O juízo final

Lasdei blong wol

11 ✝Nao mi luk wan bigfala jea i stap, we i olsem jea blong king be i waet, mo i gat wan Man* long 4.2. i stap sidaon long hem.

Wol mo heven, tufala i ronwe long fes blong Man ya, we tufala i go lus olgeta. 12 Nao mi luk olgeta dedman, olgeta we bifo oli haeman wetem olgeta we oli no gat nem, oli kam stanap long fes blong Man ya we i stap sidaon long bigfala jea blong hem. Nao ol enjel oli openem ol buk, mo oli openem wan narafala buk we i gat nem blong ol man we oli gat laef i stap long hem. Nao Man ya i jajem ol dedman from ol fasin we oli mekem bifo, we hem i bin raetemdaon long ol buk ya. 13 Olgeta man we oli ded long solwota, oli aot long solwota oli kam. Mo olgeta narafala dedman tu oli kam. Ded wetem Hom* blong ol Dedman tufala i no moa save holem olgeta, olgeta evriwan oli aot long tufala, oli kam. Nao Man ya i jajem olgeta from ol fasin we oli mekem bifo. 14 Nao Ded wetem Hom blong ol Dedman, enjel i sakem tufala i go long bigfala hol blong faea. Bigfala hol blong faea ya, hemia seken ded ya. 15 Mo olgeta man we nem blong olgeta i no stap long buk ya we nem blong ol man we oli gat laef i stap long hem, enjel ya i sakem olgeta ya tu oli go long bigfala hol ya blong faea.

12 ✝Bakegen, Jisas i talem se, "Yu lesin. Bambae mi mi kamtru i no longtaem. Mo bambae mi karem pei blong ol man, blong givim long olgeta wanwan, stret long mak blong fasin we oli mekem.

12 ✝Bakegen, Jisas i talem se, "Yu lesin. Bambae mi mi kamtru i no longtaem. Mo bambae mi karem pei blong ol man, blong givim long olgeta wanwan, stret long mak blong fasin we oli mekem. 13 ✝Mi mi Faswan, we mi stap bifo olgeta, mo bambae mi mi Laswan, biaen olgeta. Yes, mi mi faswan, mo bambae mi mi laswan. Mi mi statem olgeta samting, mo bambae mi mi finisim olgeta samting."

Daniel i luk wan Olfala we i stap fastaem bifo olgeta, mo bambae i stap gogo i no save finis

9 ✝"Nao taem mi stap lukluk, mi luk sam man oli karem ol spesel jea blong king i kam, nao oli putumrere olgeta i stap wanples. Mo mi luk wan Olfala we i stap fastaem bifo olgeta, mo bambae i stap gogo i no save finis, hem i kam sidaon long wan long ol jea ya. Olfala ya, ol klos blong hem i waet we i waet, mo hea blong hem i waet gud, olsem koten we i klin gud. Bigfala jea ya blong hem i gat faea i stap laet olbaot long hem, mo i gat ol wil blong hem we oli stap laet olsem faea.

Daniel i luk wan Olfala we i stap fastaem bifo olgeta, mo bambae i stap gogo i no save finis

9 ✝"Nao taem mi stap lukluk, mi luk sam man oli karem ol spesel jea blong king i kam, nao oli putumrere olgeta i stap wanples. Mo mi luk wan Olfala we i stap fastaem bifo olgeta, mo bambae i stap gogo i no save finis, hem i kam sidaon long wan long ol jea ya. Olfala ya, ol klos blong hem i waet we i waet, mo hea blong hem i waet gud, olsem koten we i klin gud. Bigfala jea ya blong hem i gat faea i stap laet olbaot long hem, mo i gat ol wil blong hem we oli stap laet olsem faea. 10 ✝Mo faea we i stap kamaot long jea ya, i stap ron olsem reva. Mo i gat plante taosen man we oli man blong wok blong hem, oli stap long ples ya, mo i gat plante narafala man we oli plante we plante tumas, man i no save kaontem olgeta, oli stap stanap long fes blong hem. Nao Olfala ya i sidaon blong jajem ol man, mo ol man blong hem oli openem ol buk.

2 ✝Mo plante long olgeta we oli ded finis bambae oli laef bakegen. Sam long olgeta bambae oli stap harem gud long laef ya we i no save finis, be sam long olgeta bambae oli sem, mo oli stap harem nogud gogo i no save finis. 3 Mo olgeta we oli waes gud bambae oli saen we i saen olsem san. Mo olgeta we oli bin tijim ol man blong mekem ol stret fasin, bambae oli saen olsem ol sta gogo i no save finis.’

31 Hem i talem olsem, from we hem i putum dei finis we bambae hem i save jajem olgeta man long wol, mo bambae hem i mekem long fasin we i stret nomo. God i jusumaot finis man ya we bambae hem i yusum blong jajem olgeta man. Mo hem i soemaot finis long olgeta man we hem bambae i mekem olsem, from we hem i mekem man ya i laef bakegen finis."

36 "Mi mi talem long yufala. Long Lasdei ya we God bambae i jajem olgeta man long hem, ol man oli mas talemaot long hem, from wanem oli bin talem ol tok olbaot. 37 Bambae hem i save jajem yufala long ol tok blong yufala, se yufala i stret man, no yufala i man nogud."

Dei we Pikinini blong Man bambae i jajem olgeta man long hem

31 ✝Nao Jisas i talem se, "Long taem ya we mi, mi Pikinini* blong Man bambae mi King mi gat olgeta paoa, bambae mi kamtru wetem olgeta enjel blong heven, nao mi go sidaon long bigfala jea blong mi. 32 Nao olgeta man blong wol bambae oli kam stanap long fes blong mi, mo mi bambae mi seraot olgeta, olsem we man blong lukaot long sipsip i stap seraot ol sipsip blong hem long ol nani blong hem. 33 Bambae mi putum ol sipsip oli stap long raet saed blong mi, mo ol nani oli stap long lef saed blong mi.

Dei we Pikinini blong Man bambae i jajem olgeta man long hem

31 ✝Nao Jisas i talem se, "Long taem ya we mi, mi Pikinini* blong Man bambae mi King mi gat olgeta paoa, bambae mi kamtru wetem olgeta enjel blong heven, nao mi go sidaon long bigfala jea blong mi. 32 Nao olgeta man blong wol bambae oli kam stanap long fes blong mi, mo mi bambae mi seraot olgeta, olsem we man blong lukaot long sipsip i stap seraot ol sipsip blong hem long ol nani blong hem. 33 Bambae mi putum ol sipsip oli stap long raet saed blong mi, mo ol nani oli stap long lef saed blong mi. 34 Nao bambae mi talem long olgeta long raet saed blong mi se, ‘Yufala i kam. Papa blong mi i mekem i gud tumas long yufala. Taem hem i no mekem wol ya yet, be hem i makemaot ol ples blong yufala finis long niufala wol we naoia bambae i kam, we hem i king long hem. Yufala i kam tekem ples ya blong yufala, 35 from we taem we mi mi hanggri, yufala i givim kakae long mi, mo taem we mi mi tosta, yufala i givim wota long mi. Taem we mi mi strenja, yufala i tekem mi mi go long haos blong yufala, 36 mo taem we mi mi neked, yufala i givim klos long mi. Taem we mi mi sik, yufala i lukaot gud long mi, mo taem we mi mi stap long kalabus, yufala i kam luk mi.’ 37 Nao ol stret man ya bambae oli talem long mi se, ‘?Masta* mifala i luk yu wetaem we yu yu hanggri, nao mifala i givim kakae long yu, no yu yu tosta, nao mifala i givim wota long yu? 38 ?Mifala i luk yu wetaem we yu yu strenja, nao mifala i tekem yu yu kam long haos blong mifala, no yu yu neked, nao mifala i givim klos long yu? 39 ?Mifala i luk yu wetaem we yu yu sik, no yu stap long kalabus, nao mifala i kam luk yu?’ 40 Nao mi bambae mi talem long olgeta se, ‘Tru mi talem long yufala, taem we yufala i mekem olsem long wan brata blong mi, we i daon moa long ol narafala brata blong mi, be hemia i olsem we yufala i mekem long mi nomo.’

41 "Nao biaen, bambae mi talem long olgeta long lef saed blong mi se, ‘Yufala i gowe long mi. God i jajem yufala finis. Yufala i go long faea ya we bambae i no save ded samtaem, we oli mekem i rere finis blong Setan* wetem ol enjel blong hem, 42 from we taem we mi mi hanggri, be yufala i no givim kakae long mi, mo taem we mi mi tosta, be yufala i no givim wota long mi. 43 Taem we mi mi strenja, be yufala i no tekem mi mi go long haos blong yufala, mo taem we mi mi neked, be yufala i no givim klos long mi. Mo taem we mi mi sik, no mi stap long kalabus, be yufala i no kam luk mi.’ 44 Nao bambae olgeta ya tu oli talem long mi se, ‘?Masta, mifala i luk yu wetaem we yu yu hanggri, no yu tosta, no yu strenja, no yu neked, no yu sik, no yu stap long kalabus, be mifala i no kam givhan long yu?’ 45 Nao mi bambae mi talem long olgeta se, ‘Tru mi talem long yufala, taem we yufala i no go blong givhan long wan brata blong mi we i daon moa long ol narafala brata blong mi, be hemia i olsem we yufala i no givhan long mi.’ 46 ✝Nao olgeta ya bambae oli go blong kasem panis ya we i no save finis. Be ol stret man ya bambae oli go blong kasem laef ya we i no save finis."

14 Olgeta samting we yumi mekem, nating we i gud no i nogud, go kasem ol samting we yumi haed nomo blong mekem, be hem bambae i mekem kot long yumi from olgeta evriwan."

17 Nao mi stap tingting mi wan se, ‘No, be oli no save win. God bambae i jajem olgeta man. Hem i putum taem blong olgeta samting, mo olgeta wok blong hem bambae oli mas kamtru. Ol stret man wetem ol man nogud bambae oli mas stanap long fes blong hem.’

30 "Nao from samting ya, mi mi talem long yufala, se bambae mi jajem yufala wanwan, stret long ol samting we yufala i mekem. Yufala i mas tanem baksaed long olgeta sin blong yufala. Yufala i no letem ol sin ya oli spolem yufala. 31 Yufala i mas lego ol rabis fasin ya we yufala i stap mekem agens long mi, mo yufala i mas gat niufala tingting wetem niufala laef. ?From wanem yufala i wantem ded? 32 Mi mi no glad nating blong man i ded. Yufala i mas tanem baksaed long ol sin blong yufala, nao bambae yufala i save stap gud. Mi mi Hae God, mi Masta blong yufala, mo hemia tok blong mi."

16 God i lavem tumas ol man long wol, nao hem i givim mi, mi stret Pikinini blong hem, mi wan nomo we hem i gat, blong olgeta man we oli bilif long mi bambae oli no save lus, oli gat laef we i no save finis.

16 God i lavem tumas ol man long wol, nao hem i givim mi, mi stret Pikinini blong hem, mi wan nomo we hem i gat, blong olgeta man we oli bilif long mi bambae oli no save lus, oli gat laef we i no save finis. 17 God i no sanem mi, mi Pikinini blong hem, mi kam long wol ya blong mi jajem ol man long wol. Hem i sanem mi blong mi wok blong hem blong mekem rod blong sevem olgeta.

18 "Man we i bilif long mi, God i no save jajem hem. Be man we i no bilif long mi, God i jajem hem finis, from we hem i no bilif long mi, we mi nomo mi stret Pikinini blong God.* 19 God i save jajem man from poen ya, we delaet i kam long wol finis, be ol man oli no laekem delaet, oli laekem tudak, from we fasin blong olgeta i no stret.

7 Be mi mi talem tru long yufala, se i moa gud long yufala, blong mi mi gowe long yufala, from we sipos mi mi no gowe long yufala, bambae Spirit blong Givhan i no save kam stap wetem yufala. Be sipos mi gowe, bambae mi sanem hem i kam stap wetem yufala. 8 Mo taem we hem i kam, bambae hem i save soemaot long ol man blong wol ya, we oli rong long plante samting. Oli gat rong tingting long sin, mo oli gat rong tingting long stret fasin, mo oli gat rong tingting long fasin blong jajem man. 9 Bambae Spirit ya i soemaot long olgeta we oli gat rong tingting long sin, from we oli no bilif long mi. 10 Mo oli gat rong tingting long stret fasin, from we mi bambae mi go long Papa blong mi, mo bambae yufala i no moa save luk mi bakegen. 11 Mo oli gat rong tingting long fasin blong jajem man, from we masta blong wol ya Setan*, God i jajem hem finis.

16 Yumi savegud fasin blong God blong lavem yumi, mo yumi bilif se hem i lavem yumi.

God, hem i stamba blong fasin blong lavem man. Man we i stap holem fasin ya oltaem, hem i stap joen gud long God, mo God i stap joen gud long hem. 17 Taem yumi savegud fasin blong God blong lavem man, mo fasin ya i kam fulap long laef blong yumi, bambae i gat frut blong hem. Long bigfala Dei ya we bambae God i jajem olgeta man long hem, bambae yumi no save fraet, from we laef blong yumi long wol ya i kam sem mak finis wetem laef blong Kraes. 18 Man we i lavem God, hem i no save fraet long hem. Taem we yumi savegud we God i lavem yumi olsem, be yumi no moa fraet nao. Man i save fraet se bambae hem i kasem panis, be man we i stap fraet olsem, hem i no savegud yet we God i lavem hem.

10 ✝from we bambae yumi evriwan i mas stanap long fes blong Kraes*, blong hem i jajem yumi. Nao sipos yumi mekem i gud no yumi mekem i nogud, be bambae yumi save kasem wanem i stret long ol fasin ya we yumi stap mekem long laef blong yumi long wol ya.

15,16 Fasin blong olgeta i stap soemaot we God i putum ol samting we Loa blong Moses i talem, oli stap finis long tingting blong olgeta. Nao long tok blong gud nius ya we mi mi stap talemaot, mi talemaot we long Lasdei, God bambae i yusum Jisas Kraes blong jajem ol man from ol fasin we i stap haed long tingting blong olgeta. Mo long Dei ya, bambae tingting blong olgeta i save agri long tok blong hem, from we samtaem oli harem long tingting blong olgeta se oli mekem i stret, mo samtaem oli harem se oli mekem i no stret.

27 God i makemaot rod blong olgeta man finis. Faswan, bambae man i mas ded, mo biaen, bambae God i jajem hem. 28 ✝Nao long sem fasin, Kraes i givim laef blong hem wan taem nomo, blong tekemaot ol sin blong plante man. Mo bambae hem i kamtru bakegen, we i olsem namba tu taem blong hem, be bambae i no blong tekemaot ol sin blong man, i blong sevem olgeta we oli stap wet long hem.

37 ✝Hemia i olsem we Baebol* i talem, we God i talem se,

"Smoltaem nomo,

nao man ya we i stap kam,

bambae i kamtru.

38 Ol stret man blong mi

we oli stap bilif long mi,

bambae oli save laef.

Be sipos wan long olgeta

i tanemraon i gobak,

bambae mi no save glad long hem."

39 Be yumi no man olsem. Yumi no save tanemraon blong gobak, nao yumi lus, nogat. Yumi man blong bilif long God, mo hem bambae i sevem yumi.

6 I no stret blong yumi stap slip olsem ol narafala man. I stret blong yumi wekap, we hed blong yumi i klia gud. 7 Naet, hem i taem we man blong slip i save slip, mo we man blong dring i save drong. 8 ✝Be yumi ya i man blong delaet, mo hed blong yumi i mas klia gud. Yumi mas holem fasin blong bilif mo blong lavem narafala man. Hemia i olsem klos blong faet we oli wokem long aean, blong ara i no save kasem yumi. Mo yumi mas putum tingting blong yumi long God blong hem i sevem yumi. Hemia i olsem hat blong faet blong yumi. 9 God i no jusumaot yumi blong bambae i kros long yumi bakegen, be blong hem bambae i sevem yumi, from we yumi joen long Jisas Kraes*, Masta blong yumi.

12,13 Ol garen.

!Yufala wetem evri samting we i stap long yufala,

yufala i glad!

Taem Hae God i kam blong rul

long olgeta man long wol ya,

olgeta tri long bus bambae oli glad,

oli stap singsingaot blong presem hem.

Long taem ya,

bambae hem i rulum olgeta man blong wol

long stret fasin,

mo bambae hem i jajem

olgeta man blong ol narafala kantri

ong trutok blong hem.