O juízo final

बडी शेतै रंगे राज़गाद्दी अर खिरी नसाफ हणअ

11 तेखअ भाल़ी मंऐं एक शेती राज़गाद्दी अर तेथ दी परमेशर बेठअ द। पर ज़हा ज़ैगा परमेशर त बेठअ द, तिधा का लुक्‍कअ सारअ सरग अर पृथूई तेखअ निं तिंयां कोही का शुझुऐ।✝

12,13 तेखअ भाल़ै मंऐं मूंऐं दै मणछ, कै होछ़ै कै बडै तिंयां थिऐ राज़गाद्दी आजू खल़्हुऐ दै। ज़ुंण मूंऐं दै मणछ समुंदरै आसा डुबै दै, ज़ुंण मरी करै घोरी आसा दाबै दै, ज़ुंण जम्परी आसा, तिंयां सोभ खल़्हुऐ राज़गाद्दी सम्हनै। तेखअ खोल्ही तिधी ज़िन्दगीए कताब अर होर बी कई कताबा। मूंऐं दै मणछो नसाफ हुअ तिन्‍नें तैहा कताबा दी लिखै दै तेते साबै ज़ुंण तिन्‍नैं आपणीं ज़िन्दगी दी किअ। तिन्‍नों नसाफ हणअ तिन्‍नें कामें साबै।✝

14,15 ज़हा मणछे नाअं ज़िन्दगीए कताबा दी नांईं तै लिखै दै तिंयां पाऐ आगीए समुंदरा दी। तेता लै बोला दुजी मौत, ज़ुंण सज़ा तेऊ आगीए समुंदरा दी आसा। तेभा पोर्ही नां मौत हणीं अर नां जम्पर हणीं किल्हैकि तिंयां पाऐ तेऊ आगीए समुंदरा दी। ✝

12 प्रभू ईशू बोलअ इहअ, "भाल़ हुंह आसा छ़ेक्‍कै एछणैं आल़अ, अर हरेकी लै आसा मुखा तेऊए कामें साबै फल।*मोत्त. 16:27

12 प्रभू ईशू बोलअ इहअ, "भाल़ हुंह आसा छ़ेक्‍कै एछणैं आल़अ, अर हरेकी लै आसा मुखा तेऊए कामें साबै फल।*मोत्त. 16:27

13 "हुंह आसा आदी अर अंत आप्पै।"*ईशा. 44:6; 48:12

नसाफ

9 ✝तेखअ शुझुअ मुखा सुपनै इहअ कि

कोऐ आणी तिधा लै राज़गाद्दी अर

तैहा राज़गाद्दी दी बेठअ सह ज़ुंण

जुगा-जुगा ओर्ही सदा* राज़ करदी आअ।

तेऊए झिकल़ै तै हिंऊंआं ज़िहै शेतै अर

तेऊए मुंडे शराल़ बी थिऐ शेती ऊना ज़िहै।

तेऊए तैहा राज़गाद्दी अर तेते घरेटा का थिई आग भकी दी।✝

नसाफ

9 ✝तेखअ शुझुअ मुखा सुपनै इहअ कि

कोऐ आणी तिधा लै राज़गाद्दी अर

तैहा राज़गाद्दी दी बेठअ सह ज़ुंण

जुगा-जुगा ओर्ही सदा* राज़ करदी आअ।

तेऊए झिकल़ै तै हिंऊंआं ज़िहै शेतै अर

तेऊए मुंडे शराल़ बी थिऐ शेती ऊना ज़िहै।

तेऊए तैहा राज़गाद्दी अर तेते घरेटा का थिई आग भकी दी।✝

10 ✝✝ज़हा राज़गाद्दी दी सह बेठअ द थिअ, तेता का बगअ आगीओ दरैअ!

हज़ारो स्वर्ग दूत तै तेऊए च़ाकरी लै तेऊ सेटा हाथ ज़ोल़ी खल़्हुऐ दै।

सह त नसाफ करना लै दरबार लागअ द अर

तिधी खोल्ही बधाने कताबा कि तेथ किज़ै आसा लिखअ द।✝

2 कई ज़ुंण मरी हणैं गऐ दै, तिंयां हणैं भिई। कोऐ भेटणीं सदा लै ज़िन्दगी अर कोऐ हणैं सदा लै शर्मिंदै।✝ 3 ज़ुंण अक्ली आल़ै मणछ होए तिन्‍नां का लागणअ सरगे तारै ज़िहअ च़लकार। ज़ुंणीं धर्मीं सोभी का धर्म करनअ सखाऊअ, तिंयां बी च़मकणै सदा तिहै ई।✝

31 किल्हैकि तेऊ आसा एक धैल़ी एही डाही दी ज़ेथ परमेशरा तेऊ करै सारै संसारो शुचअ नसाफ करनअ ज़ुंण तेऊ छ़ांटअ द आसा, अर सह किअ मरी करै भिई ज़िऊंदअ अर इहअ करी किई तेऊ अह गल्‍ल सोभी लै प्रगट।"✝

36 "हुंह खोज़ा तम्हां का सत्त कि मणछा ज़ुंण बृथा गल्‍ला बोल़णीं, तेभै भेटणीं तिन्‍नां तेते साबै सज़ा ज़ेभै परमेशरा नसाफ करनअ कि तम्हैं खाखा का किज़ै-किज़ै बोलअ। 37 किल्हैकि तूह हणअ आपणीं गल्‍ला करै ई शुचअ अर आपणीं ई गल्‍ला करै हणअ तूह झ़ुठअ।"

नसाफ हणें धैल़ी

31 "ज़ांऊं हुंह मणछो पूत आपणैं प्रतप्पा दी आपणैं स्वर्ग दूता संघै फिरी एछणअ, तेभै बेशणअ मुंह आपणीं प्रतप्पी राज़गाद्दी दी नसाफ करदै। 32 तेभै करनी मुंह सोभै ज़ाती कठा। ज़िहअ फुआल बाकरी का भेडा ज़ुदी करा तिहै ई करनै धर्मीं अर पापी मणछ एकी-दुजै का ज़ुदै। 33 भेडा करनी मुंह आपणीं दैहणीं बाखा अर बाकरी करनी तेऊ आपणीं बाऊंईं बाखा खल़ी।

नसाफ हणें धैल़ी

31 "ज़ांऊं हुंह मणछो पूत आपणैं प्रतप्पा दी आपणैं स्वर्ग दूता संघै फिरी एछणअ, तेभै बेशणअ मुंह आपणीं प्रतप्पी राज़गाद्दी दी नसाफ करदै। 32 तेभै करनी मुंह सोभै ज़ाती कठा। ज़िहअ फुआल बाकरी का भेडा ज़ुदी करा तिहै ई करनै धर्मीं अर पापी मणछ एकी-दुजै का ज़ुदै। 33 भेडा करनी मुंह आपणीं दैहणीं बाखा अर बाकरी करनी तेऊ आपणीं बाऊंईं बाखा खल़ी।

34 "तेभै बोल़णअ मुंह राज़ै आपणीं दैहणीं बाखा आल़ै लै, ‘ओ लोगो ज़हा लै मेरै बाब बर्गत दैनी, तम्हैं एछा, संघा करा तेऊ मुल्खा प्रैंदै राज़। ज़ुंण तम्हां लै तेऊ संसार बणाऊंदी बारी आसा बणाअं द। 35 किल्हैकि हुंह थिअ भुखअ अर तम्हैं दैनअ मुल्है खाणां लै। ज़ेभै हुंह नचिशअ थिअ, तम्हैं पणैऊंअं मुखा पाणीं। हुंह त परदेसी अर तम्हैं किअ मुल्है आपणैं घअरै रहणा लै छ़ांदअ। 36 हुंह त नांगअ अर तम्हैं दैनै मुल्है बान्हणां लै झिकल़ै। हुंह त बमार अर तम्हैं किई मेरी कारी-फाज़त। हुंह थिअ कैदखानै, तेभै आऐ तम्हैं मुंह सेटा लै हेरा-सभाल़ा।’

37 "तेभै दैणअ धर्मीं मणछा तेऊ लै इहअ ज़बाब, ‘हे प्रभू, हाम्हैं कधू भाल़अ तूह भुखअ कि हाम्हैं खैऊअ? अर तूह कधू त नचिशअ कि ताखा पणैऊंअं हाम्हैं पाणीं? 38 हाम्हैं कधू भाल़अ तूह परदेसी कि घअरै डाहअ अर कधू थिअ नांगअ कि हाम्हैं ताखा झिकल़ै बन्हैऊंऐं? 39 तूह कधू थिअ बमार? कधू थिअ तूह कैद खानै अर कधू आऐ हाम्हैं ताह सेटा लै हेरा-सभाल़ा?’ 40 तेभै दैणअ मुंह धर्मीं राज़ै तिन्‍नां लै ज़बाब, ‘हुंह खोज़ा तम्हां का सत्त कि ज़ुंण तम्हैं मुंह दी विश्वास करनै आल़ै होछ़ै का होछ़ै भाई-बैहणी मांझ़ै कहा एकी संघै बी इहअ भलअ बभार किअ, सह किअ तम्हैं मुल्है।’

41 "तेखअ बोल़णअ मुंह आपणीं बाऊंईं पाशल़ी आल़ै लै, ‘तम्हैं डेओआ मुखा दूर ज़हा लै परमेशरो फिटक आसा! तम्हैं डेओआ तैहा आगी जैंदरा लै ज़ुंण राख्स अर तेऊए दूत सदा लै आसा डाही दी ज़ुंण कधि निं हिठदी। 42 किल्हैकि ज़ेभै हुंह भुखअ थिअ तेभै निं तम्हैं मुल्है रोटी दैनी। हुंह त नचिशअ अर तम्हैं निं मुखा पाणीं बी पणैऊंअं! 43 हुंह त परदेसी पर तेभै निं तम्हैं मुल्है आपणैं घअरै रहणा लै ज़ैगा दैनी। हुंह थिअ नांगअ अर तम्हैं निं मुल्है झिकल़ै दैनै। हुंह थिअ बमार अर कैद खानै पर तम्हैं निं मेरी हेर-सभाल़ किई!’

44 "तेभै दैणअ तिन्‍नां मुल्है ज़बाब, ‘हे प्रभू हाम्हैं कधू भाल़अ तूह भुखअ, नचिशअ, नांगअ, परदेसी बमार या कैद खानै दी, अर कधू निं हाम्हैं तेरी च़ाकरी किई?’

45 "तेभै दैणअ मुंह तिन्‍नां लै ज़बाब, ‘हुंह खोज़ा तम्हां का सत्त कि ज़ुंण तम्हैं मेरै इना होछ़ै का होछ़ै बैहणी अर विश्वासी भाईए-बैहणीए मज़त करना लै हुधूऐ, तिंयां हुधूऐ तम्हैं मुल्है!’

46 "तैही आसा अह सदा रहणैं आल़ी सज़ा तम्हां लै ज़ुंण बाऊंईं बाखा आसा खल़्हुऐ दै। दैहणीं बाखा खल़ै धर्मीं मणछा भेटणीं सदा रहणैं आल़ी लै ज़िन्दगी।"

14 ज़ुंण बी हाम्हैं किअ तेतो करनअ खिरी बिधाता नसाफ, च़ाऐ भलअ होए या बूरअ, च़ाऐ सह हाम्हैं किज़ै च़ुप्प-च़ुप्पै बी होए किअ द।✝

17 हुंह लागअ इहअ सोठदअ, "बिधाता करनअ धर्मीं अर कदुष्ट दुहीओ नसाफ, किल्हैकि हर गल्‍ला अर हर काम हणैं आपणैं-आपणैं बगतै।"

30 "हुंह मालक बिधाता बोला तम्हां इज़राईली लै, ‘मुंह करनअ तम्हां मांझ़ै हरेकीओ नसाफ ज़िहै तम्हैं कर्म किऐ तेऊ साबै। अज़ी बी बोला हुंह तम्हां लै पाप करनै का हटा पिछ़ू, थारै पापा निं तम्हां बरैबाद करनै दैआ। 31 तिंयां पाप करनै छ़ाडा ज़ेता तम्हैं करदी आऐ, आपणैं मन्‍नैं सोठा भलअ, आप्पू भितरी नऊंईं आत्मां संघै ज़िऊआ ज़िन्दगी। तम्हैं इज़राईली किल्है आसा मरनअ हिछ़अ द? 32 हुंह निं कोही मरना लै राज्ज़ी हंदअ। तम्हैं छ़ाडा पाप करनअ, संघा रहा ज़िऊंदै। अह गल्‍ल डाही मंऐं मालक बिधाता बोली।’"

16 "किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।

16 "किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी। 17 परमेशरै निं आपणअ पूत संसारे मणछा लै सज़ा दैंदअ छ़ाडी, पर सह छ़ाडअ एते तैणीं कि संसारे सोभी मणछा तेऊ करै उद्धार भेटे। 18 ज़ुंण तेऊ दी विश्वास करा तेऊ निं सज़ा भेटणीं। पर ज़ुंण तेऊ दी विश्वास नांईं करा, तेऊ लै गअ इहअ करै दोश लागी कि तेऊ निं परमेशरे कल्है पूता दी विश्वास किअ।*जोह. 5:10

19 "सज़ा दैणैंओ कारण आसा इहअ कि प्रैश्शअ आअ संसारै अर मणछै किई प्रैश्शै छ़ाडी न्हैरै संघै खास्सी झ़ूरी, अर तिन्‍नें तै काम ई बूरै।

7 "तैबी खोज़ा हुंह तम्हां का सत्त आसा इहअ कि मेरअ डेऊणअ आसा तम्हां लै भलअ। ज़ै हुंह नांईं डेऊं, तै निं सह मज़त करनै आल़अ तम्हां सेटा लै एछणअ। पर ज़ांऊं हुंह डेऊणअ, तेखअ छ़ाडणअ मुंह सह तम्हां सेटा लै। 8 तेऊ लाणअ संसारे मणछा लै दोश कि तिन्‍नैं किअ पाप। तिन्‍नां का रहैऊंणअ तेऊ कि तिन्‍नैं निं परमेशरे साबै धर्म किअ अर इहअ बी कि परमेशरा करनअ एकी धैल़ी ऐहा गल्‍लो नसाफ किल्हैकि तिन्‍नैं निं तिहअ किअ ज़ुंण परमेशरै तिन्‍नां लै बोलअ त।

9 "पापे बारै नसाफ करनअ तेऊ तै कि तिंयां निं मुंह दी विश्वास करदै। 10 धर्में बारै करनअ तै कि हुंह डेऊणअ बाब सेटा लै अर तम्हैं निं मुंह भिई भाल़ी सकदै। 11 *नसाफ हणें बारै करनअ तै कि एऊ संसारे राज़ै लै आसा हेरअ द दोश लाई।

16 ज़ुंण झ़ूरी परमेशर हाम्हां संघै करा, सह झ़ूरी हेरी हाम्हैं बछ़ैणीं अर हाम्हैं करा तेऊ परमेशरा दी विश्वास। परमेशर आसा झ़ूरी।

ज़हा दी झ़ूरी बस्सा, सह बस्सा परमेशरा दी अर परमेशर बस्सा तेऊ दी। 17 एता ई करै हुई झ़ूरी हाम्हां दी पाक्‍की कि नसाफ हणें धैल़ी हणअ हाम्हां निहंचअ कि हाम्हां निं सज़ा भेटणीं। किल्हैकि ज़िहअ मसीहा ईशू संसारै रहंदी परमेशरा दी बस्सा त तिहै ई बस्सा हाम्हैं बी परमेशरा दी। 18 हाम्हां निं डरने ज़रुरत आथी किल्हैकि हाम्हैं डाहा परमेशरा संघै असली दी झ़ूरी, ज़ुंण परमेशरा संघै झ़ूरी डाहा तिन्‍नां निं तेऊ का डरने ज़रुरत आथी। किल्हैकि डरा करै हआ कष्ट अर ज़ुंण डरा सह निं झ़ूरी दी पाक्‍कअ हंदअ।

10 किल्हैकि अह गल्‍ल आसा ज़रूरी कि हाम्हां सोभिए हाल लोल़ी मसीहे नसाफ राज़गाद्दी सम्हनै खुल्है, ताकि सोभी मणछा आपणैं-आपणैं भलै कदुष्ट कामों बदल़अ भेटे ज़ुंण तिन्‍नैं आपणीं देही करै आसा किऐ दै।✝

16 अह आसा सह खुशीओ समाद ज़हा हुंह खोज़ा कि सह धैल़ी आसा एछणैं आल़ी ज़ेभै मसीहा ईशू करै परमेशरा सोभिए गुप्त गल्‍लो नसाफ करनअ।

27 ज़िहअ मणछा लै एकी बारी मरनअ अर नसाफ हणअ पैहलै ई का आसा पाक्‍कअ किअ द,✝

28 तिहअ ई हुअ मसीहा बी हरेकी मणछे पाप दूर करना लै बल़ीदान। सह एछणअ एकी बारी भिई तिन्‍नां बच़ाऊंदअ फिरी ज़ुंण तेऊ न्हैल़ै भाल़ै आसा लागै दै नां कि पापे तैणीं भिई बल़ीदान हणां लै।✝

37 ज़िहअ पबित्र शास्त्रा दी परमेशर मसीहे बारै बोला,✝

"एछणैं आल़अ आसा छ़ेक्‍कै एछणैं आल़अ,

तेऊ निं खास्सी बल़ैग पाणीं।

38 ज़ुंण लोग मंऐं विश्वासा करै धर्मीं बणाऐं तिंयां रहणैं ज़िऊंदै,

हुंह निं तिन्‍नां का खुश हंदअ ज़ुंण विश्वासा का पिछ़ू हटा।"

39 पर हाम्हैं निं तिन्‍नां मणछा ज़िहै आथी ज़ुंण विश्वासा का पिछ़ू हटा अर बरैबाद हआ। हाम्हैं आसा खिरी तैणीं विश्वास डाहणैं आल़ै ज़सरी आत्मां बच़णीं।

6 तैही निं होरी ज़िहै सुत्ती रहा, पर बिहुदै अर चतैन रहा। 7 किल्हैकि ज़ुंण सुत्ती रहा, तिंयां रहा राची ई सुत्ती अर ज़ुंण शराबी हआ तिंयां बी झुटा शराब राची। 8 पर हाम्हैं आसा धैल़ीए, तैही रहा सुफी। विश्वास अर झ़ूरी डाहा ज़ुंण म्हारी फाज़त करा ज़िहअ सपाही टोप अर हीकबंद बान्हीं आपणीं फाज़त करा। तम्हैं डाहा एही आशा कि हाम्हैं आसा सदा रहणैं आल़ी सज़ा का बच़ाऊई हेरै दै ज़िहअ सपाहीओ टोप तेऊए फाज़त करा।✝

9 किल्हैकि परमेशरै निं हाम्हैं सज़ा दैणा लै आथी छ़ांटै दै, पर हाम्हैं आसा एते तैणीं डाहै दै कि हाम्हां मसीहा ईशू करै उद्धार भेटे।

13 ज़ांऊं बिधाता आप्पै धरती दी राज़ करदअ एछणअ।

तेऊ करनअ संसारे सोभी लोगा प्रैंदै राज़ अर

तेऊए सत्ता करै हणअ सोभी देशे लोगो नसाफ।✝