O juízo final

နော့-က်ဆောင်း တရားစီရင်ဟှူကြောန်း

11 အယ်ဘီးန ဖ္လူဟှူပလ္လင်ဂီးန အယ်ပလ္လင်ထတ်မာ ထိုင်နေဟှူ သခင်ဟှို ငါဟှာ ဗြင်ရဟှယ်။ ကောန်းဂန်န မ္လေဂီးဟှာ အယ်သခင်ရဲ့ရှေ့မာ ပျော့-က်ဟှားဘီးဟှာ နေဟှို့နေရာ မှေ့ဟှမ်း။ 12 ရင်ဟှသေဟှားဂေ့ဟှူ ကီးငယ်လေဟှာ ပလ္လင်ရှေ့မာ ရပ်နေရှင်းဟှို ငါဗြင်ရဟှယ်။ စာစောန်လေဟှို ဖွမ့်ဟှားဘီး သတ်စာစောန်န တခြားစာစောန်ဟှိုလည်း ဖွမ့်ဟှားဟှယ်။ ရင်ဟှသေဟှားဟှူ သူလေဟှာ အယ်စာစောန်လေမာ ရေးဟှားတိုင်း သူးနို့လေရဲ့ လောက်ဟှူမှုလေတိုင်းဘဲ တရားစီရင်ရှင်းဟှို ခံရဂေ့ဟှယ်။ 13 ပန်လယ်ဟှာ သူမာရှိဟှူ လူသေလေဟှို ပေးလေဟှယ်။ သေရှင်းန မရဏာနိုင်ငံလေဟှလည်း သူ့မာရှိဟှူ လူသေလေဟှို ပေးလေဟှယ်။ အယ်ခီမာ လူလေ ဂူလောင်းဟှာ သူးနို့ လောက်ဟှားဟှူတိုင်း တရားစီရင်ရှင်းဟှို ခံရဂေ့ဟှယ်။ 14 အယ်ဘီးန သေရှင်းန မရဏာနိုင်ငံဟှလည်း မီးအိုင်ထဲဟှို ပစ်ခ္လရှင်းဟှို ခံရဂေ့လေ့မယ်။ (အယ်မီးအိုင်ဟှာ ဒုတိယ သေရှင်း ဖြစ်ဟှယ်။) 15 သတ်စာစောန်မာ စာရင်းဝမ်ဘဲဟှူသူ ရှိမျှဟှိုလည်း မီးအိုင်ထဲဟှို ပစ်ခ္လရှင်းဟှို ခံရဂေ့ဟှယ်။

12 ယေရှုဟှ "နားထောန်ပါ။ ငါဟှာ ဗြန်းဗြန်ဟှားလာမယ်။ ငါပေးဟှို့ ကျိုးပြစ်လေဟှို ယူလာဘီး လူလေ ဂူလောင်းဟှို သူးနို့လောက်ဟှူ ဇာလေတိုင်း ငါပေးမယ်။

12 ယေရှုဟှ "နားထောန်ပါ။ ငါဟှာ ဗြန်းဗြန်ဟှားလာမယ်။ ငါပေးဟှို့ ကျိုးပြစ်လေဟှို ယူလာဘီး လူလေ ဂူလောင်းဟှို သူးနို့လောက်ဟှူ ဇာလေတိုင်း ငါပေးမယ်။ 13 ✝ငါဟှာ အာလဖန ဩမေဃလည်း ဖြစ်ဟှယ်။ ဦးဆောင်းန နော့-က်ဆောင်းဖြစ်ဘီး စနဆောင်းလည်း ဖြစ်ဟှယ်။

31 ဖြားဖြစ်ကြောန့်နူးဆိုဟှာ ကိုယ်တော် ဝီးကော့-က်ဟှားဟှူ လူအားဖြင့် လောကသားလေဟှို ဖြောန့်မတ်ရှင်းတရားန စီရင်မယ့် နေ့ရစ်ဟှို သတ်မှတ်ဟှားကြောန့် ဖြစ်ဟှယ်။ အယ်မျိုးဖြစ်မယ် ဆိုဇာဟှို အယ်သခင်ဟှာ သေရာဟှနေ ထမြော့-က်ရှင်းအားဖြင့် လူလေဂူလောင်းဟှို အယ်သတ်သေဟှို ပြဟှားဟှယ်" ဆိုဘီး ပြောဟှယ်။

36 "နန်းနို့လေဟှို ငါပြောမယ်၊ တရားစီရင်ဟှူနေ့မာ လူတိုင်း ကျိုးမှေ့ဘဲဟှူ စကားလေတွပ် စစ်ကြောစီရင်ခံရလေ့မယ်။ 37 နန်းနို့ရဲ့ စကားအားဖြင့် ပြစ်လွတ်ခံရဘီး နန်းနို့ရဲ့ စကားအားဖြင့်ဘဲ့ ပြစ်စီရင်ဇာဟှို ခံရလေ့မယ်" ဆိုဘီး မိန့်တော်မူလေဟှယ်။

နော့-က်ဆောင်း တရားစီရင်ဟှူကြောန်း

31 ✝"လူ့ရဲ့သားဟှာ ကောန်းဂန်တမန်လေနတူးဒူ မန်းဂီးဖြစ်န ကြွလာခီမာ သူဟှာ ဖောင်းသရေတော်ရှိဟှူ ပလ္လင်တော်ထတ်မာ ထိုင်တော်မူဘီး 32 လူမျိုးလေ ဂူလောင်းဟှို ရှေ့တော်မာ စုဝီးစေလေ့မယ်။ အယ်ဘီးမှ သိုးထီးမားဟှ သိုးနဘဲ့ဟှို ခွဲဟှားမျိုးဘဲ့ လူ့ရဲ့သားဟှလည်း လူလေဟှို နှေ့စုခွဲလေ့မယ်။ 33 သိုးလေဟှို ညာဖတ်မာ ထားဘီး ဘဲ့လေဟှို ဘယ်ဖတ်မာ ထားလေ့မယ်။

နော့-က်ဆောင်း တရားစီရင်ဟှူကြောန်း

31 ✝"လူ့ရဲ့သားဟှာ ကောန်းဂန်တမန်လေနတူးဒူ မန်းဂီးဖြစ်န ကြွလာခီမာ သူဟှာ ဖောင်းသရေတော်ရှိဟှူ ပလ္လင်တော်ထတ်မာ ထိုင်တော်မူဘီး 32 လူမျိုးလေ ဂူလောင်းဟှို ရှေ့တော်မာ စုဝီးစေလေ့မယ်။ အယ်ဘီးမှ သိုးထီးမားဟှ သိုးနဘဲ့ဟှို ခွဲဟှားမျိုးဘဲ့ လူ့ရဲ့သားဟှလည်း လူလေဟှို နှေ့စုခွဲလေ့မယ်။ 33 သိုးလေဟှို ညာဖတ်မာ ထားဘီး ဘဲ့လေဟှို ဘယ်ဖတ်မာ ထားလေ့မယ်။ 34 အယ်ဘီးန မန်းဂီးဟှ ညာဖတ်ဟှ လူလေဟှို ‘ငါ့ဖအားဖြင့် ကောန်းဂျီးခံရဟှူ သူလေ! ကမ္ဘာတည်ဂဒဲဟှ နန်းနို့လေတွပ် ပြင်ဆင်ဟှားဟှူ နိုင်ငံတော်ဟှို လာဘီး မွီယူဂေ့ပါ။ 35 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေဟှာ ငါ့ဟှို စားဇာပေးဂေ့လေဟှယ်။ ငါရေငတ်ဟှူ ခီမာ နန်းနို့လေဟှာ သော့-က်ဇာပေးလေဟှယ်။ ငါဟှာ ဧည့်သယ်ဖြစ်ဟှူ ခီမာ နန်းနို့လေဟှာ ငါ့ဟှို နန်းနို့ရဲ့ အီလေမာ လတ်ခံဂေ့ဘီး၊ 36 ငါဟှာ ခ္လေးပ္လန်းဗ္လန်းဖြစ်နေဟှူ ခီမာ နန်းနို့လေဟှာ ဝတ်ဇာဟှို ပေးလေဟှယ်။ ငါဟှာ ဖျားနေဟှူ ခီမာ နန်းနို့လေဟှာ ပြုစုဂေ့ဟှယ်။ ငါဟှာ ထောန်က္လနေဟှူ ခီမာ နန်းနို့လေဟှာ ငါ့နားဟှို လာဂေ့ဟှယ်’ ဆိုဘီး မိန့်တော်မူလေ့မယ်။ 37 ဖြောန့်မတ်ဟှူသူလေဟှ ‘သခင်၊ ကျွန်တော်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာနေဇာဟှို ဗြင်ဘီး ကျွေးမွေးပါဟှယ်နူး၊ ရေငတ်နေဇာဟှို ဗြင်ဘီး သော့-က်ဟှူဇာဟှို ပေးဟှားပါဟှယ်နူး၊ 38 ကိုယ်တော်ဟှာ ဧည့်သယ်ဖြစ်တော်မူဟှယ် ဆိုဇာဟှို ကျွန်တော်ဟှားလေဗြင်ဘီး ကျွန်တော်ဟှားလေရဲ့ အီမာ ဖယ်ခီဒူးဟှ လတ်ခံဟှားဟှယ်နူး။ ကိုယ်တော်ဟှာ ခ္လေးပ္လန်းဗ္လန်းန နေတော်မူဟှယ် ဆိုဇာဟှို ကျွန်တော်ဟှားလေဗြင်ဘီး ဖယ်ခီဒူးဟှ ဝတ်ဟှူဇာလေ ပေးဟှားဟှယ်နူး၊ 39 ကိုယ်တော် ဖျားနာတော်မူဇာလေ၊ ထောန်က္လနေဇာလေဟှို ကျွန်တော်ဟှားလေဗြင်ဘီး ဖယ်ခီဒူးဟှ ကိုယ်တော်နားဟှို ရော့-က်လာပါဟှယ်နူး’ ဆိုဘီး ပ္လန်လျှော့-က်ဂေ့လေ့မယ်။ 40 မန်းဂီးဟှ ‘ငါ မှန်ပြောမယ်၊ အယ်မူ ငါ့ညီကို မောန်နှမလေထဲဟှ ငယ်ဆောင်းသူ တယော့-က်ဟှို နန်းနို့ပြုစုဇာလေဟှာ ငါ့ဟှို ပြုစုဟှူဇာဘဲ့!’ ဆိုဘီး ပ္လန်မိန့်တော်မူလေ့မယ်။"

41 "အယ်ဘီးမှ ဘယ်ဖတ်ဟှ သူလေဟှို မန်းဂီးဟှ ‘ကီဆဲခံရဟှူသူလေ၊ ငါ့နားဟှ ထွပ်ဟှားဂေ့! မာရ်နတ်န သူ့ရဲ့ တမန်လေတွပ် ပြင်ဆင်ဟှားဟှူ ထာဝရ ငရဲမီးအိုင်ထဲဟှို သွားဂေ့! 42 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေ ငါ့ဟှို ကျွေးဂေ့ဟှ။ ငါဟှာ ရေငတ်ဟှူ ခီမာ နန်းနို့လေ ငါ့ဟှို သော့-က်ဟှူ ဇာပေးဂေ့ဟှ။ 43 ငါဟှာ ဧည့်သယ်ဖြစ်နေဟှူ ခီမာ နန်းနို့လေရဲ့ အီလေမာ ငါ့ဟှို လတ်ခံဂေ့ဟှ။ ငါဟှာ ခ္လေးပ္လန်းဗ္လန်းဖြစ်နေဟှူ ခီမာ နန်းနို့လေဟှာ ငါ့ဟှို ဝတ်စားပေးဂေ့ဟှ။ ငါဟှာ ဖျားနာနေဘီး ထောန်က္လနေဘေမဲ့လည်း နန်းနို့လေဟှာ ငါ့နားဟှို လာဂေ့ဟှ’ ဆိုဘီး မိန့်တော်မူလေ့မယ်။ 44 အယ်သူလေဟှ ‘သခင်၊ ကျွန်တော့်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာတော်မူဇာလေ၊ ရေငတ်တော်မူဇာလေ၊ ဧည့်သယ်ဖြစ်တော်မူဇာလေ၊ ခ္လေးပ္လန်းဗ္လန်းနေတော်မူဇာလေ၊ ဖျားနာတော်မူဇာလေ၊ ထောန်က္လနေဇာလေဟှို ဗြင်ဘီး လောက်ကျွေးပြုစုဘဲန နေပါဟှယ်နူး’ ဆိုဘီး ပ္လန်လျှော့-က်ဂေ့လေ့မယ်။ 45 မန်းဂီးဟှ ‘ငါ မှန်ပြောမယ်။ နန်းနို့လေဟှာ အယ်သူလေထဲမာ အငယ်ဆောင်းသူ တယော့-က်ဟှို ပြုစုဘဲနနေဇာဟှာ ငါ့ဟှို ပြုစုဘဲနနေဇာ ဖြစ်ဟှယ်’ ဆိုဘီး မိန့်တော်မူလေ့မယ်။ 46 အယ်ကြောန့် သူးနို့လေဟှာ ထာဝရ ပြစ်ဒန်ခံရာဟှို သွားဂေ့လေ့မယ်။ အယ်ဘေမဲ့ ဖြောန့်မတ်ဟှူ သူလေဟှာ ထာဝရ သတ်ရှင်ရာဟှို သွားဂေ့လေ့မယ်" ဆိုဘီး မိန့်တော်မူလေဟှယ်။

16 ဘုရားသခင်ဟှာ လောကသားလေဟှို ရရာတိုင်း ရှစ်ဟှူကြောန့် သူ့ရဲ့ တပါးဒဲရှိဟှူ သားတော်ဟှို ပေးလေဟှယ်။ အယ်ကြောန့် သားတော်ဟှို ယောင်ကြည်ဟှူ လူတိုင်းဟှာ ပျစ်စီးဘဲ့န ထာဝရသတ်ဟှို ရမယ်။

16 ဘုရားသခင်ဟှာ လောကသားလေဟှို ရရာတိုင်း ရှစ်ဟှူကြောန့် သူ့ရဲ့ တပါးဒဲရှိဟှူ သားတော်ဟှို ပေးလေဟှယ်။ အယ်ကြောန့် သားတော်ဟှို ယောင်ကြည်ဟှူ လူတိုင်းဟှာ ပျစ်စီးဘဲ့န ထာဝရသတ်ဟှို ရမယ်။ 17 ဘုရားသခင်ဟှ သူ့ရဲ့သားတော်ဟှို အယ်လောကသားလေဟှို တရားစီရင်ဟှို့တွပ် စေလွှတ်လိုက်ဇာ မှုဟှ။ အယ်လောကဟှို ကယ်တန်ဟှို့တွပ် စေလွှတ်လိုက်ဟှယ်။

18 သားတော်ဟှို ယောင်ကြည်ဟှူ လူလေဟှာ စီရင်ခံရဟှ။ အယ်ဘေမဲ့ ယောင်ကြည်ဘဲဟှူ လူလေဟှာ ဘုရားသခင်ရဲ့ တပါးဒဲရှိဟှူ သားတော်ရဲ့ နာမဟှို ယောင်ကြည်ဘဲကြောန့် စီရင်ခံရဟှယ်။ 19 စီရင်ရှင်းရဲ့ ဘောတရားဟှ အယ်မျိုးဖြစ်ဟှယ်။ လန်းရောန်ဟှာ လောကထဲဟှို ရော့-က်လာဟှယ်။ အယ်ဘေမဲ့ လူလေဟှာ သူးနို့ရဲ့ ကျင့်လေ ဆိုးညစ်ဟှူကြောန့် လန်းရောန်ထတ် မှောန်မိုက်ဟှို ရှစ်ဂေ့ဟှယ်။

7 နန်းနို့ဟှို ငါ မှန်တိုင်းပြောမယ်၊ ငါသွားလိုက်ဇာဟှာ နန်းနို့တွပ် ပိုဘီး ကောန်းဟှယ်။ ဖြားဖြစ်ကြောန့်နူးဆိုဟှာ ငါသွားဟှ ဆိုဟှာ ကူညီမဇသူဟှာ နန်းနို့နားဟှို ရော့-က်လာဟှို့ မှုဟှ။ အယ်ဘေမဲ့ ငါသွားလိုက်မယ် ဆိုဟှာ အယ်သူဟှို နန်းနို့နားဟှို ငါစေလွှတ်မယ်။ 8 ကူညီမဇသူ ရော့-က်လာဟှူ ခီမာ လောကသားလေဟှို ပြစ်ကြောန်းဟှိုရော၊ ဖြောန့်မတ်ကြောန်းဟှိုရော၊ တရားစီရင်ကြောန်းလေဟှိုရော ဖော်ပြပေးလေ့မယ်။ 9 သူးနို့ဟှာ ငါ့ဟှို ယောင်ကြည်ဂေ့ဘဲဟှူကြောန့် သူးနို့ရဲ့ ပြစ်ဟှို ဖော်ပြမယ်။ 10 ငါဟှာ ဖနားဟှို သွားရမယ်ဖြစ်ကြောန့် နန်းနို့ဟှာ ငါ့ဟှို ဗြင်ရဟှို့မှုဘီ။ အယ်ကြောန့် နန်းနို့ဟှို ဖြောန့်မတ်ကြောန်းဟှို ဖော်ပြမယ်။ 11 အယ်လောကဟှို အောက်ချောက်မားဟှာ တရားစီရင်ဇာဟှို ခံရဘီဖြစ်ဟှူုကြောန့် သူးနို့ဟှို တရားစီရင်တော်မူကြောန်းဟှို ဖော်ပြမယ်။"

16 နို့လေမာ ဘုရားသခင်ထားဟှားဟှူ ရှစ်ရှင်းမြစ်တာဟှိုသိဘီး ယောင်ကြည်ဂေ့ဟှယ်။ ဘုရားသခင်ဟှာ ရှစ်ရှင်းမြစ်တာဖြစ်တော်မူဟှယ်။ ရှစ်ရှင်းမြစ်တာနှိုက် ရှိဟှူလူဟှာ ဘုရားသခင်နှိုက်ရှိဟှယ်။ ဘုရားသခင်ဟှာလည်း အယ်လူနှိုက်ရှိတော်မူဟှယ်။

17 နို့လေမာ ကိုယ်တော်ရဲ့ မြစ်တာဟှာ ပ္လဲ့ဝစောင်လင်ဟှူကြောန့် တရားစီရင်ဟှူနေ့မာ နို့လေဟှာ ရဲရင့်တည်ကြည်ဇာဟှို ရဂေ့လေ့မယ်။ ဖြားဖြစ်ကြောန့်နူးဆိုဟှာ လောကမာ နို့လေဟှာ ခရစ်တော်မျိုးဘဲ့ သတ်ရှင်ဂေ့ကြောန့်ဖြစ်ဟှယ်။ 18 ရှစ်ရှင်းမြစ်တာမာ ကြော့-က်စိ မှေ့ဟှ။ ပ္လဲ့ဝစောင်လင်ဟှူ မြစ်တာဟှာ ကြော့-က်စိဟှို ဖယ်ရှားပေးဟှယ်။ ကြော့-က်စိဟှာ ပြစ်ဒန်ခံရဇာဟှို စောန့်မျှော်တတ်ဟှူကြောန့် ကြော့-က်စိရှိဟှူသူမာ မြစ်တာနပ္လဲ့ဇောင်ဇာ မှေ့ဟှ။

10 ✝ဖြားဖြစ်ကြောန့်နူးဆိုဟှာ နို့လေဂူလောင်းဟှာ တရားစီရင်ခံရဟှို့တွပ် ခရစ်တော်ရဲ့ တရားပလ္လင်ရှေ့ဟှို ရော့-က်ရဂေ့လေ့မယ်။ ကိုယ်ခန္ဓာနေဟှူအီမာ ရှိနေဒူးဟှ ကောန်းမကောန်း ကျင့်လေတွပ် ကျိုးပြစ်ဟှို နို့လေဟှ သီးသီး ခံရဂေ့လေ့မယ်။

16 အယ်မူမှုရာလေဟှာ ငါဟောပြောဟှူ ဒန်းကောန်းတိုင်း လူလေရဲ့ လျှို့ဝှက်ဟှူ ကျင့်လေဟှို ယေရှုခရစ်တော်အားဖြင့် ဘုရားသခင် စစ်ကြောစီရင်ဟှူနေ့မာ ဖြစ်လေ့မယ်။

27 လူဟှာ တခါဘဲ့ သေရဘီး အယ်ဘီးန တရားစီရင်ဇာဟှို ခံရဟှူမျိုး၊ 28 ခရစ်တော်ဟှာ လူလေပြစ်ဟှို ဖြေလွှတ်ဟှို့တွပ် ကိုယ်ဟှို တခါဒဲပူဇော်ဘီးမှ နော့-က်တခါ အယ်သခင်ဟှို မျှော်လင့်ဘီး နေဟှူသူလေဟှို ကယ်တန်ဟှို့တွပ် ပြစ်နဆိုင်ဘဲန ပေါ်ထွပ်တော်မူလေ့မယ်။

37 ဖြားဖြစ်ကြောန့်နူးဆိုဟှာ၊

"ကြွလာမယ့် သူဟှာ

ခီဆိုင်းဘဲ

ကြာခန်မာ ရော့-က်လာလေ့မယ်။

38 ဖြောန့်မတ်ဟှူ သူဟှာ ယောင်ကြည်ရှင်းအားဖြင့် သတ်ရှင်လေ့မယ်။

အယ်ဘေမဲ့ ရွေ့လျော့ဖော့-က်ပ္လန်ဟှာ ငါ့စိဝိညာဉ်ဟှာ

အယ်သူဟှို နှစ်သက်မှု မှေ့ဟှ" ဆိုဘီး ဘုရားသခင် မိန့်တော်ရှိဟှယ်။

39 နို့လေဟှာ ပျစ်စီးရှင်းဟှို ရော့-က်ဟှို့တွပ် ရွေ့လျှော့ ဖော့-က်ပ္လန်ဟှူ သူလေ မှုဟှ။ စိဝိညာဉ်ဟှာ ကယ်တန်ရှင်းဟှို ရော့-က်ဟှို့တွပ် ယောင်ကြည်ဟှူ သူလေ ဖြစ်ဂေ့ဟှယ်။

6 အယ်ကြောန့် တခြားသူလေ အိမွိနေဂေ့ဟှူမျိုး နို့လေအိမွိဘဲ နိုးနိုးကြားကြားန သမ္မာဒိရှိရှိ စောန့်နေဂေ့ဇို့။ 7 ဖြားဖြစ်ကြောန့်နူးဆိုဟှာ အိမွိဟှူ သူလေဟှာ ညဉ့်ဖတ်မာဘဲ့ အိမွိတတ်ဂေ့ဟှယ်။ ယစ်မော သော့-က်စားသူလေလည်း ညဉ့်ဖတ်မာဘဲ့ ယစ်မောတတ်ဂေ့ဟှယ်။ 8 ✝အယ်ကြောန့် နို့လေဟှာ နေ့ရဲ့ သားလေဖြစ်ဟှူကြောန့် ယောင်ကြည်မှုန ရှစ်ရှင်းမြစ်တာဖြစ်ဟှူ ရင်ဖတ်ကာဟှို ဝတ်ဆင်ဘီးဟှာ ကယ်တန်ရှင်းဟှို ရော့-က်ဟှို့တွပ် မျှော်လင့်ရှင်းဖြစ်ဟှူ သံခမှော့-က်လောင်းဟှို ဝတ်ဆင်ဘီး သမ္မာဒိရှိရှိန နေဂေ့ဇို့။ 9 ဖြားဖြစ်ကြောန့်နူးဆိုဟှာ မျစ်တော်ဟှို ခံရဟှို့တွပ် ဘုရားသခင်ဟှာ နို့လေဟှို ဝီးကော့-က်ဟှားဇာ မှုဟှ။ နို့လေဟှာ သခင်ယေရှု ခရစ်တော်အားဖြင့် ကယ်တန်ရှင်းဟှို ပိုင်ရဟှို့တွပ် ဝီးကော့-က်ခံရဇာဖြစ်ဟှယ်။