1 Aho nk’hongo handaga na Ulosi, naho uyo Ulosi andaga hamwenga na Mnungu, naho uyo Ulosi andaga Mnungu.

1 Aho nk’hongo handaga na Ulosi, naho uyo Ulosi andaga hamwenga na Mnungu, naho uyo Ulosi andaga Mnungu. 2 Kukongela nk’hongo Ulosi andaga hamwenga na Mnungu. 3 Yehe niye alekaga vose vikalaila, andile hiyo yehe, hakwalaile kint’hu chochose.

14 Yudya Ulosi niyo anda mnt’hu no kwikala kwetu, naswe nekiuona uwedi wakwe utendese, uwedi utendese enga wa Mwana haheina mtuhu enga yehe alaile kwa Tate, kamema uwedi ne ikindedi.

9 Kwaviya, mwo mwili wakwe Kilisito umwo ukwikala Umnungu wose,

9 Kwaviya, mwo mwili wakwe Kilisito umwo ukwikala Umnungu wose, 10 nanywe mwink’higwa ugima ukint’hile mwe kulunganywa naye. Yehe ana udahi kujink’ha udahi wa mp’hepo zose.

5 Mnde na moyo uudya andaga nawo Yesu Kilisito.

6 Chotoko chakwe andaga Mnungu kindedi,

mna haonaga kudya kunda Mnungu ni kint’hu cha kutozeleza.

7 Mna kwa kuunga kwakwe mwenye ayalekaga ayo yose niyo akeika mtumwa, nakelekwa mnt’hu.

Niyo anda mtumwa.

Nakanda mnt’hu

enga want’hu watuhu ivo weli.

5 Mnde na moyo uudya andaga nawo Yesu Kilisito.

15 Niyo awauza, "Nyuwe mwagamba ni miye yuhi?"

16 Simoni Petulo niyo ahitula, "Weye nuyo Kilisito, Mwana ywa Mnungu e mgima."

17 Yesu niyo amhitila, "Una kinyemi weye Simoni mwana Yohana. Kwaviya ikindedi iki hwink’higwe ni mnt’hu yeyose, mna kwinkwa ni Tate e kulanga.

23 "Mwali na mazanga neenule ubovu,

naho kwakwe naavumbuke mwana kilume, zina dyakwe neetangwe Imanueli" nuko kugamba, "Mnungu ehamwenga na suwe."

54 Yudya mkulu wa wank’hondo, hamwenga na wank’hondo wadya wandanye wakamwamila Yesu weze waone idisingisa hamwenga ne zimbuli zilaile hadya, wogohesaga, niyo wagamba, "Ikindedi uyu andaga Mwana ywa Mnungu."

61 Mna yehe niyo anyamala, hawahitule kint’hu chochose. Mkulu wa walava nt’hambiko niyo amuuza vituhu, "Weye nie Kilisito, Mwana wakwe Mnungu Mtogolwa?"

62 Yesu niyo agamba, "Heye, miye ni yehe! Nanywe nyose nomumuwone Mwana wa Mnt’hu kekala kulume kwa Mnungu Mta Udahi, naho nommuwone akeza mwa mavunde ya kwe mbingu."

6 Niyo awagamba, "Msekwehelwa, himanya mwamzungula Yesu Mnazaleti andile kawambigwa. Hahali aha, kauyuka! Kauleni hant’hu wamwikile.

21 Want’hu wose weze wajike kubatizwa, niyo Yesu naye abatizwa. Umwo andile akalombeza Mnungu, mbingu niyo zagubuka, 22 Muye ywa Mnungu niyo aseela no kumkima mnanga mwakwe enga wa suwa. Naho izwi dyevikaga kulawa kwe mbingu dikagamba, "Weye niwe mwanangu, hukuungisa. Weye kunelela."

58 Yesu niyo awagamba, "Ikindedi nawagambileni," "Ibulahimu umwo andaga akei kwelekwa, ‘Miye ni aho’."

30 Miye na Tate ni kitu kimwenga."

17 Yesu niyo awagamba, "Tate adamanya ndima mpaka ivi haluse, miye name nadamanya." 18 Mwe zimbuli izo, vilongozi wa Wayahudi niyo watendesa kuzungula sila yo kumkoma, naho hiyo du kwa mbuli ya kudamanya ndima mwe zuwa dya kuhumula, mna hamwenga na kumwitanga Mnungu ise mwenye, naho nakuketenda kaligana na Mnungu.

18 Mwe zimbuli izo, vilongozi wa Wayahudi niyo watendesa kuzungula sila yo kumkoma, naho hiyo du kwa mbuli ya kudamanya ndima mwe zuwa dya kuhumula, mna hamwenga na kumwitanga Mnungu ise mwenye, naho nakuketenda kaligana na Mnungu.

21 Enga viya Tate akuuyula want’hu wabanike nakuwatenda wande wagima, iviya iviya Mwana naye awatenda wagima wadya akuwaunga. 22 Naho Tate hakumsengela mnt’hu yeyose mna udahi wo usengelo kamwink’ha Mwana, 23 vileke want’hu wamwive Mwana enga viya wakumwogoha Tate amwigale Umwana. Mnt’hu heekumwogoha Mwana, hakumwogoha Tate amwigale Umwana.

25 Namigambilani ikindedi, isa yeza, naho ibula, wadya wabanike naweve izwi dya Mwana wa Mnungu naho wadya wakunga weve nawande wagima.

6 Yesu niyo amhitula, "Ni miye sila ne ikindedi, no ugima, Hahali akuunga aite kwa Tate hanombokele kwangu."

9 Yesu niyo amhitula, "Filipo kwa lupisi lutali nehinda na nyuwe nyose, mna hamnimanyize? Anione miye, kamuona Tate. Nii naho mwanigamba, ‘Kilagise Tate?’ 10 Filipo, mkei hamkuhuwila kugamba miye nimndani mwa Tate, na Tate naye emndani mwangu? Ulosi humigambilani haukulawa kwangu" mna Tate emndani mwangu nie akudamanya izindima.

25 Yesu niyo amgamba, "Miye nuwo uyulo no ugima. Wose wakunihuwila, wakeza kubanika nawande wagima.

40 Yesu niyo amgamba, "Hikugambile una huwila nauone ukulu wa Mnungu?"

12 Uyokozi walawa kwa yehe ekedu, mwe isi yose hadihali zina dyodyose hasi ye mbingu kink’higwe ni Mnungu dikudaha kukiyokola."

36 Umwo wandile wakagenda hasi mwe sila, wabulaga hant’hu hana mazi, niyo mkulu yudya agamba, "Aha hana mazi, nafingizwa nii nisekubatizwa?" 37 Filipo niyo amgamba, "Wadaha kubatizwa uneva wahuwila kwo umoyo wako wose." Yudya mnt’hu niyo ahitula, "Nahuwila, nahuwila kugamba Yesu Kilisito ni Mwana ywa Mnungu."

38 Yudya mkulu niyo asigiila ditololi dikimale, niyo Filipo hamwenga na yudya Mkulu waseela hasi mwa mazi, niyo Filipo ambatiza.

3 Yehe niye mmweko wo ukulu wa Mnungu, naho mwa yehe Umnungu wose ukint’ha, naho kwa mbuli yakwe ina ludole avitozeleza vint’hu vose vigendeele kunda aaho. Naho eze awakukize wavu wa want’hu wakwe, kekala kulume kwa Mnungu, udahi mkulu wa kwe mbingu.

4 Mwana Mnungu ni mkulu kujink’ha watumigwa wa kwe mbingu, enga ivo dizina dyakwe enk’higwe ni Mnungu dili kulu kujink’ha zina dyawe.

14 Elo haluse, kwaviya kinanaye mlava nt’hambiko mkulu omboke kubula kwe mbingu uko eli Mnungu, Yesu mwana Mnungu, kiutozese mhuwi kinanawo mwa Kilisito udya kikudaha kuulonga hameso ya want’hu. 15 Kwaviya kinananye mlava nt’hambiko mkulu akukionela usungu kwo usokezi wetu. Yehe nakagezigwa mwe sila zose enga suwe, mna hadamanye wavu.

2 Kimkauleni Yesu uyo akikongele no kuukint’hiza mhuwi wetu, yehe kwa kinyemi nakafinyiliza msalaba no kuzibela zisoni zakwe, yehe kekala mwe difumbi kulume kwa Mnungu.

17 Kwa ivo nevimuunga ande enga wanduguze, vileke ande mlava nt’hambiko mkulu, mta mbazi, naho mhuwilwa kwa mbuli za Mnungu, vileke awausile want’hu wakwe wavu wawe.

15 Mnt’hu yeyose akulonga kugamba kindedi Yesu ni mwana Mnungu, Mnungu ekala mwe kulungana na mwa uyo, uyo akulonga ivo naye ekala mwe kulungana na Mnungu.

15 Mnt’hu yeyose akulonga kugamba kindedi Yesu ni mwana Mnungu, Mnungu ekala mwe kulungana na mwa uyo, uyo akulonga ivo naye ekala mwe kulungana na Mnungu.

9 Mnungu kalulaviliza lukunde lwakwe kwa kumwigala mwanawe uyo eli ekedu, eze mwe isi vileke kinde no ugima kwombokela kwakwe. 10 Ulu nulo lukunde, hiyo kugamba ni suwe kimuungile Mnungu, mna ni yehe akiungile niyo amwigala mwanawe ande nt’hambiko ya kukilekela wavu wetu.

9 Mnungu kalulaviliza lukunde lwakwe kwa kumwigala mwanawe uyo eli ekedu, eze mwe isi vileke kinde no ugima kwombokela kwakwe.

8 Mn’thu akugendeela kudamanya wavu uyo ni ywo Mwavu, kwaviya Mwavu kadamanya wavu kukongela aho nk’hongo. Mna Mwana ywa Mnungu kalavilizwa vileke azibanange zindima zo Mwavu.

5 Ivi, niani akudaha kuzihuma mbuli zihile za mwe isi uneva hi yudya akuhuwila kugamba Yesu ni Mwana ywa Mnungu?.

11 Naho uno nuwo uwona, Mnungu nakakink’ha ugima wa ulo na ulo, naho ugima uwo chaupata kwa Mwanawe. 12 Yeyose ananaye Umwana ananawo uwo ugima, heena naye Mwana ywa Mnungu hananawo uwo ugima.

9 Unalonga kwa mnomo wako kugamba Yesu ni Zumbe, no kuhuwila mwo moyo wako kugamba Mnungu amuuyulaga, nouyokolwe.

20 haluse miye ni mgima mna hiyo miye naho nili mgima, mna ni Kilisito akukwikala mndani mwangu. Na wikazi uwo nnanawo ivi haluse nekala kwa mhuwi, mwo Mwana ywa Mnungu yudya aniungile, vitendese alavaga ugima wakwe kwajili ya miye.

19 Ivo Mnungu ywangu, kwa ugoli wakwe mkulu kwa sila ya Yesu Kilisito, naawenk’heni yadya yose mkuunga.

15 Na utondowazi wa Kilisito ilongoze mwe mioyo yenyu. Kwaviya Mnungu kawetangani mnde no uwo utondowazi, kwaivo mwili mwo mwili umwenga. Naho mgambe, nivedi!

10 Mnungu niye akiumbile ivi kili, naho kwa kulunganywa hamwenga na Yesu Kilisito, nakakiumba vileke kikale wikazi we mitendele iyedi akiikile lumwe vileke kiidamanye.

2 Wikazi wenyu ulongozwe ni lukunde enga viya Kilisito akiungise, niyo akelava yehe mwenye akomwe kwajili yetu, enga malavo yana mhemp’he wedi yakumwelela Mnungu.

4 Kina vilungo vingi mwe mili yetu naho kila kimwenga kina ndima yakwe. 5 Iviyaiviya na suwe hata uneva kiwengi, suwe ni mwili umwenga kwa kulungana na Kilisito, naho kila yumwenga wetu ni kilungo cha miyawe.

57 Mna atogolwe Mnungu akukink’ha uhumi kwa sila ya Zumbe ywetu Yesu Kilisito!

15 Mna mtunyeni Kilisito kunda Zumbe mwe mioyo yenyu, ikaleni lumwe kumhitula yeyose akuwauzani mbuli mwe dikawiilo mnanadyo, mna mdamanye kwa ujalamu na wogofi,

5 Kwaviya eyuko Mnungu yumwenga, naho eyuko yumwenga akuwalunganya want’hu hamwenga na Mnungu, uyo mnt’hu Yesu Kilisito,

11 Naonaga mbingu igubuka, naho kwandaga na falasi ing’aile naho yudya ekale mnanga mwakwe etangwa, Mhuwilwa na Mkindedi, naho akasengela want’hu no kutoana nk’hondo adamanya enga ivo vikuungwa. 12 Naho meso yakwe nayanda enga lulija lwa moto, naho mwo mtwi wakwe mwandaga na taji nyingi za kiseuta, naho ana zina diwandikwe hedikumanywa ni mnt’hu yeyose ila yehe mwenye du. 13 Avalaga suke yatufikagwa mwe sakame, naho dizina dyakwe etangagwa "Mbuli ya Mnungu". 14 Naho watoani wa kwe mbingu wandaga wavaligwa suke zisunt’hike zing’aile naho nt’hana, Awo wakweile falasi zing’aile. 15 Mwo mnomo wakwe mwandaga mkalawa bamba dikutwelesa, akuunga awatoele want’hu we isi. Naye naawalongoze kwa ngoda ya kilama, na kuminya zabibu mndani mwe kiminyilo kimemile maya makulu ya Mnungu Mta Udahi. 16 Naho ana zina diwandikwe mwe suke yakwe na mwe diwambo dyakwe, "Seuta ywa maseuta na Zumbe ywa mazumbe."

21 Wedi wa Zumbe Yesu unde na nyuwe nyose. Taile.

27 Yesu niyo amgamba Tomasi, "Gela kadole kako aha, naho kaula mikono yangu. Naho lete umkono wako uugele mwo lubavu lwangu. Usekukunda hwiina mhuwi uhuwile!"

28 Tomasi niyo amhitula, "Zumbe ywangu na Mnungu ywangu!"

30 Mwa meso ya wanamp’hina wakwe Yesu nakadamanya vilagiso vingi heviwandikwe mwe kitabu iki. 31 Mna aya yawandikwa vileke want’hu wahuwile kugamba Yesu niye Kilisito Mwana ywa Mnungu, na kwa kuhuwila mdahe kunda na ugima kwa ludole lwe dizina dyakwe.

12 Sigilizi yangu ni ino. Muungane enga viya miye niwaungile nyuwe.

20 Nawagambilani kindedi, yudya akumhokela yudya ni mwigale anihokela miye, na akunihokela miye amhokela yudya anigale miye."

28 Miye name nazink’ha ugima wa ulo na ulo, nazo hezibanike, naho hahali mnt’hu akuunga azipokole kulawa mwe mikono yangu. 29 Tate anink’hile awant’hu awa ni mkulu kujink’ha wose. Naho hahali mnt’hu akudaha kuwaguha kulawa mwe mikono ya Tate. 30 Miye na Tate ni kitu kimwenga."

16 Kwaviya Mnungu nakawaungisa want’hu wa mwe isi niyo amwigala Mwanawe heena miyawe vileke kila yumwenga akumhuwila asekwaga mna ande no ugima wa ulo na ulo. 17 Kwaviya Mnungu hamletile Mwanawe mwe isi vileke awasengele want’hu wa mwe isi, mna keza vileke isi iyokolwe kwombokela yehe.

18 "Akumhuwila Mwana hakusengelwa, mna wose hewe kumhuwila wasengelwa kale, kwaviya hawadihuwile dizina dya Mwana Mnungu eli ikedu.

38 Heweekudaha kwinula viwambilo vawe, niyo wanitimila mnenge sila zangu, hawawagilwe kunda wanamp’hina wangu.

20 Kwaviya aho wakudugana waidi hegu watatu mwedizina dyangu, name nihamwenga nawo."

27 Yesu niyo awakaula na kuwagamba, "Kwa want’hu haikudahika, mna kwa Mnungu hiyo ivo, naho kwa Mnungu mbuli zose zadahika."

27 Yesu niyo ahitula, "Heyekudahika kwa want’hu, kwa Mnungu yadahika."

25 Wedi wa Zumbe ywetu Yesu Kilisito unde na nyuwe nyose mwe mioyo yenyu.