O juízo final

आखरी न्याय

11 बाक ना ऊंद धोळ बिळीद सिंहासन अदिक आऊक, जो अदुर मा कुर्तकु आन, नोळदीन; आऊन मुंद टु पृथ्वी अदिक आकाश ओळेदव, अदिक आंदुर साटी जागा सिकिदील. 12 बाक ना स्याणेर धोड्डेर सब सोतकु मंळसागोळ इक सिंहासन इन मुंद नीदुरकु नोळदीन, अदिक किताबगोळ खोल्सकु आदव; अदिक बाक ऊंद मात्‍त किताब खोल्सकु आत, मतलब जीवन इन किताब; अदिक ह्यांग आ किताबगोळ दा लिख्सकु ईरोद, हांग अच आंदुर क्याल्सागोळ्द अनुसार सोतकु मंळसागोळ्द न्याय माळकु आत. 13 समुद्र आ सोतकु मंळसागोळ इक जो अदुर दा ईरव कोट बुळ्त, अदिक मृत्यु अदिक अधोलोक आ सोतकु मंळसागोळ इक जो अदुर दा ईरव कोट बुळ्त; अदिक आंदुर दा टु हर ऊंद मंळसा अक आंदुर क्याल्सागोळ अन्द अनुसार आंदुर न्याय माळकु आत. 14 मृत्यु अदिक अधोलोक बेक्‍की इन झील दा हाक्‍कु आदव. ईद बेक्‍की इन झील दुसरा मृत्यु हुन; 15 अदिक यारदारा हेसुर जीवन इन किताब दा लिख्सकु सिकतीदील, आव बेक्‍की इन झील दा हाक्‍कु आदुन.

12 "नोळ, ना राटनेरी बरावाळा आईन; अदिक हर ऊंद मंळसा अन्द क्याल्सा अन्द अनुसार मोहबदला कोळोर साटी प्रतिफल नान हात्‍ती आद.

12 "नोळ, ना राटनेरी बरावाळा आईन; अदिक हर ऊंद मंळसा अन्द क्याल्सा अन्द अनुसार मोहबदला कोळोर साटी प्रतिफल नान हात्‍ती आद. 13 ✝ना अल्फा अदिक ओमेगा, पयला अदिक आखरी, पयले टु अदिक अन्त हुईन.

सदा काल ताका ईरावाळा अन्द दर्शन

9 "ना दर्शन दा नोळदिन कि सिंहासन ईटकु आव, अदिक ऊंद प्राचीन युग-गंळ्स विराजमान आदुन. आऊन फळक्या बरफ इन घाई बिळीद ईरोद; अदिक ताल्ला अन्द चुट्टी शुद्ध चुट्टी इन घाई चमकदार ईरव. आऊन सिंहासन अग्निमय ईरोद; अदिक सिंहासन इन कालगोळ धधकुस्तेला ज्‍वालागोळ घाई.*

सदा काल ताका ईरावाळा अन्द दर्शन

9 "ना दर्शन दा नोळदिन कि सिंहासन ईटकु आव, अदिक ऊंद प्राचीन युग-गंळ्स विराजमान आदुन. आऊन फळक्या बरफ इन घाई बिळीद ईरोद; अदिक ताल्ला अन्द चुट्टी शुद्ध चुट्टी इन घाई चमकदार ईरव. आऊन सिंहासन अग्निमय ईरोद; अदिक सिंहासन इन कालगोळ धधकुस्तेला ज्‍वालागोळ घाई.* 10 आऊन मुंद टु अग्‍नि-ज्‍वाला होळोद, हजारों-हजार सेवक आऊन प्रशंसा माळोर; अदिक हजार-लाख लॉकुर आऊन मुंद कय-जोळ्सकु नीदुरकु ईरोर. न्‍याय माळोर साटी दरबार हतकु ईरोद; अदिक व्यवस्था अन ग्रंथ तेरूकु ईरव."*

2 भूमी इन ल्‍यालमा कबर दा मिंगकु आर, आंदुर दा टु हापाळ येद्दार: थ्वाळासा मुंदुर इक शाश्‍वत जीवन प्राप्‍त आदीत, थ्वाळासा अक अपमान अदिक स्‍थायी घृणा अन्द पात्र बनसोद बिद्दीत.* 3 जो ग्यानी लॉकुर आर, आंदुर आकाश इन ज्योति इन घाई चमकुस्यार, अदिक जो हापाळ मुंदरी धर्म इन हादी दी ओयतार आंदुर तारा अन घाई हमेशा चमकुस्तेला ईत्तार.

31 परमेश्वर ऊंद दिन निश्चित माळ्यान आ दिशी आव तान निवळुस्द ऊंद मंळसा अन द्वारा सच्चाई देल दुनिया अन न्याय माळ्यान अदिक ई मात इन प्रमाण आव आ मंळसा अक सोत्‍तुर दा टु जित्‍ता माळकु सप्पा मुंदुरी कोटान."

36 "अदिक ना नीम से अनतीन कि जो जो निकम्मा मातगोळी मंळसागोळ अंदार, न्याय इन दिशी आंदुर हर ऊंद आ मात इन लेखा कोट्टार. 37 यतिकी नी तान मातगोळ कारण निर्दोष, अदिक तान मातगोळ दा कारण दोषी ठहरूस्कु आद्या."

आखरी न्याय

31 ✝"याग मंळसा अन पार तान महिमा दा बंदान अदिक सप्पा स्वर्गदूत आऊन सांगुळ बंदार, रा आव तान महिमा अन्द सिंहासन मा विराजमान आदान. 32 अदिक सप्पा राज्य अन लॉकुर आऊन मुंद जमा माळकु आदार; अदिक ह्यांग चरवाह लांडग्यागोळी मरगोळ से अलग माळ बुळतान, हांग अच आव आंदरी आबुर दाबुर से अलग माळ्यान. 33 आव लांडग्यागोळी ऊम्मा कय मा अदिक मरगोळी डाक्या कय मा नीदरूस्यान.

आखरी न्याय

31 ✝"याग मंळसा अन पार तान महिमा दा बंदान अदिक सप्पा स्वर्गदूत आऊन सांगुळ बंदार, रा आव तान महिमा अन्द सिंहासन मा विराजमान आदान. 32 अदिक सप्पा राज्य अन लॉकुर आऊन मुंद जमा माळकु आदार; अदिक ह्यांग चरवाह लांडग्यागोळी मरगोळ से अलग माळ बुळतान, हांग अच आव आंदरी आबुर दाबुर से अलग माळ्यान. 33 आव लांडग्यागोळी ऊम्मा कय मा अदिक मरगोळी डाक्या कय मा नीदरूस्यान. 34 आग राजा तान ऊम्मा कय दी नीदरावाळेर से अंदान, ‘हे नांद आप्प उन धन्य लॉकुरा, बरी, आ राज्य अन्द अधिकारी आगेगी, जो दुनिया अन्द पयला टु उच नीम साटी तयार माळकु आग्याद. 35 यतिकी ना हस्तकु ईरीन, अदिक नीव नानी तिनली कोट्टीर; ना निरळ्कु ईरीन, अदिक नीव नानी नीर कुळ्सदीर; ना अनजान ईरीन, अदिक नीव नानी ताम मान्या ईटदीर; 36 ना ऊगळा ईरीन, अदिक नीव नानी कपळा हाक्सुसदीर; ना बिमार ईरीन, अदिक नीव नान देखभाल माळदीर, ना बंदीगृह दा ईरीन, अदिक नीव नान से भेंट ताकोमली बंदीर.’

37 "आग न्यायी लॉकुर आऊक उत्‍तर कोट्टार, ‘हे प्रभु, नाव याग नीनी हस्तकु नोळदेव अदिक तीन्सदेव? या निरळ्कु नोळदेव अदिक नीर कुळ्सदेव? 38 नाव याग नीनी अनजाना नोळदेव अदिक तान मान्या ईटदेव? या ऊगळा नोळदेव अदिक कपळा हाक्सुसदेव? 39 नाव याग नीनी बिमार या बंदीगृह दा नोळदेव अदिक नीन से भेंट माळली बंदेव?’ 40 आग राजा आंदरी उत्‍तर कोट्टान, ‘ना नीम से खरा अनतीन कि नीव जो नान स्यांळ्द से स्यांळ्द वार्टुर दा टु यावारा ऊंद मंळसा अन्द सांगुळ माळदीर, अद नांदा सांगुळ माळदीर.’"

41 "आग आव डाक्या कय दी नीदरावाळेर से अंदान, ‘हे शापित लॉकुरा, नान मुंद टु अद अनन्त बेक्‍की दा होटोगी, जो शैतान अदिक आऊन दूतगोळ साटी तयार माळकु आग्याद. 42 यतिकी ना हस्तकु ईरीन, अदिक नीव नानी तिनली कोटीदील; ना निरळ्कु ईरीन, अदिक नीव नानी नीर कुळसिदील; 43 ना अनजाना ईरीन, अदिक नीव नानी तान मान्या ईटीदील; ना ऊगळा ईरीन, अदिक नीव नानी कपळा हाक्सुसीदिल; ना बिमार अदिक बंदीगृह दा ईरीन, अदिक नीव नान देखभाल माळीदील.’

44 "आग आंदुर उत्‍तर कोट्टार, ‘हे प्रभु, नाव नीनी याग उपासा, या निरळ्कु, या परदेशी, या ऊगळा, या बिमार, या बंदीगृह दा नोळदेव, अदिक नींद स्यावा टहल माळीदिल?’ 45 आग आव आंदरी उत्‍तर कोट्टान, ‘ना नीम से खरा अनतीन कि नीव जो ई स्यांळ्द टु स्याणेर दा टु यावारा ऊंद मंळसा अन सांगुळ माळीदिल, अद नांद सांगुळ भी माळीदिल.’ 46 अदिक इंदुर अनन्त दण्ड भोगसोर साटी कळुकु आदार लेकीन न्यायी लॉकुर अनन्त जीवन दा प्रवेश माळ्यार."

14 परमेश्वर मंळसा अन्द हर ऊंद कर्म अक, आऊन सप्पा होचकु मातगोळ इक, चाहे अव भला आगुल या बुरा, न्याय इन समय प्रस्तुत माळ्यान.

17 ना तान दिल दा अंदीन, "परमेश्वर हर ऊंद मात अदिक हर ऊंद क्याल्सा अन्द समय निश्चित माळकु ईट्यान; अत: आव धार्मिक मंळसा अदिक दुष्ट येढ्ढु मुंदुर्द न्याय माळ्यान."

30 "प्रभु यहोवा अन ईद वाणी आद, हे इस्त्राएल इन घराना, ना नीम दा हर ऊंद मंळसा अन न्याय आऊन चाल चलन इन अनुसार अच माळाईन. पश्चाताप माळी अदिक तान सप्पा अपराधगोळी बिळी, आग अच नीम्द अधर्म नीम्द ठोकर तीना कारण ईरतीदील. 31 तान सप्पा अपराधगोळी जो नीव माळीर, दुर माळी; तान मन अदिक तान आत्मा बदलुसकोमी! हे इस्त्राएल इन घराना, नीव यती सोत्तीर?" 32 यतिकी प्रभु यहोवा अन ईद वाणी आद, जो सोत्तुर, आऊन सोत्तुर देल ना खुश आगालीन, ईदुरसाटी पश्चाताप माळी, आग अच नीव जीत्ता ईत्तीर.

16 "यतिकी परमेश्वर दुनिया से हिंग प्यार ईटदुन कि आव तान ऊंद ठैसा पार कोट बुट्टुन, ताकी जो यावारा आऊन मा विश्वास माळ्यान आऊन नाश आगबाळुल, लेकीन आऊक अनन्त जीवन सिकुल.

16 "यतिकी परमेश्वर दुनिया से हिंग प्यार ईटदुन कि आव तान ऊंद ठैसा पार कोट बुट्टुन, ताकी जो यावारा आऊन मा विश्वास माळ्यान आऊन नाश आगबाळुल, लेकीन आऊक अनन्त जीवन सिकुल. 17 परमेश्वर तान पार उक दुनिया दा इदुरसाटी कळीदिल कि दुनिया मा दण्ड इन आग्या कोळुल, लेकीन इदुरसाटी कळ्यान कि दुनिया अक आऊन द्वारा उद्धार सिकुल.

18 "जो आऊन मा विश्वास माळतान, आऊन मा दण्ड इन आग्या आगाल, लेकीन जो आऊन मा विश्वास माळालुन, आव दोषी ठहरूसतान; इदुरसाटी कि आव परमेश्वर उन ऊंद ठैसा पार उन हेसुर मा विश्वास माळीदिल. 19 अदिक दण्ड इन आग्या अन्द कारण ईद आद कि ज्योति दुनिया दा बंदाद, अदिक मंळसागोळ अंधार इक ज्योति से यक्कुल प्रिय सम्सदुर यतिकी आंदुर क्याल्सा बुरा ईरव.

7 तरी ना नीम से खरा माताळतीन कि नांद होगोद नीम साटी वळ्लीद आद, यतिकी अगर ना होगतीदील रा आव सहायक नीम हात्‍ती बरतीदील; लेकीन अगर ना होगाईन, रा आऊक नीम हात्‍ती कळाईन. 8 आव बंदकु दुनिया अक पाप अदिक न्यायीपन अदिक न्याय इन बारा दा समझुस्यान. 9 पाप इन बारा दा इदुरसाटी कि आंदुर नान मा विश्वास माळालुर; 10 अदिक न्यायीपन अन बारा दा इदुरसाटी कि ना आप्प उन हात्‍ती होगतीन, अदिक नीव नानी बाक नोळतीदिल; 11 न्याय इन बारा दा इदुरसाटी कि दुनिया अन सरदार दोषी ठहरूस्कु आग्यान.

16 जो प्यार परमेश्वर नाम से ईटतान, अदरी नाव जान्स कोंडेव अदिक नामी आऊन विश्वास आद. परमेश्वर प्यार हुन, अदिक जो प्यार दा बन्सकु ईरतान आव परमेश्वर दा बन्सकु ईरतान, अदिक परमेश्वर आऊन दा बन्सकु ईरतान. 17 इदुर देल अच प्यार नाम दा सिद्ध आग्याद कि नामी न्याय इन दिशी हिम्मत ईरूल; यतिकी ह्यांग मसीह आन हांग अच दुनिया दा नाव भी आयेव. 18 प्यार दा अंज्क ईराल, उलटा सिद्ध प्यार अंज्क इक दुर माळ बुळतद; यतिकी अंज्क इन संबंध दण्ड देल ईरतद, अदिक जो अंज्क ईटतान आव प्यार दा सिद्ध आगीदील.

10 ✝यतिकी जरूरी आद कि नाव सप्पा मुंदुर्द हाल मसीह अन्द न्याय आसन इन मुंद तेर्दोगुल, कि हर ऊंद मंळसा तान तान वळ्लीद बुरा क्याल्सागोळ्द बदला जो आव मय इन द्वारा माळ्यान सिकुल.

16 आ दिशी परमेश्वर नान प्रचार माळ्द खुशखबरी इन अनुसार परमेश्वर यीशु मसीह अन द्वारा मंळसागोळ गुप्त विचारगोळ्द न्याय माळ्यान.

27 अदिक ह्यांग मंळसागोळ साटी ऊंद घन सायोद अदिक अदुर बाद्दा परमेश्वर उन द्वारा न्याय इन आगोद तय आद, 28 हांग अच मसीह भी हापाळ मंळसागोळ्द पापगोळी नेगोर साटी ऊंद घन बलिदान आदुन; अदिक जो लॉकुर आऊन हादी कायतार आंदुर उद्धार इन साटी ईग आव दुसरा घन प्रगट आदान रा पापगोळी दुर माळोर साटी ईला बल्‍की जो आऊन हादी कायेतार आंदरी उद्धार कोळोर साटी.

37 "यतिकी ह्यांग शास्त्र अनतद, हापाळ जल्दी जो बरावाळा आन आव बंदान आव बिलकुल समय हचतिदील. 38 नान सच्चाई देल नळावाळेर लॉकुर विश्वास देल जित्‍ता ईत्‍तार; अदिक अगर आंदुर दा टु यावारा हिंद हटस्यान रा ना आऊन से खुश ईरतीदील."

39 लेकीन नाव आंदुर दा टु हैलेच जो हिंद हट्सतार अदिक नाश आगेगतार उलटा आंदुर दा टु आयेव जो विश्वास माळतार अदिक ऊळ्सकु आगतार.

6 इदुरसाटी नाव दुसरा अन घाई मिंगकु ईरतीदील, लेकीन जागस्तेला अदिक सावधान ईत्‍तेव. 7 यतिकी जो मींगतार आंदुर ईळ्लकी इच मींगतार, अदिक जो मतवाला ईरतार आंदुर ईळ्लकी इच मतवाला ईरतार. 8 ✝लेकीन नाव जो हागुल इनोर हुयेव, विश्वास अदिक प्यार इन कवच हाक्‍कु अदिक उद्धार इन आशा अन टोप हाक्‍कु सावधान ईत्तेव. 9 यतिकी परमेश्वर नामी सिट्ट इन साटी ईला, लेकीन इदुरसाटी ठहरूस्यान कि नाव तान प्रभु यीशु मसीह अन द्वारा उद्धार प्राप्त माळेव.