Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Mazɔlɔɔ GALA ka ʋaazu kɛɛwotiiti kpein tukpɔɠaaleʋezu,
anɛɛ niiti ti ɠɛai dɔɔɠuzu, é ɠɛni ga ma ʋagɔ ɓaa ma ɲɔu.
Tɔɔzei ʋelei Ɠɛɛɠɛ GALA ge gɔvɛiti buzeɠezu la, é ti ɠula saai ya, é zɛnvui ve ti ya, zenɔ ɠana Doun Zunui ɓalaa ɠa zɛnvui veezu naama nui ya, nii é pɔ é fe bɛ. É ɓudɛ naa maazu, Ɠɛɛɠɛ GALA tɛi a ɗa nuiti ta-lukpɔi ɠaaleʋe, kɛlɛ é tukpɔɠaaleʋe vai pɛ zɛgɛ Doun Zunui ya, naa ɠa a kɛ nuiti pɛ ti unfemai ve Doun Zunui ya, ga Ɠɛɛɠɛ GALA kɛʋele. Zɔi é la unfema veeni Doun Zunui ʋɛ, naama nui la unfema veezu Ɠɛɛɠɛ GALA bɛ, nii é tɔun teʋegai. Gè bo wo ma ga gaamai, zɔi nɔpɛ a woilo gòo ma, é ɠidaaleʋe naa ma, nii é tèʋegai, ɠɔoɠɔ zɛnvui ɠa naama nui ya, tukpɔɠaaleʋe la mɔ maala, kɛlɛ kulaʋɛ niina saai ya, é ʋa zɛnvui ʋɔ.
«Gè bo wo ma ga gaamai, yeeɠɛɠalai ɠa ʋaazu, tɔun vɔlɔ é zeelia, siɛgi zu zɔiti ti zaai, ti ʋaazu GALA Doun Zunui wooi mɛnisu da, tama zɔiti pɛ ta gooi mɛni, naati ta zɛnvui wo. Tɔɔzei Ɠɛɛɠɛ GALA ɠa ga zɛnvui ma ungi, é zobogi veeʋɛ Doun Zunui ɓalaa ya ga é ɠɛ ga zɛnvui ma ungi. Tɛi é ga Nu ná-Doun Zunui, GALA ge zobogi veeʋɛ zea ga é ɠɛ ga tukpɔɠaaleʋe nui. Wo laa mina vɔ, yeeɠɛɠalai ɠa ʋaazu, zɔiti pɛ ti kabaiti su, ta Nu ná-Doun Zunui wooi mɛni. Naazu ti ɠula kabaiti su. Zɔiti ti faa ʋagɔi ɠɛai, naati ta wuzeɠe, ti ɠula saai ya, zɛnvui wo fai ma. Niiti ti faa ɲɔi ɠɛai, naati ta wuzeɠe, ti ɠula saai ya, ta-lukpɔɠaaleʋe vai ma. Nɔ̀un gè la zooga faa nɔpɛ kɛɛzu ga ɓɔɠɔ zobogi. Nà tukpɔɠaaleʋezu eɠɛʋelei Ɠɛɛɠɛ GALA ge dɛɛzu la ga ze. Tama nà-tukpɔɠaaleʋei zɔlegɛ, tɔɔzei nɔ̀un ziima vai lɛi gè ʋa ɠɛ kɛɛzu, kɛlɛ zɔi é tèʋegai, naa yiimai ɠa gè kɛɛzu.»
«Ni nà ɓɔɠɔ nɔ ɠa gè zeele wooi wosu nà ɓɔɠɔ nà-faa zu, nà-zeele wooi la ɠɛni ɠɛa ga gaama.
Tama gaamai ɠa gè bosu wo ma ɠani ga: Fizɔgɛ wo ma ga gè li, tɔɔzei ni gè la liini, Kpɔba Nui la ʋaa wo ʋɔ. Kɛlɛ ni nà liina, nà teʋe wo ma. Siɛgi zu é ʋaazu la, toɠa eteai zu nuɓusɛiti ta-ɠakagi lɛ ga tiye, é ʋilɛ kotoi ʋa, ta telebodai, naa ʋɛɛ GALA ná-tukpɔɠaaleʋe ʋelei ʋa, é ʋilɛ kotoi ʋa, tɔɔzei ti la ɠidaaleʋeni mà,
Kɛlɛ Yesu ɠɛni ti ma: «Nɔ̀un maaʋele laade niima wooi ʋa wo da, kɛlɛ wa ɠa wooi nii wogai wo ʋɛ. Eteai nii ná-tukpɔɠaaleʋe ziɛgi ɠa seeliai, zɔi é zeini eteai nii unda, naa ʋili ya ziɛgi ɠa seeliai. Nà ma, siɛgi zu gè zeɠezu la zooi ma, gè lɛ, nà nuɓusɛiti pɛ mɛɛn ɓɔɠɔ ma.»
Zunui ɠɛni ma: «Gè laa da, Màliɠii.» É nɔkɔni Yesu wu.
Naa ʋoluma Yesu ɠɛni ma: «Nɔ̀un, pàaʋɛ niima eteai zu, nii a kɛ tukpɔi ɠaaleʋe, zɔiti ti ɠaazuɠoleai, naati ti wozaɠa, zɔiti ma ti wozaɠaazu, naati ti ɠɛ ga gaazuɠole nuiti.»
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
Zɔi zɛbɛ la zea kidaaleʋei zu, à yeezei bu, wo mina ɗa ga ná-kisiɛiti ma lukpɔ ɠaaleʋe. Mazɔlɔɔ ta ɠidaaleʋeʋɛ ga toɠa zoo é anii pɛ mi, tama zɔi zɛbɛ la zea kidaaleʋei zu, naa ɠa tufa wuluwulugiti nɔ miizu. Zɔi é anii pɛ miizu, naa mina zɔi ʋɛlɛʋili, nii é la anii pɛ miizu. Zɔi ɓalaagi é la anii pɛ miizu, naa mina zɔi lukpɔɠaaleʋe, nii é anii pɛ miizu, mazɔlɔɔ GALA ge yeezeiɗa bu. Ɓɛ ɠa ga ɗe, ɗɛi è è-waani ta-wotiɠɛ nui lukpɔɠaaleʋezu? É loni kpaan, ɓaa é looni, zɔi é botii ɠɛɛzu bɛ, naa ná-faa ɠana. Kɛlɛ toɠa lo kpaan, mazɔlɔɔ zobogi ɠa Maliɠii ʋɛ, é to kpaan.
Naa ɠa é ba, de ɠilagilagi pɛ ka ʋoluvaawo GALA ma, tɔ ɓɔɠɔi ná-faa zu.
Ade ɓe deɠɛmu ɓɔɠɔ ʋeelala vai ʋa, de ɠilagilagiti. Ade deve tɔun ga de mina ɠɛ ga de-ɠɛɛloun ɠɔɠɔziɠa zaɓu, ɓaa too zaɓu kotoi zu. Da-ɠilibalai zu da Maliɠii Yesu, gè kwɛɛ ga anii tanɔpɛ ge la ɠɔzɔni kpɛtɛ ʋelei ma. Kɛlɛ ni nui ta ɠa ɠisiɛzu ga anii ta ɠɔzɔʋɛ, naa ɠɔzɔʋɛ tɔun bɛ.
Siɛgi zeelia ga tukpɔɠaaleʋei tɔɔzei, GALA ná-nuɓusɛiti ka tɔɔzeizu ti ʋa. Tama ni tukpɔɠaaleʋei lɔɔ ɠa zeizu ade ʋa, zɔiti ti ɠɛlɛzu ga ti mina ɠidaaleʋe GALA ná-Woo Niinɛ Ʋagɔi ma, naati gaaɓelazuʋɛ ɠa ɠɛ ɠale?
Naa ɠa é ba, à mina faa nɔpɛ ma lukpɔ ɠaaleʋe ma yeeluɠɔ, eyɛsu Maliɠii ʋa. Toɠa kpidii zu lɔɔɠuzu vaiti kula kɛlɛma, é nuiti ziimaʋɛ vaiti dɛɛ. Názu ɠa ɛsɛ ka maamusɛi zɔlɔɔ da GALA zea.
Tɔɔzei ʋelei wo zɔiti tukpɔɠaaleʋezu la, zenɔ ɠana GALA ka wo lukpɔɠaaleʋe la. Mazɔlɔɔ kɔɠɔ ganii nii nɔ wo kɔɠɔgi wosu su, GALA ka kɔɠɔgi wo ɓalaa naa zu wo ʋɛ. Lee vaa zu è ɠaazulosu kaʋa goi ʋa è-ɠɛɛloin ɠaazuʋɛ, ɗa ma, è la gulu ɠoozagi ɠaazu, kpadɔai ɗɔnɔi ma? È leʋe ɠale, è ɗa ɠɛ è-ɠɛɛloin ma: ‹Ɓɛ gè kaʋa goi ɠula è-ɠaazuɠɛzɛi ma,› ɗa ma, gulu ɠoozagi ɓadɔni ɗɔnɔ ma ɠaazuɠɛzɛi ma?
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
Naa ɠa é ba, ɠɛ Izilayɛle nuiti ma: ‹Nà ga Ɠɔoɠɔ GALAGI, nà wo viesu, gè wo ɠula boti ɓaagi laawu, niiti Ezipete nuiti ti daazu wo unma. Nà wo unmɔɔsu, wo ɠula duɔlai zu, nii wo su ti ya. Nà wo unmɔɔsu ga nà-zeeɠaaɓaai, naa ɠa ɠɛ ga tukpɔɠaaleʋe wolai ti laalɔɠɔma.
Naama ɓidii, nà ziɛzu Ezipete yooi zu, gè Ezipete yooi zu loun zunu mɔungiti kpein paa, é zo nuiti ma, é li toganiiti pɔ. Nà Ezipete yooi ná-galagiti kpein tukpɔɠaaleʋe. Nà ga Ɠɔoɠɔ GALAGI.
Gbà ga pagɔ, è kùla nà-faaɠaaza golaiti su,
ɲàde, è nà-kotoi zeɠe bà.
Ma wooi ɠa mɛni Siyɔn, ti ɠoozunɛ,
Zuda laaiti kpein ta ɠɛ koozunɛɛi zu,
tɔɔzei ɗa-lukpɔɠaaleʋeiti ba, ee, Ɠɔoɠɔ GALAGI!
Aniiti ti ʋɛlupɛlugai pɛlɛi wu, ti naati koloɠologa,
ga zoovɛi, ta maadalagiti.
Ti abui ʋiliga è-zeizu ɲadegai ʋa,
ti pu ya zooi ma, ti è-zeizuʋɛ ɓɔɠɔi ɠɔzɔ.
Naa ʋoluma, gè woo wolai mɛnini geeɠɔlɔgi zu, eɠɛ bɛbɛ wolai wooi, é ɗa ɠɛ ma:
«Aleluya!
Kizogi, ta lɛbiyai, ta zɛbɛi ta ga ada-ƓALAGI nɔnɔ!
Tɔɔzei ná-tukpɔɠaaleʋeaiti ta ga gaamai, ti zɔlegɛ.
É koloɠolo anzanu wolai ʋeelala,
nii é ɠɛa eteai ɠoloɠolosu ga ná-koloɠologi.
GALA ná-botiɠɛ nuiti é ti ʋaani,
é ti-ma ɲamai ʋotokula ma.»
Ti ɠɛni ma mɔnɔ:
«Aleluya!
Taa wolai ɠala luului ɗa lɛ eyɛsu ɠɔ!»