Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
ಶುರುತಿ ಪೈಲಾಜ ದುನಿಯಾಮಾ ವಾಕ್ಯಾ ವ್ಹತ್ತಿ. ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ತೆಜ಼ ಕ್ಹುದಾ ವ್ಹತ್ತೊ.
ಶುರುತಿ ಪೈಲಾಜ ದುನಿಯಾಮಾ ವಾಕ್ಯಾ ವ್ಹತ್ತಿ. ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ತೆಜ಼ ಕ್ಹುದಾ ವ್ಹತ್ತೊ. ಕ್ಹಾರು ಶುರು ಥಾವಾತಿ ಪೈಲಾಜ ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ಕ್ಹುದಾ ಕ್ಹಾರುಜ ತಿನಾ ಮುಕಾಂತರ ತಯ್ಯಾರ ಕರ್ಯೊ. ತೆನೈಸೊ ಸುಜ಼ ತಯ್ಯಾರ ಥಯು ನೈ.
ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ಼ ದಿಕ್ರೊ ರ್ಹಯಲ ತಿನೆ ಮಹಿಮಾ ವ್ಹತ್ತಿ.
ಕ್ಹುದಾನಿ ಹರಯಕ್ಕ ಗುಣಾ ಕ್ರಿಸ್ತಮಾ ಹೊತ್ತು.
ಕ್ಹುದಾನಿ ಹರಯಕ್ಕ ಗುಣಾ ಕ್ರಿಸ್ತಮಾ ಹೊತ್ತು. ತೆ ಹರಯಕ್ಕ ಅದಿಕಾರ ವರಿ ಅದಿಕಾರಿಯೊತಿ ಉಪ್ಪರ ರ್ಹಯಲಕ್ಹು ತುಮೆ ತಿನಾಮಾ ರ್ಹೈನ ತಿನುಪುರಾ ಹೊಂದಿಲಿದ್ಯಾ.
ಕ್ರಿಸ್ತ ಯೆಸನಿಂಗತ ತುಮಾರುಬಿ ಮನಸ ರ್ಹವಾದೆ.
ತೆ ಕ್ಹುದಾನಾನಿಂಗತ ರ್ಹಯೊತಬಿ ವರಿಬಿ ಕ್ಹುದಾನೆ ಹೊಲಸಾನೆ ತೆ ವಿಚಾರ ಕರ್ಯೊನೈ. ತಿನಾಕ್ಹು ತೆ ತಗಸಿಲಿನ ಆಳನಿಂಗತ ರ್ಹೈನ ಮನಕ್ಹನೆ ಸಮಾನ ಥಯೊ. ಮನಕ್ಹನಾ ರುಪನಿಂತ ದಿಕ್ಹೊ.
ಕ್ರಿಸ್ತ ಯೆಸನಿಂಗತ ತುಮಾರುಬಿ ಮನಸ ರ್ಹವಾದೆ.
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
ಯೆಸು ಶಿಶ್ಯಾವೊನೆ, ತುಮೆ ಮನೆ ಕುನ್ನ ವ್ಹೈ ಕವೊಶಿ ಕೈನ ಪುಚ್ಯೊ? ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ. ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.
ದೆಕ, ಯಕ್ಕ ಜಾಂಜಿಮಾನ ಛೊಕ್ರಿ ಪೆಟೆ ರ್ಹೈನ ಪಟ್ಟಾನೆ ಜನ್ನಸ; ತಿನೆ ಇಮ್ಮಾನುವೆಲ ಕೈನ ನಾಮ ಮ್ಹೆಲಸ ಕವಾನು ವ್ಹೈ. ಕ್ಹುದಾ ಅಪ್ನಾ ಕ್ಹಾತೆ ಛೆ ಕೈನ ಎ ನಾಮನು ಮತಲಬ ವ್ಹೈ.
ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!" ಕೈನ ಕದ್ಯಾ.
ವರಿ ತೆ ಗಪರ್ಹೈನ ಸುಜ಼ ಕದ್ಯೊ ನೈ.
ಫರಿನ ಖಾಸ ಯಾಜಕ - ಮಸ್ಸಿಹಾ ತುಜ಼಼ ವ್ಹೈಸು? ಸ್ತೊತ್ರಾನೆ ಯೊಗ್ಯ ಥಯಲವಾಲನೊ ದಿಕ್ರೊ ತುಜ಼಼ ವ್ಹೆಸು?
ಕೈನ ತಿನೆ ಪುಚ಼ತಾಮಾ ಯೆಸು ಹೊ ಮಿಜ಼ ವ್ಹೈ, ಎನೈಸೊ ಮನಕ್ಹನೊ ದಿಕ್ರೊ ಸರವಶಕ್ಕತನಾ ಬಾಜು಼ಮಾ ಬೈಟಾನೊ. ವರಿ ಕ್ಹುದಾ ರ್ಹಯಲ ಸ್ವರ್ಗಮಾತೊ ಉಜಾಲಾನಾ ಕ್ಹಾತೆ ತೆ ಆವಾನು ತುಮೆ ದೆಕೊಸಿ ಕದ್ಯೊ.
ತೆ ತ್ಯುನೊನೆ ತುಮೆ ಘಾಬ್ರಿಯೊ ಥಾವೊ ನಕೊ ಶಿಲುವಿಪರ ಚ಼ಡಾಯಲ ನಜ಼ರೆತನಾ ಯೆಸುನೆ ಹುಡಕಾಡಿಯೊಸ ಮನೆ ಗೊತ ಛೆ ತೆ ಜಿವ್ತೊ ಥೈನ ಉಟ್ಯೊಸ; ತೆ ನ್ಹ್ಯಾ ನತ್ತಿ ತಿನೆ ಮುಕ್ಕಕಲ ಜ಼ಗಾ ಎಜ಼ ವ್ಹೈ ದೆಕೊ.
ಯೊಹಾನನೆ ಜೆಲಮಾ ಘಾಲಾತಿ ಅಗ್ದುರ ಮನಕ್ಹೊ ತಿನಾ ಹತೆ ಬಾಪ್ತಿಸ್ಮ ಕರೈಲಿವಾಡಾತಾ. ತೆಳಮಾ ಯೆಸು ಐನ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯೊ. ಯೆಸು ಪ್ರಾಥನಾ ಕರತಾಮಾ ಹಬಾಳ ಖುಲ್ಲಾ ಥೈಯು. ತೆಳಾಮಾ ಪವಿತ್ರ ಆತ್ಮಾ ಕ್ಹಹಬುತರನಾ ರುಪಮಾ ತಿಪರ ಐನ ಉತರ್ಯು. ತೆಳಾಮಾಜ಼ ಸ್ವರ್ಗಮಾತೊ ಅವಾಜ಼ ಆಯೊ" ತು ಮಾರೊ ಮಯಾನೊ ದಿಕ್ರೊ ವ್ಹೈ, ಮಿ ತುನೆ ಮೆಚ್ಯೊಸ "ಕೈನ ಅವಾಜ಼ ಆಯು.
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ಼ ಕೌಸ. ಅಬ್ರಹಾಮ ಹುಟ್ಟಾತಿ ಪೈಲಾಜ ಮಿ ಛೆ" ಕೈನ ಕದ್ಯೊ.
ತಿನಾಹುತಿ ಮೊಶೆ ಕ್ಹುದಾನೆ, "ಮಿ ಇಸ್ರಾಯೆಲ ಮನಕ್ಹೊನಾ ಕ್ಹಾಮೊ ಗೈನ, ‘ತುಮಾರೊ ಪಿತೃನೊ ಕ್ಹುದಾ ಮನೆ ತುಮೊಕನ ವಳಾಯೊಸ’ ಕೈನ ಕತಾಮಾ, ತ್ಯುನೆ ಮನೆ ತಿನು ನಾಮ ಸು ವ್ಹೈ? ಪುಚ್ಚಾರೆ ಮಿ ಸು ಕೌ? ಕದ್ಯೊ. ತೆಳಾಮಾ ಕ್ಹುದಾ ಮೊಶೆನೆ, "ರ್ಹವಾಲೊಜ಼ ವ್ಹೈ" ಕೈನ ಕದ್ಯೊ. "ವರಿ ತು ಇಸ್ರಾಯೆಲವಾಲಾವೊನೆ, ರ್ಹವಾಲೊಜ಼ ಮನೆ ತುಮೊಕನ ವಳಾಯೊಸ ಕೈನ ಕೌ" ಕದ್ಯೊ.
ಬಾ ವರಿ ಮಿ ಯಕ್ಕಜ಼ ವ್ಹೈ "ಕೈನ ಉತ್ತರ ದಿದ್ಯೊ.
ತೆನೈಸೊ ಯೆಸು ತ್ಯುನೊನೆ "ಮಾರೊ ಬಾ ತಿನಾ ಕಾಮೊ ಕೆಳಾಮಾಬಿ ಕರ್ತೊಜ ರ್ಹವಸ. ತಿನಾಹುತಿ ಮಿಬಿ ಕಾಮ ಕರ್ತೊಜ" ಕೈನ ತಿನಾಹುತಿ ಕದ್ಯೊ.
ಎ ವಾತ ಯೆಹುದಿನಾ ಅದಿಕಾರಿಯೊ ತಿನೆ ಖಲಾಸ ಕರುಜ ಕೈನ ಫೈಸಲೊ ಕರಾ ವರ್ಕ್ಹು ಥಯು, ತೆಕ್ಲುಜ ನೈಸೊ ತೆ ಕ್ಹುದಾನಿ ಸಬ್ಬತನು ನಿಯಮ ತೊಡ್ಯೊ ನ್ಹೊತೊ, ತೆನೈಸೊ ತೆ ಕ್ಹುದಾ ತಿನೊ ಸ್ವಂತ ಬಾ ವ್ಹೈ ಕೈನ ಕದ್ಯೊ ವರಿ ಇನಾನಿಂಗತ ತಿನಾಕ್ಹು ತಿನೆ ಕ್ಹುದಾ ನಿಂಗತ ಕರಿಲಿದ್ಯೊತೊ.
ಎ ವಾತ ಯೆಹುದಿನಾ ಅದಿಕಾರಿಯೊ ತಿನೆ ಖಲಾಸ ಕರುಜ ಕೈನ ಫೈಸಲೊ ಕರಾ ವರ್ಕ್ಹು ಥಯು, ತೆಕ್ಲುಜ ನೈಸೊ ತೆ ಕ್ಹುದಾನಿ ಸಬ್ಬತನು ನಿಯಮ ತೊಡ್ಯೊ ನ್ಹೊತೊ, ತೆನೈಸೊ ತೆ ಕ್ಹುದಾ ತಿನೊ ಸ್ವಂತ ಬಾ ವ್ಹೈ ಕೈನ ಕದ್ಯೊ ವರಿ ಇನಾನಿಂಗತ ತಿನಾಕ್ಹು ತಿನೆ ಕ್ಹುದಾ ನಿಂಗತ ಕರಿಲಿದ್ಯೊತೊ.
ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾನಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ. "ಎನೈಸೊ ಬಾ ತಿನಾಕ್ಹು ತೆ ಕಿನೆ ಫೈಸಲೊ ಕರ್ತೊ ನೈ ತೆನೈಸೊ ಬಾ ಪೈಸ್ಲೊ ಕರಾನು ಪುರಾ ಅದಿಕಾರ ದಿಕ್ರಾನೆ ದಿದ್ಯೊಸ. ತಿನಾಹುತಿ ಕ್ಹಾರಾ ಜ಼ನಾ ಬಾನೆ ಮರ್ಯಾದಿ ದಿದಲ ನಿಂಗತ ದಿಕ್ರಾನೆಬಿ ಮರ್ಯಾದಿ ದ್ಯುಕೈನ ಕ್ಹುದಾ ಇಮ್ಮ ಕರ್ಯೊ. ಕುನ್ನ ದಿಕ್ರಾನೆ ಮರ್ಯಾದಿ ನೈ ದೆತು ತೆ ತಿನೆ ಮೊಕ್ಲಲವಾಲೊ ಬಾನೆ ಮರ್ಯಾದಿ ನೈ ದೆತೊ.
ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.
ಯೆಸು "ಫಿಲಿಪ್ಪ ಮಿ ಅಕ್ಲಾ ಟೈಮತೊ ತುಮಾರಾ ಕ್ಹಾತೆ ರ್ಹೈತಬಿ ತು ಮನೆ ತಿಳ್ದಿಲಿದ್ಯೊ ನತ್ತಿ ಸು? ಮನೆ ದೆಕಲವಾಲೊ ಬಾನೆಬಿ ದೆಕಲವಾಲೊ ವ್ಹೈ. ತಿನಾಹುತಿ "ಬಾನೆ ಹಮೊನೆ ದೆಕಾಡ, ಕೈನ ಕಾ ಪುಚ್ಚಾಡಾಸ? ಕೈನ ಉತ್ತರ ದಿದ್ಯೊ. ಮಿ ಬಾ ಮಾ ಛೆ ವರಿ ಬಾ ಮಾರಾಮಾ ಛೆ ಕೈನ ತುಮೆ ಕ್ಹರಿಬಿ ಬರೊಕ್ಹೊ ನೈ ಕರ್ತಾ ಸು? ಮಿ ತುಮೊನೆ ಕವಾನಿ ಸಂಗತಿಯೊ ಮಾರಾಕ್ಹು ಆಯಲ ನ್ಹವೈ. ತೆನೈಸೊ ತೆ ಮಾರಾಮಾ ರ್ಹವಾನಾ ಬಾನಾ ವ್ಹೈ ವರಿ ತೆ ತಿನು ಕಾಮ ಕರಾಡ್ಯೊಸ.
ಯೆಸು ತಿನೆ"ಮಿಜ಼ ಪುನರುತ್ಥಾನ ವ್ಹೈ ವರಿ ಮಿಜ಼ ಜ಼ಲಮ ವ್ಹೈ. ಮಪರ ಬರೊಕ್ಹೊ ಕರಾಲೊ ತೆ ಮರಲಪರಬಿ ವರಿ ಜಿವ್ತೊ ಥಾವಸ.
ತೆ ವಾತೆ ಯೆಸು, ಮಾರ್ಥಳನೆ ಮಿ ತುನೆ ಕದಲ ಶೆ ಕರ್ಲೆಶಿಸು? ತು ಬರೊಕ್ಹೊ ಕರಿಮ ಕ್ಹುದಾನಿ ಮಿ,ಹಿಮಾ ದೆಕಸಿ ಕೈನ ಮಿ ತುನೆ ಕದ್ಯೊತೊ "ಕೈನ ಕದ್ಯೊ.
ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.
ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಕ ತಳಾನಾ ನಜಿಕ ಆಯಾ. ತೆಳಾಮಾ ತೆ ಮನಕ್ಹ ದೆಕ ನ್ಹ್ಯಾ ಪಾನಿ ಛೆ ಬಾಪ್ತಿಸ್ಮ ಲಿವಾನೆ ಮನೆ ಸುಬಿ ಅಡ್ಡ ಛೆಸು? ಕೈನ ಫಿಲಿಪ್ಪನೆ ಪುಚ್ಯೊ಼. ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ
ರಥಾ ಹುಬ್ರಾಡಾನೆ ಆಗ್ಯಾ ದಿದ್ಯೊ" ತೆಳಾಮಾ ಅದಿಕಾರಿ ವರಿ ಫಿಲಿಪ್ಪ ಪಾನಿಮಾ ಉತ್ರ್ಯಾ ಫಿಲಿಪ್ಪ ಅದಿಕಾರಿನೆ ಬಾಪ್ತಿಸ್ಮ ದಿಲಾಯೊ.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ನಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.
ಕ್ಹುದಾ ತಿನೆ ದೆವದುತೊನಾ ನಾಮೊತಿಬಿ ಮ್ಹೊಟು ನಾಮ ತಿನೆ ಮ್ಹೆಲ್ಯೊತೊ, ಕಾಕದ್ಯಾಮ ಕ್ಹುದಾ ತಿನೆ ದೆವದುತೊತಿಬಿ ಮ್ಹೊಟೊ ಕರ್ಯೊತೊ.
ಸ್ವರ್ಗೆ ಗಯಲ ಖಾಸ ಮ್ಹೊಟೊ ಯಾಜಕ ಯಕ್ಲೊ ಅಪೊನೆ ಛೆ. ತೆಜ಼ ಕ್ಹುದಾನೊ ದಿಕ್ರೊ ಥಯಲ ಯೆಸು ವ್ಹೈ. ತಿನಾಹುತಿ ಅಪೊನೆ ರ್ಹಯಲ ಬರೊಕ್ಹಾಮಾ ಘಟ್ಟ್ಟ ರೈನ ಅಗಾ ಬಡಿಯೆ. ಅಪ್ನೊ ಮ್ಹೊಟೊ ಯಾಜಕ ಥಯಲ ಅಪೊನೆ ರ್ಹಯಲ ಕಮಜೊ಼ರಿ ವಳಕಾನೆ ತಾಕತವಾಲೊ ಛೆ ತೆ ಆ ಜಗತಮಾ ರ್ಹತಾಮಾ, ಕ್ಹಾರಿ ತರಾಮಾ ಅಪ್ನಾ ನಿಂಗತಜ಼ ಶೊಧನೆಮಾ ಪಾಡ್ಯೊತಬಿ ವಟ್ಟಜ಼ ಪಾಪ ಕರ್ಯೊ ನೈ.
ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ.
ತಿನಾಹುತಿಜ ತೆ ಹರಯಕ್ಕ ವಿಷಮಾ ತಿನಾ ಭಾಯೊ ಭೆನೊನಾ ನಿಂಗತ ರ್ಹವಾನು ಜರುರತ ವ್ಹತ್ತು. ಅನಾ ನಿಂಗತ ತೆ ಮನಕ್ಹೊನೆ ಪಾಪೊಕ್ಹು ಛೊಡಾವಾನಾ ಹುತಿ ಕ್ಹುದಾನಾ ಕಾಮೊಮಾ ಮರಗಾ ದೆಕಾಡಾಲೊ ಬರೊಕ್ಹಾವಾಲೊ ಮ್ಹೊಟೊ ಯಾಜಕ ಥಯೊ.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
ಯೆಸು ಕ್ರಿಸ್ತ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕುನ್ನ ವಪ್ಪಿಲಿವಸ ತಿನಾಮಾ ಕ್ಹುದಾ ರ್ಹವಸ ವರಿ ತೆ ಕ್ಹುದಾಮಾ ರ್ಹವಸ.
ಯೆಸು ಕ್ರಿಸ್ತ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕುನ್ನ ವಪ್ಪಿಲಿವಸ ತಿನಾಮಾ ಕ್ಹುದಾ ರ್ಹವಸ ವರಿ ತೆ ಕ್ಹುದಾಮಾ ರ್ಹವಸ.
ಕ್ಹುದಾ ತಿನಾ ರ್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ. ಅಪೊಪರ ರ್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.
ಕ್ಹುದಾ ತಿನಾ ರ್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ.
ಸೈತಾನ ಪೈಲಾತೊಬಿ ಪಾಪೊ ಕರಾಡೊಸ. ಪಾಪೊ ಕರಾಲೊ ಸೈತಾನಾ ಕ್ಹಾತೆ ಮಳಲವಾಲೊ ವ್ಹೈ. ಕ್ಹುದಾನೊ ದಿಕ್ರೊ ಕ್ರಿಸ್ತ ಸೈತಾನ ಕಾಮೊ ಹಾಳ ಕರಾನೆಜ಼ ಆಯೊಸ.
ಜಾಜಿಮಾನೆ ಮಿ ತುಮೊನೆ ದಕ್ಹಿಯೊ ವಾತೊ ಕೌಕಯಿನ. ಆಯೊಸ. ತುಮೆ ಮೊಟಾಹೊನೆ ಅದಿನ ಥಹೊ. ತುಮೆ ಕ್ಹಾರಾ ಯಕ್ಕನೆ ಯಕ್ಕಲೊ ತಗಿಲಿ ಚಲು.
ತೆ ಸಾಕ್ಷಿ ಕೈವೈ ಕದ್ಯಾಮ, ಕ್ಹುದಾ ಅಪನೊನೆ ಹಮೆಶಾನೊ ಜ಼ಲಮ್ಮ ದಿದ್ಯೊಸ. ತೆ ಜ಼ಲಮ್ಮ ತಿನಾ ದಿಕ್ರಾಮಾ ಛೆ ಕೈನ. ಕುನ ಕ್ಹುದಾನಾ ದಿಕ್ರಾನೆ ನಂಬಸ ತ್ಯುನೊನೆ ತೆ ಜ಼ಲಮ್ಮ ಛೆ,ತೆನೈಸೊ ಕುನ ಕ್ಹುದಾನಾ ದಿಕ್ರಾನೆ ನೈ ನಂಬತು ತ್ಯುನೊಮಾ ತೆ ಜ಼ಲಮ್ಮ ನತ್ತಿ.
ತೆ ಸುವೈ ಕದ್ಯಾಮ ತು ಯೆಸುನೆಜ಼ ಕರ್ತ ವ್ಹೈ ಕೈನ ಮ್ಹೊಡಾಕ್ಹು ಕೈನ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊಸ ಕೈನ ಮನಸಕ್ಹು ಬರೊಕ್ಹೊ ಮುಕ್ಯಾಮ ತುನೆ ರಕ್ಷಣೆ ಥಾವಸ ಕೈನ ವ್ಹೈ.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
ತಿನಾಹುತಿ ಮಾರಾಮಾ ಜಿವ್ತೊ ರ್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.
ಮಾರೊ ಕ್ಹುದಾ ಕ್ರಿಸ್ತ ಯೆಸುನಾ ಮುಲಕ ತಿನಿ ಪ್ರಭಾವನೆ ಸೌಕಾರತನಾ ತಾರಿ ಹರಯಕ್ಕ ಕೊರತೆನೆ ನಿಗಸಸ.
ಕ್ರಿಸ್ತನು ಸಮಾಧಾನ ತುಮಾರಾ ಮನಸ್ಮಾ ಆಳಾದೆ. ಆಜ ಸಮಾಧಾನಮಾ ತುಮೆ ಕ್ಹಾರಾ ಮಳಿನ ರ್ಹೌ ಕೈನ ಬಲಾಯೆಲ ಛೆ ತೆನೈಸೊ ಕ್ಹುದಾ ಕರಲ ಉಪಕಾರ ನೆನಸ್ತ ರ್ಹವೊ.
ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.
ಮಯಾಕ್ಹು ರ್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ನಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.
ಹರ ಯಕ್ಕಲಾವೊನೆ ಯಕ್ಕ ಅಂಗ ಛೆ. ತೆ ಅಂಗನೆ ಘನ್ನಾ ಭಾಗೊ ಛೆ. ತೆ ಭಾಗೊ ಯಕ್ಕಜ಼ ಕಾಮ ನೈ ಕರ್ತಾ. ಇಮ್ಮ ಅಪೆ ಘನ್ನಾ ಜ಼ನಾ ರ್ಹಯಾತಬಿ ಕ್ರಿಸ್ತಮಾ ಅಪೆ ಕ್ಹಾರಾ ಯಕ್ಕಜ಼ ಅಂಗ ವ್ಹೈ. ಅಪೆ ತೆ ಅಂಗನಾ ಬಿಜಾ಼ ಬಿಜಾ಼ ಭಾಗೊ ಥಯಾಸ. ತೆ ಅಂಗನು ಹರ ಯಕ್ಕ ಭಾಗ ಬಿಜಾ಼ ಭಾಗೊನೆ ಮಳ್ಯುಸ.
ತೆನೈಸೊ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಝಿತ್ತ ದಿವಾಲಾ ಕ್ಹುದಾನೆ ಹಮೆಶಾಬಿ ಮಹಿಮಾ ಥಾವಾದೆ.
ತ್ಯುನಾ ಧಮ್ಕಿಯೊನೆ ಭುಚ಼ಕ್ಯಾ ಬಗರ ತುಮಾರಾ ಮನಸೊಮಾ ಕ್ರಿಸ್ತಜ಼ ಪ್ರಭು ಥೈನ ರ್ಹವಾದೆ. ತುಮೊಮಾ ಯಕ್ಕ ಆಸನೆ ಸು ಆದಾರ ಛೆ ಕೈನ ತುಮೊನೆ ಪುಚ್ಚಾ಼ಲಾ ಹರಿಯಕ್ಲಾನೆ ಜವಾಬ ದಿವಾನೆ ಕೆಳಾಮಾಬಿ ತಯಾರ ಥೈನ ರ್ಹವೊ. ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ.
ಕ್ಹುದಾ ಯಕ್ಲೊಜ಼ ವ್ಹೈ, ಕ್ಹುದಾನಾ ವರಿ ಮನಕ್ಹೊನಾ ವಚ್ಮಾ಼ನೊ ಯಕ್ಲೊಜ಼ ವ್ಹೈ. ಮನಕ್ಹ ಥಯಲ ಯೆಸು ಕ್ರಿಸ್ತಜ಼ ವ್ಹೈ.
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
ಪಾಚ಼ಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ್ಹವಸ. ತಿನಾ ಡೊಳಾ ಆಗ್ನಿ ಕಂಡಾನಿಂಗತ ವ್ಹತ್ತಾ. ತಿನಾ ಮಾತಾಪರ ಘನ್ನಾ ಕಿರಿಟೊ ವ್ಹತ್ತಾ. ತಿಪರ ಯಕ್ಕ ನಾಮ ಬರ್ದಲ ವ್ಹತ್ತು, ತೆನೈಸೊ ತೆ ನಾಮನೊ ಮತ್ಲಬ ತಿನೆ ಯಕ್ಕಜ಼ ವ್ಹರತಾಗಿ ಬಿಜಾ಼ ಕಿನೆಜ಼಼ ಗ್ವತ್ತ ನಹೊತು. ತೆ ರಗತಮಾ ಭರಿಗಯಲ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ. ತಿನು ನಾಮ "ಕ್ಹುದಾನಿ ವಾಕ್ಯಾ ವ್ಹೈ" ಸ್ವರ್ಗಮಾ ರ್ಹಯಲ ಸೈನಿಕೊ ಧೊಳಾ ಘೊಡಾವೊಪರ ಬೈಟಿನ ತಿನಾ ಪಾಚಾ಼ ಆವಡ್ಯಾತಾ. ತ್ಯುನೆ ಧೊಳಾ ವರಿ ನರಮ ರ್ಹಯಲ ವಣ್ಣಾ ಘಾಲ್ಲಿದ್ಯಾತಾ. ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ನಿಂಗತ ಚಿಕ್ಕಲಿ ಪಾಡಸ. ತಿನಾ ಮ್ಹಟಾ ಅಂಗ್ಡಾಪರ "ರಾಜಾ಼ವೊನೊ ರಾಜ಼ೊ ವರಿ ಪ್ರಭುವೊನೊ ಪ್ರಭು" ಕೈನ ಬರ್ದಲ ರ್ಹೈ.
ಪ್ರಭು ಯೆಸುನಿ ಮರಗಾ ಕ್ಹಾರಾ ಮನಕ್ಹೊನೆ ರ್ಹವಾದೆ.
ಪಾಚ಼ಲ್ತೊ ಯೆಸು ತೊಮಾನೆ ತಾರೊ ಬೊಟ ಘಾಲಿನ ಮಾರಾ ಹತೊ ದೆಕ. ತಾರೊ ಹತ ಮಾರಿಯೊ ಪಾಕ್ಹಳಿಮಾ ಘಾಲ ಸಂಶೊ ಕರ್ಯಾವಾಚಿ ಮನೆ ನಂಬಾಲೊ ಥಾ. ಕೈನ ಕದ್ಯೊ. ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ.
ಯೆಸು ಹಜು಼ನ ತಿನಾ ಶಿಷ್ಯಾವೊನಾ ಕ್ಹಾಮೊ ಅದ್ಭುತ ಕಾಮೊ ಕರ್ಯೊ. ಎ ಅದ್ಭುತ ಕಾಮೊ ಪುಸ್ತಕಮಾ ಬರ್ದ್ಯಾ ನತ್ತಿ. ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.
ಮಿ ತುಮೊನೆ ಮಯಾ ಕರಲ ನಿಂಗತ ತುಮೆ ಯಕ್ಕನೆ ಯಕ್ಕ ಮಯಾ ಕರು ಕವಾನು ಮಿ ತುಮೊನೆ ದಿವಾನಿ ಆಗನ್ಯಾ ವ್ಹೈ.
ಮಿ ತುಮೊನೆ ಕ್ಹರಿಜ ಕೌಸ ಮಿ ಮೊಕ್ಲಲ ಕಿನೆಬಿ ವಪ್ಪಿಲಿವಾಲೊ ತೆ ಮನೆ ವಪ್ಪಿಲಿವಾಲೊ ಥಯೊಸ. ಮನೆ ವಪ್ಪಿಲಿದಲವಾಲೊ ಮನೆ ಮೊಕ್ಲಲವಾಲಾನೆ ವಪ್ಪಿಲಿದವಾಲೊ ಥಯೊಸ"
ಮಾರಾ ಬಕ್ರಾವೊನೆ ಮಿ ಹಮೆಶಾನೊ ಜ಼ಲಮ ದಿವ್ಸ. ತ್ಯುನೆ ಕೆಳಾಮಾಬಿ ಮರ್ತಾ ನೈ, ವರಿ ತ್ಯುನೊನೆ ಕುನ್ನಜ ಮಕಂತಾ ಉದಾಳಿನ ದುರ ಕರಾನೆ ಥಾತು ನೈ. ತ್ಯುನೊನೆ ಮಾರೊ ಬಾಜ ಮನೆ ದಿದ್ಯೊ. ತೆ ಕ್ಹಾರಾವೊತಿಬಿ ಮ್ಹೊಟೊ ವ್ಹೈ. ತ್ಯುನೊನೆ ಮಾರಾ ಬಾನಾ ಹತ್ತಮಾತಾ ಕುನ್ನಜ ನೈ ಉದಾಳಿ ಲೆಸಕ್ತು. ಬಾ ವರಿ ಮಿ ಯಕ್ಕಜ಼ ವ್ಹೈ "ಕೈನ ಉತ್ತರ ದಿದ್ಯೊ.
ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ. ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.
ಕ್ಹುದಾನಾ ದಿಕ್ರಾಪರ ಬರೊಕ್ಹೊ ಮ್ಹೆಲಾವಾಲಾನೆ ಫೈಸಲೊ ನೈ ಥಾತೊ. ತೆನೈಸೊ ನೈ ಬರೊಕ್ಹೊ ಕರಾಲಾನೆ ತೆಳಾಮಾಜ಼ ಫೈಸಲೊ ಥಯೊಸ. ಕಾಕದ್ಯಾಮ ತೆ ಕ್ಹುದಾನೊ ಯಕ್ಲೊಜ಼ ದಿಕ್ರಾಪರ ಬರೊಕ್ಹೊ ಮ್ಹೆಲ್ಯೊ ನೈ.
ಕುನ್ನತಬಿ ಮಾರಾ ಪಾಚೊ಼ ಆತಾಮಾ ತಿನೆ ದಿವಾನಿ ಶಿಲುವಿ (ತ್ರಾಸೊ) ಉಚೈಲಿದ್ಯಾ ಬಗರ, ತೆ ಮಾರಾ ಪಾಚೊ಼ ಆವಾಲೊ ನ್ಹವೈ.
ಕಾಕದ್ಯಾಮ ಬೆಜ಼ನಾ ರ್ಹೈನೆಕಾ ತನ್ನಜ಼ನಾ ರ್ಹೈನೆಕಾ ಮಾರಾ ನಾಮಂಪರ ಮಳಿನ ಕಿಜಾ಼ ಆವಸ ತ್ಯುನಾ ವಚ್ಮಾ಼ ಮಿ ರ್ಹೌಸ. ಕೈನ ಕದ್ಯೊ.
ಕೈನ ತ್ಯುನೊ ತ್ಯುನೊಮಾಜ಼ ಕೈಲಿವಾನು ದೆಕಿನ ಯೆಸು ತ್ಯುನೊನೆ ದೆಕಿನ ಎ ಮನಕ್ಹೊನೆ ಅಸಾದ್ಯ ವ್ಹೈ; ಕ್ಹುದಾನೆ ಅಸಾದ್ಯ ನ್ಹವೈ ಕ್ಹುದಾನೆ ಕ್ಹಾರು ಸಾದ್ಯ ವ್ಹೈ.
ಯೆಸು ತ್ಯುನೊನೆ"ಮನಕ್ಹನೆ ನೈ ಥಾವಾನಾ ಕಾಮೊ ಕ್ಹುದಾ ಕರಸ" ಕೈನ ಜವಾಬ ದಿದ್ಯೊ.
ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಿ ಆತ್ಮಾನಾ ಕ್ಹಾತೆ ರ್ಹವಾದೆ ಆಮೆನ.