12 I nama tin muxu yo yi yo i ma i ya foningeyani, koni findi misali faɲin na dɛnkɛlɛya muxune xa i fala ti kiin nun i fe raba kiini xanuntenyaan nun dɛnkɛlɛyaan nun sariɲanni.

6 I mɔn xa banxulanne fan nalimaniya na kiini, a e xa xuru feen birin yi.

1 Diine, ɛ ɛ sɔtɔ muxune fala xuiin suxu Marigina fe ra, amasɔtɔ na nan tinxin. 2 Yamari singen nan ito ra tuli saan saxi naxan fari, a naxa, "I baba nun i nga binya 3 alogo i xa hɛrin nun siimaya xunkuyen sɔtɔ dunuɲa yi."*

1 Diine, ɛ ɛ sɔtɔ muxune fala xuiin suxu Marigina fe ra, amasɔtɔ na nan tinxin. 2 Yamari singen nan ito ra tuli saan saxi naxan fari, a naxa, "I baba nun i nga binya

1 I Dali Marigina fe xa rabira i ma i nɛma dii ɲɔrɛyani waxatin naxan yi, benun tɔrɔ lɔxɔne xa fa, waxatin yi maso, i a falama naxan yi, i naxa, "N mi ɲaxun yo toma,"

1 I Dali Marigina fe xa rabira i ma i nɛma dii ɲɔrɛyani waxatin naxan yi, benun tɔrɔ lɔxɔne xa fa, waxatin yi maso, i a falama naxan yi, i naxa, "N mi ɲaxun yo toma," 2 benun sogen nun kɛnɛnna nun kiken nun sarene xa yidimi, kundaan yi fa tulen dangu xanbini. 3 Na lɔxɔni, banxi kantanne xuruxurunma nɛn, xɛmɛ sɛnbɛmane yi e felen, ɲaxanle yi ba seen dinɲɛ bayo e mi fa wuya, naxanye seen matoma foye soden na, ne yi lu dimini.*

9 I tan naxan dii ɲɔrɛyani, ɲaxan i ya dii ɲɔrɛyaan waxatini, i sɛwa i bɔɲɛni. I bira i bɔɲɛ yi feene fɔxɔ ra, e nun i na seen naxanye to. Koni, a kolon fa fala Ala i kɛwanle birin makitima nɛn.

10 Nayi, xaminna ba i bɔɲɛni, tɔrɔyaan masiga i fatin na amasɔtɔ dii ɲɔrɛyaan nun fangan danguma nɛn fuyan!

13 Dii ɲɔrɛn yiigelitɔɔn xaxilimaan dangu Manga forixi xaxilitaren na naxan mi fa nɔɛ kawandi xuiin namɛ.

30 Banxulanne yɛtɛɛn xadanma,

e tagan,

foningene yi bira xadanni.

31 Koni naxanye xaxili tixi Alatala ra,

ne mɔn sɛnbɛn sɔtɔma nɛn.

E tuganma nɛn alo singbinna,

e yi e gi, e mi xadan,

e lu sigan tiyɛ, e mi tagan.

17 Ala yi lɔnnin fi foninge naaninni itoe ma a e xa fe sɛbɛxin birin bunna famu, e nun fekolonna. Daniyɛli yi nɔɛ xiyene bunne falɛ e nun fe toone alo xiyena. 18 E waxatin ɲan yanyi naxan yi mangan naxan sa, tande xunna yi e yita Nebukadanesari ra. 19 E birin nun mangan yi e bode to, foningene yɛ, muxu yo mi a kɛnɛn alo Daniyɛli nun Xananiya nun Mikayeli e nun Asari. Ne yi so a wanli.

29 Fangan nan banxulanne xunna kenla ra.

Xun sɛxɛ fixɛn nan fonne binyen na.

11 Foningen sɔnna kolonma a kɛwanla nan xɔn

xa fɛ mi a kɛwanle ra, a tinxin.

9 Banxulanna a kɛwanle rasariɲanma di?

Fɔ a xa i ya falan nan suxu.

11 N bata i dɛ xuiin namara n bɔɲɛni,

alogo n nama yulubin liga i tan na.

5 N Marigina Alatala,

n yigin na i tan na.

N bata n yigin sa i yi

xabu n dii ɲɔrɛyani.

12 banxulanne nun sungutunne,

xɛmɛ fonne nun dii ɲɔrɛne,

13 ɛ birin xa Alatala xinla tantun!

A xili keden peen nan binyaxi.

A tan nan nɔɔn nabama bɔxɔn nun koren xun na.

1 Dawuda dii xɛmɛn Sulemani a sandane, Isirayila Mangana.

2 Sandani itoe sɛbɛxi nɛn

alogo muxune xa fe kolonna nun xurun sɔtɔ

e yi xaxilimaya falane famu

3 alogo e xa xuru, e xaxili sɔtɔ

e tinxinna nun kiti sa kɛndɛn nun fe faɲin liga,

4 fe kolontarene yi e ɲɔxɔ lu,

foningene yi kolonna sɔtɔ,

e feene yɛ fen.

19 I tan n ma diina, i tuli mati,

i findi fekolonna ra,

i yi i bɔɲɛn lu kira faɲin xɔn.

20 I nama lu dɔlɔ minne yɛ,

e nun naxanye suben donma,

e a radangu ayi.

21 Amasɔtɔ fudimane nun dɔlɔ minne yiigelima nɛn,

e tunnaxɔlɔn yi marabɛnna ti e ma.

22 I tuli mati i baba ra,

a tan naxan i sɔtɔxi.

I nama yo i nga ma a foriyani.

6 N yi a yabi, n naxa, "Ee! Marigina, Alatala! N mi fatan falan tiyɛ, bayo banxulan ɲɔrɛn nan n na." 7 Alatala yi a fala n xa, a naxa,

"I nama a fala,

‘Banxulan ɲɔrɛn nan n na’

bayo i sigama nɛn muxune birin ma,

n na i rasigama naxanye ma,

n na naxan yo fala i xa,

i yi na fala.

8 I nama gaxu e yɛɛ ra,

amasɔtɔ, n na i fɔxɔ ra,

n ni i xunbama nɛn."

Alatalaa falan nan na ra.

11 Bayo n na a kolon n feen naxanye yitɔnxi ɛ xa. N bɔɲɛ xunbenla nan yitɔnxi ɛ xa, tɔrɔyaan mi a ra, alogo n xa yigin lu ɛ ma waxati famatɔne yi." Alatalaa falan nan na ra. 12 "Nayi, ɛ na n xili, ɛ yi fa n maxandi, n na ɛ yabima nɛn. 13 Ɛ na n fen, ɛ n toma nɛn, xa ɛ n fen ɛ bɔɲɛn birin na." 14 Alatalaa falan ni ito ra. "N tinma nɛn ɛ xa n to, n yi xɛtɛ ɛ ra keli konyiyani, n yi ɛ malan keli siyane nun yirene birin yi, n na ɛ raxuya ayi dɛnaxanye yi, n yi xɛtɛ ɛ ra be, n na ɛ kedixi dɛnaxan yi siga konyiyani." Alatalaa falan nan na ra.

7 I wɛkilɛ, i sɛnbɛ so han! I yengi dɔxɔ sariyani ito birin xɔn ma. N ma walikɛɛn Musa sariyan naxan birin yamarixi i ma, i xa ne suxu. I nama a fata a ma yiifanna ma, hanma kɔmɛnna ma alogo i xa nɔɔn sɔtɔ i na siga dɛdɛ. 8 Sariya kitabuni ito fala xuiin nama ba i dɛ. I yengi dɔxɔ a xɔn ma kɔɛɛn nun yanyina alogo i xa a birin suxu. Naxan birin sɛbɛxi a kui, i xa na liga, alogo i ya feen birin xa sɔnɔya, i nɔɔn sɔtɔ. 9 I nama ɲinan n ma yamarin xɔn: I wɛkilɛ, i sɛnbɛ so! I nama kuisan, i nama gaxu, bayo i na siga dɛdɛ, Alatala i ya Ala luma i xɔn nɛn."

5 Banxulanne, ɛ fan xa xuru fonne ma. Ɛ birin xa yɛtɛ magodon lu ɛ ma alo dugina ɛ nɛma ɛ bode xɔn ma. Amasɔtɔ Kitabun naxa, "Ala wasodene yikalama e feene yi, koni a hinanma nɛn yɛtɛ magodone ra."* 6 Ɛ ɛ magodo Ala sɛnbɛn bun, alogo a xa ɛ yite a waxɔn waxatini.

14 N ma diine, n na a sɛbɛma ɛ ma

fa fala ɛ bata Fafe Ala kolon.

Fafane, n na a sɛbɛma ɛ ma

fa fala naxan yi na nun

xabu a fɔlɔni, ɛ na kolon.

Banxulanne, n na a sɛbɛma ɛ ma

fa fala, ɛ sɛnbɛn gbo.

Alaa falana ɛ yi,

ɛ mɔn bata Fe Ɲaxin Kanna nɔ.

13 En xa sigan ti alo naxan daxa, alo a lan kɛnɛnni kii naxan yi. En nama haramu sumunne liga, hanma dɔlɔn minna hanma yanga suxuna hanma haramu feene hanma lantareyana hanma xɔxɔlɔnyana.

27 A lan adamadiin xa xuru tɔrɔyaan bun

fɔlɔ a foninge waxatin ma.