Jovens

12 Na dèanadh duine sam bith tarcais air d’òige; ach bi thusa ad eisempleir do na creidmhich, ann am facal, ann an caitheamh-beatha, ann an gràdh, ann an spiorad, ann an creideamh, ann am fìorghlaine.

6 Cuir impidh air na daoine òga mar an ceudna, iad a bhith ciallach.

1 A chlann, bithibh umhail dur pàrantan anns an Tighearna: oir tha seo ceart.

2 Thoir urram dod athair agus dod mhàthair (is i seo a’ chiad àithne le gealladh),

3 A-chum gun èirich gu math dhut, agus gum bi thu fad-shaoghalach air an talamh.

1 A chlann, bithibh umhail dur pàrantan anns an Tighearna: oir tha seo ceart.

2 Thoir urram dod athair agus dod mhàthair (is i seo a’ chiad àithne le gealladh),

1 Cuimhnich a-nis do Chruithear ann an làithean d’òige, mun tig na droch làithean, agus an druid na bliadhnachan riut, anns an abair thu, Chan eil tlachd agam annta:

1 Cuimhnich a-nis do Chruithear ann an làithean d’òige, mun tig na droch làithean, agus an druid na bliadhnachan riut, anns an abair thu, Chan eil tlachd agam annta:

2 Mun dorchaichear a’ ghrian, agus an solas, agus a’ ghealach, agus na reultan, agus an till na neòil an dèidh an uisge:

3 Anns an là anns an criothnaich luchd-gleidhidh an taighe, agus an crom na daoine làidir iad fhèin, agus an sguir an luchd-bleith, a chionn gu bheil iad tearc, agus an dorchaichear an dream a sheallas a-mach air na h-uinneagan;

9 Dèan gàirdeachas, a dhuine òig, ann ad òige, agus dèanadh do chridhe subhach thu ann an làithean d’òige, agus siubhail ann an slighean do chridhe, agus ann an sealladh do shùl: ach biodh fhios agad, air an son seo uile, gun toir Dia a-chum breitheanais thu.

10 Uime sin atharraich doilgheas od chridhe, agus cuir olc air falbh od fheòil; oir is dìomhanas leanabachd agus òige.

13 Is fheàrr leanabh bochd agus glic na rìgh sean agus amaideach, nach gabh comhairle nas mò.

30 Fàsaidh na h-òigfhir lag agus sgìth, agus tuitidh an òigridh thaghte gu làr;

31 Ach iadsan a dh’fheitheas air an Tighearna, gheibh iad spionnadh nuadh; èiridh iad suas mar iolair air a sgiathan; ruithidh iad agus cha bhi iad sgìth, siùbhlaidh iad agus chan fhàs iad fann.

28 Agus tàrlaidh na dhèidh sin, gun dòirt mise a-mach mo Spiorad air gach uile fheòil, agus nì ur mic agus ur nigheanan fàistneachd, bruadairidh ur seann daoine bruadair, agus chì ur n-òganaich seallaidhean:

29 Agus fòs air na h-òglaich, agus air na banoglaich, anns na làithean sin, dòirtidh mi a-mach mo Spiorad.

17 A-thaobh nan ceathrar chloinne seo, thug Dia dhaibh eòlas agus tuigse anns a h-uile fòghlam agus gliocas: agus bha tuigse aig Daniel anns na h-uile sheallaidhean agus bhruadairean.

18 A-nis aig ceann nan làithean, anns an dubhairt an rìgh gun tugadh e a-steach iad, an sin thug uachdaran nan caillteanach a-steach iad an làthair Nebuchadnesair.

19 Agus rinn an rìgh còmhradh riu; agus nam measg uile cha d’fhuaireadh aon cosmhail ri Daniel, Hananiah, Misael, agus Asariah: air an adhbhar sin sheas iad fa chomhair an rìgh.

29 Is e urram dhaoine òga an neart; agus is e maise sheann daoine an ceann liath.

11 Aithnichear eadhon leanabh le a bheusan, am bi a dhèanadas glan, agus am bi e ceart.

9 Ciod leis an glan an t-òganach a shlighe? Trìd faicill, a rèir d’fhacail.

11 Am chridhe dh’fhalaich mi d’fhacal, a-chum nach peacaichinn ad aghaidh.

5 Oir is tusa mo dhòchas, a Thighearna Dhè, mo dhòigh om òige.

12 Araon òigfhir agus òighean; seann daoine agus clann;

13 Moladh iad sin ainm an Tighearna, oir tha a ainm-san a-mhàin urramach, tha a ghlòir os cionn na talmhainn agus nan nèamh.

1 Gnàth-fhacail Sholaimh, mac Dhaibhidh, rìgh Israeil;

2 A dh’aithneachadh gliocais agus teagaisg, a thuigsinn briathran na tuigse;

3 A ghabhail teagasg a’ ghliocais, a’ cheartais, agus a’ bhreitheanais, agus na còrach;

4 A thoirt gèire dhaibhsan a tha baoghalta, eòlais agus cèill don òganach.

19 Eisd thusa, a mhic, agus bi glic, agus treòraich do chridhe anns an t-slighe.

20 Na bi am measg phòitearan fìona; am measg luchd co-ithidh geòcach feòla.

21 Oir thig am misgear agus an geòcaire gu bochdainn; agus èidichidh turra-chadal duine le luideagan.

22 Eisd rid athair a ghin thu, agus na dèan tàir air do mhàthair nuair a bhios i aosda.

6 An sin thubhairt mise, Och! a Thighearna Iehòbhah, feuch, chan aithne dhòmhsa labhairt, oir is leanabh mi.

7 Agus thubhairt an Tighearna rium, Na abair, Is leanabh mi: ach a-chum nan uile gus an cuir mise thu, thèid thu; agus ciod sam bith a dh’àithneas mi dhut, labhraidh tu.

8 Na biodh eagal ort ron gnùis; oir tha mise maille riut a-chum do thèarnadh, deir an Tighearna.

11 Oir is aithne dhomh na smuaintean a smaoinich mi dur taobh, deir an Tighearna, smuaintean sìthe, agus chan e aimhleas, a thoirt dhuibh sliochd agus dòchais.

12 An sin gairmidh sibh orm, agus thèid sibh agus nì sibh ùrnaigh rium, agus èisdidh mise ribh.

13 Agus iarraidh sibh mi, agus gheibh sibh mi, nuair a rannsaicheas sibh air mo shon le ur n-uile chridhe.

14 Agus bidh mise air m’fhaotainn leibh, deir an Tighearna, agus tillidh mi air a h-ais ur bruid, agus cruinnichidh mi sibh o na h-uile chinnich, agus o gach uile àite gus an d’fhògair mi sibh, deir an Tighearna; agus bheir mi sibh a-rìs a-chum an àite on do chuir mi air falbh sibh ann am braighdeanas.

7 A-mhàin bi-sa làidir agus ro-mhisneachail, a-chum gun toir thu an aire gun dèan thu a rèir an lagha uile a dh’àithn m’òglach Maois dhut: na tionndaidh uaithe a dh’ionnsaigh na làimhe deise no a dh’ionnsaigh na làimhe clìthe, a-chum gun soirbhich leat anns gach àite don tèid thu.

8 Cha tèid leabhar an lagha seo as do bheul; ach beachd-smaoinichidh tu air a là agus a dh’oidhche, a-chum gun toir thu an aire gun dèan thu a rèir gach nì a tha sgrìobhte ann: oir an sin bheir thu air do shlighe soirbheachadh leat, agus an sin nì thu gu glic.

9 Nach d’àithn mise dhut? Bi làidir agus ro-mhisneachail; na bi fo eagal, agus na biodh faitcheas ort: oir tha an Tighearna do Dhia leat anns gach ionad don tèid thu.

5 Mar an ceudna, a dhaoine òga, bithibh umhail do na seanairean: seadh, bithibh uile umhail da chèile, agus bithibh air ur sgeadachadh le irioslachd: oir tha Dia a’ cur an aghaidh nan uaibhreach, ach a’ toirt gràis dhaibhsan a tha iriosal.

6 Uime sin irioslaichibh sibh fhèin fo làimh chumhachdaich Dhè, a-chum is gun àrdaich e sibh ann an àm iomchaidh:

14 Sgrìobh mi dur n-ionnsaigh, athraichean, do bhrìgh gum b’aithne dhuibh an tì a tha ann o thùs. Sgrìobh mi dur n-ionnsaigh, òganacha, do bhrìgh gu bheil sibh làidir, agus gu bheil facal Dhè na chòmhnaidh annaibh, agus gun tug sibh buaidh air an droch aon.

13 Gluaiseamaid gu cubhaidh, mar anns an là; chan ann an raoidhteireachd agus am misg, no an seòmradaireachd agus am macnas, no an aisith agus am farmad:

27 Is math do dhuine a’ chuing a ghiùlan na òige;