Juízo

O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.

O juízo de Deus

Deus é juiz justo que prova os corações. Seu juízo é verdadeiro e alcança toda obra, secreta ou pública.

21 'Ari Ḇaḇa dadunu 'o si’ahu moju ngowa’a senge-sengene, re 'O pula’a 'ahu kasingado-ngadolo i’a ra ananga. So’o gena ḏi’i Ngoi, 'Ai Ngowa’a Nau’u, To pula’a 'ahu kasingado-ngadolo i’a ra guna ḇato mete’e 'Ari mau. 22 Sidogo ḏi’i, 'Ari Ḇaḇa masiretene 'O sijuruhakimi 'a guna ua sababu 'Ai kuasa mo-moini Unanga ra sipula’a ra Ngoi, 'Ai Ngowa’a Nau’u, di’a sijuruhakimi manusia. 23 'Ari Ḇaḇa 'a si’a’a so’o gena, la ngowa’a mo-moini 'aḏi silamo’o Ngoi ma tero sa’olo ananga 'aḏi silamo’o Unanga. 'A guna ḇato ga’a silamo’o ua 'Ai Ngowa’a Nau’u, silamo’o ua ḏi’i 'Ai Ḇaḇa ga’a 'utusu ḏua Unanga gena-ge.

24 Ni ngaku mode-mode’e 'Ari demo-demo nena-ne: 'A guna ga’a 'a totoho mode-mode’e 'Ari demo-demo gena-ge re 'o ngaku Unanga ga’a Ro 'utusu Ngoi, unanga gena-ge 'o sanga hukumu ua mada’a 'o sanga 'ahu kasingado-ngadolo i’a. Unanga gena-ge ro malage toma ngowa’a senge-sengene ma ngi’i re ro sanga 'ahu kasingado-ngadolo i’a. 25 Ni ngaku mode-mode’e 'Ari demo-demo nena-ne: Ḏuanga i’a ma 'orasa 'i ngadolo - re nange-ne 'orasa gena-ge 'i ngadolo ḏua - wakutu ngowa’a ga’a ma tero sa’olo ngowa’a senge-sengene, ananga gena-ge 'aḏi 'isene Ma Jou’ongu Madutu 'ai Ngowa’a Nau’u 'ai iḏingi. Re ngowa’a ga’a ya totoho, ananga ḏuanga i’a 'aḏi 'ahu. 26 Ma tero sa’olo 'Ari Ḇaḇa masiretene 'o dadi 'ahu ma cimi, so’o gena ḏi’i, Ngoi, 'Ai Ngowa’a Nau’u masiretene, To dadi 'ahu ma cimi ḏi’i, sababu Unanga ro pula’a 'Ai kuasa ra Ngoi. 27 Re ḏi’i, Unanga ro pula’a ḏua 'Ai kuasa ra Ngoi, 'Ai Ngowa’a Nau’u, di’a sijuruhakimi manusia, sababu Ngoi Manusia Ma Ngowa’a Nau’u.

28 Awa ni heranga ni 'isene so’o gena-ge, sababu ḏuanga i’a ma 'orasa 'i ngadolo wakutu ngowa-ngowa’a raḏi sengene mo-moini ananga 'aḏi 'isene 'Ari iḏingi. 29 Ananga 'aḏi supu toma kubu ma dara ie. Ngowa’a ga’a manga de’oso re ḏegoro ri la-la, ananga 'aḏi dadunu 'ahu moju di’a sanga 'ahu kasingado-ngadolo i’a. Mada’a ngowa’a ga’a manga de’oso re ḏegoro ri cira, ananga 'aḏi dadunu 'ahu moju di’a sanga hukumu kasingado-ngadolo i’a."

Sisakisi mangale Yesus

30 "Ngoi masiretene To 'a’a 'ori i’a mete’e 'Ari mau yoḏu’u. Ngoi pa’i to sijuruhakimi mete’e sa’olo 'Ari Ḇaḇa 'o siajele ra Ngoi. 'Ari putusanga gena-ge 'i 'adili, sababu Ngoi ta mete’e 'Ari mau masiretene ua, mada’a To mete’e 'Ari Ḇaḇa 'Ai mau, Unanga ga’a Ro 'utusu Ngoi.

31 Na’o Ngoi to pula’a sakisi mangale 'Ari diri masiretene, sakisi gena-ge ngowa’a ya ngaku ua.

João 5:21-31

7 Mada’a ni ngaku mode-mode’e 'Ari demo-demo nena-ne: Jobilaha di’a ngini mangale Ngoi to tagi. Sababu na’o Ngoi to tagi ua, Ri-riono gena-ge 'I sapolo ra ngini ua. Mada’a, na’o Ngoi to tagi, Ngoi ḏuanga i’a to 'utusu Ri-riono gena-ge 'I sapolo ra ngini. 8 Wakutu Enanga gena-ge 'I sapolo, Enanga ḏuanga i’a 'I sitarangi toma ngowa-ngowa’a dungia nena-ne mangale: ananga ngowa’a baraḏosa, mada’a Ngoi mode-mode’e ngowa’a loasa re banari, re ḏi’i ananga 'aḏi sijuruhakimi Ngoi 'i banari ua. 9 Enanga 'i sitarangi ra ananga gena-ge mangale ananga ngowa’a baraḏosa, sababu 'aḏi ngaku Ngoi ua.

João 16:7-9

30 Yesus 'o kanau ra ananga, "Iḏingi gena-ge di’a Ngoi ua, mada’a di’a ngini. 31 Nange-ne ma 'orasa 'i ngadolo ḏua di’a sijuruhakimi ngowa’a mo-moini toma dungia nena-ne. Nange-ne Ngoi to dusu’u 'Iblisi ga’a kuasa toma dungia. 32 Mada’a di’a Ngoi masiretene, maha wakutu sikau’u Ngoi toma dungia nena-ne, kara Ngoi to lomu ngowa’a mo-moini ra Ngoi."

João 12:30-32

38 Ngowa’a gena-ge 'o kanau, "Ma Jou, ngoi tini ngaku." Re unanga 'o maḏipolono tala talaḏi ra Yesus re 'o silamo’o re siḏubuso Unanga.

39 Yesus 'o kanau, "Ngoi to sapolo di’a To sijuruhakimi dungia nena-ne, la ngowa’a ga’a 'aḏi hafu nga’unu 'aḏi oḏi’i, re ngowa’a ga’a raḏi oḏi’i 'aḏi dadi hafu!"

João 9:38,39

Prestando contas

Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.

Awa ma’u sijuruhakimi matengo re matengo

1 'Age taninga sigolona, ananga ga’a manga ngo-ngaku 'i te’e nyangu mangale 'ahu ma ngo’omo su-sungi ma duhu sa’olo. Ngini balasu ni dawongo reninga 'akala re sinyingara mereoso ananga gena-ge. Awa ni rubutu ra ananga mangale manga 'atoranga ma lelegu reo ngini. 2 Si’ade-'ade: 'Age mamuni’a ga’a 'aḏi ngaku nyengara 'aḏi oromo 'oru ḇato. Mada’a 'age ḏi’i ngowa’a lelegu ga’a manga ngo-ngaku 'i te’e nyangu, ananga 'aḏi masibasono tala nyengara 'aḏi oromo pa’i uge-uge ḇato. 3 Ngowa’a ga’a nyengara oromo 'oru ḇato, awa ngini ni sipake-pake ua ananga ga’a pa’i 'aḏi oromo uge ḇato. So’o gena ḏi’i, ngowa’a ga’a oromo pa’i uge ḇato, awa ngini ni sisala ananga ga’a 'aḏi oromo 'oru ḇato. Sababu ngowa’a gena-ge Ma Jou’ongu Madutu ro dawongo ananga. 4 Ngini nena-ne 'a guna singadolo nga’unu sijuruhakimi tuanga lelegu 'ai falalomu?! Falalomu gena-ge bae 'o eta’a sababu 'o rapu, bae 'o te’oso sababu 'o banari, gena-ge unanga 'ai tuanga ma 'urusana. Re tantu ḏua falalomu gena-ge ḏuanga i’a 'o te’oso sababu Ma Jou 'o riono side’oso unanga gena-ge.

Romanos 14:1-4

12 Dadi ngene mo-moini matengo re matengo balasu masiajele mode-mode’e mangale ngene nanga de’oso re ḏegoro ra Unanga.

Awa ninga ioronongoḏu ngo-ngaku rimoi 'aḏi eta’a toma ḏosa ma sababu ngini

13 Sababu gena-ge, awa ngene wo sijuruhakimi matengo re matengo. Siḏibo ḏi’i, ngini balasu ni makutale ni 'a’a dola’aku awa, singadolo ninga ioronongoḏu ngo-ngaku rimoi 'aḏi pele’e bolo eta’a toma ḏosa. 14 Sababu ngoi reto marimoi ra Kristus, ngoi to ngaku mode-mode’e mangale ngo-ngoromo 'i cua ga’a 'i wosono Tai momina. Mada’a na’o matengo i’a ga’a 'o ta’ajiri mangale ngo-ngoromo rimoi 'i wosono; tantu ḏua ngo-ngoromo gena-ge 'i wosono di’a unanga.

Romanos 14:12-14

17 Ḏuanga i’a enanga ma 'orasa 'i ngadolo di’a Ma Jou’ongu Madutu 'o sijuruhakimi ngowa’a mo-moini, siḏa-siḏa sijuruhakimi Ma Jou’ongu Madutu 'ai ngowa-ngowa’a. Mada’a na’o Ma Jou’ongu Madutu 'o sijuruhakimi ngini siḏa, tantu ḏua ngowa’a ga’a 'aḏi ngaku ua Habari Roanga da’u ra Ma Jou’ongu Madutu tala, ananga gena-ge ḏuanga i’a sanga sangisara lebe tubuso.

1 Pedro 4:17

5 Sababu gena-ge ma wakutu ngadolo nyangu, awa ngini cautu i’a ni sijuruhakimi matengo i’a unanga rai sala bolo ua, mada’a totoma ḇato singadolo Ma Jou dadunu 'O sapolo moju. Unanga gena-ge ḏuanga i’a 'a welanga rahasia mo-moini ga’a nange-ne 'i go-gogono toma hafu-hafu ma dara moju. Unanga ḏi’i 'a sisupu manusia manga 'ulungu tamanga 'akala ma dara. Toma 'orasa gena-ge ḏi’i, Ma Jou’ongu Madutu ḏuanga i’a 'o sitoro ngowa’a mo-moini 'i mete’e manga munara ra Unanga.

1 Coríntios 4:5

2 Sababu ma tero sa’olo ngini ni sijuruhakimi ngowa’a, so’o gena ḏi’i Ma Jou’ongu Madutu ḏuanga i’a 'o sijuruhakimi ngini. Re ninga du-duga ga’a ngini ni pake di’a situga toma ngowa’a lelegu, du-duga gena-ge ḏi’i Ma Jou’ongu Madutu 'a pake 'a situga ra ngini!

3 I’a sa’olo ngini ni oḏi’i 'o ate ma bingana taninga ioronongoḏu manga la’o, mada’a jaro jule moi taninga la’o, ni siwaro i’a ua. 4 I’a sa’olo ngini ni kanau taninga ioronongoḏu, ‘Ino ngoi ta woi’i 'o ate ma bingana tani la’o,’ mada’a taninga la’o ma dara rema jaro jule moi?

Mateus 7:2-4

Justiça e redenção

O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.

1 Gena ḏua, ngoi to 'isene iḏingi sa’olo ngowa’a repe masala manga nyiwere da’u soroga tala 'aḏi poa’a, ma betongo so’o ne:

"Puji re silamo’o Ma Jou’ongu Madutu,

Unanga gena-ge nanga Jou’ongu Madutu re 'O sisalamata ngene. Unanga gena-ge 'O mulia re 'O kuasa,

2 sababu Unanga 'ai hukumu 'i 'adili re banari.

Unanga 'a singe-ngeta’a 'Ai hukumu toma limau Babel ga’a ma tero sa’olo we-were’a su-sudala,

munanga ga’a mo su-sudala sigasa dungia 'i dadi cira.

Ma Jou’ongu Madutu 'o sihukumu ngowa’a ga’a tegoro toma limau Babel gena-ge, sababu ananga gena-ge 'aḏi sisengene ananga ga’a ta Unanga ma tero sa’olo 'Ai budaka-budaka."