1 Dan le lagumeserunbei sun katei, aniheinhali meha Dimurei, ani lúmañein Bungiu le Dimureibei, ani Búngiumeme Dimurei.

1 Dan le lagumeserunbei sun katei, aniheinhali meha Dimurei, ani lúmañein Bungiu le Dimureibei, ani Búngiumeme Dimurei. 2 Lidan lubeiti lagumeserunbei sun katei, lúmañein Bungiu Úguchili Dimurei. 3 Lídangiñe ladügei Bungiu sun katei; úati ni kata adügǘti le mama ladüga.

14 Leti Dimureibei, saliguati wügürime, aba labagaridun waganagua. Ariha wamaali luéirigun, uéiriguni le leresibirubei lúmagiñe Bungiu Úguchili, ladüga ligía lan Liraübei le ábanrügüti, le buinbei lau ínsiñeni luma inarüni.

9 Ladüga buin liña Kristu lau sun lubafu Bungiu;

9 Ladüga buin liña Kristu lau sun lubafu Bungiu; 10 ani huguya, dayarühadün lidan Bungiu lugundun lídanñadün aban luma Kristu, le lichügüdinabei sun ubafu luma gumadi.

5 Ítaramemela ligaburi hasaminarun kei meha ligaburi lasaminarun Kristu Hesusu:

6 Lau sun meha Bungiu Irahü lan ligía,

málugunti lárügüdüni liricha kei Bungiu.

7 Lubaragiñe lira, aba lígiruni le lánibei,

aba ladügün kei ubúeini lau lágurahoun kei wügüri.

5 Ítaramemela ligaburi hasaminarun kei meha ligaburi lasaminarun Kristu Hesusu:

15 Ábati lariñagun houn:

—Anti huguya, kátanati lidan haritagun?

16 Aba lariñagun Simón Féduru lun:

—Kristu le Liráü Bungiu le wínwanbei buguya.

17 Aba lariñagun Hesusu lun:

—Fuleseiwatibu Simón, liráü Honasi, ladüga mama lasubudirágüdün ni aban gürigia katei le bun, lasubudirágüdün Núguchi Bungiu le siélubei bun.

23 «Tadageinaduba aban nibureintu to gañüngiru, ábame tagaraüdün aban irahü; Emanuéli, ligíaba liri».

(Mini lan iri ligía, «Bungiu wama»).

54 Leti hábuti súdaragu hama súdaragu ha óunigirubalin Hesusu, dan hasandirunbalin hárabaganali luma dan harihinbalin líbiri burí katei le asuseredubei, aba hanufudedagun saragu, aba hariñagun:

—Inarüni, Liráü Bungiu wügüri le.

61 Aba lerederun Hesusu maniñu, móunabunga ni kata. Ábaya lálügüdüni fádiri íñutimati:

—Buguya san Krístubei le Liráü Bungiu, le lunbei lasalbaruniña gürigia lídangiñe hafigoun?

62 Aba lariñagun Hesusu lun:

—Anha, au. Ani huguya, harihubadina, au le Wügüri Garaüwarügüti, ñun luéigiñe lóunwenren Suntigabafu, ariha humeime niabin lidan dúeri siélugiñe.

6 aba lariñagun houn:

—Manufudedagua humá. Háluahañein san Hesusu le Nasarétüna le ádarawagubei luagu gurúa? Úati ya, sará lídangiñe óunweni. Ariha huméi san fulasu le ñein lubéi lichugúa.

21 Lubaragiñebei ladaürǘniwa Huan, dan le labadiseihaniña gürigia, badiseiwati giñe Hesusu. Danti le anihán lan Hesusu afurieida lun Bungiu, aba ladaarun sielu, 22 aba larihíniwa lararirun Sífiri Sandu luagun kamá hamuga aban unhun; aba laganbúniwa lariñagun aban umalali siélugiñe:

—Buguya Niraübei le hínsiñebei nun; le aubei nagundaara.

58 Aba lariñagun Hesusu houn:

—Ninarün hau luagu lubaragiñe lan ñein lan Abüraámü, anaheinhadina meha.

13 Aba lariñagun Moisesi:

—Danme le nidin ariñaga houn Ísüraelina: "Lóunahañadina Habungiute hagüchagu humoun", hálügüdübadina ka lan liri Bungiu ligía, kábameti nariñaga houn?

14 Aba lariñagun Bungiu lun Moisesi:

—Au Búngiubei le magumuchaditi. Ariñagabá lubeiti houn: "AU LE" óunahabalina humoun.

30 Au luma Bungiu Úguchili ábanmeme wagía.

17 Aba lariñagun Hesusu houn:

—Nadagimeinti Núguchi chülǘ lumoun dan le, au nadagimeintina giñe.

18 Ligíatimati habusenrubei huríu háfaruni hilagubei, mámarügü ladüga láhalachaguni lúrudu le lánina luéyuri emeraaguni, ladüga giñe líchaagun lungua kei Bungiu lau lariñagun luagu Bungiu lan lúguchibei.

18 Ligíatimati habusenrubei huríu háfaruni hilagubei, mámarügü ladüga láhalachaguni lúrudu le lánina luéyuri emeraaguni, ladüga giñe líchaagun lungua kei Bungiu lau lariñagun luagu Bungiu lan lúguchibei.

21 Ítara kei lásaaragüdüniña Bungiu Úguchili hilaaña lídangiñe óunweni aba líchugun ibagari houn, ítara liña giñe níchugun, au le Bungiu Irahü, ibagari houn ha nabusenrun. 22 Maguseragüdünti Bungiu ni aban, rúrügü lumuti sun ubafu nun, au le Liráü, lun nadügüni, 23 lun sun lan gürigia íchigei ábanmeme inebesei le híchugubei lun Bungiu Úguchili nun. Le míchuti inebesei nun, au le Bungiu Irahü, míchuti giñe inebesei lun Bungiu Úguchili le óunahabalina.

25 Ninarün hau luagu anitebei lan dan, ani anihán dan ligía, danme le haganbuni hilaaña numalali; ha ñǘdünbaña lau le nubeibei, gabagaribaña.

6 Lariñaga Hesusu lun:

—Au ǘmabei, au inarüni, au ibagari. Ani úati achülürüti lumoun Bungiu Úguchili anhein mama lubéi nuéigiñe.

9 Lariñaga Hesusu lun:

—Felipe, lǘhadina huma, ibidiñegidina bun? Le arihitina, larihiñein giñe Bungiu Úguchili; kati uagu bariñaga nun lun narufuduni Bungiu Úguchili hun? 10 Mafiñentibu san luagu anahein lan lidan Bungiu Úguchili, anihein lan giñe Bungiu Úguchili nidan? Le burí katei le nariñagubei hun, mama lan lau nani nungua nariñagei; Bungiu Úguchili le aganóubei nidan, ligía adügübalin luadigimari guánarügü.

25 Ábati lariñagun Hesusu tun:

—Au águyugunibei, au ibagari. Le afiñeti nuagu, íbini lounwen, labagaridayaba;

40 Aba lariñagun Hesusu tun:

—Ma san ariñagatina bun luagu ánhabu lan afiñe nuagu, barihubei lan luéirigun Bungiu?

12 Úati amu lun lasalbaruniwa luéidigia Hesukrístu, ladüga míchuti Bungiu amu iri ubouagu lun gayara lan wasalbarun luéigiñe.

36 Danti le hásügürünbei lídangiñe aban fulasu le ñein lubéi duna, aba lariñagun wügüri ligía:

—Anihántia duna, siñati san nabadiseirun?

37 Lariñaga Felipe lun:

—Anhein afiñe bubéi luagu Hesukrístu tau sun banigi, gayaraati babadiseirún.

Lariñaga wügüri ligía lun:

—Afiñetina luagu Hesukrístu lan Liraübei Bungiu.

38 Ábati lararamagüdünu karü, aba hararirun biángubei hagía dúnarugun, aba labadiseiruni Felipe.

3 Arufuda lumuti Liráü Bungiu luéirigun Lúguchi luougua; ligiaméme Búngiubei; ligía ágüdahabalin sun katei lau lererun le gabafubei. Lárigiñe lachibuni wafigoun, aba lañuurun luéigiñe lóunwenren lala Bungiu, le Suntigabafu, sielu.

4 Ñǘbuinhali Liráü Bungiu lun wéirigubei lan hawéi ánheligu, resibihali keisi alagan aban iri íñugutimati hawéi.

14 Hesusu le Liráü Bungiu, le beluhalibei sielun, ligía wafadiriñebei le tímatimaati. Ligía lunti lubéi deregüdagumeme wamá lidan ligaburi wafiñen. 15 Gayaraati gudemehabu lan Hesukrístu le wafadiriñebei woun luagu wadebilin, lugundun ligía guánarügü súfuriti sun luwuyeri óuchawaguni kei wagía, gama lumoun mafigounhanti.

2 lau warihin luagun Hesusu, le ídangiñebei liabin wafiñen, le giñe abuiduragüdübalin wafiñen sunsuinagubei. Súfuriti Hesusu luagu gurúa, meberesenga ligía lau nibusigarídüna lan luwuyeri óunweni ligía, lugundun subudi lani luagu lásurun lanme lasufurirun, lagundaaruba lan; aba lañuurun luéigiñe lóunwenren Bungiu.

17 Lunti lira, gasu meha ítara luba lan keisi líbirigu, lun liábinba lan lun ábanbei lan fádiri íñutimati, le gúnfuliti, lau gudemehabu houn gürigia; lun giñe lachibuni hafigoun gürigia lau lederegeragun lungua luagu gurúa.

4 Lau sun lira, barǘ lumuti wasandi luouguoun,

súfurilei wagarigu.

Barǘ wamuti kei béiwaali, kei buleseiwaali

ani kei nidiherigüda laali Bungiu.

5 Gama lumoun luéigiñe wamabuchahan lasufurira,

muliliwati luagu wafigoun;

barüti abeichúni le lasufurirubei darangilaü woun;

luéigiñe burí biti le libihubei wareidagua sungua luagu.

6 Ladüga águrahouaali aban irahü,

rúhali Wabungiute aban isaani woun

le unbei lichugúa ubafu lun lagumadihan.

Anihánba burí iri le liri:

Garíawaseti, Bungiu Gabafuti,

Úguchili Magumuchaditi, Lurúeite Darangilaü.

15 Furumiñeguarügü le afiñerubei luagu Liráü lan Bungiu Hesusu, labagariduña lidan Bungiu, ani labagariduña giñe Bungiu lidan.

15 Furumiñeguarügü le afiñerubei luagu Liráü lan Bungiu Hesusu, labagariduña lidan Bungiu, ani labagariduña giñe Bungiu lidan.

9 Arufuda lumuti Bungiu wínsiñe lun lau lóunahani Liráü le ábanrügüti ubouagun gabagari wamaamuga lídangiñe. 10 Anihán ínsiñenibei: Mama luagu wagía lan hínsiñehabubei lun Bungiu, luagu ligía lan hínsiñehabubei woun, aba lóunahani Liráü le ábanrügüti lun lounwen, lun lébuname ferudunawa lan wafigoun.

9 Arufuda lumuti Bungiu wínsiñe lun lau lóunahani Liráü le ábanrügüti ubouagun gabagari wamaamuga lídangiñe.

8 Ánheinti le éibugubei lidan figóu, lánigu Mafia, lugundun afigouhati Mafia lúmagiñe furumiñeti dan, aba liabin Liráü Bungiu lun lagünrinchaguni luadigimari Mafia.

5 Le afiñebei luagu Hesusu lan Liraübei Bungiu, ligíarügüñein gayara lagañeirun luagu katei lánina ubóu.

11 Le lariñagubei Bungiu, luagu rúhali lan ibagari magumuchaditi woun, ani lídangiñe lan Liráü liabin ibagari ligía. 12 Le aniheinbei Liráü Bungiu luma, anihein giñe ibagari le luma; ánheinti le úabei Liráü Bungiu luma, úati giñe ibagari le luma.

9 Ánhabu ariñaga lau biyuma luagu Hesusu lan Baburemebei, afiñe buguya tidan banigi luagu saragüda lani Bungiu lídangiñe óunweni, basalbaruba.

20 Mámaadina lubeiti aumeme abagarida; Krístuhali abagarida nidan. Ibagari le nabagaridubei lidan núgubu, nabagariduñein lau sun nafiñen luagu Liráü Bungiu le hínsiñehabubei nun, aba lederegeragun lungua lun lounwen nuagu.

19 Líchugubei lubeiti Nubungiute sun le hemegeirubei hun keisi burí luéirigun lirisin, lídangiñe Kristu Hesusu.

15 Arueihalá lidarangilan Kristu tidan hanigi, ladüga ligía lagúarunbei Bungiu hun lun ábanrügü humá úgubu, abagarideina lau darangilaü. Geteingiradi humá giñe.

10 Lugundun Bungiu adügübaliwa; iserihadiwa lidan Kristu Hesusu lun wadügün katei buiti, kei laritaguni lúmagiñe binarü.

2 Hínsiñegua humá húniwagua ítara kei wínsiñedun lun Kristu, aba lederegeragun lungua wawagu keisi idewesei luma adagaragüdüni le buiti líhemen lun Bungiu.

4 Lugundun ítara kei gibe lan umegeguni luagu ábanrügü úgubu, ani mama ábanmeme lifisiute sun umegeguni ligía, 5 ítara waña giñe, lau sun gibe wamá, ábanrügüñadiwa úgubu lidan aban luma Kristu, ani sun wagía, ámuñegueinarügü lumegegu ábanmeme úgubu.

57 Teinki waña lun Bungiu luagu lagañeiragüdüniwa lidan sun burí katei le, lau lubafu Wabureme Hesukrístu.

15 Rúrügü humá inebesei lun Kristu keisi Habureme tidan hanigi, aranseñu humá súnwandan lun hóunabuniña ha álügüdütün ka lan lébunabei hemenigin.

5 Ábanrügüñein Bungiu, ábanrügüñein giñe gayara ladimurehan waweigiñe ligibugiñe Bungiu, wügüri le Hesukrístubei,

11 Ábati narihini sielu hunreñu, aba lasaliragun aban gabayu haruti; leti awarihabalin, Gúnfuliti luma Inarüni, ligía líribei, ladüga lau irichaü lagumadiha, lau giñe irichaü lageindagua. 12 Ámirihati lagu kamá ligemeri watu, ñeinñein saragu ridi lábulugu; ñeinñein giñe aban iri bürüwañu luagu, ani ligíarügüñein asubudirei. 13 Féindiwatu daüguaü to luáguboun lau hitaü; «Lererun Bungiu» líribei. 14 Hafalareiti súdaragu ha siélubaña tau hadaüragun linu to fínutu, harutu, haruma, wariñu hagía hawagu gabayu harutiña. 15 Ñeinñoun aban eféin hamanatu áfurihatu liyumulugugiñe lun láchuoguniña néchanigu tau, ábame lagumadiruni lau badun lánina agumadihani le lauti gürabu, aribichagualounme beibei lidan lagei lanarime ligañi Bungiu. 16 Bürüwañu liña iri le tuagu lidáü luma luagu liyada: «Harúeite sun urúeigu, Habureme sun aburemeigu».

21 Binilaün Wabureme Hesukrístu sun huguya. Ítarala.

27 Aba lariñagun lun Tomasi:

—Dabei bifinga ñahoun, arihabéime núhabu, dabeime búhabu lidoun nouba. Masigirabá lau lilouguan afiñeni, afiñebá!

28 Ábati lariñagun Tomasi:

—Nabureme, Nubungiute!

30 Adügayati Hesusu amu saragu milaguru hagibugiñe lani disipulugu, le úabei bürüñu tidan líburu to. 31 Labürüdǘnbei burí le, lun hafiñerun luagu Hesusu lan Krístubei, le Liráü Bungiu, lun giñe gabagari humá keisi lánigu lau hafiñerun.

12 Anihán nugumadinbei: Lun hínsiñegua humá hungua kei hínsiñe nun.

20 Ninarün hau luagu le lan eresibiruti le nóunahan, resibi lumutina giñe; ani le eresibirutina, resibi lumuti giñe le óunahabalina».

28 rútina ibagari magumuchaditi houn ani meferidirunbaña; úabei giñe agidarutiña núhaburugugiñe. 29 Núguchi le wéiribei hawéi súngubei, ligía íchugubaliña nun, ani úati ni aban lun lagidaruniña lúhaburugugiñe. 30 Au luma Bungiu Úguchili ábanmeme wagía.

16 Aba lasigirun Hesusu ariñaga:

«Ladüga wéiriti hínsiñe gürigia ha ubouagubaña lun Bungiu darí lun lóunahani Liráü le ábanrügüti, lun lounwen luagu hafigoun, lun sun lan ha afiñerutiña luagu, meferidirun hamaamuga, gabagarirügü hamaamuga aban ibagari le magumuchaditi. 17 Móunahan lumuti Bungiu Liráü ubouagun lun líchugun hadurun gürigia; lóunahani lun hasalbarun ha ubouagubaña luagu.

18 «Le afiñeti luagu, masiadirúnwati; anhein le mafiñenti, siádiwaali ladüga mafiñen lan luagu Liráü Bungiu le ábanrügüti.

38 Le mawandunti asufuriruni libe lasufurirúniwa luagu gurúa lun lafalarunina, madüna lumuti nánigu lan.

20 ladüga le ñein hamuti biama o ǘrüwa óundaragu lidan niri, anahein ñein hamidangua.

27 Ábati laríaguniña Hesusu, lariñaga houn:

—Siñati hasalbaragun gürigia houngua; anhein Bungiu, gayaraati lasalbaruniña ladüga úati ni kata lásiñarun Bungiu.

27 Lariñaga Hesusu houn:

—Le hásiñarubei gürigia adüga, gayara lumuti Bungiu.

25 Binilaün Wabureme Hesukrístu. Ítarala.