O juízo final

31 A yari in ni muntu domici tǝ ne pǝt gon kan ti tloyi atl kundǝrǝndlip shirǝm kan ra dlat tǝp kar mbarǝm tu tǝ zǝzari gwa. Tǝ kem dǝ mbarǝm kup mom muntu tǝp kǝ ba tli mbarǝmi gip mǝshi mbarǝme.>>

36 A yari ine, kup mǝgǝn shirǝm tu kan mbarǝm yariwo, tii dlǝm na nǝm nǝm gas tloyi shirǝmi. 37 Den shirǝm gi ni ba tloyi’i shirǝmi, ko ar kem kǝ dǝm mǝn ho pitǝne ko mǝn wani pitǝne.>>

Tloyi mbarǝm shirǝm kǝ pa’i bisi

31 Wokoci tu Nya mbarǝm baa sur gip nartǝn gǝsi, na mir mǝn kartǝn kǝ Yam kupo, ti dǝm den dandi gǝs kǝ gun mǝn ɗǝɗatǝni. 32 Mbarǝm kǝ atl kup baa dom wur kar ti. Kan tǝ zǝzar mbarǝm na nǝm-nǝm gip ezǝni kandatu mǝn le dabba ba ɗǝli tǝmka gip mar gwa. 33 Kan tǝ pali tǝmi den am shimli gǝsi, mari ngapo den am yali gǝsi.

Tloyi mbarǝm shirǝm kǝ pa’i bisi

31 Wokoci tu Nya mbarǝm baa sur gip nartǝn gǝsi, na mir mǝn kartǝn kǝ Yam kupo, ti dǝm den dandi gǝs kǝ gun mǝn ɗǝɗatǝni. 32 Mbarǝm kǝ atl kup baa dom wur kar ti. Kan tǝ zǝzar mbarǝm na nǝm-nǝm gip ezǝni kandatu mǝn le dabba ba ɗǝli tǝmka gip mar gwa. 33 Kan tǝ pali tǝmi den am shimli gǝsi, mari ngapo den am yali gǝsi.

34 Wokociyi ni gunyi baa wul munju kan den am shimli gǝsi’e, <Ɗir ni, kǝn kan Ban la’i in albarka gwa, kǝ nǝm ni gaado kǝ mulki tu Yam ne in terka na ne gǝs kǝ pi atl kundǝrǝndlip gwa. 35 Domici nan Ami ra den kumi guzumo, kǝ bim fingali. Nan ami ra den kumi guzum malo, kǝ bin mal tle. Nan ami ra mǝn dǝkiwo kǝ rim bom da ine. 36 Nan ami ra na tutul dli dawo, kǝ bim tutul dli. Nan ami ra den kumi dliwo, kǝ ga’ǝmi. Nan ami ra gip bom kǝ moniwo, kǝ ɗir kǝ shini gǝni.>

37 Wokociyi ni mǝn pitǝn dlat ju ba nǝmi ti wu wule, <Babomi akoni mǝ shin ki den kumi guzum kan mǝ bi’i fingal we, ko ki den kumi guzum male kan mǝ bi’i mal tlewu? 38 Gigasi ni mǝ shin ki mǝn dǝkiyi, kan mǝ ri’i bom dami, ko kǝ den ndu’i tutul dli kan mǝ bi’i tutul dli kǝ la’iwu? 39 Eso gigasi ni mǝ shin ki den kumi dli ko gip bom kǝ moni kan mǝ ri kǝ shini giwe?>

40 Gunyi baa nǝmi wur tǝ wule, <Ge shirǝm ni a yari ine, argon tu kup kǝ pi nǝm gip mir heli gip mir ɓyaro, ami ni kǝ pi mi.>

41 Kan tǝ wul munju den am yali gǝs gwa’e, <Pǝtl kǝn ni ka namǝni, kǝn wop mbarǝme, teni gip utu tu kan baa mǝsh ka da’a, kan kǝrkǝmi Shetan na mir mǝn kartǝn gǝs gwa. 42 Domici nan ami ra den kumi guzumo, kǝ bim fingali da’a. Nan ami ra den kumi guzum malo, kǝ bim mal tle da’a. 43 Nan ami ra mǝn dǝkiwo, kǝ rǝm bom da in da’a. Nan a hol tutul dliwo, kǝ bim tutul dli kǝ la’i da’a. Nan ami den kumi dli, kan ra gip bom kǝ moniwo, kǝ ɗir kǝ shini gǝn da’a.>

44 Wii nǝmi ti wu wule, <Babomi, gigasi ni mǝ shin ki den kumi guzumi, ko kǝ den kumi guzum male, ko kira mǝn dǝki, ko kira na tutul dli da’a, ko kǝ den kumi dli, ko kira bom moni kan mǝ ne’i amra dawu?>

45 Gunyi baa nǝmi wur tǝ wule, <Ge shirǝm ni a yari ine, argon tu kup kǝ nge pi nye heli gip mir ɓyaro, ami ni kǝ ngem pi.>

46 Munju ni baa te gip hukuntetǝn tu kan baa pa da gwa, ama mǝn pitǝn dlat ju ngapo gip ge mbatli kan baa pa da gwa.>>

16 <<Domici Yam ndu atl kundǝrǝndlip naaro, ar ni tǝ bi nya gǝs nǝm kan ra bom gwa, den’e muntu kup ngǝsh den tiwo, ba dǝ tǝ liika katl da’a ama tǝ zam ge mbatl tu kan baa pa dagwa.

16 <<Domici Yam ndu atl kundǝrǝndlip naaro, ar ni tǝ bi nya gǝs nǝm kan ra bom gwa, den’e muntu kup ngǝsh den tiwo, ba dǝ tǝ liika katl da’a ama tǝ zam ge mbatl tu kan baa pa dagwa. 17 Domici Yam kar ni nya gǝs sur atl kǝ dǝ tǝ hukunte atl kundǝrǝndlip da’a, ama kǝ dǝ mbarǝm den kaar atl kundǝrǝndlip zam ɗǝltǝn ra tǝp kar ti. 18 Murgon tu kup ngǝsh den Nya Yamo baa tloyi ti shirǝm da’a, ama muntu kup ngǝsh den ti dawo, tare tloyi ti shirǝm wi domici tǝ ngǝsh ti den sun kǝ Nya Yam kan ne ti nǝm kan ra bom gwa da’a. 19 Tloyi shirǝmi ni’e cirtǝn ɗir gip atl kundǝrǝndlip wi, ama mbarǝm ndu dǝmǝnka man cirtǝni, domici pitǝn gǝzǝno kǝ ɗasi tu ni.

7 Ama ge shirǝm ni a yari in den ar mani in mbuntǝn dǝ a ndara. Ami ni a ndara dawo, Mǝn Ne Mbarǝmi Am baa sur kar kǝn da’a. Ama ami ni a ndarawo, aa kari in bar sur nan ti. 8 Ti ni tǝ mbirawo, tii kem dǝ mbarǝm kǝ atl kup mom den tǝp gǝzǝn ra kor da’a den pi warwat pitǝne, na den pitǝn dlat, na kandatu Yam baa hukunte mbarǝm gwa. 9 Den shirǝm kǝ warwat pitǝno, domici mbarǝm ngǝsh wur demǝn da’a. 10 Den shirǝm kǝ pitǝn dlato, domici a ndara kar Ban wi, las tu ki’i shimǝn da gwa. 11 Kan den shirǝm kǝ hukuntetǝn ngapo, domici hukunte muntu kan den dandi kǝ atl kǝn gwa wi.

16 Dǝn untuwo mǝ mom kan mǝ la mbatl den ndutǝn tu Yam ra nari domici gǝmi gwa. Yamo ndutǝn ni. Kup muntu dǝm gip ndutǝno ti nǝra gip Yami, Yam es ra gip ti. 17 Den untuwo, ndutǝn dǝm na laa’i wi gip mi kǝ dǝ mǝ dǝm na mbatl nǝm den pǝt tloyi shirǝmi, domici kandatu Almasihu rawo untuni mǝn ra den kaar atl kǝni. 18 Las tu ndutǝn kǝ Yam rawo bǝrti ra da’a. Ho ndutǝn ba ɗǝli ni bǝrti ka. Mbarǝm nǝra na bǝrtiwo, ai, den bǝrti kǝ hukuntetǝn ni. Untu ni ba gode’e muntu ba kum bǝrtiwo tǝ ɓa gip ndutǝn wi da’a.

10 Kup gǝmi mi dlǝr cina dǝ dandi tloyi shirǝm kǝ Almasihu kǝdǝ tǝ tloyi mi shirǝmi, kǝ dǝ ko gonge nǝm ɓatltǝn kǝ mbap gǝs kan tǝ pi gip dli wokoci tu tǝra gip duniya gwa, ko mbuni ko wani ni.