11 तेबे मैं एक बड़ा सफेद सिंहासन, और से जो तिदे बैठी रा था, देखेया। जेसरे सामणे ते तरती और स्वर्ग नठीगे और तिना खे जगा नि मिली। 12 तेबे मैं छोटे-बड़े सब मरे रे सिंहासनो सामणे खड़े रे देखे, और कताबा खोलिया। तेबे एक ओर कताब खोली गयी, मतलब-जीवनो री कताब। और जेड़ा तिना कताबा रे लिखी राखेया था, तेड़ा ई तिना रे कामो रे मुताबिक मरेया रा न्याय कित्तेया। 13 समुद्रे सेयो मरे रे, जो तिदे थे, देई ते, तेबे मौते और नरके सेयो मरे रे, जो तिदे थे देई ते और तिना बीचा ते हर एकी खे तिना रे कामो रे मुताबिक न्याय कित्तेया। 14 तेबे मौत और नरक बी आगी री झीला रे पाई ते, ये आगी री झील दूजी मौत ए। 15 और जेस केसी रा नाओं जीवनो री कताबा रे लिखेया रा नि मिलेया, से आगी री झीला रे पायी ता।

12 तेबे प्रभु यीशुए बोलेया: "देख, आऊँ चट आऊणे वाल़ा ए; और हर एकी रे कामो रे मुताबिक बदला देणे खे फल मांगे आए।

12 तेबे प्रभु यीशुए बोलेया: "देख, आऊँ चट आऊणे वाल़ा ए; और हर एकी रे कामो रे मुताबिक बदला देणे खे फल मांगे आए। 13 आऊँ ई पईला और आखरी, आगला और पिछला, शुरूआत और अंत ए।

9 तेबे जेबे आऊँ देखणे लगी रा था तेबे मैं अन्तो रे क्या देखेया कि सिंहासन राखी राखे ओर तेबे कोई बऊत पुराणा बैठेया;* तेसरे टाल्ले बर्फा जेड़े सफेद ओर सिरो रे बाल़ मुलायम ऊना जेड़े थे; तेसरे सिंहासन आगी जेड़ा ओर तिजी रे पहिये धधकदी आगी जेड़ी दिशो थे।*

9 तेबे जेबे आऊँ देखणे लगी रा था तेबे मैं अन्तो रे क्या देखेया कि सिंहासन राखी राखे ओर तेबे कोई बऊत पुराणा बैठेया;* तेसरे टाल्ले बर्फा जेड़े सफेद ओर सिरो रे बाल़ मुलायम ऊना जेड़े थे; तेसरे सिंहासन आगी जेड़ा ओर तिजी रे पहिये धधकदी आगी जेड़ी दिशो थे।* 10 जेती से बैठी रा था, तेथा ते आगी री एक नदी बह्ईणे लगी री, ह्जारो स्वर्गदूत तेसरी इच्छा पूरी करने खे त्यार खड़े रओ थे। ओर कई ह्जारो स्वर्गदूत तेसरी सेवा करने खे खड़े थे, फेर दरबारो दे न्यायी बैठे, किने कताबा* खोली की देखेया कि तिना दे क्या ए।*

2 जो लोक पईले ई मरीगे दे ए, तिना बीचा ते बऊत सारे लोक जागी की उठणे, कई लोक सदा री जिन्दगिया रा मजा लणे लगणे, ओर कई तो सदा तक बऊत जादा घिनौना ऊणे खे।* 3 जो लोक समजदार ए सेयो सर्गो री चमका जेड़े चमकणे। जो लोक दूजेया खे सई काम करने खे उकसाओए सेयो सदा-सदा खे तारेया जेड़े चमकणे।*

31 कऊँकि तिने एक दिन बणाई राखेया, जिदे तेस, तेस माणूंए रे जरिए तर्मो साथे एसा दुनिया रा न्याय करना, जो तिने बणाई राखी और तेसखे मरे रेया बीचा ते जिऊँदा करी की ये गल्ल सबी पाँदे परमाणित करी ती री।"

36 आऊँ तुसा खे बोलूँआ कि जो-जो नकम्मिया गल्ला माणूंआ बोलणिया, जेबे न्याय रा दिन आऊणा, तेबे तिना खे हर गल्ला रा लेखा देणा पड़ना। 37 कऊँकि तूँ आपणियां गल्ला तेई, दोषी और निर्दोष ऊणा।"

31 "जेबे आँऊ माणूं रा पुत्र आपणी महिमा रे आऊणा, तेबे सब स्वर्गदूत मां साथे आऊणे, तेबे मां आपणी महिमा रे सिंहासनो रे बैठणा। 32 तेबे सब जातिया तेस सामणे कट्ठिया करी देणियां और जिंयाँ गाद्दी बाकरिया खे पेडा ते लग करी देओआ, तिंयाँ ई तेस सेयो एकी-दूजे ते लग करी देणियां। 33 तेस पेडा मतलब तर्मी लोक आपणे दाणे कनारे खड़े करने और बाकरिया मतलब पापी लोक खूँजे कनारे।

31 "जेबे आँऊ माणूं रा पुत्र आपणी महिमा रे आऊणा, तेबे सब स्वर्गदूत मां साथे आऊणे, तेबे मां आपणी महिमा रे सिंहासनो रे बैठणा। 32 तेबे सब जातिया तेस सामणे कट्ठिया करी देणियां और जिंयाँ गाद्दी बाकरिया खे पेडा ते लग करी देओआ, तिंयाँ ई तेस सेयो एकी-दूजे ते लग करी देणियां। 33 तेस पेडा मतलब तर्मी लोक आपणे दाणे कनारे खड़े करने और बाकरिया मतलब पापी लोक खूँजे कनारे। 34 तेबे मां राजे आपणी दाँणे कनारे वाल़ेया खे बोलणा, ‘ओ मेरे पिते रे धन्य लोको; आओ, तेस राज्य रे अक्कदार ऊई जाओ, जो दुनिया रे सृष्टिया ते तुसा खे त्यार ए कित्ते रा। 35 कऊँकि जेबे आऊँ पूखा था और तुसे माखे खाणे खे दित्तेया, जेबे आऊँ त्याया था, तुसे माखे पाणी पल़याया, जेबे आऊँ परदेशी था, तुसे आऊँ आपणे कअरे ठराया। 36 जेबे आऊँ नांगा था, तुसे माखे टाल्ले दित्ते, जेबे आऊँ बमार था और तुसे मेरी सम्बाल़ लई, जेबे आऊँ जेला रे था और तुसे माखे मिलणे आए।’

37 "तेबे तर्मिया तेसते पूछणा, ‘आसे कदी तूँ पूखा देखेया और ताखे खुल़ाया? या त्याया देखेया और पाणी पल़याया? 38 आसे कदी तूँ परदेशी देखेया और आपणे कअरे ठराया? या नांगा देखेया और टाल्ले पणयाए? 39 आसे कदी तूँ जेला रे या बमार देखेया और ताखे मिलणे आए?’ 40 तेबे राजे तिना खे ज्वाब देणा, ‘आऊँ तुसा खे सच्च लगी रा बोलणे कि तुसे इना मेरे छोटेया ते छोटेया, केसी एकी पाईए साथे बी कित्तेया, से मां ई साथे कित्तेया।’

41 "तेबे तेस खूँजे कनारे वाल़ेया खे बोलणा, ‘ओ स्रापित लोको! मां सामणे ते एसा अनन्त आगी रे चली जाओ, जो परमेशरे शैतानो खे और तेसरे दूतो खे त्यार ए कित्ती री। 42 कऊँकि आऊँ पूखा था, पर तुसे माखे रोटी नि दित्ती और आऊँ त्याया था, पर तुसे माखे पाणी नि पल़याया? 43 आऊँ परदेशी था, पर तुसे माखे आपणे कअरे जगा नि दित्ती, आऊँ नांगा था, पर तुसे माखे टाल्ले नि दित्ते। आऊँ जेला रे और बमार था, पर तुसे माखे मिलणे नि आए।’

44 "तेबे तिना ज्वाब देणा, ‘ओ प्रभु! आसे कदी तूँ पूखा, त्याया, परदेशी, नांगा, बमार और जेला रे देखेया और तेरी सेवा नि कित्ती?’ 45 तेबे मां तिना खे ज्वाब देणा, ‘आऊँ तुसा खे सच्च लगी रा बोलणे कि जो तुसे इना छोटेया ते छोटे बीचा ते केसी एकी साथे पनि कित्तेया, से मां साथे पनि कित्तेया’ 46 और तिना खे अनन्त सजा मिलणी, पर तर्मी, अनन्त जीवनो खे जाणे।"

14 कऊँकि परमेशर सबी कामा खे ओर सब गुप्त गल्ला खे, चाए सेयो खरिया ए, चाए सेयो बुरिया, न्याय करोआ।*

17 मैं आपणे मनो रे बोलेया, "परमेशरो बुरे माणूंए रा ओर तर्मी माणूंए रा न्याय करना, कऊँकि तेसरे कअरे हर एक गल्ला रा ओर हर एक कामो रा बखत ओआ।"

30 प्रभु यहोवे री ये वाणी ए, "ओ इस्राएलो रे लोको, मा तुसा बिचा ते हर एक माणूंआ रा न्याय तेसरे चाल चलणो रे मुताबिक ई करना। पश्चाताप करो ओर आपणे सारे पापा खे छाडो, तेबे तुसा रा तर्म तुसा खे ठोकर खाणे री बजा नि ऊणा। 31 आपणे सारे पाप जो तुसे करी राखे, दूर करो; आपणा मन ओर आपणी आत्मा बदलो! ओ इस्राएलो रे लोको, तुसे कऊँ मरो?" 32 माखे खुशी नि ऊँदी जेबे केसी खे मरना पड़ोआ। आपणे पापा ते दूर ऊई जाओ ताकि तुसे जिऊँदे रओ। सर्वशक्तिमान यहोवे री ये ई वाणी ए।

16 "कऊँकि परमेशरे दुनिया रे लोका ते एड़ा प्यार कित्तेया कि तिने आपणा एकलौता पुत्र देईता, ताकि जो कोई तेस पाँदे विश्वास करो, से नाश नि ओ, पर अनन्त जीवन पाओ।

16 "कऊँकि परमेशरे दुनिया रे लोका ते एड़ा प्यार कित्तेया कि तिने आपणा एकलौता पुत्र देईता, ताकि जो कोई तेस पाँदे विश्वास करो, से नाश नि ओ, पर अनन्त जीवन पाओ। 17 परमेशरे आपणा पुत्र दुनिया रे इजी खे नि पेजेया कि से दुनिया पाँदे दण्डो री आज्ञा देओ, पर इजी खे कि दुनिया रे लोक तेसरी बजअ ते उद्धार पाओ। 18 जो मां पाँदे विश्वास करोआ, तेस पाँदे दण्डो री आज्ञा नि ऊँदी, पर जो मां पाँदे विश्वास नि करदा, से दोषी ठईरी चुकेया, कऊँकि तिने परमेशरो रे एकलौते पुत्रो रे नाओं पाँदे विश्वास नि कित्तेया। 19 और दण्डो री आज्ञा री बजअ ये कि जोति दुनिया रे आयी री और माणूंआ खे न्हेरा जोतिया ते प्यारा लगेया, कऊँकि तिना रे काम बुरे थे।

7 तेबे बी आऊँ तुसा खे सच्च बोलूँआ कि मेरा जाणा तुसा री तँईं अच्छा ए, कऊँकि जे आऊँ नि जाऊँगा, तो से मददगार तुसा गे नि आऊणा, पर जे आऊँ जाऊँगा, तो तेस तुसा गे पेजी देऊँगा। 8 तेस आयी की दुनिया खे पाप, परमेशरो री धार्मिकता और न्याय रे बारे रे दोषी ठराणा।

9 "पापो रे बारे रे तेबे, कऊँकि सेयो मां पाँदे विश्वास नि करदे 10 और धार्मिकता रे बारे रे तेबे, कऊँकि आऊँ पिते गे जाऊँआ और तुसा आऊँ फेर नि देखणा। 11 न्याय रे बारे रे तेबे, कऊँकि दुनिया रा सरदार मतलब शैतान दोषी ठईराई ता रा।

16 और जो प्यार परमेशर आसा साथे राखोआ, तिजी खे आसे जाणी गे और आसा खे तिजी पाँदे विश्वास ए कि परमेशर प्यार ए, जो प्यारो रे बणेया रा रओआ, से परमेशरो रे बणेया रा रओआ और परमेशर तेसरे बणेया रा रओआ। 17 इजी तेई प्यार आसा रे सिद्ध ओआ कि तेस आसा खे सजा नि देणी। जेड़ा यीशु मसीह ए, तेड़े ई दुनिया रे आसे बी ए।

18 प्यारो रे डर नि ऊँदा, बल्कि सिद्ध प्यार डरो खे दूर करी देओआ, कऊँकि डरो ते तकलीफ़ ओई और जो डर करोआ, से प्यारो रे सिद्ध नि ऊआ।

10 कऊँकि जरूरी ए कि आसा सबी रा आल मसीह रे न्याय आसणो रे सामणे खुली जाओ, ताकि हर एक माणूं आपणे-आपणे खरे-बुरे कामो रा बदला, जो तिने शरीरो रे जरिए करी राखेया, पाओ।

16 ये तेस दिने सपष्ट ऊई जाणा जेस दिने परमेशर मेरे सुसमाचारो रे मुताबिक यीशु मसीह रे जरिए माणूंआ री गुप्त गल्ला रा न्याय करोगा,

27 जेड़ा माणूंए खे एक बार मरना और तिजी ते बाद न्याय रा ऊणा नियुक्त ए, 28 तिंयाँ ई मसीह बी बऊत जणेया रे पाप ऊठाणे खे एक ई बार बलिदान ऊआ। से दूजी बार आऊणा पापो री बजअ ते नि बल्कि तिना लोका खे उद्धार देणे खे जो तेसखे न्याल़ने लगी रे।

37 जिंयाँ कि पवित्र शास्त्र बोलोआ,

"एबे बऊत ई थोड़ा जा बखत रई गा रा,

जेबे आऊणे वाल़ा आऊणा

और तेस देर नि करनी।

38 पर मेरा तर्मी माणूं विश्वासो साथे जिऊँदा रणा

और जे से माणूं डरी की विश्वासो ते पीछे आटी जाओगा,

तो मेरा मन तेसते खुश नि ऊणा।"

39 आसे तिना लोका बीचा ते निए जो परमेशरो ते पीछे आटी की नाश ऊई जाओ। बल्कि आसे तिना लोका बीचा ते जो आपणे विश्वासो रे जरिए जिन्दगी पाओए।

6 इजी री खातर आसा खे ओरी जेड़ा सये रे नि रणा चाईयो, पर जागदे और सावधान रणा चाईयो। 7 कऊँकि जो सओए, सेयो राथियो खेई सओए और जो नशे रे मतवाल़े ओए सेयो राथियो खेई मतवाल़े ओए। 8 पर आसे तो दिनो रे ए, विश्वास और प्यारो री झिलम पईनी की और उद्धारो री उम्मीदा रा टोप पईनी की सावधान रओ। 9 कऊँकि परमेशरे आसे आपणे गुस्से ते सजा देणे खे नि चूणी राखे, पर इजी खे चूणी राखे ताकि आसे आपणे प्रभु यीशु मसीह रे जरिए उद्धार पाऊँ।

13 यहोवे तार्मिकता साथे दुनिया रा

ओर सच्चाईया साथे सबी जातिया रा न्याय करना।"*