utaw na mingkud apit adti kalintu na Tyumanem na To-o Matulus. Aw kita-en aku mayu uman na lumikuꞌ na ka-agadan na manga labun."
Manang miglong ya utaw kanilan, "Diliꞌ kamu magkallek! Kya-ede-an ku na pyaninaw mayu si Jisus na taga Nazarit na pigkalabuwan adti krus. Walaꞌ da sakanan asini. Nyataw da! Inunuwa mayu ya pigpakulangan kanan iyan.
Na, sa walaꞌ pa si Juan kalabusuwa, pigba͡utismuwan nan ya madég na manga utaw. Aw pigba͡utismuwan nan uman si Jisus. Aw tigkas yan, sa talana ni Jisus nyanawagtawag, nyabekaꞌ ya langit aw ya Ispiritu Santo lyumugsad adti kanan kasiling na kalupati. Aw awun tingeg na lekat adti tas na langit na miglong, "Ikaw ya Iseꞌ ku na to-o ku pigginawa͡an, aw to-o aku kyatutukan kanmu."
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Aw miglong si Jisus kanilan, "Matinaw saba ya un ku paglongun kamayu: Sa walaꞌ pa si Abraham ka͡utaw, awun da aku."
Kay ya Ama aw aku sambuk da saba."
Manang miglong si Jisus kanilan, "Migpadeleg ya kanak Ama sa kanan imo-unun. Yanagaw magpadeleg aku uman." Aw asuntu sa piglong ni Jisus, to-o pa nilan kaliman na patayen sakanan. Aw bekeꞌ oloꞌ na kyalakadan nan ya suguꞌ sa Allaw na Paglagdeng, manang yan ya to-o nilan kyadaman ya piglong ni Jisus na Ama nan ya Tyumanem, na ya kakawasan: migpa-unawa sakanan sa Tyumanem.
Aw asuntu sa piglong ni Jisus, to-o pa nilan kaliman na patayen sakanan. Aw bekeꞌ oloꞌ na kyalakadan nan ya suguꞌ sa Allaw na Paglagdeng, manang yan ya to-o nilan kyadaman ya piglong ni Jisus na Ama nan ya Tyumanem, na ya kakawasan: migpa-unawa sakanan sa Tyumanem.
Ya Ama magpakamataw sa manga nyangkamatay aw mag-atag adti manga utaw sa ginawa, maynan uman aku na Iseꞌ nan maka-atag sa ginawa adti pangkay singalan ya kaliman ku atagan. Aw bekeꞌ na Ama ya mag-ukum sa manga utaw, kay pig-atag da nan adti kanak na Iseꞌ nan ya kadakulaꞌ na katundanan sa pag-ukum, pada aku na Iseꞌ nan basa͡an na kadég na utaw kasiling na pagpamasa nilan sa Ama. Yanagaw pangkay singalan ya walaꞌ pamasa kanak na Iseꞌ nan, walaꞌ nilan uman basayi ya Ama na migpadala kanak.
Matinaw saba uman ya un ku paglongun kamayu: Ya manga utaw na kya-eletan pa lekat adti Tyumanem kasiling silan na nyatay, manang dyumateng da ya allaw na dumengeg silan sa tingeg ku na Iseꞌ na Tyumanem. Aw ya kadég na magpakanyeg aw mangintu-u sa ubat-ubat ku, silan ya atagan sa bagu na ginawa.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Aw tyumubag si Jisus kanan, "Aku ya agiyanan, aku ya katinawan, aw aku ya lyekatan sa ginawa na walaꞌ ya katigkasan. Walaꞌ ya pangkay sambuk na makakadtu ni Ama kun diliꞌ magi kanak.
Aw tyumubag si Jisus kanan, "Kadugay da naten mig-iyagad, walaꞌ pa mu aku ka-ede-i? Ya kyumitaꞌ kanakeꞌ, kyumitaꞌ uman sa Ama. Anangaꞌ kaw makapaglong na ‘Pakita͡an kanami ya Ama’? Unu, walaꞌ pa kaw pangintu-u na aku awun ni Ama aw ya Ama asini kanak? Ya manga pig-ubat-ubat ku kamayu, walaꞌ lekat adi kanak manang lyumekat adti Ama ku na asini kanak, aw magi kanak pig-imoꞌ nan ya kanan manga imo-unun.
Pagkatigkas yan, miglong si Jisus kanan, "Aku ya magpakamataw sa utaw na nyatay, aw aku uman ya mag-atag sa ginawa na walaꞌ ya katigkasan. Kun singalan ya mangintu-u kanak, pangkay matay pa sakanan manang mataw pa uman salut.
Aw miglong si Jisus, "Unu, kyalingawan da mu ya piglong ku kanmu kakayna? Kun sumalig kaw kanak, kita-en mu ya katulus na Tyumanem."
Aw yan oloꞌ ya makapaluwaꞌ kanaten lekat adti pa-emel-emel na Tyumanem, kay walaꞌ ya eped na ngalan na pig-atag adti utaw na makapaluwaꞌ kanaten. Kan Jisus oloꞌ ngalan."
Aw sa talana silan syumakay adti kalisa, dyumateng silan adti tubig, aw miglong ya pigsaligan, "Tengtengi! Awun tubig iyan! Anangaꞌ diliꞌ aku mu ba͡utismuwan adun?" [Aw tyumubag si Pilipi kanan, "E-e. Mabatug kaw saba ba͡utismuwan kun mangintu-u kaw kan Jisus sa kadakulaꞌ na ginawa mu." Aw law na pigsaligan, "Nyangintu-u la aku na si Jisu-Kristu, yan ya Iseꞌ na Tyumanem."] Aw pigsuguꞌ nan ya dyumala sa kalisa na tumeneng. Aw nyanog silan adti kalisa aw tyumalaꞌ sa tubig. Aw dun da ni Pilipi ba͡utismuwi ya pigsaligan na taga Étiyopiya.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Dun ni kanan, pagkita-en ya kalalamdag na katulus na Tyumanem. Aw kun unu ya Ama, maynan uman ya Iseꞌ. Aw magi sa katulus na kanan tingeg, ya kadég na pig-imoꞌ nan asini muna, kenneꞌ nan migpadeleg taman adun. Aw awun pa pig-imoꞌ nan pada kalinisan ya manga utaw sa manga salaꞌ nilan, aw tigkas yan nyingkud sakanan adti kalintu na trunu na Tyumanem na awun ni tas na langit.
Aw to-o matas ya Iseꞌ na Tyumanem kay sa manga anghil. Aw ya pig-atag kanan na ngalan to-o pa dengganen kay sa manga anghil.
Yanagaw, pakasaligen tadun ya kanaten pagpangintu-u. Kay awun da kanaten To-o Matas na Magdadugsu-ay na yan si Jisus na Iseꞌ na Tyumanem na adtu la ni tas na langit. Aw kya-ede-an nan ya kadég na pagtandaꞌ kanaten kay kya-agiyan nan saba uman. Manang walaꞌ sakanan pakasalaꞌ.
Tibullukun tadun ya kanaten anenganeng adti kan Jisus. Kay yan ya lyekatan sa kanaten pagpangintu-u sa Tyumanem, aw yan uman ya maglingeb sa pagpangintu-u tadun. Aw asuntu sa pagleya na madawat nan kagaya, pigti-isan nan ya kanan pagkamatay adti krus aw walaꞌ nan pagbetangan sa ginawa ya pagmulamula kanan. Aw adun, adtu la sakanan nyingkud apit adti kalintu na trunu na Tyumanem.
Yanagaw si Jisus nya-imoꞌ utaw kasiling tadun aw nyeyaꞌ asini kanaten. Pigka-agiyan nan ya kanaten kya-agiyan pada kallatan kitadun nan aw umbaꞌ sakanan ma-imoꞌ To-o Matas na Magdadugsu-ay adti asdangan na Tyumanem. Aw pigtumbay nan na dugsuꞌ ya kanan pagka-utawun pada lanasen ya manga salaꞌ na manga utaw.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Pangkay singalan ya maglong adti asdangan na manga utaw na si Jisus ya Iseꞌ na Tyumanem, na, kya-ede-an tadun na ya utaw yan nyakasambuk da sakanan adti Tyumanem aw awun saba uman ya Tyumanem ni kanan.
Pangkay singalan ya maglong adti asdangan na manga utaw na si Jisus ya Iseꞌ na Tyumanem, na, kya-ede-an tadun na ya utaw yan nyakasambuk da sakanan adti Tyumanem aw awun saba uman ya Tyumanem ni kanan.
Aw maynini ya pagpakitaꞌ na Tyumanem sa kadakulaꞌ na pagginawa nan kanaten: Pigpadala nan asini tas na lupaꞌ ya kanan Iseꞌ na tamisa pada magi kanan makatagtun kitadun sa ginawa na walaꞌ ya katigkasan. Aw yeiy ya pagginawa na walaꞌ ya maka-unawa. Walaꞌ tadun una ginawayi ya Tyumanem manang yan ya nyuna gyuminawa kanaten. Aw pigpadala nan ya kanan Iseꞌ na un ma-imoꞌ dugsuꞌ kalyu kanaten, pada makamang ya pagpa-emel-emel kanaten na Tyumanem aw malanas ya manga salaꞌ tadun.
Aw maynini ya pagpakitaꞌ na Tyumanem sa kadakulaꞌ na pagginawa nan kanaten: Pigpadala nan asini tas na lupaꞌ ya kanan Iseꞌ na tamisa pada magi kanan makatagtun kitadun sa ginawa na walaꞌ ya katigkasan.
Manang ya utaw na migpadeleg mig-imoꞌ sa salaꞌ, si Satanas ya tagtun kanan, kay yan ya gayed migpakasalaꞌ lekat pa asini muna sa pag-atu nan sa Tyumanem. Aw yan ya du-an na nyadi ya Iseꞌ na Tyumanem pada kalaten ya imo-unun ni Satanas.
Yanagaw singalan kaꞌ ya makadeg sa malatay na asini tas na lupaꞌ? Oloꞌ saba utaw na nyangintu-u na si Jisus ya Iseꞌ na Tyumanem.
Aw ini ya pigmatinaw nan: Pig-atagan da kitadun na Tyumanem na ginawa na walaꞌ ya katigkasan, aw ya lyekatan sa ginawa yeiy, yan saba ya kanan Iseꞌ. Ya utaw na dyumawat sa Iseꞌ na Tyumanem, nyatagtun da nan ya ginawa na walaꞌ ya katigkasan. Manang ya utaw na walaꞌ dawat sa Iseꞌ na Tyumanem, walaꞌ nan katagtun ya ginawa na walaꞌ ya katigkasan.
Kay kun ubat-ubat mu adti eped na utaw na si Jisus ya Matas na Pangulu aw kun mangintu-u kaw na pigmataw sakanan na Tyumanem lekat adti pagkamatay, na, paluwa-en kaw saba.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Aw asuntu na nyaka-agad da aku sa pagkamatay ni Kristu adti krus, yanagaw diliꞌ da ku tumanen ya pagkaliman na pagka-utawun ku, manang yan da baling ya tumanen ku ya pagkaliman ni Kristu na nyeyaꞌ asini kanak. Aw yan da ya pigsaligan ku adun si Jisus na Iseꞌ na Tyumanem, kay pigginawa͡an aku nan aw pig-atag nan ya kanan pagka-utawun kalyu kanaken.
Aw un pa nan uman sambaten alag ya kapelekan mayu lekat adti kadég na awun ni kanan asuntu na nyakasambuk da kamu kan Kristu Jisus.
Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.
Kay ya Tyumanem, yan saba ya migbagu kanaten. Pig-imoꞌ nan yeiy magi dun ni pagpakasambuk tadun kan Kristu Jisus, pada ma-imoꞌ tadun ya manga madyaw na imo-unun na pigtagilan dadan kanaten na Tyumanem.
Aw gayed mayu ginawayi ya manga eped mayu, kasiling na pagginawa ni Kristu kanaten aw pigpakitaꞌ nan yeiy magi dun ni pag-atag nan sa kanan pagka-utawun pada kanaten. Sakanan ya dugsuꞌ na nyakatutuk sa Tyumanem.
Kay kasiling na lawas na utaw, awun madég na punganan aw walaꞌ pag-unawa ya manga imo-unun nilan. Maynan uman kitadun na manga mangintu-uway, pangkay madég kitadun, manang sambuk da kitadun na lawas dun ni pagpakasambuk tadun kan Kristu.
Manang pigpasalamatan tadun ya Tyumanem kay pigdeg da nan ya salaꞌ aw ya kamatayen, aw pig-atag nan kanaten na mabatug da tadun uman degen ya kadég yeiy magi sa kanaten Matas na Pangulu na si Jisu-Kristu.
Yan baling ya kallekan mayu si Kristu aw simba͡en dun ni kamayu anenganeng, kay yan saba ya kamayu Matas na Pangulu. Aw kun awun usip na manga utaw kun unu ya pig-iman mayu, nyatagilan da dadan ya madyaw na un mayu tubag kanilan.
Kay sambuk da oloꞌ ya Tyumanem, aw sambuk da ya migpatengaꞌ sa manga utaw adti Tyumanem, aw yeiy si Kristu Jisus na migpaka-utaw
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Pagkatigkas yan, kyinitaꞌ ku na kyabukasan ya langit. Aw sa pag-inunu ku, awun kudaꞌ na maputiꞌ. Aw ya syumakay pigtawag na Kasaligan aw Katinawan, kay alag saba matinaw ya pag-ukum nan aw ya pagtanam nan sa kanan manga po-on. Ya manga mata nan kasiling na laga na atulun. Aw awun madég na korona adti ulu nan, aw nyakasulat dun ni kanan ya sambuk na ngalan na yan oloꞌ ya nya-edeꞌ. Syumut sakanan sa kadégkadég na dadan da pig-elem adti duguꞌ. Ini ya ngalan na pagtawag kanan: Ya Tingeg na Tyumanem. Aw gyumuyud kanan ya to-o madég na sundalu na lekat adti tas na langit. Syumakay uman silan sa kudaꞌ na maputiꞌ, aw syumut silan sa kadégkadég na to-o maputiꞌ aw walaꞌ ya taping. Aw ya migma-una na pigguyudan nilan, ya tingeg nan kasiling na lipang na to-o matalem, aw yeiy ya un nan pagdeg sa manga nasud na nyatu kanan. Aw walaꞌ ya makadeg sa pagdumala nan. Pakitaꞌ nan ya kadaman na Tyumanem na migdumala sa kadég. Ya kadaman yeiy, kasiling na migpigis sa manga bunga na paras. Dun ni kadégkadég na pigsut nan aw adti pud nan awun nyakasulat: "Ya Hariꞌ sa kadég na manga hariꞌ aw Matas na Pangulu sa kadég na manga pangulu."
Ayin pa aku galu na awun gayed ni kadég na mangintu-uway ya grasya na lekat adti kan Jisus na kanaten Matas na Pangulu. Amén.
Pagkatigkas yan, piglongan ni Jisus si Tomas, "Kay Tomas, adi kaw. Damdama ya tulluꞌ ku na kya-agiyan na kalabu, aw lungugan ya tulluꞌ mu adi kilid ku na pigdugsang na sundalu. Diliꞌ da kaw magduwaduwa, manang pangintu-uwi baling." Aw miglong si Tomas, "Kay Magpalna-uway! Ikaw saba ya kanak Matas na Pangulu aw ya kanak Tyumanem!"
Na, madég pa uman ya manga milagru na pig-imoꞌ ni Jisus dun ni tampid na manga umagakan nan na walaꞌ ka͡abus pakasulat asini libru ini. Manang ya nyakasulat asini, pigsulat pada mangintu-u kamu na si Jisus yan ya Misiyas, ya Iseꞌ na Tyumanem. Aw magi sa pagpangintu-u mayu kanan, matagtun mayu ya ginawa na walaꞌ ya katigkasan.
Ini ya kanak suguꞌ: Paggaginawa͡ay kamu kasiling na pagginawa ku kamayu.
Matinaw ya un ku paglongun kamayu: Pangkay singalan ya dumawat sa utaw na pigsuguꞌ ku, dun da aku nan uman dawata. Aw kun singalan ya dumawat kanak, dun da nan uman dawata ya Ama na migpadala kanak."
Aw pig-atagan ku silan na ginawa na walaꞌ ya katigkasan. Aw diliꞌ silan ka-eletan lekat adti kanak kay walaꞌ ya sambuk na makakamang kanilan lekat adi kanak. Pig-atag da silan kanak na Ama ku, aw dakulaꞌ pa ya katulus nan kay sa kadég. Walaꞌ ya pangkay singalan na makakamang kanilan lekat adti Ama. Kay ya Ama aw aku sambuk da saba."
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan. Kay ya pagpadala na Tyumanem sa Iseꞌ nan asini tas na lupaꞌ, bekeꞌ na kaliman nan na ukuman ni Jisus ya manga utaw asuntu sa manga salaꞌ nilan, manang yan baling ya tud na Tyumanem na paluwa-en silan magi sa Iseꞌ nan. Yanagaw, pangkay singalan ya mangintu-u kanan, diliꞌ saba ukuman. Manang pangkay singalan ya diliꞌ mangintu-u kanan, pig-ukuman da sakanan kay walaꞌ nan pangintu-uwi ya Iseꞌ na Tyumanem na tamisa.
Aw ya utaw na diliꞌ magpisan sa kanan krus aw dumalug kanak, ya utaw yan diliꞌ umbaꞌ ma-imoꞌ kanak umagakan.
Kay kun awun duwa aw tulu ya mangintu-uway na magkatipun dun ni kanak ngalan, awun saba aku ni tampid nilan."
Aw pig-inunu silan ni Jisus aw law nan, "Diliꞌ na utaw mabatug yeiy manang mabatug saba na Tyumanem. Kay walaꞌ ya diliꞌ mabatug na Tyumanem."
Aw tyumubag si Jisus, "Ya diliꞌ mabatug na utaw mabatug saba na Tyumanem."
Ayin pa aku galu na awun gayed ni kamayu ginawa ya grasya ni Jisu-Kristu na Matas na Pangulu tadun.