Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Ku ebaana óli Ndagha,
Ndagha yíli ya Nzaami,
Ndagha yíli Nzaami.
Ku ebaana óli Ndagha,
Ndagha yíli ya Nzaami,
Ndagha yíli Nzaami.
Nde áli ya Nzaami ku ebaana.
Nzaami ásalala Ndagha mu ogyighili bilogho byehene,
ya ka oli ya elogho si emõ o ki eli ki bágwene ogyighili mu ndagha oyo.
Ya Ndagha yiikighiri mbwuru,
nde aayakala ŋa kara li bihi,
ya bihi liimono nsia a nde,
nsia oyo yi ookagyagha Mwana wu a mbunu kundaa Taara.
Nde álwulu mu bwehe ya mu engaŋma.
Mu kuulu, mu nyuru a nde myehene mi mili mu Nzaami mili kuu mukughu.
Mu kuulu, mu nyuru a nde myehene mi mili mu Nzaami mili kuu mukughu. Ya mu nde be limaalwulu mu byehene, nde wu li Mfumu a bwohono ba bali a lileene ya bwohono ba bali a litumu.
Ŋa kara li be, liikadzyara bu ofaana mu Kriste Yiisu:
Ngu okala ti ka óli a lisobo ŋa kara li nde ya Nzaami o,
lo nde ka ásagha kee-kee akebe bunsihi bu nde ya Nzaami o.
Lo mu ndeme, nde ábihi byehene bibye,
mu okala musala, nde áfaana ya baara,
ya omoŋono ti nde li nkara a mbwuru.
Ŋa kara li be, liikadzyara bu ofaana mu Kriste Yiisu:
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Yiisu áfwulu bo ti: «Lo mu be, me nande ndi?» Simõ Piere ábvuhulu ti: «We li Kriste, Mwana a Nzaami wu a mweẽ.» Mu obo, Yiisu ályele kundaa nde ti: «Esee kundaa we, Simõ mwana a Dzonase, buulu ka oli musunu ya makili biisuo we ndagha oyo o, lo Taara a me wu li mu mayulu.
«Mono, mutughu wu munkyini sa akeghele.
Nde sa aburu mwana wu baghala,
ya sa bata nde mu nkwumu yi a Emanwele.»
Mbaala ti: «Nzaami ŋa kara li bihi-a-be.»
Mukwuru a bambumbulu nkama (100) ya ba bákakebe Yiisu, bu bamono bu ónyiŋi nsie ya mi míbwi, bábagha nzalamweẽ yi alagha ya bályele ti: «Ngaŋma, wu ali Mwana a Nzaami!»
Yiisu ka átsughu ndagha o, nde ka ábvuhulu ndagha o. Mukwuru a bangaa ba nzaami áfirifwulu nde ti: «Me we li Kriste, Mwana a Nzaami wu Liseme?» Yiisu ábvuhulu ti: «Ngu me. Ya be sa limono Mwana a mbwuru ábwi nsini ku kwogho-a-kwogho e Nzaami Nga-a-Mpwũ, ya bu aakagya nde ya bidzi bi mayulu.»
Nde ályele bo ti: «Ka likala a nzalamweẽ o! Be Yiisu musi Nadzarete wu baakomo ŋa kuruwa lili mu okasagha. Nde aasighili ŋa kara li ba bákpi. Ka li ŋa o. Limono ebini ki ali baatwulu nde.
Bu bamana oboghoro baara bwohono, Yiisu si báboghoro nde. Mu matala ma ákabuono nde, yulu lídzubulu, ya Mufulu a Ngili áyasughuru ŋa yulu a nde mu efaana kii beeme, ya ndagha yídzumu mu yulu: «We li mwana a me wu mukolo, me aankamono esee mu we.»
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Yiisu ábvuhulu bo ti: «Mu engaŋma me ndyele be, nsomo-a-nsomo báburu Abarahame, "me ndi".»
Me ya Taara lili mbwuru mumõ.»
Lo Yiisu ábvuhulu kundaa bo ti: «Tee sonali Taara a me li mu okasala, ya mehe si ndi mu okasala.» Mu nkooro a ndagha oyo, bakwuru ba ba-Dzwife bákabvulu osagha nde odzwa, mu kuulu nde ka yini a bungili bu etsughu kii Sabate ákatsumunu o. Lo nde ákalyele si ti Nzaami li Taara a ndeme. Mbimbili oyo yíkasuo ti nde li nsihi ya Nzaami.
Mu nkooro a ndagha oyo, bakwuru ba ba-Dzwife bákabvulu osagha nde odzwa, mu kuulu nde ka yini a bungili bu etsughu kii Sabate ákatsumunu o. Lo nde ákalyele si ti Nzaami li Taara a ndeme. Mbimbili oyo yíkasuo ti nde li nsihi ya Nzaami.
Bwunu a bu ookasiili Taara baara ba bákpi ya aakagwa bo bumweẽ, bwunu obo si Mwana aakagwa bumweẽ kundaa munde wu adzyi nde. Ya Taara ka aakalamana mbwuru o, lo nde aagwi litumu lwohono lili okalamana kundaa Mwana, mpaala baara bwohono bagwa Mwana budziri ti bwunu a bu baakagwa Taara budziri. Mbwuru wu aagwene ogwa Mwana budziri, nde ka li mu ogwa si Taara wu aagweghe nde budziri o.»
Mu engaŋma, me ndyele be ti: Lo matala mali mu ogya, ya mu bu mo mamaato, maala ba bákpi sa bagyughu likyi li Mwana a Nzaami ya babo ba akala baagyughu lo sa bakala baba mweẽ.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Yiisu ályele nde ti: «Me ndi nzili, engaŋma ya laama. Ka oli a mbwuru wu kughu ogye kundaa Taara o kala ti nde ka luru mu me o.
Yiisu ábvuhulu ti: «Filipe, edzighi e lagha me ndi ya be, lo we ka soolo me! Munde wu mono me, Taara amono. Mu emakye we lyele ti: "Suo bihi Taara?" We ka li a kana o ti me ndi mu Taara ya Taara li mu me? Mandagha ma aakandyele me be, ka meme aakambagha mo o, lo Taara wu li mu me, aakakuhu bigyighili bi nde ndeme.
Yiisu ályele kundaa nde ti: «Me ndi osighili mu lipfu ya laama. Munde wu aasa kana mu me, ngu okala ti nde kpi, sa akala mweẽ.
Lo Yiisu ályele ndiri: «Me ka aandyele we o ti, kala we si kana, we sa mono nsia a Nzaami?»
«Obvwughu ka oli mu mbwuru mukimi o, mu kuulu ka oli a nkwumu nkimi o ŋa yulu a nsie yi bágwi kundaa baara, yiili mu yo bihi libvwughu.»
Bu bákagye mu nzili, báto ŋa mbughu yi áali a madza, ya Musala wu munene wu a Etyopi ályele ti: «Mono madza moŋo! Emakye eekahaba me mu obagha liboghoro?» [Filipe ályele kundaa nde ti: «Kala ti we si kana mu mukolo a we ndehene, we kughu obagha liboghoro». Musala wu munene ábvuhulu ti: «Me ndi a kana ti Yiisu-Kriste li mwana a Nzaami.»] Nde átehebe syare, bo bansa buolo básughuru mu madza, ya Filipe áboghoro nde.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Mwana wu, wu li osehene o nsia a Nzaami,
ya wu li omoŋono kuu bu ali nde,
aakasughu byehene mankaana mu ndagha a nde yi a lileene.
Bu amana otsehebe baara banga a masumu,
nde aabwi-nsini ku kwogho kii babaghala kii nsia mu mayulu.
Mwana bu abvulu bangye-yulu,
nde ágwolo pfa li nkwumu yibvulu bunene ya nkwumu yi a ndaa-bo.
Buulu bihi-a-be lili a mukwuru a bakwuru ba bangaa ba Nzaami, wu áabulusaghaba mayulu, Yiisu, Mwana a Nzaami, litswe likwara mu mpini bumpughulu bu kana. Mu kuulu, bihi-a-be ka lili a mukwuru a bangaa ba Nzaami o wu aakwono okala emõ ya bihi mu mpara a bihi. Lo mukwuru a bangaa ba Nzaami a bihi bágyeele nde mu mandagha mwohono ti anga bu bali mu okagyeele bihi bameme, lo nde ka ási masumu o.
Litswe litaha mihi kundaa Yiisu, munde wu aakasa ti bihi libagha kana ya wu aakasa ti lo likala mukughu. Nde wuulu, bu amono esee ki ékakebe nde, ákihi okpa ŋa kuruwa gwene a budzwa. Ya mu matala ma, nde aabwi-nsini ku kwogho kii babaghala ki likubu li Nzaami.
Me mu obo, nde áli faana okala ti baana ba taara a nde mu myehene, mpaala akala mukwuru a bangaa ba Nzaami nga-a-nyiĩ ya wu bakughu osa kana mu nde mu esala e Nzaami, mu omaha masumu ma baara.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Nswe mbwuru wu aakihi ti Yiisu li Mwana a Nzaami,
Nzaami li mu nde ya nde li mu Nzaami.
Nswe mbwuru wu aakihi ti Yiisu li Mwana a Nzaami,
Nzaami li mu nde ya nde li mu Nzaami.
Bu, me bu oosuo Nzaami dzyi li nde ŋa kara li bihi-a-be:
Nde aagweghe Mwana a nde wu a mbunu mu nsie,
Mu kuulu bihi-a-be likala baba mweẽ mu nde.
Ya dzyi lilo lili bu:
Ka oli ti bihi-a-be líidzyi Nzaami o,
Lo me nde áadzyi bihi-a-be,
Ya áagweghe Mwana a nde ti anga mukaba wu osa masumu ma bihi-a-be kolokolo.
Bu, me bu oosuo Nzaami dzyi li nde ŋa kara li bihi-a-be:
Nde aagweghe Mwana a nde wu a mbunu mu nsie,
Mu kuulu bihi-a-be likala baba mweẽ mu nde.
Mbwuru wu aakasa masumu li wu a ndaa dyabulu,
Mu kuulu dyabulu ábaana osa masumu obaana ku ebaana.
Mwana a Nzaami ágyi mu otsala bigyighili bi dyabulu.
Nande aalughulu ŋa nkulu a mandagha ma nsie,
Kala ka munde o wu aakasa kana ti Yiisu li Mwana a Nzaami?
Bumpughulu bubo me bu:
Nzaami ágwi bihi-a-be laama lili mibvu ya mibvu,
ya laama lilo lili mu Mwana a nde.
Wu li a Mwana li a laama,
wu gwene a Mwana a Nzaami ka li a laama o.
Mu kuulu, kala ti mu muŋma a we, we kihi ŋa nkulu a baara bwohono ti Yiisu me Mfumu, ya kala ti mu mukolo a we, we si kana ti Nzaami ásiili nde ŋa kara li ba bákpi, we sa bvwughu.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Me bu ndi mweẽ, ka oli me o, lo Kriste li mweẽ mu me. Mu bumweẽ bu me bubu mu musunu, me ndi a bo mu kana mu Mwana a Nzaami wu áadzyi me ya wu áagwi nyuru a nde ndeme mu nkooro a me.
Ya Nzaami a me sa aluhu be mu bilogho byehene bi liikala a be nzala a bye, bwunu a bu oli nsia a busini bu nde mu Yiisu-Kriste.
Nyaã edzuunu e Kriste, edzuunu ki báti be mbili mu nyuru nga-mõ, ekala mu mikolo mi be. Liikasoolo obvurulu matuono.
Mu kuulu bihi lili baara ba ógyighili Nzaami. Nde áagyighili bihi mu Yiisu-Kriste mpaala likala a bigyighili bi bibwe, bigyighili bi átswama okuru nde, buulu bihi lisalala bye.
ya liikakala mu dzyi ti bwunu a bu ódzyi bihi-a-be Kriste. Nde ágwi nyuru a nde kundaa Nzaami ti anga ekaba ya mukaba wu otsughu mu nkooro a bihi-a-be, ti anga mananaase mama mpihi yi mbwe.
Mu kuulu, bwunu a bu oli binama bilagha mu nyuru a bihi, nyuru yili nga-mõ, ya binama byehene bibi nyuru ka biikasala esala emõ o, mu obo, bihi-a-be ba lili balagha, lili nyuru mõ mu Kriste, ya nswe mbwuru mu bihi-a-be li enama ki e wu muke mu nyuru nga-mõ oyo.
Lo litswe likabvurulu matuono kundaa Nzaami, nde wu aakagwa bihi olughulu mu Mfumu a bihi Yiisu-Kriste!
Lo munsa mikolo mi be, liikakihi ti yini a Kriste li wu a ngili, nde li Mfumu a be. Liikakala yeelee matala mwohono mu ogwa mvuru kundaa nswe munde wu aafwulu be mu mi mitala emiini ki eli mu be.
Mu kuulu Nzaami li yini a mumõ,
ya mbwuru wu aakabvurulu endughu ŋa kara li Nzaami ya baara li yini a mumõ,
mbwuru munde me Yiisu-Kriste,
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Oŋo me áamono yulu bwaha, ya syevale wu a peŋeme ápala. Mumbiri syevale nkwumu a nde Wu-aakakebe mukihi wu álaba ya Wu-a-ngaŋma. Nde aakalamana ya aakadzwana mvulu mu bunsumu. Mihi mi nde mili ti anga mile mi mbaa, ya ŋa yulu a mutswi a nde oli a miburu milagha mimi litumu. Nde li a nkwumu yi básono mu nde, yiili mbwuru mukimi ka asoolo yo o, kala ti ka yini a nde o. Nde áalaha enkuru ki ebolo mu makili. Nkwumu a nde Ndagha a Nzaami.
Mikaã mi bambumbulu baba mayulu míkabulunama nde mu basyevale ba bapeŋeme. Bo bálaha binkuru bibi mu lino lili ntala, lili peŋeme ya lili tse-tse. Mu muŋma a nde ókapala lipee li lito. Mu lo nde afaana osyeme bikaana. Me nde akala aatumu bo mu mukaana wu esyeẽ, me nde li mu okadzyara ndoŋo yi nene yi a bviini lili nkehe a Nzaami Nga-a-Mpwũ. Mu enkuru e nde ki ela tee mu myili básono nkwumu yi: «Mukogho a mikogho ya Mfumu a bamfumu.»
Nyaã bwehe bu Mfumu Yiisu bukala ya be bwohono!
Ŋa mbihi, nde ályele Toma ndiri: «Gya, lo mulyeme a we ŋa, ya mono bikee bi me. Gya a ekee e we ya sa kye ŋa libee li me. Nyaã mikeme ya sa kana!» Toma ábvuhulu nde ti: «We li Mfumu a me ya Nzaami a me!»
Yiisu áfirisa bilyimi bibi okiŋimi bilagha ŋa mihi mi binduono bi nde biili ka básono bye mu mukaana wu o. Lo mandagha ma, básono mo mu kuulu be lisa kana ti Yiisu li Kriste, Mwana a Nzaami, ya mu kuulu, bu lisi kana, be libagha laama mu nkwumu a nde.
Wu me mukyene wu ngwi me be: Liikakala a dzyi be a be ti bu aakandzyi me be.
Mu engaŋma me ndyele be ti, nswe munde wu aagyagha munde wu ngweghe me, me agyagha, munde wu gyagha me, gyagha wu áagweghe me.»
Ya me aakangwa laama lili mibvu ya mibvu kundaa bindoomo bi me. Bye ka bikughu opfighili o ya mbwuru si mumõ ka kughu ogwohono me bye ŋa ekee o. Taara a me wu aagwi me bye, bvulu byehene mu bunene ya mbwuru si mumõ ka kughu ogwohono elogho ŋa ekee e Taara o. Me ya Taara lili mbwuru mumõ.»
Mu obo, Nzaami bu ábvulu dzyi nsie, ágwi Mwana a nde wu a mbunu, mpaala nswe mbwuru wu aasa kana mu nde anyaã okpa, lo abagha laama lili mibvu ya mibvu. Mu kuulu Nzaami ka ágweghe Mwana a nde ŋa nsie mu oyalamana nsie o, lo mu kuulu nsie yibvwughu mu nde. Mbwuru wu aasa kana mu nde, ka balamana nde o. Lo munde wu aagwene osa kana, ayi bamaalamana nde, mu kuulu nde ka aasi kana mu nkwumu a Mwana a Nzaami wu a mbunu o.
Nswe munde wu aagwene obiri kuruwa li nde ya onama me, ka faana okala wu a me o.
Mu kuulu, oŋo ŋa oobvuŋunu baara buolo bwunu we batere mu nkwumu a me, me ndi ŋa kara li bo.»
Yiisu átala bo ya ályele ti: «Kundaa baara ndagha oyo ka yikughu okala o, lo ka kundaa Nzaami o, mu kuulu Nzaami kughu osa mandagha mwohono.»
Yiisu ábvuhulu bu: «Miili baara ka bakughu osa o, Nzaami kughu osa mye.»
Nyaã bwehe bu Mfumu a bihi Yiisu-Kriste bukala ya be!