1 Kar chakruok, Wach ne nitie, kendo Wach ne ni kod Nyasaye, kendo Wach ne en Nyasaye.

1 Kar chakruok, Wach ne nitie, kendo Wach ne ni kod Nyasaye, kendo Wach ne en Nyasaye. 2 Ne en gi Nyasaye nyaka aa chakruok. 3 En ema nomiyo gik moko duto ochwe; kendo ka dine onge en, to onge gima dine ochwe mosechwe.

14 Wach nodoko dhano kendo nodak kodwa. Waseneno duongʼne, ma en duongʼ mar Wuowi ma Miderma, ma noa ka Wuoro kopongʼ gi ngʼwono kod adiera.

9 Nyasaye mangima gi kite duto odak ei Kristo, tiende ni e ringre Kristo,

9 Nyasaye mangima gi kite duto odak ei Kristo, tiende ni e ringre Kristo, 10 omiyo ka un ei Kristo to un gi gik moko duto, nikech en e jatelo moloyo jotelo duto, kendo en e teko moloyo teko gi loch duto.

5 Paro manie chunyu nyaka bed machal gi paro mane Kristo Yesu nigo.

6 Yesu ne kit Nyasaye nyaka aa chakruok,

to ne ok okwano bedo marom gi Nyasaye ka gima nyaka lar,

7 to notimore ka gima nono

kodoko misumba,

mi nokawo kido machal gi mar dhano.

5 Paro manie chunyu nyaka bed machal gi paro mane Kristo Yesu nigo.

15 Nopenjogi niya, "To un, to uwacho ni An ngʼa?"

16 Simon Petro nodwoke niya, "In e Kristo, Wuod Nyasaye Mangima."

17 Yesu nodwoke niya, "Ogwedhi adier, Simon wuod Jona, nimar dhano ok ema osefwenyoni tiend wachni, to Wuora manie polo ema osefwenyonigo.

23 "Nyako ngili biro mako ich minywol wuowi, mi nigiluonge ni Imanuel"* (tiende ni, "Nyasaye ni kodwa").

54 Kane jatend jolweny gi joma ne ni kode mane rito Yesu noneno yiengni mar piny kod gik moko duto mane oyudo osetimore, luoro nomakogi matek, kendo negiwacho ka giwuoro niya, "Adier, ngʼatni ne en Wuod Nyasaye!"

61 To Yesu nolingʼ alingʼa thi ma ok odwoke.

Jadolo maduongʼ nochako openje niya, "In e Kristo ma Wuod Nyasaye Mangima koso?"

62 Yesu nodwoke niya, "Ee, An. To unune Wuod Dhano kobet e bat korachwich mar Jal Maratego kendo kolor oa e boche polo."

6 Wuowino nokwerogi niya, "Weuru bwok. Umanyo Yesu ja-Nazareth, mane ogur. Oonge ka, osechier! Neuru kamane gipiele.

21 Kane ibatiso ji duto, Yesu bende ne obatisi. To kane olemo, polo noyawore 22 kendo Roho Maler mane obiro e kido mar akuru nolor mopiyo kuome, to dwol noa e polo mawacho niya, "In e Wuoda, ma ahero; chunya mor kodi."

58 Yesu nowachonegi niya, "Awachonu adier ni kane pok onywol Ibrahim, to ne Antie!"

13 Musa nodwoko Nyasaye niya, "Ka dipo ni adhi ir jo-Israel mi awachonegi ni, ‘Nyasach kwereu oseora iru,’ mi gipenja ni, ‘Nyinge en ngʼa?’ Koro to ananyisgi nangʼo?"

14 Nyasaye nowacho ne Musa niya, "AN MANTIE. Ma e gima onego iwach ni jo-Israel, ‘AN MANTIE oseora iru.’ "

30 An kod Wuora wan achiel."

17 To Yesu nowachonegi niya, "Wuora osiko katiyo tichne nyaka kawuono, kendo an bende atiyo mana kamano." 18 Wachni nomiyo jo-Yahudi oramo ni nyaka ginege, nimar negineno ni ok Sabato kende ema noketho, to bende noluongo Nyasaye ni Wuon-gi, manyiso ni ne oketore ni orom gi Nyasaye.

18 Wachni nomiyo jo-Yahudi oramo ni nyaka ginege, nimar negineno ni ok Sabato kende ema noketho, to bende noluongo Nyasaye ni Wuon-gi, manyiso ni ne oketore ni orom gi Nyasaye.

21 Mana kaka Wuoro chiero joma otho, kendo miyogi ngima, e kaka Wuowi bende chiwo ngima ne ngʼato angʼata mohero. 22 To bende, Wuoro ok ngʼad bura ne ngʼato, to oseketo teko mar ngʼado bura e lwet Wuowi, 23 mondo ji duto omi Wuowi duongʼ mana kaka gimiyo Wuoro duongʼ. Ngʼat ma ok mi Wuowi duongʼ ok mi Wuoro mane ooro Wuowino duongʼ.

25 Awachonu adier ni ndalo biro, kendo koro osechopo, ma joma otho biro winjo dwond Wuod Nyasaye, kendo joma owinjo dwolno biro doko mangima.

6 Yesu nodwoke niya, "An e yo kendo An e adiera bende An e ngima. Onge ngʼama nyalo biro ir Wuora ka ok okadho kuoma.

9 Yesu nodwoke niya, "Filipo, asebedo kodu kuom kinde mangʼeny, kare in pok ingʼeya? Ngʼato angʼata mosenena oseneno Wuoro, koro ere kaka ikelo wacho ni, ‘Nyiswa Wuoro’? 10 Donge iyie ni An ei Wuora kendo Wuora ni e iya? Weche ma awachonu ok gin mana wechena awuon. Chutho, Wuora modak e iya ema timo tichne.

25 Yesu nowachone niya, "An e chier kendo An e ngima. Ngʼat moyie kuoma kata otho to nodok mangima,

40 Yesu nowachone niya, "Donge nende anyisi ni kiyie to ibiro neno duongʼ mar Nyasaye?"

12 Warruok ok nyal yud kuom ngʼat moro machielo; nikech onge nying moro machielo e bwo polo mosechiw ni mondo ji oyud warruok kuome."

36 Kane gimedo dhi nyime, negichopo kama pi moro ne nitie. Ja-Ethiopia nowachone Filipo niya, "Pi eri, angʼo ma dimona yudo batiso?"

[37 Filipo nodwoke niya, "Inyalo yudo batiso, kiyie gi chunyi duto."

Nodwoke niya, "Ee, ayie ni Yesu Kristo en Wuod Nyasaye."]*. 38 Omiyo nochiwo chik mondo gari ochungʼ. Eka ne gilor gidhi e pi mi Filipo nobatise.

3 Wuowi ema rieny gi duongʼ maler mar Nyasaye, kendo en e kit Nyasaye hie momako gik moko duto gi wachne man-gi teko. Kane oseloso yor pwodhruok e richo to nobet piny e polo, e bat korachwich mar Nyasaye Man Malo Moloyo duto. 4 Kuom mano, nobedo gi duongʼ moloyo malaike mana kaka nying mane omiye bende nigi duongʼ moloyo malaika.

14 Kuom mano kaka koro wan gi Jadolo Maduongʼ mosedhi nyaka e polo, ma en Yesu Wuod Nyasaye, wamakuru yie mwahulo matek. 15 Nikech ok wan gi jadolo maduongʼ ma ok nyal kechowa e nyawowa, to wan gi mano manyalo kechowa, to nikech en bende noteme gi kit tembe duto mwayudo, makmana ni en noonge gi richo.

2 Wachomuru wangʼwa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwangʼ achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duongʼ mar Nyasaye.

17 Mano emomiyo ne nyaka kete ochal gi owetene e yore duto, mondo eka obed jadolo maduongʼ ma jakech kendo ma ja-adiera matiyo e nyim Nyasaye, kotimo misango migologo richo mag ji.

4 Adier, notingʼo sandruok-wa

kendo chandruokwa ema ne ture,

kata kamano wan to ne waparo ni kum mane oyudo,

sandruok kod chandruok noa kuom Nyasaye.

5 To kare ne ochwowe mana nikech kethowa,

nosande malit nikech richowa;

kum mane oyudo kuome ema nokelnwa kwe,

kendo moriemo mage ema nochangowa.

6 Nimar osenywolnwa nyathi,

adier osemiwa wuowi,

kendo loch nobedi e lwete.

Noluong nyinge ni

Jabura Mahono, Nyasaye Maratego,

Wuoro Manyaka Chiengʼ kendo Ruodh Kwe.

15 Ka ngʼato ohulo ni Yesu en wuod Nyasaye, to Nyasaye odak e iye kendo en bende odak ei Nyasaye.

15 Ka ngʼato ohulo ni Yesu en wuod Nyasaye, to Nyasaye odak e iye kendo en bende odak ei Nyasaye.

9 Nyasaye nonyiso hera moherowago kama: Ne ooro Wuode ma miderma e piny mondo wabed mangima kuome. 10 Ma e gima hera en: ok ni wan ema ne wahero Nyasaye, to Nyasaye ema noherowa mokwongo mi nooro Wuode kaka misango mar richowa.

9 Nyasaye nonyiso hera moherowago kama: Ne ooro Wuode ma miderma e piny mondo wabed mangima kuome.

8 Ngʼat mosiko katimo richo en ngʼat Satan, nikech Satan osiko katimo richo nyaka aa chakruok. Gimomiyo Wuod Nyasaye nobiro ne en ni mondo otiek tich Satan.

5 En ngʼa moloyo piny? Mana ngʼat moyie ni Yesu en Wuod Nyasaye.

11 To ma e gima Nyasaye osewacho: Nyasaye osemiyowa ngima mochwere kendo ngimano ni kuom wuode. 12 Ngʼat man-gi Wuowi nigi ngima; to ngʼat maonge gi Wuod Nyasaye onge gi ngima.

9 Ka ihulo gi dhogi ni "Yesu en Ruoth," kendo iyie ei chunyi ni Nyasaye nochiere oa kuom joma otho, to iniyud warruok.

20 Osegura kaachiel gi Kristo, kendo an koro ok ema angima, to Kristo ema ngima kuoma. Ngima makoro angimago e ringra an-go mana kuom yie ma ayiego kuom Wuod Nyasaye, mane ohera kendo ochiwore owuon ni an.

19 To Nyasacha biro miyou gik moko duto muchando, kogolo kuom mwandune maduongʼ manie Kristo Yesu.

15 Weuru mondo kwe mar Kristo obed jaloch e chunyu kaka fuondi ringruok achiel, noluongu e kwe, omiyo gouru erokamano.

10 Mano timore nikech wan chwech Nyasaye, manochweyo kuom Kristo Yesu mondo otim timbe mabeyo, ma Nyasaye owuon ema nosechano chon mondo watim.

2 kendo udag e ngima mar hera kaka Kristo ne oherowa mi ochiworenwa kaka chiwo kendo misango madungʼ tik mangʼwe ngʼar mamit ni Nyasaye.

4 Nikech mana kaka ngʼato ka ngʼato kuomwa nigi ringruok achiel man-gi fuonde mangʼeny, to kendo fuondegi duto ok tim tich machalre, 5 e kaka ei Kristo, waloso ringruok achiel, kata obedo ni wangʼeny, kendo ngʼato ka ngʼato kuomwa ni e achiel gi jowetene mamoko duto.

57 To erokamano ni Nyasaye. Omiyowa loch kuom Ruodhwa Yesu Kristo!

15 To miuru Kristo duongʼ ei chunyu kaka Ruoth Maler. Beduru moikore kinde duto mar dwoko ngʼato mopenjou gimomiyo un gi geno ma un-gono. To timuru kamano gi muolo kod luor.

5 Nikech nitie Nyasaye achiel kende gi ngʼat achiel ma jathek e kind Nyasaye gi dhano, en e Kristo Yesu mane obiro e kido mar dhano.

11 Eka naneno polo koyawore kendo naneno faras marachar kochungo e nyima ma jaithne iluongo ni Ja-ratiro, kendo Ja-adiera. Nikech ongʼado buchene e yo makare kendo okedo lwenjene gi ratiro. 12 Wengene liel ka mach makakni, to osimbo mangʼeny ni e wiye. En gi nying mondik kuome, maonge ngʼama ongʼeyo, makmana en owuon. 13 Kendo orwakore gi kandho molingʼ e remo, to nyinge en Wach Nyasaye. 14 Jolweny mag polo ne luwo bangʼe, ka giidho farese marochere kendo ka girwakore gi lewni mayom marochere kendo maler. 15 To ligangla mabith wuok e dhoge ma ochwowogo ogendini manie pinje. Obiro locho koritogi gi ludh nyinyo.* To enonyon-gi ka jabicho mar divai ka oolo mirimb Nyasaye Maratego kuomgi. 16 En gi nying moro mondik e kandhone kendo e bamne ni:

Jaloch mar joloch kendo Ruoth mar ruodhi.

21 Ngʼwono mar Ruodhwa Yesu Kristo obed gi jo-Nyasaye. Amin.

27 Eka nowachone Thoma niya, "Ket lith lweti kae kendo nee lwetena. Chor lweti kuoma bangʼe iketi e ngʼetna. We bedo ngʼama riwo gi kiawa, bed ngʼama nigi yie!"

28 Thoma nodwoke niya, "Ruodha kendo Nyasacha!"

30 Yesu notimo ranyisi gi honni mamoko mangʼeny, ka jopuonjrene neno, ma ok ondiki e kitabuni. 31 To magi ondiki mondo uyie ni Yesu e Kristo ma Wuod Nyasaye, kendo mondo ka uyie kamano, to ubed gi ngima e nyinge.

12 Chik ma amiyou ema: Herreuru ngʼato gi ngʼato, mana kaka an bende aseherou.

20 Awachonu adier, ni ngʼato angʼata morwako ngʼama aoro, orwaka, kendo ngʼama orwaka orwako jal ma noora."

28 Amiyogi ngima mochwere, kendo ok ginilal ngangʼ, bende onge ngʼama nyalo kawogi kagologi e lweta. 29 Wuora mosemiyagi duongʼ moloyo duto, kendo onge ngʼama nyalo kawogi mi golgi e lwet Wuora. 30 An kod Wuora wan achiel."

16 "Nikech Nyasaye nohero piny ahinya, omiyo nochiwo Wuode ma miderma, mondo ngʼato angʼata moyie kuome kik lal, to obed gi ngima mochwere. 17 Nimar Nyasaye ne ok ooro Wuode e piny mondo ongʼad ne piny bura, to noore mondo ores piny. 18 Ngʼato angʼata moyie kuome ok nobed gi bura. To ngʼat ma ok oyie kuome bura oseloyo, nikech pok oyie kuom nying Wuowi ma miderma mar Nyasaye.

38 kendo ngʼato angʼata ma ok kaw msalape mondo oluwa ok owinjore koda.

20 Nimar kama ji ariyo kata adek ochokoree e nyinga to an kodgi kanyo."

27 To Yesu nongʼiyogi tir mi owachonegi niya, "Mano en gima ok nyalre kuom dhano, to ok kuom Nyasaye, nimar kuom Nyasaye to gik moko duto nyalore."

27 Yesu nodwokogi niya, "Gino ma ok nyalre gi dhano, nyalore kuom Nyasaye."

25 Ngʼwono mar Ruoth Yesu Kristo mondo obed kod chunyi.