1 Ciɓa n vuza na u yaꞋin nu,

a ayin o tsuloboi tsu nu,

kafu ayin atakaci a̱ ta̱wa̱,

a̱ya̱ kpamu a kuyawa a na va kudana,

<<Mi a kupana uyoꞋo u le ba.>>

1 Ciɓa n vuza na u yaꞋin nu,

a ayin o tsuloboi tsu nu,

kafu ayin atakaci a̱ ta̱wa̱,

a̱ya̱ kpamu a kuyawa a na va kudana,

<<Mi a kupana uyoꞋo u le ba.>>

2 Kafu kutashi n kanna

wotoi n azangata a̱ kpa̱ɗa̱ kuneke kutashi,

eleshu kpamu a̱ puwa̱nka̱ o kotso baci mini,

3 Ana aza a na i a ku inda kpaꞋa ka e kujeꞋeke ikyamba,

aza a utsura kpamu a namba utsura,

ayin a na anga a̱ kuyikpa̱ okpo kenu,

a̱shi a kindi i ta̱ kpamu o ko okpo rumbu-rumbu,

9 YaꞋan ma̱za̱nga̱ avu ka̱ɗa̱nga̱ni, avu biꞋi kenu,

yaꞋan ka̱ɗu ka̱ nu ka pana uyoꞋo a ayin o tsuloboi a̱ nu.

Tono kusheshe ku ka̱ɗu ku nu

n ili i na a̱shi a̱ nu enei,

ama ka̱ta̱ vu yeve a̱ ka̱tsa̱ma̱ ki ili nampa ra̱ka̱

Ka̱shile ki ta̱ a kuyaꞋanka wu afada.

10 Adama a na ka̱ta̱ vu oꞋuso ka̱ɗu ka̱ nu ba.

vu varuku ili i na yi o ku oꞋuso wuma u nu ra̱ka̱,

adama a na tsu lobo-lobo n utsura gbani ɗa.

13 Ka̱ɗa̱nga̱ni vuza vu unambi, n ugboji, u laꞋa ta̱ mogono ma na ma kutsai n tsulau, vuza na u tsu ushuku n odoki ba.

30 Ko a̱ɗa̱nga̱ni a ci yaꞋan ta̱ ulinga ka̱ta̱ o oꞋwo,

olobo feu i ta̱ a̱ kuta̱ɗa̱tsa̱ ka̱ta̱ a̱ yikpa̱.

31 Ama aza na e nekei a̱ɗu e le u Vuzavaguɗu

i ta̱ a̱ kuciya̱ utsura u savu.

Ka̱ta̱ a imkpa gaɗi n evelyu tsu kajimba,

I ta̱ a kusuma ama o koꞋo ba.

I ta̱ a kuyaꞋan nwalu ama a̱ kulima̱ ba.

28 <<Ayin a na baci ili nampa i kotsoi,

ka̱ta̱ n suꞋuku uma a̱ va̱ ra̱ka̱ n ayinviki a̱ va̱.

muku n ɗa̱ olobo nu nkere i ta̱ a kuyaꞋan kene,

nkoshi mi ta̱ a kuyaꞋan alatani,

muku mo olobo n ɗa̱ a yaꞋan kene tsa alatani.

29 Ali n agbashi a̱ ɗa̱ ali n a̱ma̱ci,

mi ta̱ a̱ kutsunku le ayinviki a̱ va̱ a kanna ka nanlo.

17 Olobo a̱ na̱shi a nampa a Ka̱shile ke neke le ta̱ ugboji n kuyeve ku mekecu dem. Ɗa Daniyan ta na u ciya̱i kuyeve ku kindana n alatani kakau.

18 A kubana uteku wa̱ a̱ya̱ a tatsu a na mogono ma zuwai, ɗa kagbashi ka gbayin ka ka bankai le ra̱ka̱ a̱ ubuta̱ u Nebukanezaru. 19 Ɗa mogono ma yaꞋankai le kadanshi ra̱ka̱ vi le. U panai uyoꞋo u Daniyan n Hananiyan m Mashiyelyu n Azariya, a laꞋi aza a na a buwai. Ɗa a zagbai le o okpo aza a na a kuyaꞋan ulinga e kefeku ko mogono.

29 UgaꞋin wa a̱ɗa̱nga̱ni wi ta̱ a utsura u le,

ama ugaꞋin wu nkoshi tankpamu wu ɗa ɗa ka̱nji ka̱ri.

11 A tsu yeve ta̱ muku n kenken a ubuta̱ wu ukuna wi ili i na u tsu yaꞋansa,

i ta̱ a kufuɗa kuyeve ko kuyongo ku le ku singai ku ɗa, ko ku mejege.

9 Nini ɗai ka̱ɗa̱nga̱ni ko kuyongo ciɗa?

A̱ ubuta̱ u kutono kadanshi ka̱ nu.

11 N sokongu ta̱ kadanshi ka̱ nu a̱ ka̱ɗu ka̱ va̱,

adama a na ka̱ta̱

n yaꞋanka wu unushi ba.

5 Adama a na wa̱ nu ɗa n keɗei a̱pa̱Ꞌa̱, Vuzavaguɗu,

Vuzavaguɗu, wa̱ nu ɗa n zuwai ka̱ɗu ali mpa maku me kenu.

12 muku mo olobo nu nkere n a̱ma̱ci,

nkoshi m muku.

13 YaꞋan ra̱ka̱ vule a cikpa kula ku Vuzavaguɗu,

adama a na kula ku ni ku ɗa koci ku ciya̱i ucikpi.

tsugbayin ci ni tsu laꞋa ta̱ tsa aduniyan n tsu gaɗi.

1 Ansa a Sulemanu kolobo ka Dawuda mogono mi Isaraila.

2 Na ɗa ansa a na a̱ kuɓa̱nka̱ wu,

vu yeve cicoꞋo n odoki a singai,

ka̱ta̱ e yeve kudansa i na yi usokongi

3 adama a na a̱ ciya̱,

kuyotsongusu ku cicoꞋo,

n usuɓi, n afada a mayun,

n ili i na yi mayin,

4 a zuwa vuza vu unambi u kuyeve,

wo okpo n kuyeve,

o yotsongusu a̱ɗa̱nga̱ni tsu na

a kuyaꞋan kusheshe ku singai.

19 Maku ma̱va̱, zuwa atsuvu mayin vu pana adama na vu ciya̱ ugboji,

ka̱ta̱ vu zuwa ka̱ɗu ka nu uye u singai.

20 Ka̱ta̱ vu gbaɓa ka̱cika̱nu n osoꞋi ba,

ko kpamu aza kalya ba,

21 adama na osoꞋi koɓolo n aza kalya a i ta̱ o kokpo aza unambi,

ka̱ta̱ agbaɗiki a pala le n akashi.

22 Pana kadanshi ka eshevu a̱ yi na u neke nu wuma,

kpamu ka̱ta̱ vu goyo a̱na̱ku a̱ nu a ayin a na u kuci ba.

6 Ɗa n danai,<<A̱Ꞌa̱, Vuzavaguɗu Ka̱shile. La̱na̱, mpa n fuɗa kadanshi ba, adama a na mpa maku ma kenu maꞋa.>> 7 Ama ɗa Vuzavaguɗu u danai mu,

<<Ka̱ta̱ vu dana,<Mpa maku ma kenu ma ba,> adama a na u yaba dem vu na baci n suki nu, mayun ɗa vu bana,

Kpamu i na baci de dem n danai nu, i ɗaɗa va kudansa.

8 Ka̱ta̱ vu pana wovon u le ba,

adama a na mpa mi ta̱ koɓolo n avu, mi ta̱ kpamu a kisa wu.>> Mpa Vuzavaguɗu, mpa ɗa n dansai.

11 A dama na mpa n yeve ta̱ kusheshe ki ili i na n foɓusokoi ɗa̱, i na Vuzavaguɗu u dansai. N foɓuso ta̱ kasingai, ba ka wuya ba, a dama a na n neke ɗa̱ kofon n a̱pa̱. 12 Yeve ka̱ta̱ i ta̱wa̱ i vasa wa̱ a̱va̱, ka̱ta̱ mpa tana n pana. 13 I la̱nsa̱ mu baci yi ta̱ a kuciya̱ mu, ɗa baci i la̱nsa̱i mu n ka̱ɗu ke te. 14 Ka̱ta̱ m ɓa̱nka̱ ɗa̱, n sa̱nka̱ ɗa̱ ku doku kokpo a gbashi a Babila kpamu. Ka̱ta̱ m bonoko n a̱pa̱ a̱ɗa̱, ka̱ta̱ n ɓolongu ɗa̱ uduniya ra̱ka̱, n ubuta̱ ra̱ka̱ u na n lokoi i ɗa̱ i bana. I na Vuzavaguɗu dansai, ka̱ta̱ m bono n a̱ɗa̱ a ubuta̱ u na n zuwai a ɗikai a̱ɗa̱ a ku banka tsugbashi.

7 Avu de tsurukpa koci ka̱ta̱ vu gbama asuvu ka̱u, vi yaꞋan mayin vu tono wila̱ ra̱ka̱ u na kagbashi ka̱ va̱ Musa u nekei nu, ka̱ta̱ vu sabaꞋasa u ɗa a kubana a usingai ko a ugula̱ ba, adama a na vi lyaꞋa kelime ko te ɗai baci vu banai. 8 Ka̱ta̱ vu ushuku Katagarda ka̱ Wila̱ ka nampa ka̱ ka̱sukpa̱ una̱ u nu ba, yongo e kusheshe ukuna u kaꞋa kanna n kayin dem, ciya̱ vu fuɗa vu tono mayin ka̱ta̱ kpamu vu yaꞋan ili i na yi punu uɗani derere. Nannai ɗa vo kokpo vuza vu uciyi n kulyaꞋa ku kelime. 9 N dana wu ɗe ba? Tsurakpa ka̱ta̱ vu gbama asuvu. Ka̱ta̱ vu rikpa̱ ko vu pana wovon ba, adama a na Vuzavaguɗu Ka̱shile ka̱ nu ki ta̱ koɓolo n avu a̱ ubuta̱ de dem u na vu banai.>>