12 ኔ ዬላጋቴ ኦኒካ ሌቆፎ፤ ጊዶ ኣቲን ኔኒ ሃሳያን፥ ዱሳን፥ ሲቆን፥ ኣማኖኒኔ ጌሻቴን ኣማኒዛይታስ ሎኦ ሌሚሶ ጊዳ።

6 ሄሳካ ዬላጋ ኣቱማሳይ ባርካ ባና ሃራና ማላ ኔ ኢስታ ዞራ።

1 ናይቶ! ኢንቴ ኢንቴና ዬሊዳይታስ ጎዳን ኣዛዜቲቴ፤ ሄሲ ኢንቴስ ቤሴስ።✝ 2 «ኔ ኣዋኔ ኔ ኣዮ ቦንቻ» ጊዛ ኣዛዞ ጊዶን ዲዛ ሂዶታይ ኮይሮ ኣዛዞ። 3 ኔ ሄሳ ኦኮ ኔስ ሎኣናኔ ኔስ ላይይ ቢታ ቦላ ኣዱቃና።

1 ናይቶ! ኢንቴ ኢንቴና ዬሊዳይታስ ጎዳን ኣዛዜቲቴ፤ ሄሲ ኢንቴስ ቤሴስ።✝ 2 «ኔ ኣዋኔ ኔ ኣዮ ቦንቻ» ጊዛ ኣዛዞ ጊዶን ዲዛ ሂዶታይ ኮይሮ ኣዛዞ።

1 ሜቶ ጋላሳቲ ዮንታ ዲሺን

ኔኒ፥ «ታና ኡፋይሴቴና»

ጊዛ ዎዴቲ ጋኮንታ ዲሺን

ኔ ዬላጋቴ ላይን

ኔና ሜዳይሳ ቆፓ።

1 ሜቶ ጋላሳቲ ዮንታ ዲሺን

ኔኒ፥ «ታና ኡፋይሴቴና»

ጊዛ ዎዴቲ ጋኮንታ ዲሺን

ኔ ዬላጋቴ ላይን

ኔና ሜዳይሳ ቆፓ።

2 ኣዋይኔ ፖኦይ፥

ኣጊናይኔ ጾሊንቴይ

ሞንታ ዲሺን፥

ኢራይ ቡኪ ሲሚን

ሻራይ ኪቾንታ ዲሺን

ኔና ሜዳይሳ ቆፓ።

3 ኬ ናጊዛይቲ ኮኮሪዛ ዎዴ፥

ሚኖቲ ኩኒዛ ዎዴ፥

ጋጪዛይቲ ቆዳን ጉ ጊዲዳ

ጊሻስ ጋቼ ኣጊዛ ዎዴ፥

ማስኮቴራ ጼሊዛይቲ

ዶልጁሚዛ ዎዴ፥

9 ሃይሶ ዬላጋዞ!

ኔ ናቴቴ

ላይን ኡፋዬታ፤

ኔ ናቴቴ ላይን

ኔ ዎዚናን ኡፋዬታ፤

ኔ ኣይፌይ ጼሊዳ ኡባኔ

ኔ ዎዚናይ ኣሞቲዳ ኡባ ፖላ፤

ጊዶ ኣቲን ኔ ኦዳ ኦሶ

ኡባ ጊሻስ ጾሲ

ኔና ፒርዳስ ሺሻናይሳ ኤራ።

10 ሄሳ ጊሻስ ኔ ዎዚናፔ

ጬጬ ሃሳ፤

ኢታ ሚሺካ ኔፔ ዲጋ፤

ጋሶይካ ናቴቴኔ ዬላጋቴ

ኤሌ ኣና።

13 ዞሬ ኤኮንታ ኤያኔ ጪማ ካዎ ጊዳናፔ ኣ ኤራቴ ዲዛ ናቴ ማንቆይ ሎኦ።

30 ዬላጋቲካ ዳቡሬቴሲኔ

ኣዛሌቴስ፤

ናቴቲካ

ጴቲዲ ኩንዴቴስ፤

31 ጊዶ ኣቲን ጎዳ

ሂዶታ ኦዛይቲ

ባንታ ዎልቃ ኦራጺሴቴስ፤

ኢስቲ ጎሌ ማላ ፒራና፤

ኢስቲ ዳቡሮንታ ዎጻና፤

ኢስቲ ባና፤ ኣርጋጬቴና።

28 ጎዳይ፥ «ሃይሳፌ ጉዬ

ታኒ ኣሳ ኡባ ቦላ

ታ ኣያና ጉሳና፤

ኢንቴ ማጫ ናይቲኔ ኣቱማ

ናይቲ ቲንቢቴ ሃሳያና፤

ጪማ ኣሳይካ ኣጉሞ ኣጉሜታና፤

ዬላጋ ናቴቲ ኣጁታ ቤያና።✝

29 ሄሳካ ሄ ጋላሳታን

ታስ ኦዛ ማጫሳ ቦላኔ

ኣቱማሳ ቦላ ታኒ

ታ ኣያና ጉሳና።

17 ጾሲካ ሄ ኦይዱ ናቴታስ ኣ ኤራቴ፥ ጻፎ ኤራቴኔ ኣኬካ ኢሚዴስ፤ ዳኔላስ ጊዲኮ ሄሳፌካ ቦላራ ኣጁታኔ ኣጉሞ ቢርሺዛ ኤራቴ ዴስ።

18 ካሴ ካዎዚ ዎዳ ሄ ላይይ ጋኪን ኣሽፌናዜይ ሄ ናቴታ ኡባ ኤኪ ኤፊዲ ናቡካዳናጾሬ ሲን ሺሺዴስ። 19 ካዎዚካ ኢስታ ኡባ ሃሳይሲዳ ዎዴ ኢስታ ጊዶፌ ዳኔላራ፥ ሃናኒያራ፥ ሚሻኤሌራኔ ኣዛሪያሳራ ጊናቲዛ ኣሲ ቤቲቤና፤ ሄሳ ጊሻስ ኢስቲ ካዎዛ ሲንን ኦና ማላ ዶሬቲዳ።

29 ዬላጋታ ዎልቃይ ኢስታስ ቦንቾ፤

ጪማታ ፑሉን

ኢስታስ ቦንቾ።

11 ናይ ጌሺኔ ሱሬ ጊዲዛይሲ

ኢዚ ኦዛ ኦሶን ኤሬቴስ።

9 ናቴ ባ ኦጌ ጌሻቴን

ዎስቲ ናጋናስ ዳንዳይዜ?

ኔ ቃላይ ጊዛ ማላ

ዴኢኮ ዳንዳዬስ።

11 ታኒ ኔ ቦላ

ናጋራ ኦንታ ማላ

ኔ ቃላ ታ ዎዚናን ቆታዲስ።

5 ኣቤት ኡባ ሃሪዛ ጎዳዉ!

ታ ሂዶታይ ኔና፤

ዬላጋቴ ዎዴፔ

ዶማዳ

ታ ኣማኔቲዛይ ኔና።

12 ፓንቶ፥ ጌላኦቶ፥

ጪማቶ፥ ናይቶ!

ኡባቲካ ኢዛ ጋላቲቴ።

13 ኢዛ ሱን ኡባ ቦላ ቃ፤

ኢዛ ቦንቾይ

ሳኣፔኔ ሳሎፔ ቦላ፤

ሄሳ ጊሻስ ሃይቲ ኡባይ

ኢዛ ሱን ጋላቴቶ።

1 ሃይቲ ኢስራኤሌ ካዎ ዳዊቴ ና

ሶሎሞኔ ሌሚሶታ።✝

2 ሌሚሶቲ ኣሳይ ኣ ኤራቴ፥

ሴራኔ ኤራቴ ሃሳያ

ኣኬካናስ ማዴቴስ።

3 ኢስቲካ ዴኣና ዴኦን

ኣ ኤራቴ፥

ጺሎቴ፥ ሱሬ ፒርዳኔ

ሱሬ ሃኖ ታማርሲዛይታ።

4 ኤራቴ ፓጪዳይታስ ኣኬካ፥

ናቴታስ ኤራቴኔ

ዎዚናማቴ ኢሚዛይታ።

19 ታ ናዞ! ሲያ፤ ዎዚናማ ጊዳ፤

ኔ ዎዚናይ ሱሬ ኦጌፔ

ካሬ ኬዞፖ።

20 ዳሮ ዎይኔ ኡሹ ኡዪዛይታራኔ

ኣሾ ሙሳስ

ያሬቲዛይታራ ዙፔቶፓ።

21 ኣይስ ጊኮ ማቲዛይቲኔ

ዮራቲ ማንቃና፤

ስኮ ዳሮይ ጫርቃ ማይዜስ።

22 ኔና ዬሊዳ ኣዋይ ዮቲዛይሳ ሲያ፤

ኔ ኣዪያካ

ጬጊዳ ዎዴ ካፓ።

6 ሂስቲን ታኒ፥ «ኡባ ሃሪዛ ጎዳዉ! ታኒ ቡሮ ና ጊዲዳ ጊሻስ ኣይ ጋ ሃሳያናኮ ታ ኤሪኬ» ጋዲስ።

7 ጊዶ ኣቲን ጎዳይ ታና፥ « ‹ታኒ ና› ጎፓ። ታኒ ኔና ኪቲዛ ኣሳ ኡባኮ ባ። ታኒ ኣዛዚይሳ ኡባካ ዮታ። 8 ታኒ ኔና ኣሻናስ ኔናራ ዲዛ ጊሻስ ኔ ኢስታስ ያዮፋ፤ ታኒ ጎዳይ ሃይሳ ኔስ ዮታይስ» ጊዴስ።

11 ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና። 12 ኢንቴካ ታና ጼይጋና፤ ሺቂዲ ታና ዎሳና፤ ታኒካ ሲያና። 13 ኢንቴ ታና ኮያና፤ ኢንቴ ታና ኩሜ ዎዚናፔ ኮይኮ ዴማና።✝ 14 ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

7 ኣይኮይ ባ፤ ኔኒ ሚኖ ጻላ ሚና፤ ታ ኣይሌ ሙሴይ ኔስ ኢሚዳ ዎጋዛ ኡባ ሎኤ ኣዛዜታ፤ ኔ ቢዳሶ ኡባን ጊጋ ጊዳና ማላ ሃዲርስ ኡሻች ጎፓ። 8 ሃይሲ ዎጋ ማጻፋይ ኔ ዶናፔ ሻኬቶፎ፤ ኢዛ ጊዶን ዲዛይሳ ኔ ሎኤ ናጌታዳ ፖላና ማላ ጋላስ ጊዲን ኦማርስ ዛራ ዛራ ቆፓ፤ ኔ ሄሳ ኦኮ ኔ ቆፒዳ ኡባይ ኔስ ሱራናኔ ሃናና። 9 ኔኒ ቢዛሶን ኡባን ጎዳ ኔ ጾሳይ ኔናራ ዲዛ ጊሻስ ኣይኮይ ባ፥ ሚና፥ ያዮፋ፥ ዳጋሞፋ ጋዳ ታ ኔና ኣዛዛቤኪና!» ጊዴስ።

5 ሄሳካ ኢንቴኖ ናቴቶ! ኢንቴ ጪማታስ ኣዛዜቲቴ፤ ኢንቴ ዉሪካ ኣሽኬቴ ኣፋላ ማላ ማይኢዲ ኢሶይ ኢሳስ ኦቴ። «ጾሲ ኦቶሪዛይታ ኢጼስ፤ ኣሽኬታስ ቃሴ ባ ኪያቴ ኢሜስ» ጌቴቲ ካሴ ጌሻ ማጻፋን ጻፌቲዴስ።✝ 6 ሄሳ ጊሻስ ጾሲ ባ ዎዴን ቁ ሂስታና ማላ ሚኖ ጾሳ ኩሼፔ ጋርሳራ ኢንቴና ዚቂ ሂስቲቴ።✝

14 ናቴ ናይቶ! ኢንቴ ኣዋ ኤሪዳ ጊሻስ ታ ኢንቴስ ጻፋይስ፤ ኣዋቶ! ኮይሮፔ ዲዛይሳ ኢዛ ኢንቴ ኤሪዳ ጊሻስ ታ ኢንቴስ ጻፋይስ። ናቴቶ! ኢንቴ ሚኖታ ጊዲዳ ጊሻሲኔ ጾሳ ቃላይ ኢንቴናን ዲዛ ጊሻስ ኢንቴ ጻላኤ ጾኒዳ ጊሻስ ታ ኢንቴስ ጻፋይስ።

13 ጋላሳራ ሄሜቲዛ ማላ ኣኔ ዎጋራ ሄሜቶስ፤ ማጉልሳኒኔ ማን ጊዶፖ፤ ላይማ ኣሞኒኔ ላይማን ጊዶፖ፤ ቃናቴቴኒኔ ፓላማን ጊዶፖ።

27 ኣሲ ዬላጋቴ ዎዴን

ቃምባራ ቶኪኮ ሎኦ።