O juízo final

Wursetha Pirda

11 Hessafe guye, gita bootha araata bolla uttidaysa be7as. Sa7inne saloy iya sinthafe baqatidosona; enti zaari bentibookona.✝ 12 Hayqidaysati, gitatinne guuthati araata sinthan eqidaysata be7as; maxaafati dooyetidosona; qassi de7o maxaafa gidida hara maxaafi dooyetis. Hayqidaysati maxaafan xaafetida banta oosuwada pirda ekidosona. 13 Abbay ba giddon de7iya hayqidaysata immis; hayqoynne Si7ooley banta giddon de7iya hayqidaysata immidosona. Issi issi asi ba oosuwada pirda ekis. 14 Yaatin, hayqoynne Si7ooley tama abban yegetidosona. He tama abbay nam7antho hayqo. 15 De7o maxaafan iya sunthay xaafetiboonna asi oonika tama abban yegetis.

12 Yesuusi, "Heko, taani ellesada yaana. Issuwas issuwas iya oosuwada immanaw ta woytoy taara de7ees.✝

12 Yesuusi, "Heko, taani ellesada yaana. Issuwas issuwas iya oosuwada immanaw ta woytoy taara de7ees.✝ 13 Taani Alfanne Omega; Koyronne Wursethi; Doomethinne Polo.✝

9 "Taani hessa be7ishin, araatati utethas giigidosona. Merinaw De7eysi ba araatan uttis; iya ma7oy shachada, iya huuphe binaanay muqaadada boothu. Iya araataynne araata gertoy tamada locees.✝

9 "Taani hessa be7ishin, araatati utethas giigidosona. Merinaw De7eysi ba araatan uttis; iya ma7oy shachada, iya huuphe binaanay muqaadada boothu. Iya araataynne araata gertoy tamada locees.✝ 10 Iya araata giddofe tama shaafi pultidi, keyees. Mukulu toho mukulan taybeteysati iyaw oothosona; tammu mukulu toho tammu mukulan taybeteysati iya sinthan eqoosona. Pirdi doometis; maxaafati dooyetidosona.✝

2 Hayqida asaape daroti dendana. Entafe baggati merina de7os, baggati qassi yeellasinne merinaa kawushas dendana.✝ 3 Cincati salo poo7oda qassi darota xillotetha oge kaaletheysati merinaw xoolintoda poo7ana.

31 Ayis giiko, Xoossay ba doorida addiyan sa7an de7iya asa ubbaa bolla xillo pirda pirdanaw qamma giigisi wothis. Iya hayqope denthidi hessa asa ubbaas tumayis" yaagis.

36 Shin si7ite, asay odetiya coo oda ubbaas pirda gallas zaaro immana. 37 Ayis giiko, ne odetiya ne qaalan xillana; ne odetiya ne qaalay ne bolla pirdana" yaagis.

Wode Wursetha Pirda

31 "Asa Na7ay, kiitancho ubbatara, ba bonchuwara yaa wode I ba boncho kawotetha araata bolla uttana.✝ 32 Biittan de7iya asi ubbay iya sinthe shiiqana. Henthanchoy dorsata deeshatape shaakeysada I he asaa nam7an shaakana. 33 Qassi dorsata ushacha baggara deeshata haddirsa baggara essana.

Wode Wursetha Pirda

31 "Asa Na7ay, kiitancho ubbatara, ba bonchuwara yaa wode I ba boncho kawotetha araata bolla uttana.✝ 32 Biittan de7iya asi ubbay iya sinthe shiiqana. Henthanchoy dorsata deeshatape shaakeysada I he asaa nam7an shaakana. 33 Qassi dorsata ushacha baggara deeshata haddirsa baggara essana.

34 "Hessafe guye, kawoy ushacha baggara de7eysatako haysada yaagana: ‘Ta Aaway anjidaysato, ha yidi sa7i medhetiya wodepe doomidi hintew giigida kawotetha laattite. 35 Ayis giiko, taani koshatin muzideta, saamotin ushshideta, eretonna imatha asi gidada bin mokideta, 36 kallotin mayzideta, hargetin hargisideta, qashetin tana oychideta’ yaagana.

37 "Hessafe guye, xilloti zaaridi, ‘Godaw, neeni koshatin awude be7idi muzido? Woyko neeni saamotin awude be7idi ushshido? 38 Neeni imathe gidada yin awude be7idi mokido? Woyko neeni kallotin awude mayzido? 39 Neeni hargin woyko qashetin neeko bidi nena awude oychido?’ yaagana. 40 Kawoy zaaridi, ‘Taani hintew tuma odayis; hinte tana kaalliya ha ubbaafe guuxeysas oothidaysa taw oothideta’ yaagana.

41 "He wode haddirsa baggara de7eysatako, ‘Ha baadetidaysato, ta matape haakite. Xalahesinne iya kiitanchotas giigida merinaa taman biite. 42 Ayis giiko, koshatin tana muzibeeketa; saamotin ushshibeeketa. 43 Taani imathe gidada bin tana mokibeketa, kallotin mayzibeeketa, hargininne qashetin tana oychibeeketa’ yaagana.

44 "He wode enti, ‘Godaw, neeni koshatin woyko saamotin woyko imathe gidada bin woyko kallotin woyko hargin woyko qashetin be7idi nena awude maaddonna ixido?’ yaagidi zaarana.

45 "He wode kawoy zaaridi entako, ‘Taani hintew tuma odayis; hinte tana kaalliya ha ubbaafe guuxeysa maaddonna ixidaysi, tana maaddonna ixidaysa’ yaagana. 46 Hessa gisho, he asati merinaa pirdas qassi xilloti merinaa de7uwas baana" yaagis.✝

14 Xoossay ooso ubbaa qassi geemmida ubbaa lo77o gidin iitaa pirdanaw de7ees.

17 Ta wozanan, "Xoossay xilluwanne worduwa nam7aaka pirdas shiishana; Xoossay hanidaba ubbaasinne ooso ubbaas wode qanxi wothis" yaagada qopas.

30 "Hinteno, Isra7eele asaw, ta hintena hinte oosuwatho oosuwatho pirdana. Ubbaa Haariya Goday haysada yaagees; nagari hintew dhayos gaaso gidonna mela paaxite; hinte bala ubbaafe simmite. 31 Hinte iita oosuwa ubba wora yeggidi, ooratha wozananne ooratha ayyaana ekite. Hinteno, Isra7eele asaw, ayis hayqeetii? 32 Taani issi asa hayqonka ufaytike. Hessa gisho, hinte nagaraa paaxidi, de7on de7ite" yaagees Ubbaa Haariya Goday.

16 Xoossaa Na7aa ammaniya ubbay merinaa de7uwa laattanaape attishin, dhayonna mela Xoossay ha alamiya daro dosida gisho ba issi Na7aa immis.

16 Xoossaa Na7aa ammaniya ubbay merinaa de7uwa laattanaape attishin, dhayonna mela Xoossay ha alamiya daro dosida gisho ba issi Na7aa immis. 17 Xoossay ba Na7aa ha alamiya kiittiday alamiya pirdanaw gidonashin alamiya iya baggara ashshanaasa.

18 Na7aa ammaniya oonika pirdetenna, shin Na7aa ammanonna oonika issi Xoossaa Na7aa ammanibona gisho ha77i pirdetis. 19 Pirdayka haysa: poo7oy alamiya yis, shin asaa oosoy iita gidiya gisho asay poo7uwape aathidi dhumaa dosees.

7 Shin taani hintew tuma odayis; taani biiko hintew lo77o. Ayis giiko, taani boonna ixiko minthetheysi hinteko yeenna. Shin taani biiko iya hinteko yeddana. 8 Minthetheysi yidi, nagaraba, xillotethabaanne pirdaba ha alamiya asaa erisana. 9 Nagarabay, asay tana ammanonna gishosa. 10 Xillotethabay, taani Aawako biya gishonne hinte tana zaari be7onna gishosa. 11 Pirdabay, qassi alamiya haareysi pirdetida gishosa.

16 Xoossay nuna siiqeysa nuuni eroosinne ammanoos.

Xoossay siiqo. Siiqon de7iya oonika Xoossan de7ees; Xoossayka iyan de7ees. 17 Nu de7oy ha alamiyan Kiristoosi de7idaysa mela gidiya gisho, pirda gallas yayyonna iya sinthe shiiqanaw iya siiqoy nunan polo gidees. 18 Siiqon yashshi baawa, tuma siiqoy yashshi kessi holees. Yashshinne pirdi issife biya gisho, yayiya uraa siiqoy polo gidenna.

10 Nuuni issoy issoy ha sa7an de7ishe lo77o gidin woyko iita gidin, oothida oosuwas bessiya pirdaa ekanaw Kiristoosa pirda araata sinthan shiiqana.✝

16 Ta tamaarsida Wongela mela Xoossay Yesuus Kiristoosa baggara asa wozanan geemmida qofaa pirdiya wode hessi eretana.

27 Asi ubbay issi toho hayqanaw hessafe guye pirdetanaw bessees. 28 Hessadaka, Kiristoosi daro asaa nagara digganaw issi toho yarshetis. Shin I nagara tookanaw gidonashin, bana naageysata ashshanaw nam7antho qoncana.✝

37 Hiza, Geeshsha Maxaafan,

"I, yaana gidaysi yaana; gam7enna.✝

38 Shin ta xilloy, tanan ammanetidi daana;

oonika guye simmiko tana ufaysenna"

yaagees. 39 Nuuni ammanidi attiya asaa baggafe attishin, guye simmidi dhayiya asaa bagga gidoko.

6 Hessa gisho, nuuni harati dhiskeysada dhiskanaw bessenna; nuuni barkanawunne giigidi daanaw bessees. 7 Dhiskeysati qamma dhiskoosona; mathoteysati qamma mathotosona. 8 Shin nuuni gallasa asi gidiya gisho giigidi daanaw bessees. Ammanonne siiqo xurureda tiran ma7idi, atotetha ufaysaa huuphen wothiya ola birata barneexada wothidi daanaw bessees.✝ 9 Xoossay nuna nu Godaa Yesuus Kiristoosa baggara kumetha atotethi ekana mela doorisipe attishin, hanqos dooribeenna.

13 Goday yaa gisho iya sinthan yexo;

I sa7a bolla pirdanaw yees.

I ha sa7aa bolla xillotethan,

asaa bolla tumatethan pirdana.